Garatea 3

3 Ik.

1Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an? 2Tambe patek echi otta ku nu rusui, tuitak ikip gusu nei Ramat echi akore ruwe he an? Eishokoro 3an shongo gusu akore ruwe he an? Nei oro pakno echi ramusakbe ne ruwe? Ramat gusu echi heashi wa tane kara gusu echi aeramushinnere ya? 4Raka-isam no tap korachi poron no okaibe echi aramushitne ruwe he an? nei ambe son no raka-sakbe ne chiki. 5Tambe gusu, echi orun Ramat kore, samata, echi tumta kiroro ikip iki Kamui anak ne tuitak ikip gusu nei ambe ki ya? eishokoro an shongo gusu Shinuma nei ambe ki ruwe he an? 6Abraham anak ne Kamui eishokoro, aige, tambe anak shinuma gusu oupeka ambe ne sekoro aesanniyo korachi poka ne ruwe ne. 7Tambe gusu, tambe uonnere yan, eishokoro ki utara anak ne, nei utara anak Abraham poho utara ne ruwe ne. 8Orowa, Kamui anak ne eishokor-i an ambe ani Oya utara oupekare kusu ne sekoro Kamui kambi-sosh teeda wano nukara gusu, — Aokai gusu obitta no okai moshiri uirup ikiri anak ne annkannukara kusu ne, — sekorʼan pirika shongo ani etoko wano Abraham otta eupaskuni a ki nisa ruwe ne. 9Tambe gusu, eishokor-i atte utara anak ne nei eishokoro ki Abraham tura anukannukara ruwe ne Inambe gusu ne yakun, 10tuitak ikip gusu iki utara anak ne obitta aiyoitakushi ambe choropoketa okai: tuitak kashiketa chieshinnuye wa an obitta no okaibe ki kuni ne, shomo nei okaibe otta obitta no okai utara anak pishno pishno aiyoitakushi an — sekoro anuye wa an ruwe ne gusu ne na. 11Kamui teksamata tuitak gusu nen ne yakka shomo aoupekare ari an ambe anak ne anukarape ne: inambe gusu ne yakun, aoupekare utara anak ne eishokor-i gusu ishu kusu ne; 12orowa, tuitak anak ne eishokor-i gusu an ambe shomo ne; koroka, nei okaibe iki guru anak ne 13nei ambe otta ishu kusu ne. Kiristo anak ne un gusu aiyoitakushi ambe ne akara gusu, tuitak gusu an iyoitakushi ambe orowa no un kikiraye nisa ruwe ne: inambe gusu ne yakun, ene chieshinnuye wa an :— Chikuni kata aeokte obitta no okai utara pishno aiyoitakushi an na — sekorʼan itak anuye wa an ruwe 14ne gusu ne na: tambe anak ne Kiristo Yesu oshiketa Abraham gusu an nukannukarabe Oya utara kata okai kuni gusu an ambe ne; tambe anak eishokor-i an gusu aeitakamkire an Ramat a un kore kuni gusu an ambe ne ruwe tapan na. 15Iriwak utara, ainu ye-hi korachi ku itak ruwe ne: nei ambe anak ne ouse ainu ki uitaknup ne a yakka, iki aeramushinne chiki, nei ambe isamka hene ki, otta moshima okaibe kashioraare hene ki guru isam ruwe ne. 16Eitakarakirep anak ne Abraham newa Abraham koro sanike otta aye nisa ruwe ne. Innep gusu aye korachi, koro sanike utara, ari an itak ani seenne ye, koroka, shinep gusu ye nei no, E koro sanike, ari an itak ani ye 17ruwe ne, nei ambe anak ne Kiristo ne ruwe ne. Orowa, tambe ku ye; — Tu shine wan hotne pa ikashima wan e tu hotne paha okaketa ek tuitak anak ne aeikanrbak-tep raka sakte kuni hoshiki no Kamui orowʼa no aashte 18eitakarakirep isamka shomoki ruwe ne. Inambe gusu ne yakun, ruokake ambe anak ne tuitak an gusu ne okaibe ne chiki, eitakamkire an gusu shomo ne; koroka, Kamui anak ne eitakamkire ambe ani Abraham otta nei ambe koropare nisa ruwe ne na. 19Yakun, tuitak anak ne nekon a ambe ne ya? Gusu nei eitakamkire aki sanike ek pakno, ouhaita ambe an gusu kashiiyop ne ruwe ne; iyuturu oma guru ani Kamui hauturun guru orowa no aande nisa ruwe ne na. 20Iyuturu oma guru anak ne shinep gusu an ambe shomo ne; koroka, Kamui anak shine Kamui ne ruwe ne. 21Yakun, tuitak anak ne Kamui ki eitakamkirep epokba ruwe he an? oara shomo: inambe gusu ne yakun, shiknure eashkai tuitak akoropare wa okai chiki, son no ka un, oupeka ambe anak ne tuitak an gusu an ap ne. 22Koroka, Yesu Kiristo eishokoro gusu an eitakamkirep anak ne eishokoro ki utara otta akoropare kuni ne, Kamui kambi-sosh anak obitta no okaibe otta chikokatpak kashiomare nisa ruwe ne na.

23Koroka, eishokoro-i ek isam etokota, chi utara anak ne tuitak gusu a un shikkashima nisa, okake anukare kusu ne aeishokor-i otta a un koapa shi nisa ruwe ne. 24Tambe gusu, tuitak anak ne eishokor-i ani a un oupekare kuni ne Kiristo otta un tura gusu an un epakashnup ne ruwe ne. 25Koroka, tane anak ne eishokor-i ek wa an gusu, chi utara shomo un epakashnu guru otta ko-okai. 26Inambe gusu ne yakun, obitta no okai echi utara anak ne Kiristo Yesu otta eishokor-i an gusu Kamui poho echi ne. 27Echi utara tumugeta Kiristo otta Baptisma akore obitta no okai utara anak ne Kiristo yaitomchiure nisa ruwe ne gusu ne na. 28Yudea un guru hene, Herenes un guru hene okai eaikap, ausshiune guru hene, rengaine an guru hene okai eaikap, okkai hene matnep hene okai eaikap ruwe ne: inambe gusu ne yakun, Kiristo Yesu otta obitta no okai echi utara anak ne shinep ne ruwe ne gusu ne na. 29Orowa, Kiristo korobe echi ne yakun, Abraham koro sanike echi ne, aige, eitakamkirep an korachi eikeshkoro utara echi ne ruwe tapan na.

Currently Selected:

Garatea 3: AINU

Highlight

Copy