2 Petro 1
1
1Keplekpaa lia ya kɛdɔ ní Simon Petro gi onu Yesu Kristo yɛ ɔnɔsumu ni ɔnɔ kpɛkpɛ kɔ. Ɛki banama gi gani blɔ Aya a ni ɔnɔbu ye Yesu Kristo ba kude gyɔgyɔ aʋa a, bɛzɛ kuziŋaa gi kwizɛ kedzi ŋwisi blɔ kuni yɔ kinɛ ɛ.
2Atɔ lipomepɛpɛ ni kusuyɔ kuze ni mlɔ ní kisrɛsrɛ mɛ gani Aya ni blɔ Ɔkaɛ Yesu ba kutete me e.
Mlaka ní mlɔ Kuxwaxwaa aʋa.
3Aya yɛ kigaglaɛ kiki blɔ kidɔ kakaa gi kwizia ɛki ligbã ni kutununu ki Aya gani blɔ eboa la gi kwite ní yɛ su i mɛ ɛ, yɛ ɔniliɛ gi yɛ axwa blɔ gani yɛ ɔtutɔ yɛ kusudra ni yɛ kupɛ́pɛ mɛ ɛ. 4Gani la ya mɛ ɛ, aki blɔ yɛ kakaplɛ zikedzia, tɔ gani bɛ mɛ ɛ, kwiakɔ litɔ ní yɛ kizezee me atɔ kwiamɔ ɔwla dɔni kelea lia mɛ ligbã́zeze nyani nyani lɛ gi blɔ bapɛ́pɛ zimizi ba bizɛɛmanɔ ɛ, mɛ.
5Kɔkpɛ liboe lɛ ya loso e, mlekeni edi ní kude kakaa onu tɔ mlakɔ kizeze me gbã akɔ apɔni mlɔ kuziŋaa; lɛ mlakɔ kuboete apɔni mlɔ kizeze me gbã ɛ. 6Mlakɔ isu aʋa kuŋaŋaa apɔni mlɔ kuboeteo, tɔ mlakɔ ikùkpɛkpɛ apɔni isu aʋa kuŋaŋaa, kɔpɔni lɛ ya ɛ, mlakɔ kutununu ki Aya ɔpɔni ikù nɛ kukpɛkpɛɔ 7Mlakɔ kunɔlɔ aki mlɔ benemi ba, tɔ mlakɔ kunɔlɔ apɔni kunemiwawa. 8Lɛ ese linu si xegi kizeze me gbã kɛ ya kilɛ ní mlɔ awla ní kisrɛsrɛ mɛ ɛ, biaki si mlaze banɔ gi mlɔ eboe aawa lixwɛ ɛ, lɛ mlɔ kuboeteo ní blɔ Ɔkaɛ Yesu Kristo su i, kwiaki si mlaabu libi sanɔ ɔ. 9Pɔ̀ ɔniliɛ awla gi bidɔ bɛ ya bíma ɛ, onu ɔnɔ gi yɛ ketu ya ko izɛɛmɔ lɛ onu kaŋupo, lɛ ese linu si edze si beplo yɛ eboe zimizi koko la ɛzanɔ ní yɛ su.
10Lɛ loso e, mɛ benemi ba, mlekeni edi gaglaa tɔ mlatrɔ likla ni lɛ aʋa si mlɔ kuxwaxwaa ni mlɔ kukyakya ɛ; bilɛ ní bɛ ozeklɔ. Lɛ xegi mlɛbitɛ lɛ nite e, mlatrágleʋe liwewe. 11Lɛ biakpɛ mlɔ wolaa xegi mleti iku u, ní blɔ Ɔkaɛ ni ɔnɔbu ye Yesu Kristo yɛ kaʋaŋaa gi katráblo liwewe e me.
Kuboedoplɛ ní Aya yɛ Liboe le su
12Lɛ loso e, maaplɛ aŋu ní eboa la ya aʋa ki mlɔ lipoe kakaa, agi mlete la kooko kyɛ ɛ, xe mlakpasi ní la anukwarɛɛ liɛ ɛ, gi ɔlɛ ní mlɔ awla abla mɛ ɛ. 13Megyo le edi si lipɛ si mizɛɛplɛ aŋu ní eboa la ya aʋa aki mlɔ gi malɛ ligbã nɛ ɛ. 14Lɛ ese linu si mete si mátrakyi kede, kiliɛ gi blɔ Ɔkaɛ Yesu Kristo adra lɛ mɛ aki mɛ ɛ. 15Maadi le aʋa si mlɛplɛ aŋu ní eboa la ya aʋa lipoe kakaa xegi mekyi kedea ɛ.
