Roma 12
12
Ligbã́ ní Aya yɛ axwɛwawa la mɛ ɛ
1Lɛ loso mɛ benemi ba a, kɔkpɛ Aya yɛ asigaga glegle la ki blɔ onu i, mɛɛki mlɔ litukpo kpaŋu si: Mlakɔ isu aki Aya ŋwisi bidɔpɔʋipɔʋi gi bilɛ ligbã́ kinɛ ɛ. Mlakɔ isu aki yɛ axwɛ na tɔ mleku yɛ aŋu u. Lɛ ya linu Ɔfuɛfuɛ nɔ mɛ kusumu yo ɔtutɔ lɔ gi lilɛ si mlakɔ ɔ. 2Mlakízɛɛbitɛ kidiliɛ gi kelea lia mɛ banima bizɛbitɛ tɔ ɔ, boŋu i, mlaki tɔ Aya okyi mlɔ kimɛ mɛ gani mlɔ begyodi ʋa kukyíkyi petee me. Atɔ mlaatani Aya yɛ kupɛpɛɔ kute, kidiliɛ gi kipɛ ɛ, xe kiku yɛ aŋu u, xe kina ɛ.
3Lɛ kɔkpɛ Aya yɛ lipomepɛpɛ nɛ bidɔkɔkɔ gi aki mɛ onu i, mɛɛsi mlɔ mɛ ɔkakaa si: Mlakímuni isu ya asani kiliɛ gi liziã si lize e. Boŋu i, mlabubɔ isu ya ní mlɔ begyodi ʋa mɛ, tɔ mlaxwa litsi ni isu ya ní kuziŋa liɔ gi Aya aki mlɔ onu u. 4Lɛ kiliɛ gi ɔnɔ kakaa yɛ kisugyaɛ kiilɛ ní kupɛ glegle me e, xe kapɛ kakaa ka lixwɛ nɛ liga lidze e; 5Niteme ke gi kunu banɔ lidze lidze e, xe kwisrɛ kyɛ ɛ, kunu kisugya tile ní likpɔkpɛkpɛ mɛ ni Kristo, lɛ blɔ petee kwikpɛ likpɔ ni blɔ ahanuglɔ ba a, ŋwisi kiliɛ gi kisugyaɛ kupɛɔ kwikpɛ likpɔ kinɛ ɛ. 6Lɛ loso lilɛ si kuwa blɔ bidɔkɔkɔ ede ede na su axwɛ ní lipomepɛpɛ nɛ gi Aya aki blɔ ɛ onu. Xegi blɔ bidɔkɔkɔ ʋɛ binu si kupani Aya liboe le e, lilɛ si kupani lɛ plɛ ní kuziŋaa liɔ gi kulɛ ní blɔ awla onu u. 7Xegi linu si kusumu i, lilɛ si kusumu; xegi blɔ bidɔkɔkɔ ʋɛ binu kudɔbasɛ ɛ, lilɛ si kubasɛ bidɔ; 8Xegi blɔ bidɔkɔkɔ ʋɛ binu si kukpɛ banɔ kigagla ɛ, lilɛ si kukpɛ ba kigagla. Ɔniliɛ gi izɛɛlɛ bidɔ ni banima ɛ, ɔbitɛ lɛ ni ɔna faã; ɔniliɛ gi odi ní banɔ onu i, lilɛ si ɔwa yɛ axwɛ na gaglaa, ɔniliɛ gi izeedi banɔ asigaga ɛ, ɔbitɛ lɛ ni aŋu mɛ dradra.
9Mlaki tɔ mlɔ kunɔlɔɔ kudɔ ní ɔna mɛ. Mlekyri eboe zimizi, tɔ mlevu kidiliɛ gi kipɛ ɛ. 10Mlalɔ mlɔ ahanuglɔ ba ŋwisi baʋaziŋa kinɛ ɛ, tɔ lifa mlɔ mɛ tɔ mlakpɛ kubùbù ní mlɔ ahanuglɔ ba su. 11Mlawa axwɛ na gaglaa tɔ mlakíkpɛ asrã. Mlesumu Ɔkaɛ ni kusukɔkyɛ. 12Mlaki mlɔ kudeonudidi yo kukpɛ mlɔ isami, mlaplɛ litɔ kese ní mlɔ baxixa ʋa mɛ, ani tɔ mlaxwa Aya lipoe kakaa. 13Mlalɛ mlɔ bidɔ mɛ ni mlɔ ahanuglɔ baʋaziŋa ba gi kididɔ kima ní ba awla ɛ, tɔ mladra mlɔ kupeo aki badɔbadɔba ba. 14Mlakrira banama gi baʋípɛ mlɔ ligbã ɛ, mlakrira ba mlakíxo ifi akpɛ ba a. 15Mlamɔ isami ni banama gi bɛɛmɔ isami nɛ ɛ, mlebemi ni banama gi beebemi i. 16Mlakɔ litɔ lɛ mɛ aki ɔnɔ kakaa tɔ mlɔ begyodi ʋa beze tule. Mlakífeke isu u, boŋu i, mlawa lixwɛ kakaa elu. Mlakíbù isu ya si mlete liboe e.
17Xe ɔnutɔ ata wɔ ese e, wukídzini liboe zimizi itsa ɛki yɛ ɛ. Kenidi tɔ bitɛ kidiliɛ gi ɔnɔ kakaa ebu si kipɛ ɛ. 18Bitɛ kidɔ kakaa gi wɔatanɔ ɛ ní wɔ kapɛa mɛ tɔ ze ní kusuyɔ mɛ ni ɔnɔ kakaa. 19Mɛ ɔʋia yɛ, wukídzini liboe zimizi itsa ɛki ɔnɔnɔ, boŋu i, ki tɔ Aya yɛ kusuyeʋio kubitɛ lɛ ɛ. Lɛ ese linu si nite bɛŋwlimi kpɛ ní Aya yɛ liboe le me si, “Maabu kibu ye, Madzini le kutsa”, nite Ɔka Aya apani. 20Boŋu kiliɛ gi Aya liboe le lipani si i;
“Xe kuʋɛ kwiiku wɔ ahwafianɛ ma ɛ,
ki ba kiŋaŋa a;
xe olile eeku ba ɛ, ki ba kuni tɔ baŋwɛ;
gani lɛ mɛ ɛ, wɔakpɛ ba kuye.”
21Mlakíki si kuzimizi kuŋa mlɔ aʋa a; boŋu i, mlaŋa kuzimizi aʋa ni eboe gbã.
Currently Selected:
Roma 12: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 12
12
Ligbã́ ní Aya yɛ axwɛwawa la mɛ ɛ
1Lɛ loso mɛ benemi ba a, kɔkpɛ Aya yɛ asigaga glegle la ki blɔ onu i, mɛɛki mlɔ litukpo kpaŋu si: Mlakɔ isu aki Aya ŋwisi bidɔpɔʋipɔʋi gi bilɛ ligbã́ kinɛ ɛ. Mlakɔ isu aki yɛ axwɛ na tɔ mleku yɛ aŋu u. Lɛ ya linu Ɔfuɛfuɛ nɔ mɛ kusumu yo ɔtutɔ lɔ gi lilɛ si mlakɔ ɔ. 2Mlakízɛɛbitɛ kidiliɛ gi kelea lia mɛ banima bizɛbitɛ tɔ ɔ, boŋu i, mlaki tɔ Aya okyi mlɔ kimɛ mɛ gani mlɔ begyodi ʋa kukyíkyi petee me. Atɔ mlaatani Aya yɛ kupɛpɛɔ kute, kidiliɛ gi kipɛ ɛ, xe kiku yɛ aŋu u, xe kina ɛ.
