Iyohaichish 44
44
44. Iyohaichish.
Shinotcha esapane guru gusu; Kora poho karape. Maskir.
1AA Kamui, fushkotoita ekashi utara okai rapoketa E ki ikip,
Kisara ani chi nu nisa, chikoro ekashi un nure nisa ruwe ne na.
2Aokai koro teke ani moshiri uirup okeuba wa, nei utara ahupte nisa ruwe ne;
Aokai anak ne utara panakte wa emakba nisa ruwe tapan na.
3Nei utara yaikota koro emush ani nei moshiri kishima shomoki,
Yaikota koro amunin ani yaikaobiuki shomoki nisa:
Koroka, E koro shimon teke, e koro amunin, orowa, E koro nanuhu nupeki nei ambe kau nisa,
Aokai anak ne nei utara orun irenga sange nisa ruwe ne gusu ne na.
4Aa Kamui, Aokai anak ne en Esapanep ne:
Yakob gusu annokarape sange wa en kore.
5Aokai ankushkerai chi utara anak ne un epokba utara hachire kusu ne;
E reihei ankushkeraipo un epokba utara chi otereke ash kusu ne na.
6Kuani anak ku goro ku gusu shomo ku eyaikopashte,
Ku goro emush anak en kashiobiuki shomoki kusu ne gusu ne na.
7Koroka, Aokai anak ne un epokba utara gusu un kashiobiuki nisa,
Un etunne utara ayainikoroshmare nisa ruwe ne na.
8To ebitta chi utara anak ne Kamui gusu yaiomonnure nisa,
Ramma pakno E reihei gusu koyaiiraige ash kusu ne na. [Sera.]
9Koroka, tane anak ne Aokai un emakba wa un yainikoroshmare;
Orowa, chikoro tumi gusu an topaha tura shomo E oman ruwe ne.
10Un epokba utara orowa no un hosarire wa un kirare;
Orowa, un etunne utara anak ne yaikota gusu wentoi-kantoi kokiru ruwe ne.
11Aokai anak ne araige kuni gusu an hitsuji chikoikip korachi un ande nisa;
Moshiri uirup tumugeta un charichari nisa ruwe ne na.
12Oro-isam no E koro utara aehok wa;
Nei atayehe gusu shomo eyaiepirikare nisa ruwe ne na.
13Aota un utara gusu ayainikoroshmarep ne a un kan nisa,
Un okari ta okai gusu aeminap ne, aesapsep chi ne ruwe tapan na.
14Moshiri uirup tumugeta okai wa eoya-itak akore utara chi ne,
Uirup orowa aesapa shuyeshuyep chi ne ruwe ne.
15To ebitta ku yainikoroshma,
Ku nanu isam-i anak ne en kamure ruwe ne na.
16Kopashirota newa koatcha hawe sange guru gusu;
Nei epokba guru newa kopiuki guru gusu ne ruwe ne na.
17Tap okaibe obitta un gusu an a yakka; chi utara E oira ash shomoki nisa ruwe ne,
Shui, E koro uitaknup gusu shomo oheuge no chi ki ruwe ne na.
18Chikoro keutum shomo ahoshipire, Chikoro chikiri shomo E ruhu ehaita ruwe ne.
19Aokai anak ne nei horokeu an ushiketa un panakte nisa,
Bai kurihi ani un kamure nisa ruwe ne na.
20Chi utara anak ne chikoro Kamui reihei oira chiki,
Samata, oya Kamui orun koro tekehe pirasa yakun:
21Kamui anak ne nei ambe hunara shomoki ya?
Shinuma anak ne keutum ta anuina wa an okaibe eraman ruwe ne gusu ne na.
22Ruwe un, Aokai rengap gusu to ebitta a un ronnu wa okai;
Araige kuni gusu an hitsuji chikoikip nepkoro aesanniyo ruwe ne.
23Aa Utarapa mosh wa un kore, hemanda gusu E mokoro ya?
Hopuni wa un kore, iteki ramma pakno un emakba wa un kore.
24Nep gusu e koro nanuhu E seshke wa,
Chi ki iuninbe newa yaikowepekere ambe E oira ruwe he an?
25Chikon ramat koponchi pakno ahotkure wa an:
Chikoro honibi toi pakno shirikamu ruwe ne.
26Hopuni wa un kashiobiuki;
E koro omap-an-ramuhauge-hi ankushkeraipo gusu un kikiraye wa un kore.
Currently Selected:
Iyohaichish 44: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
