Room 8
8
Miibɔɔ n lii Duma be wia
1Awia, di yaa ni Yeesu Kristo kpauwɔ, Kɔraawiizi wàá ka di ya seriya ya chol. 2U Dumnanii la n na tɛɛ ia miibɔɔ dikuu ii ni Yeesu Kristo n kpauwɛ la wia, u dɔɔra daŋ lɛɛ ia wichɔgaa ni siu fɔŋŋa biini. 3Wia la Gbɔg la n faa waa wette ɛɛ dikuu newee manni n ɔɔ gil u ra bɛɛli la wia, Kɔraawiizi ɛɛabuu. U hum u himmaa Biibaallɛ dikuu nɛra wichɔgaa wia, di gil u dɔɔ newea ge bɔrahɔŋ la n ɔɔ gil ba ra ɛɛ wichɔgaa la, di wa chɔgi wichɔgaa la fɔŋŋa newea bɔrahɔŋ ni. 4U ɛɛ gunnɛ, ka yáa banla n waa ɔɔ ra ɛɛ yaa wia yaa bɔrahɔŋ fɔŋŋa biini, ka ra ɛɛa Kɔraawiizi Dumnanii fɔŋŋa biini wer ɛɛ winanaa la maa a Gbɔg n na bagli.
5Banla n ɔɔ gil ba bɔrahɔŋ dɔɔ baa la, ba bɔrahɔŋ wiarɛ ba kpa su siwii. Banla ge n ɔɔ gil Kɔraawiizi Dumnanii dɔɔ baa, u wiarɛ ba ge kpa su siwii. 6Banla n ɔɔ gil ba nfɛrɛ du ba bɔrahɔŋ wia ni la siuwɔɔ. Banla ge n ɔɔ gil ba nfɛrɛ du Kɔraawiizi Dumnanii ni la, ba dɔɔ miibɔɔ ni bampirsɔnaa. 7Banla nfɛrɛ n du ba bɔrahɔŋ wia ni, ba hah Kɔraawiizi wiarɛ. Ba waa u nua ra hiŋ. Di ba faa ra nyiŋŋi ba hiŋ u nua, ka ba wàá wer hiŋuu. 8Awia, banla n gillɛ ba bɔrahɔŋ dɔɔ baa, ba wia wàá wer par Kɔraawiizi.
9Ka iawaa, ii waa gillɛ ii bɔrahɔna dɔɔ ia. Kɔraawiizi Dumaa dɔɔ ia. U du ii biinee. Di nɛr la maa waa Kristo Duma la dɔɔwɛ u biini, waa Kristo hor ɛɛwɛ.#1Kɔr 3:16 10Ka di Kristo du ii biine, ii bɔrahɔna siuzɔɔrɛ dikuu wichɔgaa wia, ka Kɔraawiizi Duma a nyiŋ dikuu winanaa wia. 11Di Kɔraawiizi la n lalli Yeesu Kristo lii siu biini la Duma du ii biine, u daŋ gil ii bɔrahɔna kaa wer na miibɔɔ u Duma la n du ii biine la fɔŋŋa wia.
12Awia, yaabalaa, unla n dɔɔ yaa, yaa n ninna hiŋ la, yaa bɔrahɔna lɛi. 13Di ii ra ɛɛ ii bɔrahɔna wia, ii daŋ siuzi. Ka di ii ra vɛɛ ii bɔrahɔna wichɔgaa la Kɔraawiizi Duma fɔŋŋa biini, ii daŋ na miibɔɔ, 14dikuubɛɛwiai, banla maa n na hiŋ Kɔraawiizi Duma la ɛɛ Kɔraawiizi biizii. 15Kɔraawiizi waa ia tɛɛwɛ yoma duula ii kaa ra ɔm. U tɛɛ iabuu biizi duula, yaa ra yiruu “N Mɛ! N Mɛ!”#2Tim 1:7 #Gale 4:5-7 16U Dumnanii ɔɔ gil yaa zum yaa biine lugɔ yaa ɛɛ Kɔraawiizi biizii. 17Di yaa ɛɛ u biizi, yaa ɛɛ u kapɛttɛ diiree jaa. Yaa ni Kristoo niŋ kpau di di u kapɛttɛ la. Yaa ni Kristo maanii kpauwɛ ra di tɔɔrɔɔ, ka yáa nuu maa wa kpau na girme.
