Room 9
9
Kɔraawiizi ni u nɛra wia
1Gunla min niŋ ŋɔ naa, wibiire. N ni Kristo n kpauwɛ kennaa, màá kanni kara. N na ŋɔ wia naabuu ani biinihuŋŋu. Kɔraawiizi Dumnanii ge gba du de, di ra di n daansɛɛ 2alugɔ n biini chɔkkɔɔ werge maa, di ra tɔɔriŋ saŋa maa 3dikuu n nɛra la wia. Di Kɔraawiizi seeŋ nua di bargiŋ Kristo be, ka lɛɛ banla n ɛɛ n lulla newea dizi biini la, n na nyiŋŋi guŋ. 4Baabuu Izrɛl hina la. Baabuu Kɔraawiizi lizi durnya biini, ba ɛɛ u biizi di bagli baa u girme la. U ni baabuu faa ɔɔ ra ɛɛ nuukpaŋ. Baabuu u faa bagli u widaulaa ni u jaamaa, di kaa ŋɔ nuuzi aŋhina tɛɛ baa la. 5Ba naabaalaa faala hina la wia yaa n ɔɔ ra liizi la. Kristo gba ɛɛ ba bɛllɛ di lii u newee bɔr la. Kristo kaa ɛɛ Kɔraawiizi, di dɛg chɔlaa saŋaa saŋa maa. Ami.
6Ama, a waa ɛɛwɛ lugɔ nuuŋɔɔlaa la Kɔraawiizi n ŋɔwɛɛ la bir pɛɛrɛ, dikuubɛɛwiai, Izrɛl hina la maa lɛi ɛɛ Izrɛl hina. 7Banla maa n ɛɛ Abraham naanna ge lɛi u naanna. Kɔraawiizi faa ŋɔwɔɔrɛ,
“Aizik benii í ga na biizi ni naanna.”#Lug 21:12; 25:1-2
8U zɛɛrɛ lugɔ newea biizi lɛi Kɔraawiizi biizi. U nuuŋɔɔliirɛ ú binni zum banla unna yir u biizi la. 9Kɔraawiizi n wa ŋɔ nua la, u ŋɔwɔɔrɛ, “N daŋ kaa ba i be saŋa bɛl. N daŋ waa ba, di i haaŋ Saara lul biibaal.”#Lug 18:10
10Ií kaa binni Ribɛka ge wia na. U faa kpogli hiarɛ di ra nyiŋŋi u lul yaa naabaal Aizik biinɛɛri. 11Kɔraawiizi bagluu biizi la wia mɔɔ ka u haa wa lul. Biizi la faa haa waa winanaa ɛɛwɛ, ba faa haa waa wichɔgaa gba ɛɛwɛ, ka u bagli ba wia, yá zum lugɔ Kɔraawiizi nɛra lizaa tɛɛ u hiŋ ɛɛ u himmaa kipattɛ. Nɛra huma wia lɛi u lizi baa tɛɛ u hiŋ. Uŋ yir baa wiarɛ ba wer ba u be la.#Lug 25:23 12Um bagli Aizik biizi wia la, kenne u bagli, “Nabɔma hiŋ danna sɛɛ bichala hiŋ dɔɔra.” 13Gunnɛ ba kaa sɛbi di ŋɔ, “Jekɔbuu n nɔŋŋi ka hah Ɛsau.”#Mala 1:2-3
14Ɛrɛɛ ya ŋɔ naanɛi? Kɔraawiizi dɔɔ wichɔgaarɛ gɛɛ? Akai. 15Kɔraawiizi faa ŋɔ Moosis benii,
“N daŋ suŋ banla maa min niŋ suŋ ba ni,
di kaa na banla maa
miŋ nɔŋŋɛɛ la
sinyɛna.”#Lii 33:19
16Awia, newee kipar ni u huma waa hoo de. Kɔraawiizi nɛsunaa biinii a maa lii. 17Ba kaa sɛbi Kɔraawiizi Hɔŋ biini gunla Kɔraawiizi n faa ŋɔwɛɛ Ijip koori la be, “Kennaa wiarɛ n gil i ɛɛ koori, ń wer bagli n fɔŋŋa i ni, durnya maa wer nuu n wia di tɛŋ sɔŋ.”#Lii 9:16 18Awia, unla maa Kɔraawiizi n niŋ suŋ u ni, u daŋ suŋ u ni. Unla maa ge un niŋ gil u bampirii du kpeg, u daŋ gil u bampirii du kpeg.
19Too. I daŋ pɛɛzi, “Di Kɔraawiizii gillɛ u bampirii du kpeg, ɛrɛɛ u kaa kpa chɔgri tɛuwɛi? A hiŋ daŋ wer bir Kɔraawiizi humaa naa?” 20Hìŋ́ newee, ka i ŋɔ í pɛɛzi Kɔraawiizi nuaa? “Kunla bam mawɛɛ daŋ wer pɛɛzi unla n mau la gunla n baani u mau guŋŋ?”#Aiza 45:9 #Jɛrɛ 18:1-6 21Di viimaari a nyiŋŋi u chɔg chuuri di kpa a yeŋ ma kumbɛl bá kpa ra hum hunnanaa, di kaa kpa a yeŋ ge ma kumbɛl bá kpa ra hum hundoŋa, u dɔɔ guŋ fɔŋŋaa.
22Di Kɔraawiizi ge ra nyiŋŋi u bagli gunla wichɔgaa n na fuuh u baaŋ, di kaa bagli u fɔŋŋa ma nɛra, ba ɛɛ lugɔ viini la n dɛg chɔgaa, ka haa vɛɛ di di baa kanyitti guŋŋ ú wa bagli u fɔŋŋa ni u baaŋfuuih ba ni, u dɔɔ guŋ fɔŋŋaa. 23Di u kaa ra nyiŋŋi u ma nɛra lugɔ viini la uŋ felee ŋɔ aabuu niŋ dɔɔ girme la, di ra suŋ ba ni ú wer bagli u girmezeŋ la uŋ kpawɛɛ tɛɛ yaa 24banla uŋ yittɛ yaa ba u be la, yaa banla n ɛɛ Jus hina ani ii banla n waa Jus hina ɛɛwɛ maa, amɔ, wàá wer guŋŋ? 25Kɔraawiizi dɔgtɛɛ Hozia faa sɛbi gunla Kɔraawiizi n ŋɔwɛɛ labuu,
“N daŋ yir banla n waa n nɛra ɛɛwɛ n nɛra,
di yir banla n faa waa
n nɛnɔŋŋaa ɛɛwɛ,
n nɛnɔŋŋaa.”
26“Bɔr la baŋ faa ŋɔwɛɛ,
‘Ii waa n nɛra ɛɛwɛ la,’
ba daŋ jaa ra yir baa,
‘Kɔraawiizi la n du de
saŋa maa la biizi.’ ”#Hozi 1:10
27Kɔraawiizi dɔgtɛɛ Aizaaya faa ŋɔ Izrɛl hina wiarɛ,
“Haali Izrɛl hina
n kpillɛ werge
alugɔ muunua
hɛɛhriichaa la,
ka ba tama bɛnnɛ
niŋ ka, di bir ba,#Aiza 10:22
28dikuubɛɛwiai, u daŋ ŋmɛnɛ ɛɛ wia la
uŋ faa ŋɔwɛɛ chɔgi
durnya manamanaŋ,
bá tuŋ.”
29Aizaaya la faa ŋɔwɔɔrɛ,
“Di Kɔraawiizi Fɔŋŋa Maa Hiŋ la
faa waa naanna
gillɛ tɛɛ yaa,
yaa maa daŋ vii tuŋ kɔrai alugɔ
Sɔdɔm ni Gɔmɔra hina
n faa tunnɛ la.”#Aiza 1:9
Pɔɔl n suŋŋi wiizi tɛɛ Izrɛl hina wia
30Too. Ɛrɛɛ a du naanɛi? Banla n waa Jus hina ɛɛwɛ faa waa gunla ba wia n niŋ deŋli Kɔraawiizi be kpawɛɛ su siwii, ka ba bir wa na guŋ. A lii ba yarda biinii. 31Izrɛl hina ge kpa guŋ su siwii, di nyiŋŋi kii la ban niŋ hiŋ, bá wia wer deŋli Kɔraawiizi be, ka baawaa waa wette na guŋ. 32Bɛɛ n baani ba waa wette na gunnɛi? Ba waa wette na guŋ, dikuubɛɛwiai, ba waa yarda kpawɛɛ ra nyiŋŋi guŋ, ka ra nyiŋŋi ba wia deŋli Kɔraawiizi be. Ba kpa ba naazii lɔ “bii la n ɔɔ gil nɛra ra kɛŋli la.” 33Ba sɛbi a bii wiarɛ Kɔraawiizi Hɔŋ biini, di ŋɔ,
“Ií nuu ɛŋ,
n kpa n bii bɛllɛ
dau Ziɔn hɛri,
ú gil nɛra ra lɔ ba naazi,
di ra kɛŋli.
U kaa ɛɛ bii la
n niŋ gil bá chol.#Aiza 8:14
Nɛr la maa n niŋ yardi
nɛr la miŋ yir bii la,
wàá bir di hiihzi.”#Aiza 28:16
Currently Selected:
Room 9: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 9
9
Kɔraawiizi ni u nɛra wia
1Gunla min niŋ ŋɔ naa, wibiire. N ni Kristo n kpauwɛ kennaa, màá kanni kara. N na ŋɔ wia naabuu ani biinihuŋŋu. Kɔraawiizi Dumnanii ge gba du de, di ra di n daansɛɛ 2alugɔ n biini chɔkkɔɔ werge maa, di ra tɔɔriŋ saŋa maa 3dikuu n nɛra la wia. Di Kɔraawiizi seeŋ nua di bargiŋ Kristo be, ka lɛɛ banla n ɛɛ n lulla newea dizi biini la, n na nyiŋŋi guŋ. 4Baabuu Izrɛl hina la. Baabuu Kɔraawiizi lizi durnya biini, ba ɛɛ u biizi di bagli baa u girme la. U ni baabuu faa ɔɔ ra ɛɛ nuukpaŋ. Baabuu u faa bagli u widaulaa ni u jaamaa, di kaa ŋɔ nuuzi aŋhina tɛɛ baa la. 5Ba naabaalaa faala hina la wia yaa n ɔɔ ra liizi la. Kristo gba ɛɛ ba bɛllɛ di lii u newee bɔr la. Kristo kaa ɛɛ Kɔraawiizi, di dɛg chɔlaa saŋaa saŋa maa. Ami.
6Ama, a waa ɛɛwɛ lugɔ nuuŋɔɔlaa la Kɔraawiizi n ŋɔwɛɛ la bir pɛɛrɛ, dikuubɛɛwiai, Izrɛl hina la maa lɛi ɛɛ Izrɛl hina. 7Banla maa n ɛɛ Abraham naanna ge lɛi u naanna. Kɔraawiizi faa ŋɔwɔɔrɛ,
“Aizik benii í ga na biizi ni naanna.”#Lug 21:12; 25:1-2
8U zɛɛrɛ lugɔ newea biizi lɛi Kɔraawiizi biizi. U nuuŋɔɔliirɛ ú binni zum banla unna yir u biizi la. 9Kɔraawiizi n wa ŋɔ nua la, u ŋɔwɔɔrɛ, “N daŋ kaa ba i be saŋa bɛl. N daŋ waa ba, di i haaŋ Saara lul biibaal.”#Lug 18:10
10Ií kaa binni Ribɛka ge wia na. U faa kpogli hiarɛ di ra nyiŋŋi u lul yaa naabaal Aizik biinɛɛri. 11Kɔraawiizi bagluu biizi la wia mɔɔ ka u haa wa lul. Biizi la faa haa waa winanaa ɛɛwɛ, ba faa haa waa wichɔgaa gba ɛɛwɛ, ka u bagli ba wia, yá zum lugɔ Kɔraawiizi nɛra lizaa tɛɛ u hiŋ ɛɛ u himmaa kipattɛ. Nɛra huma wia lɛi u lizi baa tɛɛ u hiŋ. Uŋ yir baa wiarɛ ba wer ba u be la.#Lug 25:23 12Um bagli Aizik biizi wia la, kenne u bagli, “Nabɔma hiŋ danna sɛɛ bichala hiŋ dɔɔra.” 13Gunnɛ ba kaa sɛbi di ŋɔ, “Jekɔbuu n nɔŋŋi ka hah Ɛsau.”#Mala 1:2-3
14Ɛrɛɛ ya ŋɔ naanɛi? Kɔraawiizi dɔɔ wichɔgaarɛ gɛɛ? Akai. 15Kɔraawiizi faa ŋɔ Moosis benii,
“N daŋ suŋ banla maa min niŋ suŋ ba ni,
di kaa na banla maa
miŋ nɔŋŋɛɛ la
sinyɛna.”#Lii 33:19
16Awia, newee kipar ni u huma waa hoo de. Kɔraawiizi nɛsunaa biinii a maa lii. 17Ba kaa sɛbi Kɔraawiizi Hɔŋ biini gunla Kɔraawiizi n faa ŋɔwɛɛ Ijip koori la be, “Kennaa wiarɛ n gil i ɛɛ koori, ń wer bagli n fɔŋŋa i ni, durnya maa wer nuu n wia di tɛŋ sɔŋ.”#Lii 9:16 18Awia, unla maa Kɔraawiizi n niŋ suŋ u ni, u daŋ suŋ u ni. Unla maa ge un niŋ gil u bampirii du kpeg, u daŋ gil u bampirii du kpeg.
19Too. I daŋ pɛɛzi, “Di Kɔraawiizii gillɛ u bampirii du kpeg, ɛrɛɛ u kaa kpa chɔgri tɛuwɛi? A hiŋ daŋ wer bir Kɔraawiizi humaa naa?” 20Hìŋ́ newee, ka i ŋɔ í pɛɛzi Kɔraawiizi nuaa? “Kunla bam mawɛɛ daŋ wer pɛɛzi unla n mau la gunla n baani u mau guŋŋ?”#Aiza 45:9 #Jɛrɛ 18:1-6 21Di viimaari a nyiŋŋi u chɔg chuuri di kpa a yeŋ ma kumbɛl bá kpa ra hum hunnanaa, di kaa kpa a yeŋ ge ma kumbɛl bá kpa ra hum hundoŋa, u dɔɔ guŋ fɔŋŋaa.
22Di Kɔraawiizi ge ra nyiŋŋi u bagli gunla wichɔgaa n na fuuh u baaŋ, di kaa bagli u fɔŋŋa ma nɛra, ba ɛɛ lugɔ viini la n dɛg chɔgaa, ka haa vɛɛ di di baa kanyitti guŋŋ ú wa bagli u fɔŋŋa ni u baaŋfuuih ba ni, u dɔɔ guŋ fɔŋŋaa. 23Di u kaa ra nyiŋŋi u ma nɛra lugɔ viini la uŋ felee ŋɔ aabuu niŋ dɔɔ girme la, di ra suŋ ba ni ú wer bagli u girmezeŋ la uŋ kpawɛɛ tɛɛ yaa 24banla uŋ yittɛ yaa ba u be la, yaa banla n ɛɛ Jus hina ani ii banla n waa Jus hina ɛɛwɛ maa, amɔ, wàá wer guŋŋ? 25Kɔraawiizi dɔgtɛɛ Hozia faa sɛbi gunla Kɔraawiizi n ŋɔwɛɛ labuu,
“N daŋ yir banla n waa n nɛra ɛɛwɛ n nɛra,
di yir banla n faa waa
n nɛnɔŋŋaa ɛɛwɛ,
n nɛnɔŋŋaa.”
26“Bɔr la baŋ faa ŋɔwɛɛ,
‘Ii waa n nɛra ɛɛwɛ la,’
ba daŋ jaa ra yir baa,
‘Kɔraawiizi la n du de
saŋa maa la biizi.’ ”#Hozi 1:10
27Kɔraawiizi dɔgtɛɛ Aizaaya faa ŋɔ Izrɛl hina wiarɛ,
“Haali Izrɛl hina
n kpillɛ werge
alugɔ muunua
hɛɛhriichaa la,
ka ba tama bɛnnɛ
niŋ ka, di bir ba,#Aiza 10:22
28dikuubɛɛwiai, u daŋ ŋmɛnɛ ɛɛ wia la
uŋ faa ŋɔwɛɛ chɔgi
durnya manamanaŋ,
bá tuŋ.”
29Aizaaya la faa ŋɔwɔɔrɛ,
“Di Kɔraawiizi Fɔŋŋa Maa Hiŋ la
faa waa naanna
gillɛ tɛɛ yaa,
yaa maa daŋ vii tuŋ kɔrai alugɔ
Sɔdɔm ni Gɔmɔra hina
n faa tunnɛ la.”#Aiza 1:9
Pɔɔl n suŋŋi wiizi tɛɛ Izrɛl hina wia
30Too. Ɛrɛɛ a du naanɛi? Banla n waa Jus hina ɛɛwɛ faa waa gunla ba wia n niŋ deŋli Kɔraawiizi be kpawɛɛ su siwii, ka ba bir wa na guŋ. A lii ba yarda biinii. 31Izrɛl hina ge kpa guŋ su siwii, di nyiŋŋi kii la ban niŋ hiŋ, bá wia wer deŋli Kɔraawiizi be, ka baawaa waa wette na guŋ. 32Bɛɛ n baani ba waa wette na gunnɛi? Ba waa wette na guŋ, dikuubɛɛwiai, ba waa yarda kpawɛɛ ra nyiŋŋi guŋ, ka ra nyiŋŋi ba wia deŋli Kɔraawiizi be. Ba kpa ba naazii lɔ “bii la n ɔɔ gil nɛra ra kɛŋli la.” 33Ba sɛbi a bii wiarɛ Kɔraawiizi Hɔŋ biini, di ŋɔ,
“Ií nuu ɛŋ,
n kpa n bii bɛllɛ
dau Ziɔn hɛri,
ú gil nɛra ra lɔ ba naazi,
di ra kɛŋli.
U kaa ɛɛ bii la
n niŋ gil bá chol.#Aiza 8:14
Nɛr la maa n niŋ yardi
nɛr la miŋ yir bii la,
wàá bir di hiihzi.”#Aiza 28:16
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.