Garatea 5

5 Ik.

1Son no rengaine an nrondum ari an an ambe ani Kiristo anak ne un honnere nisa ruwe ne: tambe gusu, roshki wa iteki ausshiune an rekuchi orunbe gusu aeyausshiunere yan.

2Ingara yan, kuani, Pauros anak ne echi otta ku ye, echi utara okarituye buri akire chiki, Kiristo anak ne shomo echi pirikare kusu ne. 3Ruwe ne wa, nen ne yakka okarituye buri akire pishno pishno an gurʼanak ne obitta no okai tuitak ki kunip ne sekoro ku ye ruwe ne. 4Tuitak gusu aoupekare kuni esanniyo echi utara anak ne Kiristo orowa no aemakap ne, Kamui irenga ehaitap ne ruwe ne na Inambe gusu ne yakun, 5chi utara anak ne chipachipa ki hine eishokor-i ani Ramat gusu oupeka ambe untere ruwe ne gusu ne na. 6Kiristo Yesu oshiketa okarituye buri akire-hi hene, shomo okarituye buri akire-hi hene, epirikare shomoki: koroka, omap iki wa eishokor-i patek epirikare ruwe ne. 7Echi utara anak ne pirika no hoyuppa nisa, awa, son no ambe shomo echi ki kuni shinnetush guru nen ne ruwe? 8Tan onishnishi ambe anak ne echi hotuyekara ambe orowa no an ambe shomo ne. 9Pon no pandane anak ne nei epunepushbe obitta shipushkere ruwe ne. 10Echi utara anak ne shinnai no esanniyo shomoki kusu ne sekoro Utarapa gusu ku yainu ruwe ne; koroka, nen ne yakka echi chiukopo-yere gurʼanak ne nei akoipishi ambe sei kusu ne na. 11Koroka, iriwak utara, kuani anak ne okarituye orushpe eupaskuma yakun, nep gusu tane ne yakka, a en keslike wa an a? Yak anak ne utasa chikuni gusu an ureepetchiurep anak aisamka nisa ruwe ne na. 12Echi chiukopoyere utara anak ne echi orowa no paye kuni ku kon rusui ruwe ne.

13Iriwak utara, echi utara anak ne rengaine an nrondum akore kuni ne ahotuyekan nisa ruwe ne; awa, kam irenga gusu iteki nei a echi akore rengaine an nrondum eiwange yan, koroka, omap ki wa gusu uweutashpa uweyaiusshiunere yan. 14Inambe gusu ne yakun, tuitak ebitta, shine itak ani auweomare ruwe ne, nei ambe anak ene ani ne; Eani yaikota yaiomap korachi aota un guru omap yan, sekorobe ne. 15Koroka, echi utara anak ne, uweutashpa uwekuba hemhem ki, uweibe hemhem ki chiki, ikineipeka, echi utara shomo utashpa uweaisamka kuni ne yaitubare yan.

16Koroka, ene ku ye-hi:— Ramat otta apkash yan; yakun, kam gusu ibeporore ambe shomo echi uweomare kusu ne. 17Inambe gusu ne yakun, kara anak ne ramat gusu ibeporore ki, orowa, ramat anak ne kam gusu ki ruwe ne gusu ne na; nei okaibe utashpa uweepokba ruwe ne gusu, echi ki rusuibe echi kara eaikap ruwe ne. 18Koroka, echi utara anak ne Ramat ari aani yakun, tuitak choropoketa echi okai shomoki ruwe ne. 19Kain gusu iki ikip anak ne anukara wa an ruwe ne; aige, tapne an ruwe ne:— Hoiyop hene, ichakkere ambe hene, ramupelcerep hene, potoki ko ongami ambe hene, 20aesaman ambe hene, epokbap hene, upaore hene, ikoitupap hene, kinrakarabe hene, sakayo karabe hene, uwekoppa an ambe hene, Kamui orusbpe ohoge yainu ambe hene, eyaitunnap ki ambe hene, ihoshki ambe hene, 21iku-sakayo hene, nei no okaibe anak kam gusu iki ikip ne ruwe ne: tap okaibe gusu etokota echi nure ash korachi, irammakaka echi nure na, nei okaibe iki utara anak ne Kamui moshiri eikeshkore shomoki kusu ne na. 22Koroka, Ramat hetukure ibehe anak ne tambe ne mwe ne; — Onrap-hi hene, akopuntek ambe hene, itomo hene, ramushiporore ambe hene, ramuhauge-hi hene, pirika-hi hene, eishokor-i atte ambe hene, 23ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne. 24Orowa, Kiristo Yesu kore utara anak ne kam hene, kara gusu an ayairamshitnere ambe newa ibeporore ambe tura utasa chikuni otta kotukka nisa ruwe ne na.

25Chi utara Ramat gusu ishu chiki, Ramat gusu apkash ne yakka ki yanro. 26Chi utara iteki yaiomonnure ki wa utashpa uweirushkare uweeyairamikashure ki yanro.

Currently Selected:

Garatea 5: AINU

Highlight

Copy