Room 12
12
Miibɔɔ n du Kɔraawiizi humaa biini
1N na suŋŋi ia, yaabalaa, ií binni gunla Kɔraawiizi n suŋ ii ni werge la, ka kpa iihinaa tɛu alugɔ mbusu iin niŋ lizi tɛu, á ɛɛ mbusu lizaa la n ɛɛ naniinanii di du wer u be, ú wer lɛɛa. Jaamaa la n wessee guŋ. 2Ií gilɛɛ gil durnya naa wia ra fir ia, ii du a duula. Ií gil Kɔraawiizi birgi ii biine nfɛssi, ií duula ge birgi dufalaa ií ɔɔ wer zum wia la n ɛɛ Kɔraawiizi kipar wia, anla n wesse, anla n dɛkkɛ, anla n ɛɛ ananaa wa tuŋ la.
3Ií gil n ŋɔ ii be ani hiinaa la Kɔraawiizi n hiiniŋ n wer dɔɔ la. Ií bɛl maa gilɛɛ ra kpa u hiŋ zenni kaali gunla n wesse. Kɔraawiizi tɛɛ bɛl maanii yarda la un niŋ dɔɔ. Awia, ií ra pessi di zum wia la un tɛɛ ia yarda, ii wer ɛɛ la. 4Gunla yaa bɔrahɔŋ n ɛɛ kuŋkpaŋ ka dɔɔ yeŋa kpilakpila a huma kurgi la,#1Kɔr 12:12 5gunnɛ yaa gba du kpil, ka yaa ni Kristo n kpauwɛ la, yaa maa kpau ɛɛ bɔrahɔŋkpaŋ, bɛl maa ɛɛ u dɔŋahina yeŋ bɛl.
6Yaa maa dɔɔ wiɛɛlaa fɔŋŋazii a kurgi gunla Kɔraawiizi n suŋ yaa ni, di hiini yaa, yaa wer ra ɛɛa la. Di u gillɔɔ i ɛɛ u dɔgtɛɛ di ŋɔ wia ra tɛi, í wer ra bagli nɛra, a ɛɛ guŋ, di ra bagli gunla maa uŋ hiinii ni yarda í wer bagli.#1Kɔr 12:4-11 7Di u gillɔɔ i ɛɛ i dɔŋahina balii, a hum baa di ra hiini baa. Di i hor ɛɛ u wia baglaarɛ, a bagli. 8Di u gillɔɔ i wer bagli nɛra ŋmɛnizi gunla ban niŋ hiŋ, a hiini baa guŋ. Di u gillɔɔ i wer ra hiini nɛra ani kuna la baŋ waa dɔɔwɛ, a ɛɛ guŋ ani biinihuŋŋu. Di u gillɔɔ i wer ɛɛ i dɔŋahina sitɔɔri, a ɛɛ guŋ ani siaahmu. Di u gillɔɔ i wer ra na i dɔŋahina sinyɛna, a hiini baa ani bɔsɔna.
Nɔŋŋaa wia
9Ií nɔŋŋi dɔŋa biinihuŋŋu ni. Ií hah wichɔgaa ka lau winanaa kiŋkiŋ.#Emɔs 5:15 10Ií nɔŋŋi dɔŋa nɛnnɛ di ra feli dɔŋa tɔgzaa. 11Ií gilɛɛ dɔɔ bɔhuaih ka ra hiŋ ani siaahmu, di ra hum ii Dɔɔri ani bɔkpega, 12di ɔɔ gil ii bɔra sɔɔni ia ani tamii la iin dɔɔwɛ la. Ií ɔɔ ra di tɔɔrɔɔ ani kanyitti, di ɔɔ lau nfɛrkpaŋ ra suŋŋi wiizi saŋa maa. 13Ií ra hiini Kɔraawiizi biinanaa ani kuna la baŋ waa dɔɔwɛ, di sɛɛ lɛɛ hɔɔhra ra du ii biini.
14Ií ɔɔ suŋŋi wiizi di tɛɛ banla n na tɔɔri ia, di gilɛɛ see baa nua.#Mat 5:44 15Ií gil ii bɔra sɔɔni ia banla bɔra n sɔɔnɛɛ wia, di kaa gil ii biine chɔgi banla biine n chɔkkɛ wia. 16Ií gil ii maa dɔɔ nuukpaŋ dɔŋa ni, di gilɛɛ ra nyiŋŋi zenni, ka dɔɔ sisɔna, di ra sɛɛ hundumazi humaa. Ií gilɛɛ ra binni lugɔ ii zum wiimaanii.#2Kɔr 13:11
17Ií gilɛɛ waa kpa wichɔgaa ra turgi wichɔgaa kim. Ií ra ɛɛ wia la n wesse nɛr maa be. 18Di ii wetto, di a lii iawaa be, ií ɛɛ ania gil ii ni nɛr maa wia ɛɛ bɔɔiih. 19N biinɔŋŋaa, ií gilɛɛ waa ŋɔ ií turgi banla n ɛɛ ia wichɔgaa la. Kɔraawiizi baaŋ na fuuuh dikuu ba wia. Waabuu niŋ turgi baa. Ba faa sɛbɔɔrɛ, Kɔraawiizi ŋɔwɔɔrɛ, “Minuu dