Mattaios 28
28
28 Ik.
1Orowa, shini toho moire no an-kesh paketa nei mawari atpake an toho ehange ita, Makdarene un Maria hemhem, moshima an Maria hemhem utura hine tushiri nukara gusu araki nisa ruwe ne. 2Aige, ingarʼan, poro shirishimoye an; kando orowa no Kamui uitekbe ran hine ek wa nei poro shuma oyakta karakarasere wa kata a nisa ruwe ne gusu ne na. 3Koro katuhu anak ne imeru korachi ne, mipihi anak ne upas pakno retan ruwe ne: 4orowa, pungi utara shinuma koishitoma gusu tusushke, aine, rai guru iporo korachi ipukitara ruwe ne Orowa, 5Kamui uitekbe ese wa nei shiwentep utara otta ene itak-hi :— Iteki ishitoma yan: echi utara utasa chikuni otta araige Yesu hunara wa echi okai wa ku eraman ruwe ne gusu ne na. 6Shinuma teda isam, hoshiki itak korachi hetopo-shiknu nisa ruwe ne gusu ne na. Araki wa Utarapa hoshiki otta hotke-i ingara yan. 7Orowa no tunashi no paye wa koro koikara utara otta :— Shinuma rai orowa no hetopo-shiknu wa an sekoro nure yan, orowa, echi kotchaot Gariraya moshiri orun oman nisa ruwe ne; nei ita echi nukara kusu ne; ingarʼan, kuani echi nure okere na. 8Orowa no nei utara yaitunashka hine kimatek koro shi no yaikopuntek wa tushiri ekohopi wa koikara utara otta nure kuni ne paye nisa ruwe ne na. 9Aige, ingarʼan, Yesu nei utara etunangara, orowa, irangarapte — ari itak. Orowa, nei utara araki wa Shinuma koro kema kishima wa ongami nisa ruwe ne. 10Awa, nei utara otta Yesu ene itak-hi :— Iteki ishitoma yan; paye wa Ku uiriwak utara Gariraya moshiri orota paye kuni ne otta ye yan, orota nei utara En nukara kusu ne na, ari itak.
11Nei utara paye rapoketa anak ne, ingarʼan, pungi utara nimaraha machiya otta paye wa Kamui kora kenru esapane guru orota nei hetuku okere orushpe obitta nure nisa ruwe ne. 12Orowa no nei utara anak ne ekashi utara tura uwekarapa hine ukoramkoro okere, ichen kani poron no sange wa nei tumi-koro utara otta koropare hine ene itak-hi :— 13Chi utara mokoro ash rapoketa, anchikarata koro koikara utara araki wa Shinuma eikka wa isam ruwe ne, ani echi ye yan. 14Orowa, esapane guru anak ne tan orushpe nu yakun, echi utara iteki nishomap kuni ne, otta itak wa onishnishi ash kusu ne na, ari itak. 15Tambe gusu, nei utara anak ne nei kani uk, aige, aepakashnu korachi ki nisa ruwe ne: orowa, tan orushpe anak ne Yudea moshirʼun utara otta assuru ashte wa tanto pakno an ruwe ne.
16Koroka, nei shinen ikashima wan koikara utara anak ne Yesu hoshiki Gariraya moshiri ta numge shine nupuri otta paye nisa ruwe ne. 17Orowa, Shinuma nukara chiki, ko-ongami nisa ruwe ne: koroka, utumashire utara okai. 18Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na. 19Tambe gusu echi paye wa ingi-moshiri uirup ani koikara gunʼne kara yan, aige, Michi reihei otta ne yakka Poho reihei otta ne yakka Ashkanne Ramat reihei otta ne yakka baptisma kore: 20orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.
Currently Selected:
Mattaios 28: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018