Kɛrɛbɛl girme wia
18Tɔɔrɔɔ naa yaa n na di filaŋkennaa, waa girme la yaa n niŋ wa na la duglɛɛ.#2Kɔr 4:17 19Chiŋ ni hɛri gba aah siwiire di ra kpaŋ saŋa la Kɔraawiizi biizi n niŋ wa lii labuu, 20dikuubɛɛwiai, a waa a hinaa dɔɔwɛ. A yoowoo ra huhzi. A himmaa kipar wia lɛi. Kɔraawiizii lɛɛ a fɔŋŋa guŋ mɔɔ ka gil a ra kpaŋ saŋa la un niŋ wa gil á dɔɔ a hinaa la. 21Chiŋ ni hɛri gba daŋ na lɛɛi lii siu be, di wer dɔɔ a hinaa saŋa la Kɔraawiizi biizi n niŋ wa na ba girme, dikuu ban niŋ dɔɔ bahinaa la wia.
22Yaa zummɔ lugɔ chiŋ ni hɛri maa di tɔɔrɔɔrɛ, di him guŋŋ wa lii zinaa. 23A bɛŋ lɛi. Yaa banla n teŋ dɔɔ Kɔraawiizi Duma di lii u kapɛttɛ yaa n niŋ haa di la biini, yaa gba ra himuu di ra kpaŋ ani tamii, saŋa la Kɔraawiizi n niŋ lɛɛ yaa bɔrahɔna ha, ya wer birgi u biizi ga tuŋ la. 24Kɔraawiizi n lɛɛ yaa la, yaa wettoo dɔɔ tamii. Di i wa na kunla ni hinna tami, a waa kaa ɛɛ lugɔ í kaa ra tami u ni. Di i dɔɔ kuŋ, i daŋ kaa ɛɛ u tamiiyaa? 25Ka di yaa ra tami kuna la yaa n haa waa dɔɔwɛ ni, yaa danna kpaŋaa guŋŋ ani kanyitti.
26Gunnɛ Kɔraawiizi Dumnanii ra hiini yaa dikuu yaa gɛrga wia. Yaa waa ɔɔ zum suŋŋaa la n dɛkkɛ yaa n niŋ suŋŋi Kɔraawiizi be. Ka u Dumnanii la ɔɔ suŋŋuu ra tɛɛ yaa. Unna suŋŋuu la, a ɛɛwɔɔ lugɔ himaa yaa n waa wette ya kpa du wiŋɔzi biini. 27Unla ge n ɔɔ ra pessi yaa biine la ɔɔ zum u Dumnanii la nfɛrɛɛ, dikuubɛɛwiai, u Dumnanii labuu zum u kipar, di suŋŋuu guŋ ra tɛɛ yaa.
28Yaa kaa zum lugɔ Kɔraawiizi ɔɔ giluu wiimaa birgi winanii tɛɛ banla am paruu u lizi tɛɛ u hiŋ, ba nɔŋŋuu la. 29Kɔraawiizi feloore lizi banla uŋ felee nɔŋŋi labuu, ú wer birgi baa bá wer du u Biibaal duula, ú Biibaal hiŋ wer dɔɔ niuna kpilakpila di ɛɛ ba maa nabɔma. 30Kɔraawiizi yir banla uŋ felee lizi labuu ba ba u be. Uŋ yir baa ba ba u be la, u gil ba wia deŋli u be. Uŋ gillɛ ba wia deŋli u be la, u kaa ŋɔ bá dɔɔ u girme ge.