16Aní kudzídzi gi kwipɔ mɛ ɛ kwiga xe kwiki si mlete Yesu Kristo yɛ kigaglaɛ ni yɛ kubabaa a. Pɔ̀ ɛ, blɔ kwimɔ yɛ kukemekemeo ni blɔ bimbi ʋe. 17Lɛ ese linu si azɛ kubùbù ni kuklekle dɔni Ɔka Aya klɔ, gi ole lo eyi dɔni Okusi ʋidi ye yɛ kuklekleo me ɛba yɛ klɔ gi ɛɛpani si i, “Ɔniliɛ ya onu Mobi ye gi malɔ ɛ, yɛ eku mɛ aŋu u.” 18Blɔ ɔtutɔ kwinu ole lo gi ɛdɔ lifunu ne e, gi kwize pɔni yɛ ni lito dradra lɛ aʋa ɛ.
19Lɛ loso e, kwika ní kuboedoplɛ uliɔ gi kulɛ ní blɔ awla aʋa ɛ sanɔ. Lɛ mlaabitɛ lɛ mumɔ xegi mlevu aŋu ní lɛ su u. Lɛ ese linu si ba eboe la alɛ ŋwisi kani gi ekle ní litumu ne me e zɛkɔna ni lipoe lɛ gi kelea kiati i, xe livlɛ lɛ ɔdzidziobi ye aakle ní mlɔ ina nɛ mɛ ɛ. 20Lɛ sanɔ ɛ, lilɛ si mlenu lɛ ese si kuboedoplɛ ɔtɔtɔ kúma ní Aya yɛ liboe le me gi kwiba ɛ, gani beboedoplɛ ba ɔtutɔ ba kuboesenu nu me e. 21Lɛ ese linu si kuboedoplɛ tɔtɔ kúdɔ ní ɔnɔ gbagbe yɛ kupɛ́pɛ mɛ, boŋu i, Ɔfuɛfuɛ Dradra lɔ ɛhwani banima xe bɛpani eboa la gi ɛdɔ ní Aya klɔ ɔ.
Currently Selected:
2 Petro 1: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
2 Petro 1
1
1Keplekpaa lia ya kɛdɔ ní Simon Petro gi onu Yesu Kristo yɛ ɔnɔsumu ni ɔnɔ kpɛkpɛ kɔ. Ɛki banama gi gani blɔ Aya a ni ɔnɔbu ye Yesu Kristo ba kude gyɔgyɔ aʋa a, bɛzɛ kuziŋaa gi kwizɛ kedzi ŋwisi blɔ kuni yɔ kinɛ ɛ.
2Atɔ lipomepɛpɛ ni kusuyɔ kuze ni mlɔ ní kisrɛsrɛ mɛ gani Aya ni blɔ Ɔkaɛ Yesu ba kutete me e.
Mlaka ní mlɔ Kuxwaxwaa aʋa.
3Aya yɛ kigaglaɛ kiki blɔ kidɔ kakaa gi kwizia ɛki ligbã ni kutununu ki Aya gani blɔ eboa la gi kwite ní yɛ su i mɛ ɛ, yɛ ɔniliɛ gi yɛ axwa blɔ gani yɛ ɔtutɔ yɛ kusudra ni yɛ kupɛ́pɛ mɛ ɛ. 4Gani la ya mɛ ɛ, aki blɔ yɛ kakaplɛ zikedzia, tɔ gani bɛ mɛ ɛ, kwiakɔ litɔ ní yɛ kizezee me atɔ kwiamɔ ɔwla dɔni kelea lia mɛ ligbã́zeze nyani nyani lɛ gi blɔ bapɛ́pɛ zimizi ba bizɛɛmanɔ ɛ, mɛ.
5Kɔkpɛ liboe lɛ ya loso e, mlekeni edi ní kude kakaa onu tɔ mlakɔ kizeze me gbã akɔ apɔni mlɔ kuziŋaa; lɛ mlakɔ kuboete apɔni mlɔ kizeze me gbã ɛ. 6Mlakɔ isu aʋa kuŋaŋaa apɔni mlɔ kuboeteo, tɔ mlakɔ ikùkpɛkpɛ apɔni isu aʋa kuŋaŋaa, kɔpɔni lɛ ya ɛ, mlakɔ kutununu ki Aya ɔpɔni ikù nɛ kukpɛkpɛɔ 7Mlakɔ kunɔlɔ aki mlɔ benemi ba, tɔ mlakɔ kunɔlɔ apɔni kunemiwawa. 8Lɛ ese linu si xegi kizeze me gbã kɛ ya kilɛ ní mlɔ awla ní kisrɛsrɛ mɛ ɛ, biaki si mlaze banɔ gi mlɔ eboe aawa lixwɛ ɛ, lɛ mlɔ kuboeteo ní blɔ Ɔkaɛ Yesu Kristo su i, kwiaki si mlaabu libi sanɔ ɔ. 9Pɔ̀ ɔniliɛ awla gi bidɔ bɛ ya bíma ɛ, onu ɔnɔ gi yɛ ketu ya ko izɛɛmɔ lɛ onu kaŋupo, lɛ ese linu si edze si beplo yɛ eboe zimizi koko la ɛzanɔ ní yɛ su.
10Lɛ loso e, mɛ benemi ba, mlekeni edi gaglaa tɔ mlatrɔ likla ni lɛ aʋa si mlɔ kuxwaxwaa ni mlɔ kukyakya ɛ; bilɛ ní bɛ ozeklɔ. Lɛ xegi mlɛbitɛ lɛ nite e, mlatrágleʋe liwewe. 11Lɛ biakpɛ mlɔ wolaa xegi mleti iku u, ní blɔ Ɔkaɛ ni ɔnɔbu ye Yesu Kristo yɛ kaʋaŋaa gi katráblo liwewe e me.
Kuboedoplɛ ní Aya yɛ Liboe le su
12Lɛ loso e, maaplɛ aŋu ní eboa la ya aʋa ki mlɔ lipoe kakaa, agi mlete la kooko kyɛ ɛ, xe mlakpasi ní la anukwarɛɛ liɛ ɛ, gi ɔlɛ ní mlɔ awla abla mɛ ɛ. 13Megyo le edi si lipɛ si mizɛɛplɛ aŋu ní eboa la ya aʋa aki mlɔ gi malɛ ligbã nɛ ɛ. 14Lɛ ese linu si mete si mátrakyi kede, kiliɛ gi blɔ Ɔkaɛ Yesu Kristo adra lɛ mɛ aki mɛ ɛ. 15Maadi le aʋa si mlɛplɛ aŋu ní eboa la ya aʋa lipoe kakaa xegi mekyi kedea ɛ.
16Aní kudzídzi gi kwipɔ mɛ ɛ kwiga xe kwiki si mlete Yesu Kristo yɛ kigaglaɛ ni yɛ kubabaa a. Pɔ̀ ɛ, blɔ kwimɔ yɛ kukemekemeo ni blɔ bimbi ʋe. 17Lɛ ese linu si azɛ kubùbù ni kuklekle dɔni Ɔka Aya klɔ, gi ole lo eyi dɔni Okusi ʋidi ye yɛ kuklekleo me ɛba yɛ klɔ gi ɛɛpani si i, “Ɔniliɛ ya onu Mobi ye gi malɔ ɛ, yɛ eku mɛ aŋu u.” 18Blɔ ɔtutɔ kwinu ole lo gi ɛdɔ lifunu ne e, gi kwize pɔni yɛ ni lito dradra lɛ aʋa ɛ.
19Lɛ loso e, kwika ní kuboedoplɛ uliɔ gi kulɛ ní blɔ awla aʋa ɛ sanɔ. Lɛ mlaabitɛ lɛ mumɔ xegi mlevu aŋu ní lɛ su u. Lɛ ese linu si ba eboe la alɛ ŋwisi kani gi ekle ní litumu ne me e zɛkɔna ni lipoe lɛ gi kelea kiati i, xe livlɛ lɛ ɔdzidziobi ye aakle ní mlɔ ina nɛ mɛ ɛ. 20Lɛ sanɔ ɛ, lilɛ si mlenu lɛ ese si kuboedoplɛ ɔtɔtɔ kúma ní Aya yɛ liboe le me gi kwiba ɛ, gani beboedoplɛ ba ɔtutɔ ba kuboesenu nu me e. 21Lɛ ese linu si kuboedoplɛ tɔtɔ kúdɔ ní ɔnɔ gbagbe yɛ kupɛ́pɛ mɛ, boŋu i, Ɔfuɛfuɛ Dradra lɔ ɛhwani banima xe bɛpani eboa la gi ɛdɔ ní Aya klɔ ɔ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc