Roma 10
10
1Mɛ benemi ba, megyo le edi ni mɛ ɔna petee e, si mɛ ɔtutɔ mɛ banima gi benu Yudanɛ ma ɛ, biamɔ kubúbú! Kiliɛ gi nya mizɛɛxwa Aya ní ba litukpo e! 2Maatani likla kutrɔ lɛ aʋa ki mlɔ si ba kimbi kizã si beze ni Aya kude e, pɔ̀ kiliɛ gi bizesumu Aya ɛ bíma ní kuboete gbã aʋa a. 3Gi béte kudeo liɔ klɔ mɛ gi Aya izɛɛki si banima bede ʋa biagyɔ ɔ, boŋu i, bekeni edi si biapɛ́ batutɔ ba kude e; lɛ loso bépleni isu ikpɛ ní Aya ese si ɔbasɛ ba yɛ kudeo liɔ klɔ gi kɔ kwiaki si ba bede ʋa biagyɔ ɔ. 4Lɛ ese linu si Kristo aki si Ɔsã nɔ odu, tɔ ɔnɔ kakaa gi azɛ ŋa ɛ, biaki si yɛ bede ʋa biagyɔ ni Aya.
Kubúbú yo kulɛ ki ɔnɔ kakaa
5Mose aŋwlimi kiliɛ gi ɔnɔ bede ʋa biagyɔ ɔ, xegi aga ní ɔsã nɔ aʋa ɛ, gi aŋwlimi si ɔnɔ kakaa gi aabitɛ ní ɔsã nɔ aʋa ɛ, aaze ligbã́. 6Pɔ̀ liboe lɛ gi Aya yɛ liboe le lipani ní kiliɛ gi wɔaga a, xe wɔ bede ʋa biagyɔ ɔ, gani kuziŋa mɛ ɛ, lɛ linu si, “Líma si ʋi isu ya si, Nyaŋwɛ aamutrɛ ní lifunu ne e? Lɛ ese linu si nyaŋwɛ aamutrɛ ní lifunu ne e, xe iipleni Kristo ɛmani kesea?” 7“Aloo tɔ oʋi si, ‘Nyaŋwɛ aaple ku ní bekpo ʋa mɛ ɛ?’ “gi lɛ linu si tɔ iimuni Kristo edɔni bekpo ʋa mɛ ɛ. 8Aya liboe le lipani si; “Aya yɛ ole lo eti ipɔni wɔ, ɔlɛ ní wɔ onu ani ní wɔ ɔna nɔ mɛ,” lɛ linu kuziŋaa liboe lɛ gi lɛ kwiipani i. 9Xegi wɔdra lɛ mɛ si “Yesu yɛ onu Ɔkaɛ ɛ,” xe wɔzi lɛ aʋa ŋa si, Aya ayɔni yɛ adɔ ni bekpo ʋa mɛ ɛ, Aya aabu wo, 10lɛ ese linu si gani blɔ kuziŋaa mɛ blɔ bede ʋa bɛgyɔ ní Aya aŋu mɛ; lɛ gani blɔ liboe le me kudradra mɛ ni blɔ inugu le e, kwiamɔ kubúbú yo. 11Liboe le lipani si, “Ɔniliɛ gi azɛ yɛ aʋa ŋa ɛ, ɔ́tramɔ aŋu mɛ tsetse.”
12Ɔnɔ kakaa ɔlɛ ní lɛ mɛ, lɛ ese linu si lidzegaga ɛtɔtɔ líma ní Yudanɛ loo banama gi bénu Yudanɛ kusi i; Aya yɛ onu Ɔka tole liɛ klɔ ki ɔnɔ kakaa, lɛ izɛki banama gi bizɛɛxwa yɛ ɛ, yɛ bidɔ gbã mɛ ní kisrɛsrɛ mɛ. 13Kiliɛ gi Aya yɛ liboe le lipani si, “Ɔnɔ kakaa gi aaxwa Ɔkaɛ yɛ linyi ne ki kupɔnɔ ɛ, aamɔ kubúbú.”
14Pɔ̀ kitɛ ɛ biaxwa yɛ xe bázɛ yɛ aʋa ŋa ɛ? Lɛ kitɛ biatani yɛ aʋa kuziŋa xe bénu liboe le e? Lɛ kitɛ bianu liboe le xe ɔnɔnɔ ɔ́pani ní liboe le su i si ba ɛ? 15Lɛ kitɛ biapani liboe le xe bákpɛ baxwɛdzɛ ba ɛ? ŋwisi kiliɛ gi Aya yɛ liboe le lipani i si, “Baxwɛdzɛa ba gi bɛmani liboe gbã nɛ ɛ, ba kuklikpɔ kwizã lo!” 16Pɔ̀ aní Israɛlanɛ ma pɔ́ bɛzi Liboe Gbã nɛ ɛ. Yesaya ɔtutɔ apani si, “Ɔkaɛ nyaŋwɛ azɛ blɔ liboe le aʋa aŋa ɛ?” 17Lɛ loso kuziŋaa kwiba gani liboe le kununu yo me e, lɛ liboe le kununu yo kwiba gani Kristo onu kubúbú yo me.
18Pɔ̀ miʋii lo o; kɔ linya ɛli lɛ mɛ si bénu liboe le na a? Ee benu le, kiliɛ gi liboe le lipani si,
“Ba ile le iidzi kelea mɛ petee;
ba eboe la ɛɛna kesea odu klɔ.”
19Miʋi dzɛ: Kɔ Israel bebi ba ɛ, kɔ kinu bénu liboe le ese na a? Mose ɔtutɔ eze ɔnɔ tɔpu yɛ gi ebu le onu si,
“Maawà limade nɛ gi línu Yudanɛ su axwɛ ɛ, tɔ mikɔ ɛkpɛ mɛ banima kaŋuzã; lɛ kɔgani limade gi linu kunukpaʋi aʋa ɛ,
Maakpɛ mɛ banima kusuyeʋi.”
20Lɛ ɔna eze Yesaya lipo koŋ gi apani si i, “Banama gi baʋípɛ mɛ ɛ, ba bɛmɔ mɛ: Mebu isu abasɛ banama gi béʋi mɛ litukpo e.” 21Pɔ̀ ní Israel su i, Aya apani si, “Liwe zizi nɛ petee mene mɛ iwla lɛ mɛ si míkpɛ limade gi linu batumonu ba ni banɔ gi bizɛyɔ kedu ní mɛ su i, wolaa.”
Currently Selected:
Roma 10: avn
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
Roma 10
10
1Mɛ benemi ba, megyo le edi ni mɛ ɔna petee e, si mɛ ɔtutɔ mɛ banima gi benu Yudanɛ ma ɛ, biamɔ kubúbú! Kiliɛ gi nya mizɛɛxwa Aya ní ba litukpo e! 2Maatani likla kutrɔ lɛ aʋa ki mlɔ si ba kimbi kizã si beze ni Aya kude e, pɔ̀ kiliɛ gi bizesumu Aya ɛ bíma ní kuboete gbã aʋa a. 3Gi béte kudeo liɔ klɔ mɛ gi Aya izɛɛki si banima bede ʋa biagyɔ ɔ, boŋu i, bekeni edi si biapɛ́ batutɔ ba kude e; lɛ loso bépleni isu ikpɛ ní Aya ese si ɔbasɛ ba yɛ kudeo liɔ klɔ gi kɔ kwiaki si ba bede ʋa biagyɔ ɔ. 4Lɛ ese linu si Kristo aki si Ɔsã nɔ odu, tɔ ɔnɔ kakaa gi azɛ ŋa ɛ, biaki si yɛ bede ʋa biagyɔ ni Aya.
