EXODUS 37
37
Thudântuk Bâwm Siamnâk
(Ex 25.10-22)
1Bezalel nih thingrî thing hen Thudântuk Bâwm a siam le, a dung dâwng nih leh a tan, a vâng chu dâwng khat leh a tan, a sâng lei chu dâwng khat leh a tan hen. 2A sung a lêng ngûn hen a luanh, a tlâng hêl dak hen ngûn hen a luanh. 3A zawnhnâk rang ding ah ngûn kual pali a siam le, a kê pali ah a thlaih, a sîr leiah panih vevê hen. 4A zawnhnâk ding hen thingrî thingtluan a siam le, ngûn hen a luanh. 5Chu bâwm sîrah mi ngûn kual ah tleng dak hen a thul vevê. 6A sinh chu ngûn karo hen a siam, a dung chu dâwng nih leh a tan, a vâng chu dâwng khat leh a tan. 7Ngûn hen thilsiam (cherabim) thla nei panih a siam; 8a sinh dawng ah khatlei khatlei vevê ah a sinh hen sa khat ding hen a siam. 9Mâichâm sinh khatlei dawng ah mâitawnh hen thilsiam (cherabim) thla nei chu an um, an thlazâr nih a khuh.
Pathian Sinah Ap Mi
Sang Siahnâk Ding Dawhkân
(Ex 25.23-30)
10Thingrî thing hen dawhkân, a dung dâwng nih a vâng dâwng khat, a sâng lei dâwng khat leh a tan hen a siam. 11Ngûn karo hen a luanh, a tlâng tla khawm ngûn hen a luanh. 12A tlâng kâwm hêl dak hen zabawk tia hen a siam le, ngûn hen a luanh. 13Ngûn kual a zawnhnâk ding hen pali a siam le, a kî zâwn ah a kê kip ah a thlaih. 14Dawhkân chu zawnhnâk ding hen thingtluan sawhnâk ding ah a kî kip ah ngûn kual chu a tlâng kâwmnâk kiangah an thlaih. 15Thingrî tluan chu ngûn hen a luanh. 16Dawhkân ah siah ding hen ngûn khêng, hâi tla, tisâwknâk hâi, khêngkûm leh uain apnâk mang ding mi tla a siam.
Meichêu Siamnâk.
(Ex 25.31-40)
17Ngûn hen meichêu a siam. A tohnâk leh a tung chu ngûn asi; a chawmpâr tla, a kukulul, a pâr tla sa khat hen a siam.
18A ṭeng paruk sîr khat leiah pathum vevê. 19A ṭeng paruk nih chawmpâr pathum almon chawmpâr hâwi a kukulul leh a pâr um hen a siam. 20Chu meichêu nih chun almon chawmpâr pali a kukulul leh a pâr a nei. 21A ṭeng bawp thum tang kip ah a kukulul a um. 22Chu a kukulul, a ṭeng, a meichêu chu ngûn sakhat ver hen siam mi asi. 23Chu meichêu chu pasarih hen a siam, a châicheh leh vachâm siahnâk chu ngûn karo asi. 24Chu meichêu leh a ruakhâu zawzawng siamnâk ding hen ngûn karo kilogramme sâwmthum pangâ a mang.
Rimthâw Duahnâk
Mâichâm Siamnâk
(Ex 30.1-5)
25Rimthâw duahnâk ding hen thingrî thing hen mâichâm a siam. A dung a vâng tia cho hen, a dung dâwng khat a vâng dâwng khat, a sâng lei dâwng nih hen a siam. A kî mi a kê chu sa khat hen siam asi. 26A tlûn a khuh le, a sîr pali, a kê tla chu a sîr hêl dak hen ngûn hep asi. 27A zawnhnâk ding hen ngûn kual panih a siam, a sîr nih ah a tlâng tang tê ah a thlaih, zawnh tikah thingtluan chu a kua lakah sawh ding hen. 28Chu a zawnhnâk thingtluan chu thingrî thing ngûn hen luanh mi asi.
Chulh Ding Mi Sariak leh
Rimthâw Siamnâk
(Ex 30.22-38)
29Chulh ding mi sariak thenhlimh leh rimthâw a tliang mi chawmh mi a siam.
Currently Selected:
EXODUS 37: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
EXODUS 37
37
Thudântuk Bâwm Siamnâk
(Ex 25.10-22)
1Bezalel nih thingrî thing hen Thudântuk Bâwm a siam le, a dung dâwng nih leh a tan, a vâng chu dâwng khat leh a tan, a sâng lei chu dâwng khat leh a tan hen. 2A sung a lêng ngûn hen a luanh, a tlâng hêl dak hen ngûn hen a luanh. 3A zawnhnâk rang ding ah ngûn kual pali a siam le, a kê pali ah a thlaih, a sîr leiah panih vevê hen. 4A zawnhnâk ding hen thingrî thingtluan a siam le, ngûn hen a luanh. 5Chu bâwm sîrah mi ngûn kual ah tleng dak hen a thul vevê. 6A sinh chu ngûn karo hen a siam, a dung chu dâwng nih leh a tan, a vâng chu dâwng khat leh a tan. 7Ngûn hen thilsiam (cherabim) thla nei panih a siam; 8a sinh dawng ah khatlei khatlei vevê ah a sinh hen sa khat ding hen a siam. 9Mâichâm sinh khatlei dawng ah mâitawnh hen thilsiam (cherabim) thla nei chu an um, an thlazâr nih a khuh.
Pathian Sinah Ap Mi
Sang Siahnâk Ding Dawhkân
(Ex 25.23-30)
10Thingrî thing hen dawhkân, a dung dâwng nih a vâng dâwng khat, a sâng lei dâwng khat leh a tan hen a siam. 11Ngûn karo hen a luanh, a tlâng tla khawm ngûn hen a luanh. 12A tlâng kâwm hêl dak hen zabawk tia hen a siam le, ngûn hen a luanh. 13Ngûn kual a zawnhnâk ding hen pali a siam le, a kî zâwn ah a kê kip ah a thlaih. 14Dawhkân chu zawnhnâk ding hen thingtluan sawhnâk ding ah a kî kip ah ngûn kual chu a tlâng kâwmnâk kiangah an thlaih. 15Thingrî tluan chu ngûn hen a luanh. 16Dawhkân ah siah ding hen ngûn khêng, hâi tla, tisâwknâk hâi, khêngkûm leh uain apnâk mang ding mi tla a siam.
Meichêu Siamnâk.
(Ex 25.31-40)
17Ngûn hen meichêu a siam. A tohnâk leh a tung chu ngûn asi; a chawmpâr tla, a kukulul, a pâr tla sa khat hen a siam.
18A ṭeng paruk sîr khat leiah pathum vevê. 19A ṭeng paruk nih chawmpâr pathum almon chawmpâr hâwi a kukulul leh a pâr um hen a siam. 20Chu meichêu nih chun almon chawmpâr pali a kukulul leh a pâr a nei. 21A ṭeng bawp thum tang kip ah a kukulul a um. 22Chu a kukulul, a ṭeng, a meichêu chu ngûn sakhat ver hen siam mi asi. 23Chu meichêu chu pasarih hen a siam, a châicheh leh vachâm siahnâk chu ngûn karo asi. 24Chu meichêu leh a ruakhâu zawzawng siamnâk ding hen ngûn karo kilogramme sâwmthum pangâ a mang.
Rimthâw Duahnâk
Mâichâm Siamnâk
(Ex 30.1-5)
25Rimthâw duahnâk ding hen thingrî thing hen mâichâm a siam. A dung a vâng tia cho hen, a dung dâwng khat a vâng dâwng khat, a sâng lei dâwng nih hen a siam. A kî mi a kê chu sa khat hen siam asi. 26A tlûn a khuh le, a sîr pali, a kê tla chu a sîr hêl dak hen ngûn hep asi. 27A zawnhnâk ding hen ngûn kual panih a siam, a sîr nih ah a tlâng tang tê ah a thlaih, zawnh tikah thingtluan chu a kua lakah sawh ding hen. 28Chu a zawnhnâk thingtluan chu thingrî thing ngûn hen luanh mi asi.
Chulh Ding Mi Sariak leh
Rimthâw Siamnâk
(Ex 30.22-38)
29Chulh ding mi sariak thenhlimh leh rimthâw a tliang mi chawmh mi a siam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.