Room 16
16
Pɔɔl n jaami Yeesu hiŋra wia
1Too. Yaa dɔŋhiŋ Fibii keŋ. U ra hum Yeesu hiŋra la n du Sɛŋkiria labuu. 2Awia, ií lɛɛu du ii be gunla an dɛkkɛ Kɔraawiizi biinanaa n niŋ ɛɛ, dikuu yaa Dɔɔri wia, di kaa hiinuu ani kunla maa uŋ waa dɔɔwɛ, dikuubɛɛwiai, u ra hiini nɛra kpilakpilaa, di ra hiini n ge.
3Ií jaami Pirsila ni Akuila la n na hum lugɔ n dɔŋahina la Yeesu Kristo huma naa biini.#Wiɛɛ 18:2 4Ba faa kpa ba miibɔɔnii chɛr siu dikuu n wia. Awia, n na jaami baa. Yeesu hiŋra la n waa Jus hina ɛɛwɛ la maa gba ra jaami baa.
5Ií jaami Yeesu hiŋra la n ɔɔ ra chaali ba dia la ge di jaami n nɛnɔŋŋii Ɛpinɛtus la n ɛɛ banla n sɛɛ Kristo wia Eesia hɛri lugli la.
6Ií jaami Mɛɛri la n hiini ia werge la,
7di jaami n lulla Andronaikus ni Junias la baŋ faa tɔ dia di jaa n ni la. Ba dɔɔ sɔnnɛ Kɔraawiizi huŋhunna la be, di faa sɛɛ Kristo wia mɔɔ ka n ge haa wa sɛɛ.
8Ií jaami Ampliatus. N nɔŋŋuubuu yaa Dɔɔri hiŋaa naa biini.
9Ií jaami Urbanus la n ɛɛ yaa dɔŋhiŋ Kristo huma naa biini ani Stakis la miŋ nɔŋŋɛɛ la.
10Ií jaami Apɛlis la. Kɔraawiizi ɛɛubuu na, u dirmi Kristo hiŋaa biini.
Ií jaami Aristɔbulus diahina la,
11di jaami n lulli Hɛrɔdiɔn
ni Nasisus diahina n ɛɛ Yeesu hiŋra la,
12di kaa jaami Traifina ni Traifɔsa la n na hum Kɔraawiizi huma la
ani Pɛsis la miŋ nɔŋŋɛɛ, u ge ra hum yaa Dɔɔri werge la.
13Ií jaami Rufus la n ɛɛ yaa Dɔɔri hiŋripa bɛl ni u maa la miŋ kpawɛɛ birgi n ge gba maa la.
14Ií jaami Asinkritus, Filɛgɔn, Hɛmɛs, Patrobas, Hɛmas ani yaabalaa la n du ba be la.
15Ií jaami Filɔlɔgus, Julia, Nɛrɛyus ni u niuhambie la, Ɔlimpas ani Kɔraawiizi biinanaa la maa n du ba be la.
16Ií jaami dɔŋa nɛnnɛ. Kristo hiŋra la maa ra jaami ia.
17N na suŋŋi ia, yaabalaa, ií ra du tau di zum banla n na vɛɛ baglaa la baŋ faa bagli ia la ka ra bargi nɛra di ra dar baa ba leu ŋmɛnɛɛ la. Ií zum baa di gil baa ha. 18Nɛra naa dizi waa yaa Dɔɔri Kristo ra hum. Ba himmaa hizii ba ra hum, di ŋɔ wisuma ra du nɛra nyuuni bá wer dar banla n waa tau ra du.
19Ii dɔɔ sɔnnɛ yemmaa dikuu gunla iinna hiŋ Kɔraawiizi nuuzi wia. Awia, n bɔra sɔɔnimbuu. N na nyiŋŋi ii ɛɛ winanaa zunna ka ɛɛ gɛnaa ni wichɔgaawaa zumaa biini.
20Kɔraawiizi la n ɛɛ bampirsɔna hiŋ la, di a wa ɛɛ tama, u daŋ gil ii chɔgi Sitaani huma alugɔ iiŋ kpa naa fɛruu.
Yáa Dɔɔri Yeesu hiini ia.
21N dɔŋhiŋ Timoti la n nuu n na hum la ra jaami ia.#Wiɛɛ 16:1 Lusiɔs, Jasɔn, Sɔsipatɛr ani lulla la gba ra jaami ia.
22Mìŋ́ Tɛtiɔs la Pɔɔl n gillɛ n sɛbi hɔnnaa, n na jaami ii banla n na hiŋ yaa Dɔɔri la.
23Geyus la n lɛɛŋ du u dia, di ɔɔ ra lɛɛ Yeesu hiŋra la maa ra du u be la gba ra jaami ia.#Wiɛɛ 19:29
24Ɛrastus la n na binni bol naa kebee ani yaa dɔŋhiŋ Kaatus ra jaami ia.
25Too. Ií kpa girme ra tɛɛ Kɔraawiizi la n wette gil ii dɔɔ bɔkpega, amaniyesuma la miŋ lizɛɛ tɛɛ ia lii Yeesu Kristo wia biini la ni. Amaniyesuma la miŋ lizɛɛ la ɛɛ wia la n faa suahwɛ faala la maanii.#Ɛfɛs 3:20-21; Juud 1:24-25 26Ka Kɔraawiizi la n du de saŋa maa ŋɔ á maa pilli tɛɛ yaa filaŋkeŋ, di bagli a wia lii hɔna la u dɔgtɛɛzi n faa sɛbɛɛ biini. U ɛɛ gunnɛ bánla n waa Izrɛl hina ɛɛwɛ maa wer sɛɛ a wia di yardi Yeesu Kristo. 27Kɔraawiizi bɛnnɛ dɔɔ nunzuma maa. Ií kpa girme ra tɛɛ Yeesu Kristo ú wer kpa tɛɛ Kɔraawiizi saŋaa saŋa maa! Ami.
Currently Selected:
Room 16: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 16
16
Pɔɔl n jaami Yeesu hiŋra wia
1Too. Yaa dɔŋhiŋ Fibii keŋ. U ra hum Yeesu hiŋra la n du Sɛŋkiria labuu. 2Awia, ií lɛɛu du ii be gunla an dɛkkɛ Kɔraawiizi biinanaa n niŋ ɛɛ, dikuu yaa Dɔɔri wia, di kaa hiinuu ani kunla maa uŋ waa dɔɔwɛ, dikuubɛɛwiai, u ra hiini nɛra kpilakpilaa, di ra hiini n ge.
3Ií jaami Pirsila ni Akuila la n na hum lugɔ n dɔŋahina la Yeesu Kristo huma naa biini.#Wiɛɛ 18:2 4Ba faa kpa ba miibɔɔnii chɛr siu dikuu n wia. Awia, n na jaami baa. Yeesu hiŋra la n waa Jus hina ɛɛwɛ la maa gba ra jaami baa.
5Ií jaami Yeesu hiŋra la n ɔɔ ra chaali ba dia la ge di jaami n nɛnɔŋŋii Ɛpinɛtus la n ɛɛ banla n sɛɛ Kristo wia Eesia hɛri lugli la.
6Ií jaami Mɛɛri la n hiini ia werge la,
7di jaami n lulla Andronaikus ni Junias la baŋ faa tɔ dia di jaa n ni la. Ba dɔɔ sɔnnɛ Kɔraawiizi huŋhunna la be, di faa sɛɛ Kristo wia mɔɔ ka n ge haa wa sɛɛ.
8Ií jaami Ampliatus. N nɔŋŋuubuu yaa Dɔɔri hiŋaa naa biini.
9Ií jaami Urbanus la n ɛɛ yaa dɔŋhiŋ Kristo huma naa biini ani Stakis la miŋ nɔŋŋɛɛ la.
10Ií jaami Apɛlis la. Kɔraawiizi ɛɛubuu na, u dirmi Kristo hiŋaa biini.
Ií jaami Aristɔbulus diahina la,
11di jaami n lulli Hɛrɔdiɔn
ni Nasisus diahina n ɛɛ Yeesu hiŋra la,
12di kaa jaami Traifina ni Traifɔsa la n na hum Kɔraawiizi huma la
ani Pɛsis la miŋ nɔŋŋɛɛ, u ge ra hum yaa Dɔɔri werge la.
13Ií jaami Rufus la n ɛɛ yaa Dɔɔri hiŋripa bɛl ni u maa la miŋ kpawɛɛ birgi n ge gba maa la.
14Ií jaami Asinkritus, Filɛgɔn, Hɛmɛs, Patrobas, Hɛmas ani yaabalaa la n du ba be la.
15Ií jaami Filɔlɔgus, Julia, Nɛrɛyus ni u niuhambie la, Ɔlimpas ani Kɔraawiizi biinanaa la maa n du ba be la.
16Ií jaami dɔŋa nɛnnɛ. Kristo hiŋra la maa ra jaami ia.
17N na suŋŋi ia, yaabalaa, ií ra du tau di zum banla n na vɛɛ baglaa la baŋ faa bagli ia la ka ra bargi nɛra di ra dar baa ba leu ŋmɛnɛɛ la. Ií zum baa di gil baa ha. 18Nɛra naa dizi waa yaa Dɔɔri Kristo ra hum. Ba himmaa hizii ba ra hum, di ŋɔ wisuma ra du nɛra nyuuni bá wer dar banla n waa tau ra du.
19Ii dɔɔ sɔnnɛ yemmaa dikuu gunla iinna hiŋ Kɔraawiizi nuuzi wia. Awia, n bɔra sɔɔnimbuu. N na nyiŋŋi ii ɛɛ winanaa zunna ka ɛɛ gɛnaa ni wichɔgaawaa zumaa biini.
20Kɔraawiizi la n ɛɛ bampirsɔna hiŋ la, di a wa ɛɛ tama, u daŋ gil ii chɔgi Sitaani huma alugɔ iiŋ kpa naa fɛruu.
Yáa Dɔɔri Yeesu hiini ia.
21N dɔŋhiŋ Timoti la n nuu n na hum la ra jaami ia.#Wiɛɛ 16:1 Lusiɔs, Jasɔn, Sɔsipatɛr ani lulla la gba ra jaami ia.
22Mìŋ́ Tɛtiɔs la Pɔɔl n gillɛ n sɛbi hɔnnaa, n na jaami ii banla n na hiŋ yaa Dɔɔri la.
23Geyus la n lɛɛŋ du u dia, di ɔɔ ra lɛɛ Yeesu hiŋra la maa ra du u be la gba ra jaami ia.#Wiɛɛ 19:29
24Ɛrastus la n na binni bol naa kebee ani yaa dɔŋhiŋ Kaatus ra jaami ia.
25Too. Ií kpa girme ra tɛɛ Kɔraawiizi la n wette gil ii dɔɔ bɔkpega, amaniyesuma la miŋ lizɛɛ tɛɛ ia lii Yeesu Kristo wia biini la ni. Amaniyesuma la miŋ lizɛɛ la ɛɛ wia la n faa suahwɛ faala la maanii.#Ɛfɛs 3:20-21; Juud 1:24-25 26Ka Kɔraawiizi la n du de saŋa maa ŋɔ á maa pilli tɛɛ yaa filaŋkeŋ, di bagli a wia lii hɔna la u dɔgtɛɛzi n faa sɛbɛɛ biini. U ɛɛ gunnɛ bánla n waa Izrɛl hina ɛɛwɛ maa wer sɛɛ a wia di yardi Yeesu Kristo. 27Kɔraawiizi bɛnnɛ dɔɔ nunzuma maa. Ií kpa girme ra tɛɛ Yeesu Kristo ú wer kpa tɛɛ Kɔraawiizi saŋaa saŋa maa! Ami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.