Mapisarema 70
70
Dhavhidhi anokumbira kuti Jehovha amurwire
Kumutungamiriri wokuimba. Pisarema raDhavhidhi; rwiyo rwokuyeudzira.
1Kurumidzai, Mwari, kundirwira;
Kurumidzai kundibatsira, Jehovha.
2Ngavanyadziswe, ngavazvidzwe
Ivo vanotsvaka mweya wangu;
Ngavadzoserwe shure, vashoorwe
Ivo vanofarira kundikuvadza.
3Ngavadzoserwe shure nokuda kwenyadzi dzavo
Ivo vanoti, “Hekani, hekani! Waro!”
4Vose vanokutsvakai ngavafarise vave
nomufaro mamuri;
Vanoda kuponesa kwenyu ngavarambe vachiti,
“Mwari ngaakudzwe!”
5Asi ini ndiri murombo nomushaiwi;
Kurumidzai muuye kwandiri, Mwari;
Imi muri mubatsiri wangu nomurwiri wangu;
Regai kunonoka, Jehovha.
Currently Selected:
Mapisarema 70: SNA2002
Highlight
Copy
Compare
Share
Want to have your highlights saved across all your devices? Sign up or sign in
© Shona Union Version 2002