Kubúbú yo kulɛ ki ɔnɔ kakaa
5Mose aŋwlimi kiliɛ gi ɔnɔ bede ʋa biagyɔ ɔ, xegi aga ní ɔsã nɔ aʋa ɛ, gi aŋwlimi si ɔnɔ kakaa gi aabitɛ ní ɔsã nɔ aʋa ɛ, aaze ligbã́. 6Pɔ̀ liboe lɛ gi Aya yɛ liboe le lipani ní kiliɛ gi wɔaga a, xe wɔ bede ʋa biagyɔ ɔ, gani kuziŋa mɛ ɛ, lɛ linu si, “Líma si ʋi isu ya si, Nyaŋwɛ aamutrɛ ní lifunu ne e? Lɛ ese linu si nyaŋwɛ aamutrɛ ní lifunu ne e, xe iipleni Kristo ɛmani kesea?” 7“Aloo tɔ oʋi si, ‘Nyaŋwɛ aaple ku ní bekpo ʋa mɛ ɛ?’ “gi lɛ linu si tɔ iimuni Kristo edɔni bekpo ʋa mɛ ɛ. 8Aya liboe le lipani si; “Aya yɛ ole lo eti ipɔni wɔ, ɔlɛ ní wɔ onu ani ní wɔ ɔna nɔ mɛ,” lɛ linu kuziŋaa liboe lɛ gi lɛ kwiipani i. 9Xegi wɔdra lɛ mɛ si “Yesu yɛ onu Ɔkaɛ ɛ,” xe wɔzi lɛ aʋa ŋa si, Aya ayɔni yɛ adɔ ni bekpo ʋa mɛ ɛ, Aya aabu wo, 10lɛ ese linu si gani blɔ kuziŋaa mɛ blɔ bede ʋa bɛgyɔ ní Aya aŋu mɛ; lɛ gani blɔ liboe le me kudradra mɛ ni blɔ inugu le e, kwiamɔ kubúbú yo. 11Liboe le lipani si, “Ɔniliɛ gi azɛ yɛ aʋa ŋa ɛ, ɔ́tramɔ aŋu mɛ tsetse.”
12Ɔnɔ kakaa ɔlɛ ní lɛ mɛ, lɛ ese linu si lidzegaga ɛtɔtɔ líma ní Yudanɛ loo banama gi bénu Yudanɛ kusi i; Aya yɛ onu Ɔka tole liɛ klɔ ki ɔnɔ kakaa, lɛ izɛki banama gi bizɛɛxwa yɛ ɛ, yɛ bidɔ gbã mɛ ní kisrɛsrɛ mɛ. 13Kiliɛ gi Aya yɛ liboe le lipani si, “Ɔnɔ kakaa gi aaxwa Ɔkaɛ yɛ linyi ne ki kupɔnɔ ɛ, aamɔ kubúbú.”
14Pɔ̀ kitɛ ɛ biaxwa yɛ xe bázɛ yɛ aʋa ŋa ɛ? Lɛ kitɛ biatani yɛ aʋa kuziŋa xe bénu liboe le e? Lɛ kitɛ bianu liboe le xe ɔnɔnɔ ɔ́pani ní liboe le su i si ba ɛ? 15Lɛ kitɛ biapani liboe le xe bákpɛ baxwɛdzɛ ba ɛ? ŋwisi kiliɛ gi Aya yɛ liboe le lipani i si, “Baxwɛdzɛa ba gi bɛmani liboe gbã nɛ ɛ, ba kuklikpɔ kwizã lo!” 16Pɔ̀ aní Israɛlanɛ ma pɔ́ bɛzi Liboe Gbã nɛ ɛ. Yesaya ɔtutɔ apani si, “Ɔkaɛ nyaŋwɛ azɛ blɔ liboe le aʋa aŋa ɛ?” 17Lɛ loso kuziŋaa kwiba gani liboe le kununu yo me e, lɛ liboe le kununu yo kwiba gani Kristo onu kubúbú yo me.
18Pɔ̀ miʋii lo o; kɔ linya ɛli lɛ mɛ si bénu liboe le na a? Ee benu le, kiliɛ gi liboe le lipani si,
“Ba ile le iidzi kelea mɛ petee;
ba eboe la ɛɛna kesea odu klɔ.”
19Miʋi dzɛ: Kɔ Israel bebi ba ɛ, kɔ kinu bénu liboe le ese na a? Mose ɔtutɔ eze ɔnɔ tɔpu yɛ gi ebu le onu si,
“Maawà limade nɛ gi línu Yudanɛ su axwɛ ɛ, tɔ mikɔ ɛkpɛ mɛ banima kaŋuzã; lɛ kɔgani limade gi linu kunukpaʋi aʋa ɛ,
Maakpɛ mɛ banima kusuyeʋi.”
20Lɛ ɔna eze Yesaya lipo koŋ gi apani si i, “Banama gi baʋípɛ mɛ ɛ, ba bɛmɔ mɛ: Mebu isu abasɛ banama gi béʋi mɛ litukpo e.” 21Pɔ̀ ní Israel su i, Aya apani si, “Liwe zizi nɛ petee mene mɛ iwla lɛ mɛ si míkpɛ limade gi linu batumonu ba ni banɔ gi bizɛyɔ kedu ní mɛ su i, wolaa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc