Yoannes 4
4
4 Ik.
1Yoannes kasu no Yesu anak ne inne koikara utara kara wa otta baptisma kore korʼan sekoro 2Parisee un utara nu shiri Utarapa eramʼan chiki (koroka, Yesu yaikota baptisma kore shomoki no koro koikara utara baptisma kore), 3Shinuma Yudea moshiri ekohopi wa shui Gariraya moshirʼotta oman nisa ruwe ne. 4Awa, Shinuma Samaria kotan kush kuni gusu ne ap nisa ruwe ne. 5Aige, Yakob anak ne koro poho Yosep otta koropare toitoi ehange no an Samaria un Sikar ani aporose machiya ta koshirepa: 6nei ushiketa Yakob koro shimpui an. Yesu anak ne payekai eshingi gusu, shimpui samaketa a nisa ruwe ne. Pakihi anak ju ni ji an pakihi ne ruwe ne na. 7Aine, Samaria kotan un shine shiwentep wakka ta gusu ek: awa, orota Yesu ene itak-hi :— En ikure wa En kore, ani itak. 8Koro koikara utara aep hok gusu machiya orun paye wa isam ruwe ne gusu ne na. 9Nei Samaria un shiwentep anak ne tambe gusu Shinuma otta ene itak-hi :— Hemanda gusu Eani anak ne Yudea un guru E ne wa Samaria un shiwentep en otta wakka koramkoro ya? (Inambe gusu ne yakun, Yudea un utara anak ne Samaria un utara kopahaunu shomoki ruwe ne.) 10Yesu ese wa orota ene itak-hi :— Eani anak ne Kamui korarape hemhem e eramʼan, samata, En ikure wa En kore ani an itak ani e otta ye guru hemhem e eamkiri yak anak, eani anak ne Shinuma otta koramkoro kusu ne, orowa, Shinuma ishu wakka e kore ash kusu ne na, ari itak. 11Orota nei shiwentep ene itak-hi :— Nishpa, wakka ta kuni eyairamokotep shomo E koro, samata, shimpui ooho ruwe ne: tambe gusu, nei wano nei ishu wakka E koro ya? 12Tan shimpui un kore, samata, orowa no yaikota hemhem, koro poho utara hemhem, chikoikip hemhem iku chikoro michi Yakob kasu no an guru E ne ya? 13Orota Yesu ese wa ene itak-hi :— Nen ne yakka tan wakka ku guru anak ne shui iku rusui kusu ne; 14koroka, nen ne yakka Ku koropare wakka iku guru anak ne ramma pakno iku rusui shomoki; koroka, otta Ku kore wakka anak ne ramma okere shomoki inotu otta purupuruge wakka shimpui nei kusu ne na. 15Shinuma otta shiwentep ene itak-hi :— Nishpa, iteki ku iku rusui hene ki, iteki wakka ta hene ki gusu eteun ku ek kuni ne kara wa en kore. 16Orota, e oman wa e hoku hotuyekara hine eteun araki yan. 17Shiwentep ese wa otta ene itak-hi :— Hoku ku sak ruwe ne, ani itak. Orota Yesu ene itak-hi :— Hoku ku sak sekorʼan itak ani e ye katu anak ne pirika ruwe ne: 18inambe gusu ne yakun, eani ashikne hoku e kon nisa, awa, tane e korobe ainu anak ne e hoku shomo ne ruwe ne; shunge sak no tap ambe e ye nisa ruwe ne na. 19Orota nei shiwentep ene itakhi :— Nishpa, Aokai anak ne Uweingara guru E ne ruwe ne sekoro ku esanniyo. 20Chikoro ekashi utara anak ne tan nupuri ta Kamui ko-ongami, awa, Yerusarem kotan anak ne utara ongami kusu ne a ushike ne, ani echi ye ruwe ne, sekoro itak. 21Orota Yesu ene itak-hi :— Shiwentep, En eishokoro yan, echi utara anak ne tan nupuri ta hene, Yerusarem kotan ta hene Michi shomo ko-ongami pakihi ek kusu ne. 22Echi eramushkarep echi koongami ruwe ne: chi utara anak ne eramu ambe ongami ash ruwe ne: inambe gusu ne yakun, kashiobiuki-i anak ne Yudea un utara wano an ambe ne ruwe ne gusu ne na. 23Son no ongami utara anak ne ramat newa sonep ani Michi koongami pakihi ek ruwe ne, tane ek an ruwe ne: Michi anak ne nei no okai ongami utara hunara ruwe ne gusu ne na. 24Kamui anak ne Ramat ne: Shinuma ko-ongami utara anak ne ramat newa sonep ani ko-ongami kusu ne ap ruwe ne. 25Shinuma otta nei shiwentep ene itak-hi :— (Kiristo ani aye) Messia ek shiri ku eraman: Shinuma ek chiki nep ne yakka an okaibe un nure kusu ne. 26Orota Yesu ene itak-hi :— E otta ye Kuani anak nei guru Ku ne ruwe ne, ari itak.
27Tata otta koro koikara utara araki; awa, Shinuma shiwentep tura ko-itak an shiri enushkari nisa ruwe ne; yakka :— Hemanda e hunara ya hene, nep gusu nei shiwentep tura ko-itak ya hene, ye guru isam ruwe ne. 28Aine, nei shiwentep anak ne koro wakka op ande wa machiya orota oman hine utara otta ene itak-hi :— 29Nep ne yakka ku iki ambe obitta en nure guru nukara gusu araki wa ingara yan; tambe anak ne Kiristo ne eashkaibe ne ruwe he an? ari itak. 30Orowa, utara machiya wa soyumba hine Shinuma orun araki shiri okai. 31Nei rapoketa Shinuma koikara utara onishnishi wa ene itak-hi :— 32Rabbi, ibe yan, ari itak. Koroka, orota Shinuma ene itak-hi :— Echi eramushkare no an e kuni aep Ku goro, ari itak. 33Tambe gusu koikara utara utashpa ene itak-hi :— Nen ka Shinuma ibere guru an a? 34Orota Yesu ene itak-hi :— Ku aep anak ne En omande guru koro irenga hemhem ki, Shinuma moni kara okere hemhem ki ambe ne ruwe ne. 35Naa ine chup an, orowa, nange pa ek sekoro echi ye shomoki ya? Echi otta Ku ye, ingara, echi shikihi hepuni wa toi orun ingara yan, tane nange pa gusu re tan ruwe ne. 36Nange guru anak ne pummaha koro wa ramma okere shomoki inotu gusu ibehe eumashnu; toita guru newa nange guru utura yaikopuntek kuni gusu ne na. 37Shinen etoita shinen nange sekorʼan itak tambe gusu son no ambe ne. 38Otta shomo echi monraige ushike echi nange kuni gusu echi payere ash: moshima okai utara monraige, awa, nei moni otta echi ahup nisa ruwe ne.
39Orowa, nei machiya orowa no inne Samaria un utara anak ne :— Nep ne yakka ku iki ambe obitta Shinuma en nure, sekoro paweteshu ki shiwentep ye itak gusu eishokon nisa ruwe ne na. 40Tambe gusu, Shinuma orota Samaria kotan un utara araki chiki tura no reushi kuni koramkoro: awa, tut ko uturuta nei utara tura no reushi nisa ruwe ne. 41Orowa, naa inne utara anak ne Shinuma ye itak gusu eishokoro; 42aige, nei shiwentep otta ene hawe okai-hi :— Tane anak ne e ye itak gusu chi eishokoro shomoki: chi utara yaikota chi nu wa son no newa tambe anak ne moshiri kashiobiuki kunip ne sekoro chi eramʼan ruwe ne gusu ne na, ani itak.
43Orowa, naa tut ko okaketa Shinuma nei kotan wano oman wa Gariraya moshiri orun arapa nisa ruwe ne. 44Inambe gusu ne yakun, uweingara guru anak ne koro kotan ta akooripak shomoki ruwe ne sekoro Yesu yaikota paweteshu ki nisa ruwe ne. 45Tambe gusu, Shinuma oman wa Gariraya moshiri ta ek chiki Gariraya un utara Shinuma uk nisa ruwe ne, nei utara ne yakka marapto an gusu paye wa Yerusarem kotan ta marapto an rapoketa Shinuma ki okaibe obitta nukan nisa ruwe ne gusu ne na.
46Tambe gusu, shui Shinuma nei wakka tonoto ne kara Gariraya moshirʼun Kana kotan ta ek Orowa, Kapernaum kotan ta koro okkai poho tashum ki shine tono an. 47Shinuma Yesu anak ne Yudea moshiri wano ek wa Gariraya moshiri ta an shiri nu chiki, orota oman wa koro poho iwangere gusu Shinuma san kuni ne koramkon nisa ruwe ne; shinuma rai ehange ruwe ne gusu ne na. 48Tambe gusu, nei guru otta Yesu ene itak-hi:— Echi utara anak ne shirosh hemhem, iyokunnurep hemhem, nukara shomoki yak anak ne oara echi eishokoro shomoki ruwe ne. 49Orota nei tono ene itakhi :— Nishpa, ku poho rai etokota san wa en kore. 50Orota Yesu ene itak-hi :— E oman, e poho ishu korʼan ruwe ne, ari itak. Orowa, orota Yesu ye itak nei guru eishokoro hine oman nisa ruwe ne na. 51Awa, shinuma san shiri an rapoketa koro usshiune utara etunangara wa, koro poho ishu shiriki an ruwe ne, ani itak. 52Tambe gusu, poho anak ne inan pakihi ta tumu nu heashi ruwe he an? sekoro nei utara otta nu nisa ruwe ne. Tambe gusu, numan ichi ji pakihi ta seisekmau tashum shinuma ande ruwe ne, sekoro itak. 53Orowa, orota, E poho ishu korʼan, ani an itak ani Yesu ye pakihi ne sekoro nei michi eraman: orowa, shinuma yaikota hemhem, uni un utara obitta hemhem, eishokon nisa ruwe ne. 54Tambe anak shui Yudea moshiri wano Gariraya moshiri ta ek okake Yesu tu ikinne no an kara shirosh ne ruwe ne na.
Currently Selected:
Yoannes 4: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018