Room 15
15
Ií ra ɛɛ ii dɔŋahina winanaa ka gil iihinaa
1A dɛkkɔɔ yaa banla n dɔɔ yaa hiŋaa fɔŋŋa, n niŋ hiini banla n haa waa u fɔŋŋa dɔɔwɛ la, di gilɛɛ ra nyiŋŋi yaa bɛŋ kipar. 2Ií gil yaa bɛl maa ra nyiŋŋi yaa dɔŋahina kipar di ra hiini dɔŋa, ya wer lau nɛnnɛ. 3Kristo gba faa waa u himmaa kipar binnɛɛ. Ba faa sɛbi u wiarɛ, di ŋɔ, “Kɔraawiizi, chagzaa la baŋ faa ra chagzii la, aabuu ba kpa ra chagziŋ.” 4Wia la baŋ faa sɛbɛɛ la, yaa baglaa wiarɛ ba faa sɛbaa ya wer dɔɔ tamii lii kanyitti ni bɔkpega la Kɔraawiizi Hɔŋ la n na du yaa la biini.
5Kɔraawiizi la n ɛɛ kanyitti ni bɔkpega dui hiŋ la, ú gil ii wer dɔɔ nuukpaŋ dɔŋa ni gunla Yeesu Kristo n wette bagli yaa la, 6ií wer ɛɛ nuukpaŋ, di ra kpa yaa ni yaa Dɔɔri Yeesu Kristo Mɛɛ Kɔraawiizi la girme.
7Awia, ií ra sɛɛ dɔŋa wia di ra lɛɛ dɔŋa alugɔ Kristo n sɛɛ yaa wia la di gil Kɔraawiizi na girme. 8Ií gil n ŋɔ ii be. Kristo birgi baliirɛ, di hum Izrɛl hina la Kɔ́raawiizi wiŋɔzi wer ɛɛ wibii, nuúzi la uŋ ŋɔwɛɛ tɛɛ yaa naabaala la wer ɛɛ, 9bánla n waa Izrɛl hina ɛɛwɛ ge wer tɔgzi Kɔraawiizi dikuu u nɛsunaa wia. Ba faa sɛbɔɔrɛ,
“N daŋ tɛi sɔŋ banla n waa Jus hina ɛɛwɛ be,
di yir yira di ra dargii.”#Yira 18:49
10Ba kaa sɛbi,
“Ií banla n waa Jus hina ɛɛwɛ,
ií gil ii bɔra sɔɔni ia
di jaa u himmaa
nɛra la ni.”
11Ka kaa ŋɔ,
“Ii banla maa n waa Jus hina ɛɛwɛ,
ií ra chɔli Kɔraawiizi.
Nɛra maa,
ií ra chɔluu.”#Yira 117:1
12U dɔgtɛɛ Aizaaya faa ŋɔwɔɔrɛ,
“Jɛssɛ naana bɛl daŋ izi
dɔɔ banla
n waa Izrɛl hina ɛɛwɛ.
Ba daŋ kpau birgi ba tamii.”#Aiza 11:10
13N na nyiŋŋi lugɔ Kɔraawiizi la n ɛɛ tamii hiŋ la, ú gil ii dɔɔ bampirsɔna nɛnnɛ lii yarda la iiŋ yarduu la biini, ka ií wer dɔɔ tamii werge maa u Dumnanii fɔŋŋa biini.
Pɔɔl n ŋɔ wia tɛɛ nɛra la n waa Jus hina ɛɛwɛ wia
14Yaabalaa, maa ii wia ra aani. N zummɔ lugɔ ii ra ɛɛ winanaarɛ werge, di dɔɔ nunzuma nɛnnɛ, di kaa wer ra bagli dɔŋa. 15Ka n lɔ bampiriire liizi ia wia aŋhina ani fɔŋŋa la Kɔraawiizi n hiiniŋ n dɔɔ 16di wer ɛɛ Yeesu Kristo huŋhunni banla n waa Jus hina ɛɛwɛ la biini di ra lizi u amaniyesuma la alugɔ u kizee hinnɛ miŋ, ń wer na banla n waa Jus hina ɛɛwɛ tɛu. Ba daŋ lizi mbusu lizaa kunnanii la Kɔraawiizi n niŋ sɛɛ lɛɛ dikuu u Dumnanii n niŋ lizi ba doŋa ba ni ha la wia.
17Awia, n dɔɔ wia aŋhina min niŋ chɔli Kɔraawiizi humaa wia biini, dikuu n ni Yeesu Kristo n kpauwɛ wia. 18Màá sɛɛ ŋɔ wia maa wia, see anla miŋ wette ɛɛ dikuu Kristo n du n biini, di ɛɛa la wia ka bánla n waa Izrɛl hina ɛɛwɛ wer sɛɛ u nua. U gillɔɔ n ŋɔ u wiŋɔzi di ɛɛ u wiɛɛlaa, 19di bagli fɔŋŋa ra ɛɛ wizenaa ni witittaa, di kaa bagli u Dumnanii ge fɔŋŋa. Awiarɛ n wer hum amaniyesuma la huma Jɛrusalɛm di ga hel Ilirikum maa di ga tuŋ. 20N ɛɛ aniaa lizi amaniyesuma la bɔra la baŋ faa haa waa Kristo wia nuuwɛ, ń gilɛɛ waa hum bɔra la nɛbɛl n teŋ faari a huma de la. 21Gunla baŋ faa sɛbɛɛ la wa ɛɛ. Ba faa sɛbɔɔrɛ,
“Banla baŋ faa waa baa baglɛɛ u wia
daŋ wa zum u wia.”#Aiza 52:15
22Awiarɛ n faa ra nyiŋŋi ii be balaa saŋakpila maa, ka wia aŋhina ɔɔ tɔŋ ŋmɛnɛɛ. N faa waa wette ń ba. 23Ka filaŋkeŋ, miŋ waa kaa dɔɔ bɔr maa ɛŋ miŋ haa waa n huma hummɛ tuŋ naa, ii nai ge n du n bampirii biŋkpila maa wia, 24di n wa ŋɔ ń la Speen hɛri, n na nyiŋŋi n ga ii hɛri na ia mɔɔ. Di n jaa wa du ii be a kukkiŋ tama, ií hiiniŋ n la Speen hɛri la.#Room 1:10-14
25Ka filaŋkeŋ, n na la Jɛrusalɛmnɛ ń ga hiini Kɔraawiizi biinanaa de.#Wiɛɛ 24:17-18 26Yaabalaa la n du Masɛdɔnia ni Akaaya binnɔɔrɛ lugɔ a wesso ban niŋ kɛɛ kebee, bá tɛɛ banla n ɛɛ nyaara ba biini de. 27Guŋ faa wessoo ba be, dikuubɛɛwiai, a nɛra kima du ba ninɛɛ. Banla n waa Jus hina ɛɛwɛ n wette na Kɔraawiizi ni newea baambaaŋ wia hiinaa ba be naa, a dɛkkɔɔ Jus hina la ge n na diwee ni kuna hiinaa lii ba ge be. 28Di n wa hum huma naa tuŋ, di kpa ba tɔna la maa tɛɛ baa, n daŋ jaa izi de ga ii be di ra la Speen. 29Di n wa hel ii be, n zummɔ lugɔ n daŋ kpa Kristo hiinaa werge maa di wer hiini ia.
30Too. N na suŋŋi ia, yaabalaa, ií binni yaa Dɔɔri Yeesu Kristo ni nɔŋŋaa la u Dumnanii n nɔŋŋi ia la, ka aah siwii ra hiiniŋ di suŋŋi wiizi ra tɛŋ 31ú lɛɛŋ banla n du Juda hɛri di vɛɛ Kɔraawiizi la be, di kaa gil u huma la baŋ humiŋ ń ga hum Jɛrusalɛm la wer par Kɔraawiizi biinanaa la de. 32Denii ń jaa wer na n ŋmɛnɛɛ ba ii be ani bɔsɔna di wa heezi, á maa ɛɛ Kɔraawiizi kipar. 33Kɔraawiizi la n ɛɛ bampirsɔna hiŋ la, du ii be. Ami.
Currently Selected:
Room 15: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 15
15
Ií ra ɛɛ ii dɔŋahina winanaa ka gil iihinaa
1A dɛkkɔɔ yaa banla n dɔɔ yaa hiŋaa fɔŋŋa, n niŋ hiini banla n haa waa u fɔŋŋa dɔɔwɛ la, di gilɛɛ ra nyiŋŋi yaa bɛŋ kipar. 2Ií gil yaa bɛl maa ra nyiŋŋi yaa dɔŋahina kipar di ra hiini dɔŋa, ya wer lau nɛnnɛ. 3Kristo gba faa waa u himmaa kipar binnɛɛ. Ba faa sɛbi u wiarɛ, di ŋɔ, “Kɔraawiizi, chagzaa la baŋ faa ra chagzii la, aabuu ba kpa ra chagziŋ.” 4Wia la baŋ faa sɛbɛɛ la, yaa baglaa wiarɛ ba faa sɛbaa ya wer dɔɔ tamii lii kanyitti ni bɔkpega la Kɔraawiizi Hɔŋ la n na du yaa la biini.
5Kɔraawiizi la n ɛɛ kanyitti ni bɔkpega dui hiŋ la, ú gil ii wer dɔɔ nuukpaŋ dɔŋa ni gunla Yeesu Kristo n wette bagli yaa la, 6ií wer ɛɛ nuukpaŋ, di ra kpa yaa ni yaa Dɔɔri Yeesu Kristo Mɛɛ Kɔraawiizi la girme.
7Awia, ií ra sɛɛ dɔŋa wia di ra lɛɛ dɔŋa alugɔ Kristo n sɛɛ yaa wia la di gil Kɔraawiizi na girme. 8Ií gil n ŋɔ ii be. Kristo birgi baliirɛ, di hum Izrɛl hina la Kɔ́raawiizi wiŋɔzi wer ɛɛ wibii, nuúzi la uŋ ŋɔwɛɛ tɛɛ yaa naabaala la wer ɛɛ, 9bánla n waa Izrɛl hina ɛɛwɛ ge wer tɔgzi Kɔraawiizi dikuu u nɛsunaa wia. Ba faa sɛbɔɔrɛ,
“N daŋ tɛi sɔŋ banla n waa Jus hina ɛɛwɛ be,
di yir yira di ra dargii.”#Yira 18:49
10Ba kaa sɛbi,
“Ií banla n waa Jus hina ɛɛwɛ,
ií gil ii bɔra sɔɔni ia
di jaa u himmaa
nɛra la ni.”
11Ka kaa ŋɔ,
“Ii banla maa n waa Jus hina ɛɛwɛ,
ií ra chɔli Kɔraawiizi.
Nɛra maa,
ií ra chɔluu.”#Yira 117:1
12U dɔgtɛɛ Aizaaya faa ŋɔwɔɔrɛ,
“Jɛssɛ naana bɛl daŋ izi
dɔɔ banla
n waa Izrɛl hina ɛɛwɛ.
Ba daŋ kpau birgi ba tamii.”#Aiza 11:10
13N na nyiŋŋi lugɔ Kɔraawiizi la n ɛɛ tamii hiŋ la, ú gil ii dɔɔ bampirsɔna nɛnnɛ lii yarda la iiŋ yarduu la biini, ka ií wer dɔɔ tamii werge maa u Dumnanii fɔŋŋa biini.
Pɔɔl n ŋɔ wia tɛɛ nɛra la n waa Jus hina ɛɛwɛ wia
14Yaabalaa, maa ii wia ra aani. N zummɔ lugɔ ii ra ɛɛ winanaarɛ werge, di dɔɔ nunzuma nɛnnɛ, di kaa wer ra bagli dɔŋa. 15Ka n lɔ bampiriire liizi ia wia aŋhina ani fɔŋŋa la Kɔraawiizi n hiiniŋ n dɔɔ 16di wer ɛɛ Yeesu Kristo huŋhunni banla n waa Jus hina ɛɛwɛ la biini di ra lizi u amaniyesuma la alugɔ u kizee hinnɛ miŋ, ń wer na banla n waa Jus hina ɛɛwɛ tɛu. Ba daŋ lizi mbusu lizaa kunnanii la Kɔraawiizi n niŋ sɛɛ lɛɛ dikuu u Dumnanii n niŋ lizi ba doŋa ba ni ha la wia.
17Awia, n dɔɔ wia aŋhina min niŋ chɔli Kɔraawiizi humaa wia biini, dikuu n ni Yeesu Kristo n kpauwɛ wia. 18Màá sɛɛ ŋɔ wia maa wia, see anla miŋ wette ɛɛ dikuu Kristo n du n biini, di ɛɛa la wia ka bánla n waa Izrɛl hina ɛɛwɛ wer sɛɛ u nua. U gillɔɔ n ŋɔ u wiŋɔzi di ɛɛ u wiɛɛlaa, 19di bagli fɔŋŋa ra ɛɛ wizenaa ni witittaa, di kaa bagli u Dumnanii ge fɔŋŋa. Awiarɛ n wer hum amaniyesuma la huma Jɛrusalɛm di ga hel Ilirikum maa di ga tuŋ. 20N ɛɛ aniaa lizi amaniyesuma la bɔra la baŋ faa haa waa Kristo wia nuuwɛ, ń gilɛɛ waa hum bɔra la nɛbɛl n teŋ faari a huma de la. 21Gunla baŋ faa sɛbɛɛ la wa ɛɛ. Ba faa sɛbɔɔrɛ,
“Banla baŋ faa waa baa baglɛɛ u wia
daŋ wa zum u wia.”#Aiza 52:15
22Awiarɛ n faa ra nyiŋŋi ii be balaa saŋakpila maa, ka wia aŋhina ɔɔ tɔŋ ŋmɛnɛɛ. N faa waa wette ń ba. 23Ka filaŋkeŋ, miŋ waa kaa dɔɔ bɔr maa ɛŋ miŋ haa waa n huma hummɛ tuŋ naa, ii nai ge n du n bampirii biŋkpila maa wia, 24di n wa ŋɔ ń la Speen hɛri, n na nyiŋŋi n ga ii hɛri na ia mɔɔ. Di n jaa wa du ii be a kukkiŋ tama, ií hiiniŋ n la Speen hɛri la.#Room 1:10-14
25Ka filaŋkeŋ, n na la Jɛrusalɛmnɛ ń ga hiini Kɔraawiizi biinanaa de.#Wiɛɛ 24:17-18 26Yaabalaa la n du Masɛdɔnia ni Akaaya binnɔɔrɛ lugɔ a wesso ban niŋ kɛɛ kebee, bá tɛɛ banla n ɛɛ nyaara ba biini de. 27Guŋ faa wessoo ba be, dikuubɛɛwiai, a nɛra kima du ba ninɛɛ. Banla n waa Jus hina ɛɛwɛ n wette na Kɔraawiizi ni newea baambaaŋ wia hiinaa ba be naa, a dɛkkɔɔ Jus hina la ge n na diwee ni kuna hiinaa lii ba ge be. 28Di n wa hum huma naa tuŋ, di kpa ba tɔna la maa tɛɛ baa, n daŋ jaa izi de ga ii be di ra la Speen. 29Di n wa hel ii be, n zummɔ lugɔ n daŋ kpa Kristo hiinaa werge maa di wer hiini ia.
30Too. N na suŋŋi ia, yaabalaa, ií binni yaa Dɔɔri Yeesu Kristo ni nɔŋŋaa la u Dumnanii n nɔŋŋi ia la, ka aah siwii ra hiiniŋ di suŋŋi wiizi ra tɛŋ 31ú lɛɛŋ banla n du Juda hɛri di vɛɛ Kɔraawiizi la be, di kaa gil u huma la baŋ humiŋ ń ga hum Jɛrusalɛm la wer par Kɔraawiizi biinanaa la de. 32Denii ń jaa wer na n ŋmɛnɛɛ ba ii be ani bɔsɔna di wa heezi, á maa ɛɛ Kɔraawiizi kipar. 33Kɔraawiizi la n ɛɛ bampirsɔna hiŋ la, du ii be. Ami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.