31Di yaa zum wia naa maa miŋ ŋɔwɛɛ naa, ɛɛrɛ yaa wia jaa duɛi? Kɔraawiizi n chigɛ yaa har naa, anɛɛ n niŋ kaa wer bagli fɔŋŋa yaa ninɛi?#2Koo 6:16-17; 1Jɔɔ 4:4 32Kɔraawiizi n wette kuu yaa maa wia di kpa u himmaa Biibaal du nɛra nonee biini, ba faa ra nyiŋŋi ba kpuu ka wɔɔ lɛɛwɛ la, amɔ, wàá sunzi yaa kummaa dikuu u Biibaal la wiaa? 33Anɛɛ n niŋ wer kpa wichɔgaa chug banla Kɔraawiizi n lizɛɛ tɛɛ u hinnɛi? Kɔraawiizi n gillɛ ba wia deŋli u be la, 34anɛɛ n niŋ kaa wer ŋɔ ba cholloowei? Yeesu Kristoo ɛɛ nɛr la n siuwɛ, di kaa ɛɛ nɛr la Kɔraawiizi n lallɛɛ siu biini. U jaa du Kɔraawiizi nabɔmbɔr la, di ɔɔ suŋŋuu ra tɛɛ yaa. 35Bɛɛ n niŋ wer lizi nɔŋŋaa la Kristo n nɔŋŋi yaa la yaa ninɛi? Anuula, dɔgnya, tɔɔrɔɔ dii, lɔzi, nyaari, siu biini dui ani yaa kpui, annii bɛl maa wàá wer lizi nɔŋŋaa la un nɔŋŋi yaa la, yaa ni. 36Ba faa sɛbɔɔrɛ Kɔraawiizi Hɔŋ biini, di ŋɔ,
“Yaa ɔɔ du siu biinii saŋa maa dikuu i wia.
Yaa ɛɛwɔɔ lugɔ
peeza baŋ lizɛɛ
bá kɔrgaa la.”#Yira 44:22
37Ka wia naa maa, di bɛl maa wa huuzi yaa, yaabuu kpekke kaaluu, dikuu Yeesu Kristo n nɔŋŋi yaa la wia. 38Wii naa waa bilii maa dɔɔwɛ n be. N zummɔ lugɔ siu ni miibɔɔ, mɛlikananaa ni achɔgaa, wia la n du de filaŋkeŋ ni wia la n niŋ haa du de, fɔŋŋazi dizi, 39kuna la n du chiŋ ni kuna la n du hɛri ani kundee maa n du de, annii bɛl maa wàá wer lizi Kɔraawiizi nɔŋŋaa la yaa n zummɛ yaa Dɔɔri Yeesu Kristo be la, yaa ni.
Currently Selected:
Room 8: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 8
8
Miibɔɔ n lii Duma be wia
1Awia, di yaa ni Yeesu Kristo kpauwɔ, Kɔraawiizi wàá ka di ya seriya ya chol. 2U Dumnanii la n na tɛɛ ia miibɔɔ dikuu ii ni Yeesu Kristo n kpauwɛ la wia, u dɔɔra daŋ lɛɛ ia wichɔgaa ni siu fɔŋŋa biini. 3Wia la Gbɔg la n faa waa wette ɛɛ dikuu newee manni n ɔɔ gil u ra bɛɛli la wia, Kɔraawiizi ɛɛabuu. U hum u himmaa Biibaallɛ dikuu nɛra wichɔgaa wia, di gil u dɔɔ newea ge bɔrahɔŋ la n ɔɔ gil ba ra ɛɛ wichɔgaa la, di wa chɔgi wichɔgaa la fɔŋŋa newea bɔrahɔŋ ni. 4U ɛɛ gunnɛ, ka yáa banla n waa ɔɔ ra ɛɛ yaa wia yaa bɔrahɔŋ fɔŋŋa biini, ka ra ɛɛa Kɔraawiizi Dumnanii fɔŋŋa biini wer ɛɛ winanaa la maa a Gbɔg n na bagli.
5Banla n ɔɔ gil ba bɔrahɔŋ dɔɔ baa la, ba bɔrahɔŋ wiarɛ ba kpa su siwii. Banla ge n ɔɔ gil Kɔraawiizi Dumnanii dɔɔ baa, u wiarɛ ba ge kpa su siwii. 6Banla n ɔɔ gil ba nfɛrɛ du ba bɔrahɔŋ wia ni la siuwɔɔ. Banla ge n ɔɔ gil ba nfɛrɛ du Kɔraawiizi Dumnanii ni la, ba dɔɔ miibɔɔ ni bampirsɔnaa. 7Banla nfɛrɛ n du ba bɔrahɔŋ wia ni, ba hah Kɔraawiizi wiarɛ. Ba waa u nua ra hiŋ. Di ba faa ra nyiŋŋi ba hiŋ u nua, ka ba wàá wer hiŋuu. 8Awia, banla n gillɛ ba bɔrahɔŋ dɔɔ baa, ba wia wàá wer par Kɔraawiizi.
9Ka iawaa, ii waa gillɛ ii bɔrahɔna dɔɔ ia. Kɔraawiizi Dumaa dɔɔ ia. U du ii biinee. Di nɛr la maa waa Kristo Duma la dɔɔwɛ u biini, waa Kristo hor ɛɛwɛ.#1Kɔr 3:16 10Ka di Kristo du ii biine, ii bɔrahɔna siuzɔɔrɛ dikuu wichɔgaa wia, ka Kɔraawiizi Duma a nyiŋ dikuu winanaa wia. 11Di Kɔraawiizi la n lalli Yeesu Kristo lii siu biini la Duma du ii biine, u daŋ gil ii bɔrahɔna kaa wer na miibɔɔ u Duma la n du ii biine la fɔŋŋa wia.
12Awia, yaabalaa, unla n dɔɔ yaa, yaa n ninna hiŋ la, yaa bɔrahɔna lɛi. 13Di ii ra ɛɛ ii bɔrahɔna wia, ii daŋ siuzi. Ka di ii ra vɛɛ ii bɔrahɔna wichɔgaa la Kɔraawiizi Duma fɔŋŋa biini, ii daŋ na miibɔɔ, 14dikuubɛɛwiai, banla maa n na hiŋ Kɔraawiizi Duma la ɛɛ Kɔraawiizi biizii. 15Kɔraawiizi waa ia tɛɛwɛ yoma duula ii kaa ra ɔm. U tɛɛ iabuu biizi duula, yaa ra yiruu “N Mɛ! N Mɛ!”#2Tim 1:7 #Gale 4:5-7 16U Dumnanii ɔɔ gil yaa zum yaa biine lugɔ yaa ɛɛ Kɔraawiizi biizii. 17Di yaa ɛɛ u biizi, yaa ɛɛ u kapɛttɛ diiree jaa. Yaa ni Kristoo niŋ kpau di di u kapɛttɛ la. Yaa ni Kristo maanii kpauwɛ ra di tɔɔrɔɔ, ka yáa nuu maa wa kpau na girme.
Kɛrɛbɛl girme wia
18Tɔɔrɔɔ naa yaa n na di filaŋkennaa, waa girme la yaa n niŋ wa na la duglɛɛ.#2Kɔr 4:17 19Chiŋ ni hɛri gba aah siwiire di ra kpaŋ saŋa la Kɔraawiizi biizi n niŋ wa lii labuu, 20dikuubɛɛwiai, a waa a hinaa dɔɔwɛ. A yoowoo ra huhzi. A himmaa kipar wia lɛi. Kɔraawiizii lɛɛ a fɔŋŋa guŋ mɔɔ ka gil a ra kpaŋ saŋa la un niŋ wa gil á dɔɔ a hinaa la. 21Chiŋ ni hɛri gba daŋ na lɛɛi lii siu be, di wer dɔɔ a hinaa saŋa la Kɔraawiizi biizi n niŋ wa na ba girme, dikuu ban niŋ dɔɔ bahinaa la wia.
22Yaa zummɔ lugɔ chiŋ ni hɛri maa di tɔɔrɔɔrɛ, di him guŋŋ wa lii zinaa. 23A bɛŋ lɛi. Yaa banla n teŋ dɔɔ Kɔraawiizi Duma di lii u kapɛttɛ yaa n niŋ haa di la biini, yaa gba ra himuu di ra kpaŋ ani tamii, saŋa la Kɔraawiizi n niŋ lɛɛ yaa bɔrahɔna ha, ya wer birgi u biizi ga tuŋ la. 24Kɔraawiizi n lɛɛ yaa la, yaa wettoo dɔɔ tamii. Di i wa na kunla ni hinna tami, a waa kaa ɛɛ lugɔ í kaa ra tami u ni. Di i dɔɔ kuŋ, i daŋ kaa ɛɛ u tamiiyaa? 25Ka di yaa ra tami kuna la yaa n haa waa dɔɔwɛ ni, yaa danna kpaŋaa guŋŋ ani kanyitti.
26Gunnɛ Kɔraawiizi Dumnanii ra hiini yaa dikuu yaa gɛrga wia. Yaa waa ɔɔ zum suŋŋaa la n dɛkkɛ yaa n niŋ suŋŋi Kɔraawiizi be. Ka u Dumnanii la ɔɔ suŋŋuu ra tɛɛ yaa. Unna suŋŋuu la, a ɛɛwɔɔ lugɔ himaa yaa n waa wette ya kpa du wiŋɔzi biini. 27Unla ge n ɔɔ ra pessi yaa biine la ɔɔ zum u Dumnanii la nfɛrɛɛ, dikuubɛɛwiai, u Dumnanii labuu zum u kipar, di suŋŋuu guŋ ra tɛɛ yaa.
28Yaa kaa zum lugɔ Kɔraawiizi ɔɔ giluu wiimaa birgi winanii tɛɛ banla am paruu u lizi tɛɛ u hiŋ, ba nɔŋŋuu la. 29Kɔraawiizi feloore lizi banla uŋ felee nɔŋŋi labuu, ú wer birgi baa bá wer du u Biibaal duula, ú Biibaal hiŋ wer dɔɔ niuna kpilakpila di ɛɛ ba maa nabɔma. 30Kɔraawiizi yir banla uŋ felee lizi labuu ba ba u be. Uŋ yir baa ba ba u be la, u gil ba wia deŋli u be. Uŋ gillɛ ba wia deŋli u be la, u kaa ŋɔ bá dɔɔ u girme ge.
31Di yaa zum wia naa maa miŋ ŋɔwɛɛ naa, ɛɛrɛ yaa wia jaa duɛi? Kɔraawiizi n chigɛ yaa har naa, anɛɛ n niŋ kaa wer bagli fɔŋŋa yaa ninɛi?#2Koo 6:16-17; 1Jɔɔ 4:4 32Kɔraawiizi n wette kuu yaa maa wia di kpa u himmaa Biibaal du nɛra nonee biini, ba faa ra nyiŋŋi ba kpuu ka wɔɔ lɛɛwɛ la, amɔ, wàá sunzi yaa kummaa dikuu u Biibaal la wiaa? 33Anɛɛ n niŋ wer kpa wichɔgaa chug banla Kɔraawiizi n lizɛɛ tɛɛ u hinnɛi? Kɔraawiizi n gillɛ ba wia deŋli u be la, 34anɛɛ n niŋ kaa wer ŋɔ ba cholloowei? Yeesu Kristoo ɛɛ nɛr la n siuwɛ, di kaa ɛɛ nɛr la Kɔraawiizi n lallɛɛ siu biini. U jaa du Kɔraawiizi nabɔmbɔr la, di ɔɔ suŋŋuu ra tɛɛ yaa. 35Bɛɛ n niŋ wer lizi nɔŋŋaa la Kristo n nɔŋŋi yaa la yaa ninɛi? Anuula, dɔgnya, tɔɔrɔɔ dii, lɔzi, nyaari, siu biini dui ani yaa kpui, annii bɛl maa wàá wer lizi nɔŋŋaa la un nɔŋŋi yaa la, yaa ni. 36Ba faa sɛbɔɔrɛ Kɔraawiizi Hɔŋ biini, di ŋɔ,
“Yaa ɔɔ du siu biinii saŋa maa dikuu i wia.
Yaa ɛɛwɔɔ lugɔ
peeza baŋ lizɛɛ
bá kɔrgaa la.”#Yira 44:22
37Ka wia naa maa, di bɛl maa wa huuzi yaa, yaabuu kpekke kaaluu, dikuu Yeesu Kristo n nɔŋŋi yaa la wia. 38Wii naa waa bilii maa dɔɔwɛ n be. N zummɔ lugɔ siu ni miibɔɔ, mɛlikananaa ni achɔgaa, wia la n du de filaŋkeŋ ni wia la n niŋ haa du de, fɔŋŋazi dizi, 39kuna la n du chiŋ ni kuna la n du hɛri ani kundee maa n du de, annii bɛl maa wàá wer lizi Kɔraawiizi nɔŋŋaa la yaa n zummɛ yaa Dɔɔri Yeesu Kristo be la, yaa ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.