1 PETER Byalaanmaw
Byalaanmaw
Peter Ccaky Kykheitnaw hynh Asia Minor thahlang ram kya hmin takyh lang phiakute a um hae paw Khriccaaw hae kha hynh-e ccauh kya, “Pachia popaw ccungccaw hae,” cite kopaw ccungccaw hae kalan kypaw nynh thua. E ccaky nynh a paccyn huapaw tuh mih zynnaw keiccuze vawsawnaw te runaw a teing hae paw ccawriatu hae kalan thawpyanawpaw nynh thua. Ccawzeitu nynh a ccawriatu hae kha Jesu Khri kong Thehoypaw, a chinaw, thoothuinaw te yn rung lanpaw ngaehoinaw hae kha liathuinawpaw nynh thua. Tuhcihawpaw tuanaw hoi biate vawsawnaw a teing hae paw tuh mih zynnaw atyn tou cipaw syntawtuanaw te “Jesu Khri yn thua Nin” kya minmin kha lasung pya athua cih hae cipaw kha mah a ho.
Vawsaw ccyh kya thawpyanawpaw kyalya thua leite Khri uccaw athuanaw hae paw langsakute a hiin kho nawlan hae kha ccawzeitu nynh a hyy hae.
Alungkhu Umpaw
Byalaanmaw — 1.1-2
Pachia khumnaw liathuisahnaw — 1.3-12
Athyaapaw hiinnaw te hiin lan hyynaw — 1.13—2.10
Teing ccyh lya Khriccaaw rya — 2.11—4.19
Khriccaaw zakawsangsakunaw te ryalawnaw — 5.1-11
Athangnaw — 5.12-14
Currently Selected:
1 PETER Byalaanmaw: ZB16
Highlight
Share
Copy
Want to have your highlights saved across all your devices? Sign up or sign in
Zotung Bible © Bible Society of Myanmar, 2016.