EXODUS 20
20
ThupêkParâ
(Deut 5.1-21)
1Pathian nih thu a sim le, a thu chu hi tla hi asi, 2“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.
3“Keimah lo chu pathian dang sawnh lah.
4“Vân ah mi mawh, tual tlûnah mi mawh, tual tangah mi tî lakah mi mawh, a lem sawnh ding hen siam lah u. 5Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt. 6Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.
7“Thilsual tinâk ah ka min mang lah u. Kei, LALPA nan Pathian nih ka min diklo tak hen mangtu chu ka rep awt.
8“Dinhni ulh le, thenhlimh tak hen mang rawh. 9Nanmah rianṭuannâk ding ni ruk nan nei. 10A ni sarih ni lam chu ka sinah pumpêk hen dinhni asi. Chu ni ah chun, nanmah khawm, nan fa tla khawm, nan sal tla khawm, nan ran tla khawm, nan sinah um mi ramdang minung tla khawm nih rian rerêng nan ṭuan ding asi lo. 11Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.
12“Nan nu leh nan pa zah na u, chu tikah ka nan pêk na mi ram ah hin nan san sâu lai.
13“Minung thah lah.
14“Ṭangdang pawmtâk lah.
15“Fîr lah.
16“Âwkrâwl hen mi phiar lah.
17“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.
Mi Zapi Ningṭihnâk
(Deut 5.22-33)
18Chun, mi zapi tla nih khuarît hâu leh tâwtawrâwt tum hâu an theih hen mîmthlalek leh tlângah meikhû tla an muh rawh chun an ṭih le an thir rawh, râl lât takah an dîr. 19Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.
20Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti. 21Sikhawmsele mi zapi tla chu râl lâtpi ah an dîr kumza le, Mosi lâwng sûm sah tak Pathian umnâk ah a va kal.
Mâichâm Dân Tla
22LALPA nih Mosi chu Israel tla sinah sim ding hen thu a pêk le, “Kei LALPA nih vân thawk hen thu ka sim mi nan muh rawh. 23Keimah nûnah pathian dang tla nan sawnh ding ah ngûn leh tangka hen nan siam ding asi lo. 24Ka rangah valei hen mâichâm siam ule, a tlûnah bâwlnâk, dawrâ leh ranrual duah hep mi a tlâinâk thil ap pêk u. Mun kip ah nan ka sawnhnâk ding hen ka ruat mi mun ah chun nan sinah ka hawng lai le, mal kan sâwm na lai. 25Lung hen mâichâm ka rangah nan siam chun, sâi mi hen siam lah u, lung khuainâk nan mang chun ka rangah mang tlâklo hen nan siam mi asi ko. 26Ka rangah mâichâm chu kâinâk ding sirhsabak hen siam lah, na siam chun na kâi liauah nangmah ningzak nâ saih mi asi.
Currently Selected:
EXODUS 20: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
EXODUS 20
20
ThupêkParâ
(Deut 5.1-21)
1Pathian nih thu a sim le, a thu chu hi tla hi asi, 2“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.
3“Keimah lo chu pathian dang sawnh lah.
4“Vân ah mi mawh, tual tlûnah mi mawh, tual tangah mi tî lakah mi mawh, a lem sawnh ding hen siam lah u. 5Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt. 6Sikhawmsele, hawng ka duhtu leh ka dân zûltu tla chu, an thlâk tla, san sâng tiang hen ka dâwtnâk an sinah ka langh lai.
7“Thilsual tinâk ah ka min mang lah u. Kei, LALPA nan Pathian nih ka min diklo tak hen mangtu chu ka rep awt.
8“Dinhni ulh le, thenhlimh tak hen mang rawh. 9Nanmah rianṭuannâk ding ni ruk nan nei. 10A ni sarih ni lam chu ka sinah pumpêk hen dinhni asi. Chu ni ah chun, nanmah khawm, nan fa tla khawm, nan sal tla khawm, nan ran tla khawm, nan sinah um mi ramdang minung tla khawm nih rian rerêng nan ṭuan ding asi lo. 11Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.
12“Nan nu leh nan pa zah na u, chu tikah ka nan pêk na mi ram ah hin nan san sâu lai.
13“Minung thah lah.
14“Ṭangdang pawmtâk lah.
15“Fîr lah.
16“Âwkrâwl hen mi phiar lah.
17“Midang in sungah mi, a nupi mawh, a sal tla mawh, a ranrual leh a sanatung leh a neih rerêng zeikhawm ngarh lah,” a ti.
Mi Zapi Ningṭihnâk
(Deut 5.22-33)
18Chun, mi zapi tla nih khuarît hâu leh tâwtawrâwt tum hâu an theih hen mîmthlalek leh tlângah meikhû tla an muh rawh chun an ṭih le an thir rawh, râl lât takah an dîr. 19Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.
20Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti. 21Sikhawmsele mi zapi tla chu râl lâtpi ah an dîr kumza le, Mosi lâwng sûm sah tak Pathian umnâk ah a va kal.
Mâichâm Dân Tla
22LALPA nih Mosi chu Israel tla sinah sim ding hen thu a pêk le, “Kei LALPA nih vân thawk hen thu ka sim mi nan muh rawh. 23Keimah nûnah pathian dang tla nan sawnh ding ah ngûn leh tangka hen nan siam ding asi lo. 24Ka rangah valei hen mâichâm siam ule, a tlûnah bâwlnâk, dawrâ leh ranrual duah hep mi a tlâinâk thil ap pêk u. Mun kip ah nan ka sawnhnâk ding hen ka ruat mi mun ah chun nan sinah ka hawng lai le, mal kan sâwm na lai. 25Lung hen mâichâm ka rangah nan siam chun, sâi mi hen siam lah u, lung khuainâk nan mang chun ka rangah mang tlâklo hen nan siam mi asi ko. 26Ka rangah mâichâm chu kâinâk ding sirhsabak hen siam lah, na siam chun na kâi liauah nangmah ningzak nâ saih mi asi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.