MATHAI THU MASA
THU MASA
Thâwngthâng Ṭha Mathai rîn mi nih Thâwngthâng li ah Pathian nih a mi le sinah thu a tiamh mi rangtlingtirtu ding ah Ruangsuahtu tiamh mi Thâwngthâng Ṭha a sim. Hi Thâwngthâng Ṭha hi Jisu suaknâk leh umnâk Juda phun tla rang lâwng asi lo le, laikulh pumpi rangah asi.
Mathai nih thiamthih tak hen a timhtuah. Jisu suaknâk hen a dawmh le, Baptis a sinâk leh lêm hen a umnâk leh thusim hen rian a ṭuannâk, a sîntirnâk leh Galili ram ah mi a damhnâk a sim. Hi nûnah hin Thâwngthâng Ṭha nih Jisu Galili ram thawk hen Jerusalem ah khualtlâwngnâk a hun dawnghnâk leikâng thu, khenhbêk hen a umnâk leh a thawknawlhnâk rîn asi.
Hi Thâwngthâng Ṭha nih Jisu chu sîntirtu rokual tak Pathian dân simhfiangtu leh Pathian ram thu sîntirtu siding hen thuneihnâk neitu a sizia a langh. A sîntîrnâk tam tak chu a thupi thliar hen mun nga hen suah asi: (1) Tlâng tlûnah thu a sim mi lakah chun nunchan tla, thilti ding tla, vânṭhatnâk leh Vân Ram khuapi dawnghnâk thu tla asi (Tluan 5-7); (2) Ṭhiruai leinih tla an rianṭuannâk thu ah sîntirnâk (Tluan 10); (3) Vân Ram tahṭhimhnâk thu (Tluan 13); (4) A ṭhiruai sinâk umzia thu sîntirnâk (Tluan 18); leh (5) Tûliau hun leh Vân Ram hawng um ding mi thu sîntirnâk (Tluan 24-25.)
A Sungah Mi Thu Riruatnâk
Jisu Krist suaknâk leh thlâk dân thu 1.1-2.23
Baptistu Johan rianṭuan 3.1-12
Jisu baptis a sinâk leh lêm hen a umnâk 3.13-4.11
Jisu Galili ram ah mi zapi sinah rian a ṭuannâk 4.12-18.35
Galili thawk hen Jerusalem ah 19.1-20.34
Zarhkar madung leh Jerusalem kiang 21.1-27.66
Lalpa thawknawlhnâk leh langhnâk 28.1-20
Currently Selected:
MATHAI THU MASA: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.