1 Tesalo 2
2
Paulo Yɛ Axwɛwawa la ní Tesalonika
1Benemi ba, mlete si mlɔ kusi kubaba ɛ, kúze kufiteete e. 2Mlete kóko kiliɛ gi bágani blɔ mumɔ ɛ, xe bekpini blo ní Filipi i, xe ableke kwiba mlɔklɔ ní Tesalonika ɛ. Lɛ gi keduyɔyɔ glegle keze fɛ ɛ, blɔ Aya akpɛ blɔ kigagla, tɔ kupani Liboe Gbã nɛ gi lidɔ yɛ klɔ ɛki mlɔ ɔ. 3Blɔ liboe lɛ gi kwisi mlɔ ɛ, lídɔ kesetata mɛ ɛ, loo kude mɔdramɔdra mɛ, loo kunɔmeno me. 4Boŋu i, kuzɛɛpani kiliɛ gi Aya apɛ si kupani i. Lɛ ese linu si amɔ si kunu banɔ gi begyeno gi biakɔ yɛ Liboe Gbã nɛ kukpɛ awla kɔ ɔ. Kúpɛ si kupɛ ni banɔ aŋu mɛ ɛ, boŋu i, kwiapɛ si kupɛ ní Aya gi yɛ ete blɔ begyodi ʋa ɛ, aŋu mɛ. 5Mlete mɔmɔmɔ si kúba mlɔ kɔ ni onugu me gyigyi i, able ke kúpani eboa la tɔ kwikɔ ekpo blɔ kuŋazi i. Aya onu blɔ katsalia! 6Kúpɛ kukpɔ̀kpɔ̀ ɛdɔni ɔnɔnɔ kɔ ɔ, dɔni mlɔ kɔ loo dɔni banɔdzedze batɔtɔ kɔ. 7Ŋwisi Kristo yɛ banɔkpɛkpɛ kinɛ kyɛ ɛ, kúze lidɔtu iiki mlɔ ɔ. Pɔ̀ kwiplɛ litɔ kese agi kwize ní mlɔ su i, ŋwisi one gi eedi yɛ biba ba aʋa kinɛ ɛ. 8Kɔkpɛ blɔ kunɔlɔɔ kí mlɔ onu i, kwize kublabla mɛ si kwiapani Aya yɛ Liboe Gbã nɛ ki mlɔ. Lɛ kwiabitɛ kidɔ kakaa gi kiziã tɔ kukɔ ɛpɔni mlɔ ɔ. Lɛ ese linu si mlalɛ veve aki blɔ! 9Maka si mlɛplɛ aŋu, benemi ba, kiliɛ gi kwiwa axwɛ ni kupèpè! Kwiwa axwɛ elesi ni kemize tɔ kukíze lidɔtu ikí mlɔ ɔ, agi kwizɛsɔli Aya Liboe Gbã nɛ kí mlɔ ɛ.
10Mlaŋa katsalia ki blɔ ŋwisi kiliɛ gi Aya kyɛ aŋa ní blɔ kizezee me ní mlɔ kusi su i, si kipɛ̀, kina lɛ kesetataa tɔtɔ fɛ kéze e. 11Mlete si kwibitɛ mlɔ mɛ ɔkakaa ŋwisi kiliɛ gi obika aaga ni yɛ ɔtutɔ Yebi kinɛ ɛ. 12Kwikpɛ mlɔ kigagla, kwiyɔ mlɔ ɔna, lɛ kwizɛkpɛ lɛ ɛkpɛ ní mlɔ mɛ si mleze ligbã́ɛ nɛ gi liaku Aya aŋu i, yɛ gi yɛ axwa mlɔ si mlamɔ ɔŋakɔ ní yɛ Kukusi yo ni kuklekleo me e.
13Lɛ liboe dzedze lilɛ gi lɛ loso kuzedo Aya ɖase e. Agi kwimani mlɔ Aya yɛ Liboe le e, mlenu le, mlɛzi lɛ aní ŋwisi banɔ liboe dodo pɔ̀ ŋwisi Aya yɛ Liboe le e gi linu kinɛ ɛ. Lɛ ese linu si Aya ɛɛmani kukyíkyi ní mlɔ banama gi mlɛziŋa ɛ, mlɔ agbã́ na mɛ. 14Benemi ba, liboe lɛ gi liba mlɔ aʋa ɛ, lɛ ké liba Aya isɔliha lɛ aʋa ni Yudea, ni banɔ baklɔ gi benu Kristo Yesu banɛ aʋa a. Mlɛmɔ keduyɔyɔ kini, idɔni mlɔ akɔanɛ ma kɔ ŋwisi kiliɛ gi bɛmɔ ɛdɔni Yudanɛ ma iwla lɛ mɛ kinɛ ɛ, 15ba gi beye Ɔkaɛ Yesu, ani Aya yɛ beboedoplɛ ba a, xe bɛyɔ kedu ní blɔ su i. Béku Aya aŋu u! Bɛyɔ kedu ní ɔnɔ kakaa su! 16Bekeni edi si betsí kudeonu iiki liboe le kupani yɔ kí Banama gi bénu Yudanɛ ɛ, liboe lɛ gi liamani ba ligbã vuvu dɔni Aya kɔ ɛki ba ɛ. Gani bede ba ya ʋa onu i, ba eboe zimizi na gi bɛbitɛ ɛ ɛsrɛ, lɛ gɔgɔ ɛ, Aya kusuyeʋio kwiba ba aʋa!
Paulo apɛ si yizeedi Tesalonika banɛ ma dzɛ
17Abla benemi ba, gi blɔ kusi kwilɛ lipoe kpekpemi itɔ lɛ ya ɛ, aní ní begyodi me e, pɔ̀ ní kisugyaɛ mɛ ɛ, kuzegyo mlo edi lɛ kwikenidi si kwiamɔ mlɔ dzɛ ɛ! 18Lɛ kwipɛ si kudziba mlɔ klɔ. Mɛ Paulo ɔtutɔ mekeni edi si midziba sani tule, pɔ̀ ozimizi ye ɔ́ki blɔ kudeonu u. 19Pɔ̀ ní lɛ mɛ ɛ, mlɔ mlenu blɔ kudeonu didi, blɔ isami, ani blɔ kusudɔɔ ni kaʋaŋaŋa ní blɔ Ɔkaɛ Yesu aŋu mɛ xe aba ɛ? 20Ní anukwarɛɛ mɛ ɛ, mlɔ mlenu blɔ kusudɔɔ nì blɔ isami nɛ.
Currently Selected:
1 Tesalo 2: avn
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc
1 Tesalo 2
2
Paulo Yɛ Axwɛwawa la ní Tesalonika
1Benemi ba, mlete si mlɔ kusi kubaba ɛ, kúze kufiteete e. 2Mlete kóko kiliɛ gi bágani blɔ mumɔ ɛ, xe bekpini blo ní Filipi i, xe ableke kwiba mlɔklɔ ní Tesalonika ɛ. Lɛ gi keduyɔyɔ glegle keze fɛ ɛ, blɔ Aya akpɛ blɔ kigagla, tɔ kupani Liboe Gbã nɛ gi lidɔ yɛ klɔ ɛki mlɔ ɔ. 3Blɔ liboe lɛ gi kwisi mlɔ ɛ, lídɔ kesetata mɛ ɛ, loo kude mɔdramɔdra mɛ, loo kunɔmeno me. 4Boŋu i, kuzɛɛpani kiliɛ gi Aya apɛ si kupani i. Lɛ ese linu si amɔ si kunu banɔ gi begyeno gi biakɔ yɛ Liboe Gbã nɛ kukpɛ awla kɔ ɔ. Kúpɛ si kupɛ ni banɔ aŋu mɛ ɛ, boŋu i, kwiapɛ si kupɛ ní Aya gi yɛ ete blɔ begyodi ʋa ɛ, aŋu mɛ. 5Mlete mɔmɔmɔ si kúba mlɔ kɔ ni onugu me gyigyi i, able ke kúpani eboa la tɔ kwikɔ ekpo blɔ kuŋazi i. Aya onu blɔ katsalia! 6Kúpɛ kukpɔ̀kpɔ̀ ɛdɔni ɔnɔnɔ kɔ ɔ, dɔni mlɔ kɔ loo dɔni banɔdzedze batɔtɔ kɔ. 7Ŋwisi Kristo yɛ banɔkpɛkpɛ kinɛ kyɛ ɛ, kúze lidɔtu iiki mlɔ ɔ. Pɔ̀ kwiplɛ litɔ kese agi kwize ní mlɔ su i, ŋwisi one gi eedi yɛ biba ba aʋa kinɛ ɛ. 8Kɔkpɛ blɔ kunɔlɔɔ kí mlɔ onu i, kwize kublabla mɛ si kwiapani Aya yɛ Liboe Gbã nɛ ki mlɔ. Lɛ kwiabitɛ kidɔ kakaa gi kiziã tɔ kukɔ ɛpɔni mlɔ ɔ. Lɛ ese linu si mlalɛ veve aki blɔ! 9Maka si mlɛplɛ aŋu, benemi ba, kiliɛ gi kwiwa axwɛ ni kupèpè! Kwiwa axwɛ elesi ni kemize tɔ kukíze lidɔtu ikí mlɔ ɔ, agi kwizɛsɔli Aya Liboe Gbã nɛ kí mlɔ ɛ.
10Mlaŋa katsalia ki blɔ ŋwisi kiliɛ gi Aya kyɛ aŋa ní blɔ kizezee me ní mlɔ kusi su i, si kipɛ̀, kina lɛ kesetataa tɔtɔ fɛ kéze e. 11Mlete si kwibitɛ mlɔ mɛ ɔkakaa ŋwisi kiliɛ gi obika aaga ni yɛ ɔtutɔ Yebi kinɛ ɛ. 12Kwikpɛ mlɔ kigagla, kwiyɔ mlɔ ɔna, lɛ kwizɛkpɛ lɛ ɛkpɛ ní mlɔ mɛ si mleze ligbã́ɛ nɛ gi liaku Aya aŋu i, yɛ gi yɛ axwa mlɔ si mlamɔ ɔŋakɔ ní yɛ Kukusi yo ni kuklekleo me e.
13Lɛ liboe dzedze lilɛ gi lɛ loso kuzedo Aya ɖase e. Agi kwimani mlɔ Aya yɛ Liboe le e, mlenu le, mlɛzi lɛ aní ŋwisi banɔ liboe dodo pɔ̀ ŋwisi Aya yɛ Liboe le e gi linu kinɛ ɛ. Lɛ ese linu si Aya ɛɛmani kukyíkyi ní mlɔ banama gi mlɛziŋa ɛ, mlɔ agbã́ na mɛ. 14Benemi ba, liboe lɛ gi liba mlɔ aʋa ɛ, lɛ ké liba Aya isɔliha lɛ aʋa ni Yudea, ni banɔ baklɔ gi benu Kristo Yesu banɛ aʋa a. Mlɛmɔ keduyɔyɔ kini, idɔni mlɔ akɔanɛ ma kɔ ŋwisi kiliɛ gi bɛmɔ ɛdɔni Yudanɛ ma iwla lɛ mɛ kinɛ ɛ, 15ba gi beye Ɔkaɛ Yesu, ani Aya yɛ beboedoplɛ ba a, xe bɛyɔ kedu ní blɔ su i. Béku Aya aŋu u! Bɛyɔ kedu ní ɔnɔ kakaa su! 16Bekeni edi si betsí kudeonu iiki liboe le kupani yɔ kí Banama gi bénu Yudanɛ ɛ, liboe lɛ gi liamani ba ligbã vuvu dɔni Aya kɔ ɛki ba ɛ. Gani bede ba ya ʋa onu i, ba eboe zimizi na gi bɛbitɛ ɛ ɛsrɛ, lɛ gɔgɔ ɛ, Aya kusuyeʋio kwiba ba aʋa!
Paulo apɛ si yizeedi Tesalonika banɛ ma dzɛ
17Abla benemi ba, gi blɔ kusi kwilɛ lipoe kpekpemi itɔ lɛ ya ɛ, aní ní begyodi me e, pɔ̀ ní kisugyaɛ mɛ ɛ, kuzegyo mlo edi lɛ kwikenidi si kwiamɔ mlɔ dzɛ ɛ! 18Lɛ kwipɛ si kudziba mlɔ klɔ. Mɛ Paulo ɔtutɔ mekeni edi si midziba sani tule, pɔ̀ ozimizi ye ɔ́ki blɔ kudeonu u. 19Pɔ̀ ní lɛ mɛ ɛ, mlɔ mlenu blɔ kudeonu didi, blɔ isami, ani blɔ kusudɔɔ ni kaʋaŋaŋa ní blɔ Ɔkaɛ Yesu aŋu mɛ xe aba ɛ? 20Ní anukwarɛɛ mɛ ɛ, mlɔ mlenu blɔ kusudɔɔ nì blɔ isami nɛ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© Ghana Institute of Linguistics, Literacy and Bible Translation, 2017 In cooperation with Wycliffe Bible Translators, Inc