2 Petro 2
2
Kugbagba ní Asia na badɔbasɛ ba su
1Pɔ̀ asia na beboedoplɛ ba kyɛ beze ní banima kusi ŋwisi kiliɛ gi asia na badɔbasɛ ba bɛtráze ní mlɔ kusi kinɛ ɛ. Bɛtrábasɛ bidɔ gi binu asia ní Aya su ní kikpokpo me gi biamani kulɛlɛ ɛ, gi kwiazizi bidɔ ní mlɔ kusi i, lɛ bianada Ɔkaɛ gi yɛ edzi aba a, xe ebú ba ɛ, gani lɛ ya mɛ ɛ, biamani kuzizizizi ni ba isu ya aʋa kyikya. 2Banɔ glegle biazeni ba eyekuboe la kude lɛ kɔkpɛ ba kiboebitɛɛ loso e, banima biakpɛ anukwarɛɛ kudeo kakpaa. 3Kɔkpɛ ba kuŋazi yo loso e, asia na badɔbasɛ ba ya, gani ba kudzidziɔ mɛ ɛ, biamɔ libi dɔni mlɔ iwla mɛ. Pɔ̀ ba lipɔbubu le lifini ní ba su, lɛ ɔniliɛ gi atrázizi ba ɛ, ɔlɛ ni aŋu.
4Aya ɔ́kɔ yɛ baxwɛdzɛa ba gi bɛta kese e, ba eboe zimizi na ɛkyɛ ba a, pɔ̀ aŋwia ba akpɛ ní kifumoni ye me e, niklɔ gi bɛbla ba ní litumu ne me e, kɔna ni liwe lɛ gi biaxwa litsi ni ba ɛ. 5Aya ódi kele kokoa asigaga a, pɔ̀ aki si kuni yo kwiyi xe kwikyrɔ banɔ zimizi ba a; pɔ̀ ebu Noa ɔnɔ gi yɛ asɔli kude gyɔgyɔɔ kɔpɔni banɔ tiegloele atɔ. 6Aya ebu Sodom ni Gomora ima nɛ lipɔ lɛ akani lɛ ni kifu yɛ gi kusuʋɔtɔ ko kwigɔ ɔ, gi linu liŋwitsɛ ki kidiliɛ gi kitrába banama gi baʋíse Aya aʋa ɛ. 7Aya ebu Lot, ɔnɔ gi yɛ bede ʋa bɛgyɔ ɔ, gi eze ní ɔna tata mɛ kɔkpɛ anyaniboa la gi banɔ zimizi i, ba klɔ kusi gi ɔlɛ ɛ, gi baʋíbitɛ ní ɔsã ɔtɔtɔ aʋa, bɛzɛɛbitɛ ɛ. 8Lot eze onyime gi yɛ bede ʋa bɛgyɔ ɔ, xe eze ní ba kusi i, lɛ liwe kakaa ɛ, yɛ esobo la eezenu kuyeʋiyeʋi glegle gi azaamɔ ɔ, xe azeenu ba eboe la ni ba ɔsã nɔ aʋa kumɔbitɛmɔbitɛ ɛ. 9Lɛ xegi nite lilɛ ɛ, kɔlɔ Aya ete kiliɛ gi aabu banɔ gbã ba ní ba baxixa ʋa mɛ ɛ, lɛ ete kiliɛ gi aavu banɔ zimizi ba zɛkɔna ni litsixwawe le e, gi balɛ ní kutuhehe ese kyɛ ɛ. 10Liboe lɛ ya lilɛ ní lɛ mɛ ɛki banama gi balɛ ni batutɔ ba kisugyaɛ mɛ bapɛ́pɛ ʋa kude e, xe bébu Aya yɛ gigagla ɛ.
Asia na badɔbasɛ ba ya ɛ, ɔna ɔlɛ ní ba lipo gi bizefeke isu kyɛ ɛ, lɛ bése lifu si biasɛ asia gi biazizi banama gi balɛ ní lifunu ne su u. 11Aya yɛ baxwɛdzɛ ba gi kigagla kilɛ ní ba su u, xe ozekɔ ɔlɛ ní ba awla kyɛ ɛ, baʋítsã banɔ ba ya elu onu ni kukpini ní Ɔkaɛ yɛ aŋu mɛ ɛ. 12Pɔ̀ banɔ ba ya ʋa ɛ, bizɛɛpani ebusioboe ní eboa la ese gi bénu me e. Asia na badɔbasɛ ba ya bizɛbitɛ eboe la ko ŋwisi liŋwafu mɛ baga gi baʋíbù eboe la su u, xe bizɛɛbitɛ la a, gi bɛpɔ ɔ, xe bɛtrávu iiki kuyeye kinɛ ɛ. Lɛ ŋwisi liŋwafu mɛ baga kinɛ ɛ, ba kyɛ bɛtrákyrɔ.
13Bɛtrátsa liʋɛ ɛki ba ní ekyibi ala la gi bɛki ɛba banima aʋa ɛ loso. Ba isami nɛ inu si beze ní ɔha kusi tɔ bazɛŋa kuŋazi yo, tɔ bazɛɛhali kuda aŋwɛ, ani tɔ bazɛkpɛ ozi lo kemize gbagbã. Benu kuye ni kakpakpɛkpɛ ní mlɔ kusi, xegi mlɛki si bɛɛŋa bidɔ ni mlɔ ɛ, kɔkpɛ gi lipoe kakaa ɛ, bɛɛmɔ isami ni ba kunɔmeno kɔ edeke la ɛ! 14Kihasiwawaɛ kiŋa ba aʋa niteme si bátramɔni eboe zimizi na kubitɛ ɛ. Bizɛɛkpɛ banama gi baʋívu isu ya ní enyimeboe la mɛ ɛ, ní kuxixa mɛ. Benu banɔ gi bɛganɔ ní kuŋazi me e, lɛ balɛ ní Aya yɛ ifixoxo le ese e! 15Bɛyurɔ kude gyɔgyɔɔ lɛ bekuni Baalam gi onu Beo yebinyime kude e, gi yɛ adimɛ ni kibɔɛ liɛ klɔ gi aamɔ gani eboe zimizi na mɛ ɛ. 16Tedzi ye gi onu ɔga gi óʋigu kunugu i, yɛ atɛni oboedoplɛɛ ni ɔnɔ gbagbe yɛ ole lo, xe edzini yɛ ewleboe la amɔni i.
17Benyime ba ya ba balɛ ko ŋwisi enitɔ gi kuni kúma ní la mɛ ɛ, ŋwisi aplɛ gi liwɔ ʋidi ne lifu i. Aya abla ozekɔ aki ba ní litumu tritri le me. 18Bizɛɛpani asudɔboe ni eboe gi aʋíbu libi i, lɛ bizɛkɔ ɔnɔ gbagbe yɛ kisugyaɛ mɛ kusuŋwasi zimizio ɛpɔnɔ tɔ bɛɛkɔ ɛpunu banama gi able ko beedo ní banama gi balɛ ligba zimizi ne kusi i. 19Bizɛɛka ɔwlamɔmɔ ɛplɛ ki ba ní lipoe lɛ gi ba tutɔ pɔ̀ benu banɔdzidzi ki ligbãzeze zimizi i, gi liazizi ba ɛ. Lɛ ese linu si ɔnɔ onu ɔnɔdzidzi ki kidɔ kakaa gi kiŋa yɛ aʋa ɛ. 20Lɛ xe banima bese ní kelea eboe zimizi na onu gani blɔ Ɔkaɛ ni ɔnɔbu ye Yesu Kristo kutete me e, xe bedzini ba kunya ɛkpɛ ní eboe zimizi na mɛ dzɛ ɛ, xe ɛɛŋa ba aʋa ɛ, banɔ ba klɔ ba ba kizezee me kizɛnyani sani kiliɛ gi kiize tsã ɛ, xe ableke bedzi baʋaziŋa ɛ. 21Liapɛ ki ba sanɔ xegi béte kude gyɔgyɔɔ sani si betè ko o, pɔ̀ tɔ bekyi kede akpɛ kutrɔtrɔ dradra liɔ klɔ gi bɛki ba ɛ. 22Kidiliɛ gi kɛ kiba ba aʋa ɛ, kibasɛ si abee ʋa gi bizebu si “Kadroʋia kize edzini zemini ka sihlàhlà sɛ,” ni “ɔha gi bewlo no e, izedzi zewlo lɔ livɔ lɛ ɛ,” bali ní lɛ mɛ.
Currently Selected:
2 Petro 2: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
2 Petro 2
2
Kugbagba ní Asia na badɔbasɛ ba su
1Pɔ̀ asia na beboedoplɛ ba kyɛ beze ní banima kusi ŋwisi kiliɛ gi asia na badɔbasɛ ba bɛtráze ní mlɔ kusi kinɛ ɛ. Bɛtrábasɛ bidɔ gi binu asia ní Aya su ní kikpokpo me gi biamani kulɛlɛ ɛ, gi kwiazizi bidɔ ní mlɔ kusi i, lɛ bianada Ɔkaɛ gi yɛ edzi aba a, xe ebú ba ɛ, gani lɛ ya mɛ ɛ, biamani kuzizizizi ni ba isu ya aʋa kyikya. 2Banɔ glegle biazeni ba eyekuboe la kude lɛ kɔkpɛ ba kiboebitɛɛ loso e, banima biakpɛ anukwarɛɛ kudeo kakpaa. 3Kɔkpɛ ba kuŋazi yo loso e, asia na badɔbasɛ ba ya, gani ba kudzidziɔ mɛ ɛ, biamɔ libi dɔni mlɔ iwla mɛ. Pɔ̀ ba lipɔbubu le lifini ní ba su, lɛ ɔniliɛ gi atrázizi ba ɛ, ɔlɛ ni aŋu.
4Aya ɔ́kɔ yɛ baxwɛdzɛa ba gi bɛta kese e, ba eboe zimizi na ɛkyɛ ba a, pɔ̀ aŋwia ba akpɛ ní kifumoni ye me e, niklɔ gi bɛbla ba ní litumu ne me e, kɔna ni liwe lɛ gi biaxwa litsi ni ba ɛ. 5Aya ódi kele kokoa asigaga a, pɔ̀ aki si kuni yo kwiyi xe kwikyrɔ banɔ zimizi ba a; pɔ̀ ebu Noa ɔnɔ gi yɛ asɔli kude gyɔgyɔɔ kɔpɔni banɔ tiegloele atɔ. 6Aya ebu Sodom ni Gomora ima nɛ lipɔ lɛ akani lɛ ni kifu yɛ gi kusuʋɔtɔ ko kwigɔ ɔ, gi linu liŋwitsɛ ki kidiliɛ gi kitrába banama gi baʋíse Aya aʋa ɛ. 7Aya ebu Lot, ɔnɔ gi yɛ bede ʋa bɛgyɔ ɔ, gi eze ní ɔna tata mɛ kɔkpɛ anyaniboa la gi banɔ zimizi i, ba klɔ kusi gi ɔlɛ ɛ, gi baʋíbitɛ ní ɔsã ɔtɔtɔ aʋa, bɛzɛɛbitɛ ɛ. 8Lot eze onyime gi yɛ bede ʋa bɛgyɔ ɔ, xe eze ní ba kusi i, lɛ liwe kakaa ɛ, yɛ esobo la eezenu kuyeʋiyeʋi glegle gi azaamɔ ɔ, xe azeenu ba eboe la ni ba ɔsã nɔ aʋa kumɔbitɛmɔbitɛ ɛ. 9Lɛ xegi nite lilɛ ɛ, kɔlɔ Aya ete kiliɛ gi aabu banɔ gbã ba ní ba baxixa ʋa mɛ ɛ, lɛ ete kiliɛ gi aavu banɔ zimizi ba zɛkɔna ni litsixwawe le e, gi balɛ ní kutuhehe ese kyɛ ɛ. 10Liboe lɛ ya lilɛ ní lɛ mɛ ɛki banama gi balɛ ni batutɔ ba kisugyaɛ mɛ bapɛ́pɛ ʋa kude e, xe bébu Aya yɛ gigagla ɛ.
Asia na badɔbasɛ ba ya ɛ, ɔna ɔlɛ ní ba lipo gi bizefeke isu kyɛ ɛ, lɛ bése lifu si biasɛ asia gi biazizi banama gi balɛ ní lifunu ne su u. 11Aya yɛ baxwɛdzɛ ba gi kigagla kilɛ ní ba su u, xe ozekɔ ɔlɛ ní ba awla kyɛ ɛ, baʋítsã banɔ ba ya elu onu ni kukpini ní Ɔkaɛ yɛ aŋu mɛ ɛ. 12Pɔ̀ banɔ ba ya ʋa ɛ, bizɛɛpani ebusioboe ní eboa la ese gi bénu me e. Asia na badɔbasɛ ba ya bizɛbitɛ eboe la ko ŋwisi liŋwafu mɛ baga gi baʋíbù eboe la su u, xe bizɛɛbitɛ la a, gi bɛpɔ ɔ, xe bɛtrávu iiki kuyeye kinɛ ɛ. Lɛ ŋwisi liŋwafu mɛ baga kinɛ ɛ, ba kyɛ bɛtrákyrɔ.
13Bɛtrátsa liʋɛ ɛki ba ní ekyibi ala la gi bɛki ɛba banima aʋa ɛ loso. Ba isami nɛ inu si beze ní ɔha kusi tɔ bazɛŋa kuŋazi yo, tɔ bazɛɛhali kuda aŋwɛ, ani tɔ bazɛkpɛ ozi lo kemize gbagbã. Benu kuye ni kakpakpɛkpɛ ní mlɔ kusi, xegi mlɛki si bɛɛŋa bidɔ ni mlɔ ɛ, kɔkpɛ gi lipoe kakaa ɛ, bɛɛmɔ isami ni ba kunɔmeno kɔ edeke la ɛ! 14Kihasiwawaɛ kiŋa ba aʋa niteme si bátramɔni eboe zimizi na kubitɛ ɛ. Bizɛɛkpɛ banama gi baʋívu isu ya ní enyimeboe la mɛ ɛ, ní kuxixa mɛ. Benu banɔ gi bɛganɔ ní kuŋazi me e, lɛ balɛ ní Aya yɛ ifixoxo le ese e! 15Bɛyurɔ kude gyɔgyɔɔ lɛ bekuni Baalam gi onu Beo yebinyime kude e, gi yɛ adimɛ ni kibɔɛ liɛ klɔ gi aamɔ gani eboe zimizi na mɛ ɛ. 16Tedzi ye gi onu ɔga gi óʋigu kunugu i, yɛ atɛni oboedoplɛɛ ni ɔnɔ gbagbe yɛ ole lo, xe edzini yɛ ewleboe la amɔni i.
17Benyime ba ya ba balɛ ko ŋwisi enitɔ gi kuni kúma ní la mɛ ɛ, ŋwisi aplɛ gi liwɔ ʋidi ne lifu i. Aya abla ozekɔ aki ba ní litumu tritri le me. 18Bizɛɛpani asudɔboe ni eboe gi aʋíbu libi i, lɛ bizɛkɔ ɔnɔ gbagbe yɛ kisugyaɛ mɛ kusuŋwasi zimizio ɛpɔnɔ tɔ bɛɛkɔ ɛpunu banama gi able ko beedo ní banama gi balɛ ligba zimizi ne kusi i. 19Bizɛɛka ɔwlamɔmɔ ɛplɛ ki ba ní lipoe lɛ gi ba tutɔ pɔ̀ benu banɔdzidzi ki ligbãzeze zimizi i, gi liazizi ba ɛ. Lɛ ese linu si ɔnɔ onu ɔnɔdzidzi ki kidɔ kakaa gi kiŋa yɛ aʋa ɛ. 20Lɛ xe banima bese ní kelea eboe zimizi na onu gani blɔ Ɔkaɛ ni ɔnɔbu ye Yesu Kristo kutete me e, xe bedzini ba kunya ɛkpɛ ní eboe zimizi na mɛ dzɛ ɛ, xe ɛɛŋa ba aʋa ɛ, banɔ ba klɔ ba ba kizezee me kizɛnyani sani kiliɛ gi kiize tsã ɛ, xe ableke bedzi baʋaziŋa ɛ. 21Liapɛ ki ba sanɔ xegi béte kude gyɔgyɔɔ sani si betè ko o, pɔ̀ tɔ bekyi kede akpɛ kutrɔtrɔ dradra liɔ klɔ gi bɛki ba ɛ. 22Kidiliɛ gi kɛ kiba ba aʋa ɛ, kibasɛ si abee ʋa gi bizebu si “Kadroʋia kize edzini zemini ka sihlàhlà sɛ,” ni “ɔha gi bewlo no e, izedzi zewlo lɔ livɔ lɛ ɛ,” bali ní lɛ mɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc