EXODUS 36
36
1“LALPA nih Bezalel, Oholiab leh mi zungthiam dang zawzawng tla zungthiamnâk leh theihthiamnâk a pêk na mi, Puanin thenhlimh sak ding dân thil herh zeizawng theihtu tla nih chun LALPA nih thu a pêk na hâwitê hen an siam ding asi,” a ti.
Mi zapi Tla Nih Thilpêk
Tamtak An Hawng Put
2Mosi nih Bezalel, Oholiab leh mi zungthiam dang tla, LALPA nih tikhonâk a pêk na mi zawzawng leh ṭangpi ding hen duhtu tla chu rianṭuan dawmh rawh ding hen a simh na. 3Israel mi tla nih Puanin saknâk ding thilpêk an hawng put mi chu Mosi thawk hen an tawng ver. Sikhawmsele Israel mi tla nih an thilpêk chu Mosi sinah zîng siar hen an hawng put vima rih. 4Churawhchun, mi zungthiam rianṭuantu tla chu Mosi sinah an va kal le, 5“LALPA nih ṭuan ding hen thu a pêk na mi rangah mi nih thil herh an hawng pêk mi chu a lei zut rawh,” ti hen an simh.
6Churawhchun, Mosi nih riakmun ah mi zawzawng sinah âukhawm nih Puanin rangah zeikhawm khawlh lo rawh ding hen thu a pêk; churuangah mi zapi tla nih zeikhawm an pêk lo rawh. 7An hawng pêk mi zawng tla chu rianṭuannâk a tinh nûnah a lei zut.
LALPA Umnâk Puanin Saknâk
(Ex 26.1-37)
8Chu zawng rianṭuantu lakah a thiam chem mi tla nih LALPA umnâk Puanin chu an siam, Puanzâr parâ, puan mangṭhia a dumpâwl hen tah mi, a senduk, samul lasen leh thilsiam (cherabim) thla lem thuamh mi hen an siam. 9Puanzâr chu â tia rang asi, a dung dâwng kul leh pariat, a vâng dâwng li asi. 10puan zûn ngâ chu zûn khat ah suah ding hen an peh, a dang zûn ngâ khawm chu hâwi hen. 11Puan zûn kip lênglei sâr ah a nâ puan pâwl hen an siam. 12Puan tawnh mi zûn khat ah a nâ sâwmngâ, zûn khat dang khawm chu a tîr ah mi zâwn cho hen a nâ sâwmngâ an siam. 13Ngûn ngawih mi a bahnâk ding sâwmngâ an siam, zûn khat ah a panih hen a peh kho ding hen.
14Kêl mul hen siam mi puan zûn leikhat Puanin khuhnâk ding ah an siam. 15Tia rang hen a lian a mê, a dung dâwng sâwmthum, a vâng dâwng li seng hen. 16Puan zûn ngâ chu zûn khat ah an ṭhît le, a dang zûn ruk chu zûn khat dangah an ṭhît. 17A tîr ah mi lakah a nâ sâwmngâ a sâr ah an thlaih le, a panihnâk lakah khawm a sârah a nâ sâwmngâ an thlaih. 18Dâr kuaih mi sâwmngâ zûn nih pehtu ding hen an siam, puan zûn khat siding hen, 19khuhnâk ding a dang zûn nih an siam, dawrâ chal vun rawng sen ah thlâk mi leh savun ṭha mi zât a lênglei khuhnâk ding hen.
20Puanin kâwpmi tung rangah thingrî thing an siam. 21Kâwpmi tung kip a sâu lei chu dawng râ, a lian lei chu dâwng khat leh a tan. 22A kê panih zâwn cho hen an siam le, kâwpmi tung tla chu anna tlâi dut ding hen. Kâwpmi tung zawzawng nih hi hâwi hen kê an nei chiau ding asi. 23Simlei kângah tung kul, a 24tohnâk tangkasa sâwmli, kâwpmi tung kip tangah tohnâk panih nih a kê panih birhtir ding hen. 25Puanin marlei kângah kâwpmi tung kul, 26leh a tohnâk tangkasa sâwmli, kâwpmi tung kip tangah panih seng ding hen. 27Puanin thlanglei ah kâwpmi tung ruk, 28leh a kî ah kâwpmi tung nih an siam. 29Hi bang a kî mi kâwpmi tung tla chu a tanglei mi hen anna peh le, a tlûnlei mi tla hen khawm anna tlâi ver. Kâwpmi tung panih a kî panih tla chu hi hâwi hen siam asi. 30Kâwpmi tung pariat leh a tohnak tangkasa leiruk chu kâwpmi tung kip lakah panih vima asi.
31Thingrî thing hen a khuahkhang leingâ an siam le, Puanin khatlei sîr rangah kâwpmi tung pangâ, 32khatlei sîr rangah khuahkhang pangâ, thlanglei kângah mi a taw leiah kâwpmi tung rangah pangâ. 33A lâi mi khuahkhang chu kâwpmi tung tlûnlei kâng a lâi ah an bêk, Puanin khatlei dawng thawk hen khatlei dawng tiang hen. 34Chu kâwpmi tung tla chu ngûn hen an luanh le, a khuahkhang sawhnâk ding hen ngûn kual an thlaih, chu khuahkhang khawm chu ngûn hen luanh mi asi.
35Puanzâr chu puan mangṭhia a dumpâwl, senduk, samul lasen hen tah mi leh thilsiam (cherabim) thla lem hen an thuamh. 36Puanzâr tleihtu ding hen thingrî tung li an siam le, ngûn hen an luanh, ngûn a bing ngawih mi an thlaih. Tangkasa a tung tohnâk ding pali a tung tleihdîrtu ding hen an siam. 37Puanin tualmâi rang ding ah puanzâr puan mangṭhia, dumpâwl, senduk, samul lasen hen dawh tak ṭialh mi an siam. 38Chu puanzâr rangah a tung pangâ lakah a bahnâk ngawih mi an thlaih, a tung pâr leh a bing thulnâk fung chu ngûn hen an luanh le, dâr hen a tung tohnâk pangâ an siam.
Currently Selected:
EXODUS 36: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
EXODUS 36
36
1“LALPA nih Bezalel, Oholiab leh mi zungthiam dang zawzawng tla zungthiamnâk leh theihthiamnâk a pêk na mi, Puanin thenhlimh sak ding dân thil herh zeizawng theihtu tla nih chun LALPA nih thu a pêk na hâwitê hen an siam ding asi,” a ti.
Mi zapi Tla Nih Thilpêk
Tamtak An Hawng Put
2Mosi nih Bezalel, Oholiab leh mi zungthiam dang tla, LALPA nih tikhonâk a pêk na mi zawzawng leh ṭangpi ding hen duhtu tla chu rianṭuan dawmh rawh ding hen a simh na. 3Israel mi tla nih Puanin saknâk ding thilpêk an hawng put mi chu Mosi thawk hen an tawng ver. Sikhawmsele Israel mi tla nih an thilpêk chu Mosi sinah zîng siar hen an hawng put vima rih. 4Churawhchun, mi zungthiam rianṭuantu tla chu Mosi sinah an va kal le, 5“LALPA nih ṭuan ding hen thu a pêk na mi rangah mi nih thil herh an hawng pêk mi chu a lei zut rawh,” ti hen an simh.
6Churawhchun, Mosi nih riakmun ah mi zawzawng sinah âukhawm nih Puanin rangah zeikhawm khawlh lo rawh ding hen thu a pêk; churuangah mi zapi tla nih zeikhawm an pêk lo rawh. 7An hawng pêk mi zawng tla chu rianṭuannâk a tinh nûnah a lei zut.
LALPA Umnâk Puanin Saknâk
(Ex 26.1-37)
8Chu zawng rianṭuantu lakah a thiam chem mi tla nih LALPA umnâk Puanin chu an siam, Puanzâr parâ, puan mangṭhia a dumpâwl hen tah mi, a senduk, samul lasen leh thilsiam (cherabim) thla lem thuamh mi hen an siam. 9Puanzâr chu â tia rang asi, a dung dâwng kul leh pariat, a vâng dâwng li asi. 10puan zûn ngâ chu zûn khat ah suah ding hen an peh, a dang zûn ngâ khawm chu hâwi hen. 11Puan zûn kip lênglei sâr ah a nâ puan pâwl hen an siam. 12Puan tawnh mi zûn khat ah a nâ sâwmngâ, zûn khat dang khawm chu a tîr ah mi zâwn cho hen a nâ sâwmngâ an siam. 13Ngûn ngawih mi a bahnâk ding sâwmngâ an siam, zûn khat ah a panih hen a peh kho ding hen.
14Kêl mul hen siam mi puan zûn leikhat Puanin khuhnâk ding ah an siam. 15Tia rang hen a lian a mê, a dung dâwng sâwmthum, a vâng dâwng li seng hen. 16Puan zûn ngâ chu zûn khat ah an ṭhît le, a dang zûn ruk chu zûn khat dangah an ṭhît. 17A tîr ah mi lakah a nâ sâwmngâ a sâr ah an thlaih le, a panihnâk lakah khawm a sârah a nâ sâwmngâ an thlaih. 18Dâr kuaih mi sâwmngâ zûn nih pehtu ding hen an siam, puan zûn khat siding hen, 19khuhnâk ding a dang zûn nih an siam, dawrâ chal vun rawng sen ah thlâk mi leh savun ṭha mi zât a lênglei khuhnâk ding hen.
20Puanin kâwpmi tung rangah thingrî thing an siam. 21Kâwpmi tung kip a sâu lei chu dawng râ, a lian lei chu dâwng khat leh a tan. 22A kê panih zâwn cho hen an siam le, kâwpmi tung tla chu anna tlâi dut ding hen. Kâwpmi tung zawzawng nih hi hâwi hen kê an nei chiau ding asi. 23Simlei kângah tung kul, a 24tohnâk tangkasa sâwmli, kâwpmi tung kip tangah tohnâk panih nih a kê panih birhtir ding hen. 25Puanin marlei kângah kâwpmi tung kul, 26leh a tohnâk tangkasa sâwmli, kâwpmi tung kip tangah panih seng ding hen. 27Puanin thlanglei ah kâwpmi tung ruk, 28leh a kî ah kâwpmi tung nih an siam. 29Hi bang a kî mi kâwpmi tung tla chu a tanglei mi hen anna peh le, a tlûnlei mi tla hen khawm anna tlâi ver. Kâwpmi tung panih a kî panih tla chu hi hâwi hen siam asi. 30Kâwpmi tung pariat leh a tohnak tangkasa leiruk chu kâwpmi tung kip lakah panih vima asi.
31Thingrî thing hen a khuahkhang leingâ an siam le, Puanin khatlei sîr rangah kâwpmi tung pangâ, 32khatlei sîr rangah khuahkhang pangâ, thlanglei kângah mi a taw leiah kâwpmi tung rangah pangâ. 33A lâi mi khuahkhang chu kâwpmi tung tlûnlei kâng a lâi ah an bêk, Puanin khatlei dawng thawk hen khatlei dawng tiang hen. 34Chu kâwpmi tung tla chu ngûn hen an luanh le, a khuahkhang sawhnâk ding hen ngûn kual an thlaih, chu khuahkhang khawm chu ngûn hen luanh mi asi.
35Puanzâr chu puan mangṭhia a dumpâwl, senduk, samul lasen hen tah mi leh thilsiam (cherabim) thla lem hen an thuamh. 36Puanzâr tleihtu ding hen thingrî tung li an siam le, ngûn hen an luanh, ngûn a bing ngawih mi an thlaih. Tangkasa a tung tohnâk ding pali a tung tleihdîrtu ding hen an siam. 37Puanin tualmâi rang ding ah puanzâr puan mangṭhia, dumpâwl, senduk, samul lasen hen dawh tak ṭialh mi an siam. 38Chu puanzâr rangah a tung pangâ lakah a bahnâk ngawih mi an thlaih, a tung pâr leh a bing thulnâk fung chu ngûn hen an luanh le, dâr hen a tung tohnâk pangâ an siam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.