Room 6
6
Wichɔgaa biinii siu lii, miibɔɔ ge lii Kristo be
1Ɛrɛɛ ya jaa ŋɔ naanɛi? Ya haa ra ɛɛ wichɔgaa ka Kɔraawiizi nɛsunaa la wer du kaŋ werge gɛɛ? 2Akai. Yaa n siuwɛ wichɔgaa be naa, ɛrɛɛ wiarɛ ya kaa ra ɛɛa alugɔ yaa n waa a be siuwɛnɛi? 3Gɛɛ ii waa zummɛ lugɔ yaa banla maa baŋ sɔwɛɛ Kɔraawiizi nii, ya ra hiŋ Yeesu Kristo la, u siurɛ ba sɔ yaa, yaa siuwaa? 4Awia, baŋ sɔ yaa a nii la, yaa ni Yeesu siuwɔɔ gunla, ba hug yaa. Ba ɛɛ gunnɛ, gúŋ bagli lugɔ Kɔraawiizi n lalli Kristo di bagli u fɔŋŋazeŋ la, gunnɛ u ɛɛ tɛɛ yaa ge, ya wer dɔɔ miibɔɔfalii, di ra hiŋ miibɔɔfalii la ŋmɛnɛɛ.#Kɔlɔ 2:12
5Aŋ ɛɛwɛ lugɔ yaa nuubuu kpauwɛ siu, u siu la, a daŋ kaa ɛɛ lugɔ yaa gba daŋ wer izi, u izaa la. 6Yaa zummɔ lugɔ yaa miibɔɔbinaarɛ ba kpu Yeesu daakaŋlii la ni, guŋ gil yaa bɔrahɔna la n mani wichɔgaa la wer siu de, ya gilɛɛ kaa kpa yaa hinaa birgi wichɔgaa yoma. 7Banla n siuwɛ la, nɛr maa waa kaa ra pɛɛzi baa wichɔgaa wia.
8Di yaa nuubuu siuwɛ, yaa yarduubuu lugɔ yaa nuu danna nyiŋ. 9Yaa zummɔ lugɔ Kɔraawiizi n lalli Kristo naa, wàá ka siu maa. Siu wàá ka wer dɔɔ fɔŋŋa u ni. 10Un siuwɛ la, kakpaŋ bɛnnɛ u siu, di wer chɔgi wichɔgaa fɔŋŋa. Uŋ izee di ra nyiŋ la ge, u du denii tɛɛ Kɔraawiizi.#Hib 7:27
11Awia, ií zum lugɔ ii siuwɔɔ wichɔgaa be ɛnɛ maa, ka ra nyiŋ Kɔraawiiziwaa be, dikuu ii ni Yeesu Kristo n kpauwɛ wia. 12Awia, ií gilɛɛ gil wichɔgaa dɔɔ ii bɔrahɔna naa fɔŋŋa, ii ra sɛɛ a nua di ra hiŋ ii kunnyiŋŋichɔgaa la. 13Ií gilɛɛ gil wichɔgaa dɔɔ ii yeŋa, ii kpaa ra ɛɛ wia la n waa deŋlee. Ii ɛɛwɔɔ lugɔ nɛra la n izi siu biini. Ií gil Kɔraawiizi dɔɔ ia, di gil u dɔɔ ii yeŋa maa fɔŋŋa, ú kpaa ra ɛɛ wia la n deŋlee. 14Wichɔgaa wàá dɔɔ fɔŋŋa ii ni. Gbɔg la lɛi dɔɔ ia. Kɔraawiizi nɛsunaa labuu dɔɔ ia.
Wideŋlaa yoma wia
15Miŋ ŋɔ kennaa lugɔ Gbɔg la lɛi dɔɔ yaa, ka Kɔraawiizi nɛsunaa labuu dɔɔ yaa naa, amɔ, ya ra ɛɛ wichɔgaa gɛɛ? Akai. Guŋ waa ŋmɛnɛɛ dɔɔwɛ. 16Ii waa zummɛ lugɔ nɛr la maa iiŋ gillɛ u dɔɔ fɔŋŋa, ii ni ii ra hiŋ u nua, waabuu niŋ kpa ia birgi u yoma di gil ii ra hiŋ u nuaa? Di wichɔgaa nuarɛ ii hiŋ, ii daŋ humuu, siu ge ɛɛ ii huma tɔna. Di Kɔraawiizi ge nuarɛ ii hiŋ, ii daŋ hum u ge, ii wia wer deŋli u be.
17Ka Kɔraawiizi dɔɔ jaannɛ, dikuubɛɛwiai, ii faa ɛɛ wichɔgaa yomaa, ka filaŋkeŋ ii bampiree tɛɛ iabuu lugɔ ií sɛɛ Kɔraawiizi baglaa la bam bagli ia, ií ra hiŋ. 18Kɔraawiizi n wa lɛɛ ia wichɔgaa fɔŋŋa biini la, ii jaa kpa iihinaarɛ ra birgi winanaa ge yoma.
19Minna ŋɔ yoma wia naa, newee wiarɛ n kpa ra mɛgzi, ií wer zum a zɛɛ manaŋ. Iiŋ faa kpa ii yeŋa ra ɛɛ wikuna ni wichɔgaa, di kaa ra na wichɔgaa a be la, ií jaa kpaa ra ɛɛ winanaa filaŋkeŋ, ií wer birgi nɛnanaa la n waa doŋa maa dɔɔwɛ. 20Saŋa la iiŋ faa ɛɛ wichɔgaa yoma la, winanaa faa waa fɔŋŋa dɔɔwɛ ii ni, ii ra ɛɛa. 21Ii faa wettoo na winanii maa dee a biiniaa? Akai. Wia la iiŋ faa ra ɛɛ, jaa ra ɛɛ iabuu hiihzi filaŋkeŋ. A maa tunaa siu. 22Ka filaŋkeŋ, Kɔraawiizi lɛɛ iabuu lii wichɔgaa la fɔŋŋa biini, di gil ii birgi u yoma. Iiŋ wette ɛɛ nɛnanaa la n waa doŋa maa dɔɔwɛ la, guŋ ɛɛ ii tɔnaa filaŋkeŋ. A tuna genii miibɔɔ la n waa tunaa dɔɔwɛ la. 23Wichɔgaa kinturgaare siu. Ka Kɔraawiizi sunzaarɛ miibɔɔ la n waa tunaa dɔɔwɛ la, dikuu yaa Dɔɔri Yeesu Kristo wia.
Currently Selected:
Room 6: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 6
6
Wichɔgaa biinii siu lii, miibɔɔ ge lii Kristo be
1Ɛrɛɛ ya jaa ŋɔ naanɛi? Ya haa ra ɛɛ wichɔgaa ka Kɔraawiizi nɛsunaa la wer du kaŋ werge gɛɛ? 2Akai. Yaa n siuwɛ wichɔgaa be naa, ɛrɛɛ wiarɛ ya kaa ra ɛɛa alugɔ yaa n waa a be siuwɛnɛi? 3Gɛɛ ii waa zummɛ lugɔ yaa banla maa baŋ sɔwɛɛ Kɔraawiizi nii, ya ra hiŋ Yeesu Kristo la, u siurɛ ba sɔ yaa, yaa siuwaa? 4Awia, baŋ sɔ yaa a nii la, yaa ni Yeesu siuwɔɔ gunla, ba hug yaa. Ba ɛɛ gunnɛ, gúŋ bagli lugɔ Kɔraawiizi n lalli Kristo di bagli u fɔŋŋazeŋ la, gunnɛ u ɛɛ tɛɛ yaa ge, ya wer dɔɔ miibɔɔfalii, di ra hiŋ miibɔɔfalii la ŋmɛnɛɛ.#Kɔlɔ 2:12
5Aŋ ɛɛwɛ lugɔ yaa nuubuu kpauwɛ siu, u siu la, a daŋ kaa ɛɛ lugɔ yaa gba daŋ wer izi, u izaa la. 6Yaa zummɔ lugɔ yaa miibɔɔbinaarɛ ba kpu Yeesu daakaŋlii la ni, guŋ gil yaa bɔrahɔna la n mani wichɔgaa la wer siu de, ya gilɛɛ kaa kpa yaa hinaa birgi wichɔgaa yoma. 7Banla n siuwɛ la, nɛr maa waa kaa ra pɛɛzi baa wichɔgaa wia.
8Di yaa nuubuu siuwɛ, yaa yarduubuu lugɔ yaa nuu danna nyiŋ. 9Yaa zummɔ lugɔ Kɔraawiizi n lalli Kristo naa, wàá ka siu maa. Siu wàá ka wer dɔɔ fɔŋŋa u ni. 10Un siuwɛ la, kakpaŋ bɛnnɛ u siu, di wer chɔgi wichɔgaa fɔŋŋa. Uŋ izee di ra nyiŋ la ge, u du denii tɛɛ Kɔraawiizi.#Hib 7:27
11Awia, ií zum lugɔ ii siuwɔɔ wichɔgaa be ɛnɛ maa, ka ra nyiŋ Kɔraawiiziwaa be, dikuu ii ni Yeesu Kristo n kpauwɛ wia. 12Awia, ií gilɛɛ gil wichɔgaa dɔɔ ii bɔrahɔna naa fɔŋŋa, ii ra sɛɛ a nua di ra hiŋ ii kunnyiŋŋichɔgaa la. 13Ií gilɛɛ gil wichɔgaa dɔɔ ii yeŋa, ii kpaa ra ɛɛ wia la n waa deŋlee. Ii ɛɛwɔɔ lugɔ nɛra la n izi siu biini. Ií gil Kɔraawiizi dɔɔ ia, di gil u dɔɔ ii yeŋa maa fɔŋŋa, ú kpaa ra ɛɛ wia la n deŋlee. 14Wichɔgaa wàá dɔɔ fɔŋŋa ii ni. Gbɔg la lɛi dɔɔ ia. Kɔraawiizi nɛsunaa labuu dɔɔ ia.
Wideŋlaa yoma wia
15Miŋ ŋɔ kennaa lugɔ Gbɔg la lɛi dɔɔ yaa, ka Kɔraawiizi nɛsunaa labuu dɔɔ yaa naa, amɔ, ya ra ɛɛ wichɔgaa gɛɛ? Akai. Guŋ waa ŋmɛnɛɛ dɔɔwɛ. 16Ii waa zummɛ lugɔ nɛr la maa iiŋ gillɛ u dɔɔ fɔŋŋa, ii ni ii ra hiŋ u nua, waabuu niŋ kpa ia birgi u yoma di gil ii ra hiŋ u nuaa? Di wichɔgaa nuarɛ ii hiŋ, ii daŋ humuu, siu ge ɛɛ ii huma tɔna. Di Kɔraawiizi ge nuarɛ ii hiŋ, ii daŋ hum u ge, ii wia wer deŋli u be.
17Ka Kɔraawiizi dɔɔ jaannɛ, dikuubɛɛwiai, ii faa ɛɛ wichɔgaa yomaa, ka filaŋkeŋ ii bampiree tɛɛ iabuu lugɔ ií sɛɛ Kɔraawiizi baglaa la bam bagli ia, ií ra hiŋ. 18Kɔraawiizi n wa lɛɛ ia wichɔgaa fɔŋŋa biini la, ii jaa kpa iihinaarɛ ra birgi winanaa ge yoma.
19Minna ŋɔ yoma wia naa, newee wiarɛ n kpa ra mɛgzi, ií wer zum a zɛɛ manaŋ. Iiŋ faa kpa ii yeŋa ra ɛɛ wikuna ni wichɔgaa, di kaa ra na wichɔgaa a be la, ií jaa kpaa ra ɛɛ winanaa filaŋkeŋ, ií wer birgi nɛnanaa la n waa doŋa maa dɔɔwɛ. 20Saŋa la iiŋ faa ɛɛ wichɔgaa yoma la, winanaa faa waa fɔŋŋa dɔɔwɛ ii ni, ii ra ɛɛa. 21Ii faa wettoo na winanii maa dee a biiniaa? Akai. Wia la iiŋ faa ra ɛɛ, jaa ra ɛɛ iabuu hiihzi filaŋkeŋ. A maa tunaa siu. 22Ka filaŋkeŋ, Kɔraawiizi lɛɛ iabuu lii wichɔgaa la fɔŋŋa biini, di gil ii birgi u yoma. Iiŋ wette ɛɛ nɛnanaa la n waa doŋa maa dɔɔwɛ la, guŋ ɛɛ ii tɔnaa filaŋkeŋ. A tuna genii miibɔɔ la n waa tunaa dɔɔwɛ la. 23Wichɔgaa kinturgaare siu. Ka Kɔraawiizi sunzaarɛ miibɔɔ la n waa tunaa dɔɔwɛ la, dikuu yaa Dɔɔri Yeesu Kristo wia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.