Room 5
5
Bampirsɔna ni sideŋŋa wia
1Awia, Kɔraawiizi n gillɛ yaa wia deŋli u be dikuu yaa n yarduu wia naa, yaa nuu jaa dɔɔ nuukpannɛ dikuu yaa Dɔɔri Yeesu Kristo wia. 2U wiarɛ yaa wer dɔɔ Kɔraawiizi yarda di ba u be u suŋ yaa ni di ra hiini yaa kennaa unna hiini yaa naa. Yaa bɔra sɔɔnɔɔrɛ dikuu yaa n dɔɔ Kɔraawiizi tamii alugɔ yaa daŋ ŋmɛnɛ na girme u be wia. 3Yaa bɔra kaa sɔɔni yaa dikuu tɔɔrɔɔ la banna ɛɛ yaa wia, dikuubɛɛwiai, tɔɔrɔɔ labuu niŋ gil ya wer dɔɔ kanyitti.#Mat 5:11-12 4Kanyitti ge daŋ bagli lugɔ Kɔraawiizi ɛɛ yaabuu na, yaa wia dɔɔ wibii u be. Yaa wia n dɔɔ wibii u be la, yaa daŋ dɔɔ tamii u ni. 5Di yaa dɔɔ tamii u ni, hiihzi wàá ka lau yaa, dikuubɛɛwiai, Kɔraawiizi kpa u nɔŋŋaarɛ du yaa ni werge maa u Dumnaniinanii la un tɛɛ yaa la fɔŋŋa biini.
6Yaa faa haa waa wikuarii maa dɔɔwɛ. Ka a saŋa n wa helle, Kristo lɛɛ nɛchɔgaa siu di siu. 7Di nɛr ɛɛ nɛnanii ka anɛɛ n niŋ sɛɛ lɛɛ u siu di siu tɛuwɛi? Aŋhinabe, di u ɛɛ nɛnanii, baŋhina daŋ dɔɔ bampirii lugɔ ba siu tɛu. 8Ka ií na gunla Kɔraawiizi n nɔŋŋi yaa werge maa. Yaa n faa haa ɛɛ wichɔgɛɛra, ka Kristo wer lɛɛ yaa siu a saŋa di siu tɛɛ yaa.#Jɔɔn 3:16; 1Jɔɔ 4:10
9Uŋ wette siu tɛɛ yaa di gil yaa wia wer deŋli Kɔraawiizi be naa, di hɔpizii la wa hello Kɔraawiizi baaŋ wa fuuh nɛra ni, Yeesu wàá ka hiini yaa werge maa, di lɛɛ yaa u baaŋfuuih wia biiniaa? 10Di yaa faa ɛɛ Kɔraawiizi dɔma, ka u bir gil yaa nuu dɔɔ nuukpaŋ dikuu u Biibaal n siuwɛ wia, amɔ, yaa nuu n jaa dɔɔ nuukpaŋ naa, wàá hiini yaa werge maa kaali guŋŋ? U daŋ hiini yaa ya wer na lɛɛi dikuu u Biibaal miibɔɔ un dɔɔwɛ filaŋkennaa wia. 11U guŋ bɛŋ lɛi gba. Ka yaa bɔra sɔɔni yaabuu dikuu Kɔraawiizi n ga Yeesu Kristo ni ɛɛ la wia. Yaa Dɔɔri Yeesu Kristo gillɔɔ yaa nuu wer dɔɔ nuukpaŋ.
Andama ni Kristo wia
12Too. Nɛkpannɛ ba wichɔgaa ni durnya. Wichɔgaa la ge ba siu ni, nɛra maa jaa ra siuzi dikuu ba maa n dɔɔ chɔgri lii nɛkpaŋ wichɔgaa la biini wia. 13Wichɔgaa faa du durnyaa mɔɔ ka Gbɔg la wa lii. Ka Gbɔg la n faa waa hoo la, ba faa waa chɔgri dɔɔwɛ a saŋa. 14Ama, siu faa di koraa lii Andama saŋa la guŋŋ wa hel Moosis ge saŋa la, di kpu banla n faa waa Andama wichɔgii la dɔŋ ɛɛwɛ gba. Andama la wiarɛ bagli unla n faa ra ba la wia.
15Ka nɛsunaa la Kɔraawiizi n suŋ yaa ni la, u kaali Andama wichɔgaa la werge maa. Nɛkpaŋ wichɔgaa wiarɛ nɛkpila siuzi. Nɛkpaŋ nɛsunaa wiarɛ Kɔraawiizi ge nɛsunaa bir du kaŋ werge, u kpa sunzi nɛkpila. Yeesu Kristoo a nɛkpaŋ.
16Nɛkpannɛ ba wichɔgaa ni. Nɛkpaŋ genii ba Kɔraawiizi sunzaa la ni. Ka ba wia waa mɛgzɛɛ. Nɛkpaŋ wichɔgaa la wiarɛ Kɔraawiizi di yaa seriya tɛɛ yaa chɔgri. Ka nɛkpila wichɔgaarɛ Kɔraawiizi gil tɛɛ baa ú sunzinanii la biini, di gil ba wia deŋli u be.
17Di nɛkpaŋ wichɔgaa gillɔ siu wer di kora durnya dikuu a nɛkpaŋ wia, guŋwaa, banla n na hiinaa la Kɔraawiizi n suŋ ba ni, di hiini baa la ni u sunzinanii la un sunzi baa ba wia wer deŋli u be la, baawaa daŋ di miibɔɔ kora, ú dɔɔ kpegzi werge maa kaali siu hor la, dikuu nɛkpaŋ nɛɛhiŋ Yeesu Kristo la wia.
18Awia, gunla nɛkpaŋ wichɔgii n gillɛ nɛr maa dɔɔ chɔgri la, gunnɛ nɛkpaŋ winanii gil nɛra maa wia wer deŋli Kɔraawiizi be di gil ba dɔɔ miibɔɔ la.#Aiza 53:11 19Gunla nɛkpila n birgi wichɔgɛɛra, dikuu nɛkpaŋ n vɛɛ Kɔraawiizi nua wia, gunnɛ nɛ́kpila ge wia wer deŋli u be, dikuu nɛkpaŋ n sɛɛ u nua wia la.
20A Gbɔg ballɔɔ wíchɔgaa wer gbigi. Ka wichɔgaa n gbigee la, Kɔraawiizi nɛsunaa la wa kaalaabuu werge maa.
21Wichɔgaa lɛɛ fɔŋŋaa di di kora dikuu siu wia. Gunnɛ Kɔ́raawiizi nɛsunaa ge wer lɛɛ fɔŋŋa, dikuu gunla Kɔraawiizi n ɛɛwɛ nɛ́ra wia wer deŋli u be la wia, di di u ge kora, ya wer na miibɔɔ la n waa tunaa dɔɔwɛ yaa Dɔɔri Yeesu Kristo be.
Currently Selected:
Room 5: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 5
5
Bampirsɔna ni sideŋŋa wia
1Awia, Kɔraawiizi n gillɛ yaa wia deŋli u be dikuu yaa n yarduu wia naa, yaa nuu jaa dɔɔ nuukpannɛ dikuu yaa Dɔɔri Yeesu Kristo wia. 2U wiarɛ yaa wer dɔɔ Kɔraawiizi yarda di ba u be u suŋ yaa ni di ra hiini yaa kennaa unna hiini yaa naa. Yaa bɔra sɔɔnɔɔrɛ dikuu yaa n dɔɔ Kɔraawiizi tamii alugɔ yaa daŋ ŋmɛnɛ na girme u be wia. 3Yaa bɔra kaa sɔɔni yaa dikuu tɔɔrɔɔ la banna ɛɛ yaa wia, dikuubɛɛwiai, tɔɔrɔɔ labuu niŋ gil ya wer dɔɔ kanyitti.#Mat 5:11-12 4Kanyitti ge daŋ bagli lugɔ Kɔraawiizi ɛɛ yaabuu na, yaa wia dɔɔ wibii u be. Yaa wia n dɔɔ wibii u be la, yaa daŋ dɔɔ tamii u ni. 5Di yaa dɔɔ tamii u ni, hiihzi wàá ka lau yaa, dikuubɛɛwiai, Kɔraawiizi kpa u nɔŋŋaarɛ du yaa ni werge maa u Dumnaniinanii la un tɛɛ yaa la fɔŋŋa biini.
6Yaa faa haa waa wikuarii maa dɔɔwɛ. Ka a saŋa n wa helle, Kristo lɛɛ nɛchɔgaa siu di siu. 7Di nɛr ɛɛ nɛnanii ka anɛɛ n niŋ sɛɛ lɛɛ u siu di siu tɛuwɛi? Aŋhinabe, di u ɛɛ nɛnanii, baŋhina daŋ dɔɔ bampirii lugɔ ba siu tɛu. 8Ka ií na gunla Kɔraawiizi n nɔŋŋi yaa werge maa. Yaa n faa haa ɛɛ wichɔgɛɛra, ka Kristo wer lɛɛ yaa siu a saŋa di siu tɛɛ yaa.#Jɔɔn 3:16; 1Jɔɔ 4:10
9Uŋ wette siu tɛɛ yaa di gil yaa wia wer deŋli Kɔraawiizi be naa, di hɔpizii la wa hello Kɔraawiizi baaŋ wa fuuh nɛra ni, Yeesu wàá ka hiini yaa werge maa, di lɛɛ yaa u baaŋfuuih wia biiniaa? 10Di yaa faa ɛɛ Kɔraawiizi dɔma, ka u bir gil yaa nuu dɔɔ nuukpaŋ dikuu u Biibaal n siuwɛ wia, amɔ, yaa nuu n jaa dɔɔ nuukpaŋ naa, wàá hiini yaa werge maa kaali guŋŋ? U daŋ hiini yaa ya wer na lɛɛi dikuu u Biibaal miibɔɔ un dɔɔwɛ filaŋkennaa wia. 11U guŋ bɛŋ lɛi gba. Ka yaa bɔra sɔɔni yaabuu dikuu Kɔraawiizi n ga Yeesu Kristo ni ɛɛ la wia. Yaa Dɔɔri Yeesu Kristo gillɔɔ yaa nuu wer dɔɔ nuukpaŋ.
Andama ni Kristo wia
12Too. Nɛkpannɛ ba wichɔgaa ni durnya. Wichɔgaa la ge ba siu ni, nɛra maa jaa ra siuzi dikuu ba maa n dɔɔ chɔgri lii nɛkpaŋ wichɔgaa la biini wia. 13Wichɔgaa faa du durnyaa mɔɔ ka Gbɔg la wa lii. Ka Gbɔg la n faa waa hoo la, ba faa waa chɔgri dɔɔwɛ a saŋa. 14Ama, siu faa di koraa lii Andama saŋa la guŋŋ wa hel Moosis ge saŋa la, di kpu banla n faa waa Andama wichɔgii la dɔŋ ɛɛwɛ gba. Andama la wiarɛ bagli unla n faa ra ba la wia.
15Ka nɛsunaa la Kɔraawiizi n suŋ yaa ni la, u kaali Andama wichɔgaa la werge maa. Nɛkpaŋ wichɔgaa wiarɛ nɛkpila siuzi. Nɛkpaŋ nɛsunaa wiarɛ Kɔraawiizi ge nɛsunaa bir du kaŋ werge, u kpa sunzi nɛkpila. Yeesu Kristoo a nɛkpaŋ.
16Nɛkpannɛ ba wichɔgaa ni. Nɛkpaŋ genii ba Kɔraawiizi sunzaa la ni. Ka ba wia waa mɛgzɛɛ. Nɛkpaŋ wichɔgaa la wiarɛ Kɔraawiizi di yaa seriya tɛɛ yaa chɔgri. Ka nɛkpila wichɔgaarɛ Kɔraawiizi gil tɛɛ baa ú sunzinanii la biini, di gil ba wia deŋli u be.
17Di nɛkpaŋ wichɔgaa gillɔ siu wer di kora durnya dikuu a nɛkpaŋ wia, guŋwaa, banla n na hiinaa la Kɔraawiizi n suŋ ba ni, di hiini baa la ni u sunzinanii la un sunzi baa ba wia wer deŋli u be la, baawaa daŋ di miibɔɔ kora, ú dɔɔ kpegzi werge maa kaali siu hor la, dikuu nɛkpaŋ nɛɛhiŋ Yeesu Kristo la wia.
18Awia, gunla nɛkpaŋ wichɔgii n gillɛ nɛr maa dɔɔ chɔgri la, gunnɛ nɛkpaŋ winanii gil nɛra maa wia wer deŋli Kɔraawiizi be di gil ba dɔɔ miibɔɔ la.#Aiza 53:11 19Gunla nɛkpila n birgi wichɔgɛɛra, dikuu nɛkpaŋ n vɛɛ Kɔraawiizi nua wia, gunnɛ nɛ́kpila ge wia wer deŋli u be, dikuu nɛkpaŋ n sɛɛ u nua wia la.
20A Gbɔg ballɔɔ wíchɔgaa wer gbigi. Ka wichɔgaa n gbigee la, Kɔraawiizi nɛsunaa la wa kaalaabuu werge maa.
21Wichɔgaa lɛɛ fɔŋŋaa di di kora dikuu siu wia. Gunnɛ Kɔ́raawiizi nɛsunaa ge wer lɛɛ fɔŋŋa, dikuu gunla Kɔraawiizi n ɛɛwɛ nɛ́ra wia wer deŋli u be la wia, di di u ge kora, ya wer na miibɔɔ la n waa tunaa dɔɔwɛ yaa Dɔɔri Yeesu Kristo be.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.