3Lɛ kɔkpɛ Aya yɛ lipomepɛpɛ nɛ bidɔkɔkɔ gi aki mɛ onu i, mɛɛsi mlɔ mɛ ɔkakaa si: Mlakímuni isu ya asani kiliɛ gi liziã si lize e. Boŋu i, mlabubɔ isu ya ní mlɔ begyodi ʋa mɛ, tɔ mlaxwa litsi ni isu ya ní kuziŋa liɔ gi Aya aki mlɔ onu u. 4Lɛ kiliɛ gi ɔnɔ kakaa yɛ kisugyaɛ kiilɛ ní kupɛ glegle me e, xe kapɛ kakaa ka lixwɛ nɛ liga lidze e; 5Niteme ke gi kunu banɔ lidze lidze e, xe kwisrɛ kyɛ ɛ, kunu kisugya tile ní likpɔkpɛkpɛ mɛ ni Kristo, lɛ blɔ petee kwikpɛ likpɔ ni blɔ ahanuglɔ ba a, ŋwisi kiliɛ gi kisugyaɛ kupɛɔ kwikpɛ likpɔ kinɛ ɛ. 6Lɛ loso lilɛ si kuwa blɔ bidɔkɔkɔ ede ede na su axwɛ ní lipomepɛpɛ nɛ gi Aya aki blɔ ɛ onu. Xegi blɔ bidɔkɔkɔ ʋɛ binu si kupani Aya liboe le e, lilɛ si kupani lɛ plɛ ní kuziŋaa liɔ gi kulɛ ní blɔ awla onu u. 7Xegi linu si kusumu i, lilɛ si kusumu; xegi blɔ bidɔkɔkɔ ʋɛ binu kudɔbasɛ ɛ, lilɛ si kubasɛ bidɔ; 8Xegi blɔ bidɔkɔkɔ ʋɛ binu si kukpɛ banɔ kigagla ɛ, lilɛ si kukpɛ ba kigagla. Ɔniliɛ gi izɛɛlɛ bidɔ ni banima ɛ, ɔbitɛ lɛ ni ɔna faã; ɔniliɛ gi odi ní banɔ onu i, lilɛ si ɔwa yɛ axwɛ na gaglaa, ɔniliɛ gi izeedi banɔ asigaga ɛ, ɔbitɛ lɛ ni aŋu mɛ dradra.
9Mlaki tɔ mlɔ kunɔlɔɔ kudɔ ní ɔna mɛ. Mlekyri eboe zimizi, tɔ mlevu kidiliɛ gi kipɛ ɛ. 10Mlalɔ mlɔ ahanuglɔ ba ŋwisi baʋaziŋa kinɛ ɛ, tɔ lifa mlɔ mɛ tɔ mlakpɛ kubùbù ní mlɔ ahanuglɔ ba su. 11Mlawa axwɛ na gaglaa tɔ mlakíkpɛ asrã. Mlesumu Ɔkaɛ ni kusukɔkyɛ. 12Mlaki mlɔ kudeonudidi yo kukpɛ mlɔ isami, mlaplɛ litɔ kese ní mlɔ baxixa ʋa mɛ, ani tɔ mlaxwa Aya lipoe kakaa. 13Mlalɛ mlɔ bidɔ mɛ ni mlɔ ahanuglɔ baʋaziŋa ba gi kididɔ kima ní ba awla ɛ, tɔ mladra mlɔ kupeo aki badɔbadɔba ba. 14Mlakrira banama gi baʋípɛ mlɔ ligbã ɛ, mlakrira ba mlakíxo ifi akpɛ ba a. 15Mlamɔ isami ni banama gi bɛɛmɔ isami nɛ ɛ, mlebemi ni banama gi beebemi i. 16Mlakɔ litɔ lɛ mɛ aki ɔnɔ kakaa tɔ mlɔ begyodi ʋa beze tule. Mlakífeke isu u, boŋu i, mlawa lixwɛ kakaa elu. Mlakíbù isu ya si mlete liboe e.
17Xe ɔnutɔ ata wɔ ese e, wukídzini liboe zimizi itsa ɛki yɛ ɛ. Kenidi tɔ bitɛ kidiliɛ gi ɔnɔ kakaa ebu si kipɛ ɛ. 18Bitɛ kidɔ kakaa gi wɔatanɔ ɛ ní wɔ kapɛa mɛ tɔ ze ní kusuyɔ mɛ ni ɔnɔ kakaa. 19Mɛ ɔʋia yɛ, wukídzini liboe zimizi itsa ɛki ɔnɔnɔ, boŋu i, ki tɔ Aya yɛ kusuyeʋio kubitɛ lɛ ɛ. Lɛ ese linu si nite bɛŋwlimi kpɛ ní Aya yɛ liboe le me si, “Maabu kibu ye, Madzini le kutsa”, nite Ɔka Aya apani. 20Boŋu kiliɛ gi Aya liboe le lipani si i;
“Xe kuʋɛ kwiiku wɔ ahwafianɛ ma ɛ,
ki ba kiŋaŋa a;
xe olile eeku ba ɛ, ki ba kuni tɔ baŋwɛ;
gani lɛ mɛ ɛ, wɔakpɛ ba kuye.”
21Mlakíki si kuzimizi kuŋa mlɔ aʋa a; boŋu i, mlaŋa kuzimizi aʋa ni eboe gbã.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc