1 Tesalo 3
3
1Gɔgɔ ɛ, kútani isu ya kuvu u, gi kúʋimɔ mlɔ tɔ ɛ. Lɛ loso, kwitrɔ si blɔ tètè kwiawɔ ní Atene, 2atɔ kwiakpɛ Timoteo, blɔ oneminyimee gi ɛɛwa axwɛ na ni blɔ ɛki Aya ni Kristo yɛ Liboe Gbã nɛ kupaniɔ su u. Kwikpɛ yɛ si ɔkpɛ mlɔ kigagla tɔ ɔpɔni mlɔ tɔ mlaziŋa asanɔ, 3tɔ mlɔ mɛ ɔtɔtɔ ɔ́kidzi kede kɔkpɛ keduyɔyɔ a lia. Mlɔ ɔtutɔ mlete si keduyɔyɔ kaklɔ ʋa elue kenu Aya yɛ kupɛ́pɛ ki blɔ ɔ. 4Lɛ gi kwize ní mlɔ kusi i, kwisi mlɔ kpɛ ɔtɔ si bɛtráyɔ kedu ní blɔ su; lɛ ŋwisi kiliɛ gi mlete kinɛ ɛ, nite me ɖii liba lɛ mɛ ɛ. 5Lɛ loso liziã si mikpɛ Timoteo. Agi mátratani lɛ onu kulɛɛ tɔ ɛ, makpɛ yɛ si ɔga adi si kitɛ mlɔ kuziŋaa kulɛ na a? Mese lifu si gani kude kutɔ onu i, ozimizi ye efeke mlo edi lɛ blɔ kupepeo kwidzi kufiteete e.
Timoteo yɛ Kunutsatsa Gbã ki Paulo
6Timoteo edzi aba, lɛ amani blɔ asamiboe ní mlɔ Aya aʋa kuziŋa ni kunɔlɔɔ su u. Asi blɔ si mleegyo blo edi lɛ mlɛpɛ si mlɛmɔ blɔ ɔ, kiliɛ gi blɔ fɛ kwipɛ si kumɔ mlɔ ɛ. 7Lɛ loso ní blɔ kinimɔmɔ ni kupepeo pɔ́ mɛ ɛ, mlɛkpɛ blɔ kigagla, benemi ba. Mlɔ Aya aʋa kuziŋaa kwikpɛ blɔ kigagla. 8lɛ ese linu si abla ɛ, kulɛ ligbã́ nɛ koŋu gi mlɔ ligbã́ nɛ lilɛɛ gagla ní likpɔkpɛkpɛ mɛ ni Ɔkaɛ ɛ. 9Abla ɛ, kwiatani blɔ Aya yɛ, ɖase kudo ní mlɔ litukpo. Kwido yɛ ɖase kɔkpɛ isamii nɛ gi kwimɔ ní yɛ aŋu mɛ ɛ, kɔkpɛ mlɔ loso. 10Elesi ni kemize e, kuzeeʋi ye ni blɔ ina nɛ petee si ɔki tɔ blɔ ɔtutɔ kumɔ mlɔ dzɛ atɔ kwiaki mlɔ kidiliɛ gi mlaziã ní mlɔ kuziŋaa mɛ ɛ. 11Atɔ blɔ Ɔka Aya ɔtutɔ ani blɔ Ɔkaɛ Yesu ɔlulɔ kudeo kí blɔ tɔ kuba mlɔ klɔ! 12Atɔ Ɔkaɛ ɔki mlɔ kulɔlɔɔ kí mlɔ ahanuglɔ ba ni kí banima pɔ́ ɛ, kutsípɔnɔ atɔ kukeme ŋwisi blɔ kulɔlɔ kí mlɔ kiniɛ ɛ! 13Ní kudeo liɔ ya onu i, Aya aakpɛ mlɔ kigagla, tɔ mlana ni tɔ mladra ní blɔ Ɔka Aya aŋu mɛ, xe blɔ Ɔkaɛ Yesu aaba aki banama a, gi benu yɛ banɔ dradra ba ɛ.
Currently Selected:
1 Tesalo 3: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
1 Tesalo 3
3
1Gɔgɔ ɛ, kútani isu ya kuvu u, gi kúʋimɔ mlɔ tɔ ɛ. Lɛ loso, kwitrɔ si blɔ tètè kwiawɔ ní Atene, 2atɔ kwiakpɛ Timoteo, blɔ oneminyimee gi ɛɛwa axwɛ na ni blɔ ɛki Aya ni Kristo yɛ Liboe Gbã nɛ kupaniɔ su u. Kwikpɛ yɛ si ɔkpɛ mlɔ kigagla tɔ ɔpɔni mlɔ tɔ mlaziŋa asanɔ, 3tɔ mlɔ mɛ ɔtɔtɔ ɔ́kidzi kede kɔkpɛ keduyɔyɔ a lia. Mlɔ ɔtutɔ mlete si keduyɔyɔ kaklɔ ʋa elue kenu Aya yɛ kupɛ́pɛ ki blɔ ɔ. 4Lɛ gi kwize ní mlɔ kusi i, kwisi mlɔ kpɛ ɔtɔ si bɛtráyɔ kedu ní blɔ su; lɛ ŋwisi kiliɛ gi mlete kinɛ ɛ, nite me ɖii liba lɛ mɛ ɛ. 5Lɛ loso liziã si mikpɛ Timoteo. Agi mátratani lɛ onu kulɛɛ tɔ ɛ, makpɛ yɛ si ɔga adi si kitɛ mlɔ kuziŋaa kulɛ na a? Mese lifu si gani kude kutɔ onu i, ozimizi ye efeke mlo edi lɛ blɔ kupepeo kwidzi kufiteete e.
Timoteo yɛ Kunutsatsa Gbã ki Paulo
6Timoteo edzi aba, lɛ amani blɔ asamiboe ní mlɔ Aya aʋa kuziŋa ni kunɔlɔɔ su u. Asi blɔ si mleegyo blo edi lɛ mlɛpɛ si mlɛmɔ blɔ ɔ, kiliɛ gi blɔ fɛ kwipɛ si kumɔ mlɔ ɛ. 7Lɛ loso ní blɔ kinimɔmɔ ni kupepeo pɔ́ mɛ ɛ, mlɛkpɛ blɔ kigagla, benemi ba. Mlɔ Aya aʋa kuziŋaa kwikpɛ blɔ kigagla. 8lɛ ese linu si abla ɛ, kulɛ ligbã́ nɛ koŋu gi mlɔ ligbã́ nɛ lilɛɛ gagla ní likpɔkpɛkpɛ mɛ ni Ɔkaɛ ɛ. 9Abla ɛ, kwiatani blɔ Aya yɛ, ɖase kudo ní mlɔ litukpo. Kwido yɛ ɖase kɔkpɛ isamii nɛ gi kwimɔ ní yɛ aŋu mɛ ɛ, kɔkpɛ mlɔ loso. 10Elesi ni kemize e, kuzeeʋi ye ni blɔ ina nɛ petee si ɔki tɔ blɔ ɔtutɔ kumɔ mlɔ dzɛ atɔ kwiaki mlɔ kidiliɛ gi mlaziã ní mlɔ kuziŋaa mɛ ɛ. 11Atɔ blɔ Ɔka Aya ɔtutɔ ani blɔ Ɔkaɛ Yesu ɔlulɔ kudeo kí blɔ tɔ kuba mlɔ klɔ! 12Atɔ Ɔkaɛ ɔki mlɔ kulɔlɔɔ kí mlɔ ahanuglɔ ba ni kí banima pɔ́ ɛ, kutsípɔnɔ atɔ kukeme ŋwisi blɔ kulɔlɔ kí mlɔ kiniɛ ɛ! 13Ní kudeo liɔ ya onu i, Aya aakpɛ mlɔ kigagla, tɔ mlana ni tɔ mladra ní blɔ Ɔka Aya aŋu mɛ, xe blɔ Ɔkaɛ Yesu aaba aki banama a, gi benu yɛ banɔ dradra ba ɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc