Jona 3
3
3 Ik.
1Orowa, kanna shui Yehoba itak Yona otta ek wa ene hawe okai-hi:— 2E hopuni wa Ninebe kotan orota nei a poro machiya orota e oman wa ko-hawe ashte Ku e nure ash itak ani upaskuma ki yan, sekoro itak. 3Tambe gusu Yona hopuni wa Yehoba ye korachi Ninebe kotan orota oman nisa ruwe ne. Ninebe kotan anak ne shi no poro machiya ne, rere ko paye pakno poro ruwe ne. 4Orowa Yona machiya otta ahun heashiri wa shine to paye, aige, hawe ashte wa ene itak-hi:— Naa tu hotne rere ko an ko anak ne Ninebe kotan akiru kusu ne, sekoro itak. 5Orowa no Ninebe kotan un utara Kamui eishokoro; orowa, poro guru wano pon guru pakno obitta shomo ibe gusu aipawetenge wa bai ani akara mipihi mi nisa ruwe ne. 6Orowa, tap orushpe Ninebe kotan esapane guru otta kotuk, awa, shinuma anak ne am-set ka wa ash wa koro mipi ande wa hai ani akara mipihi yaimire, orowa no uina otta a nisa ruwe ne. 7Orowa, pase utara hemhem esapane guru hemhem utura ipawetenge ki wa Ninebe kotan otta asuru ashte wa ene itak-hi:— Ainu hemhem chikoikip hemhem chikoikip topaha hemhem iteki nep ne yakka sapke, nep ne yakka iteki ibe iteki iku anro: 8koroka, ainu hene chikoikip hene hai ani akara mipihi amire wa yupke no Kamui otta ko-hotuyepa anro: nen ne yakka koro wenburi newa tekehe otta okai wen monihi wano kiru anro. 9Chi okai utara iteki aisamka kuni ne Kamui keutum kiru wa koro niwen irushka-i orowa no ekohopi ya shomo ya eramu an guru nen ne ruwe ta an? sekoro itak. 10Orowa no Kamui nei utara koro wenburi orowa no kiru wa okai sekoro shiriki-i nukara: Orowa no Kamui nei utara otta ki kusu ne kushki keutum kiru wa shomo nei no ki nisa ruwe ne na.
Currently Selected:
Jona 3: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018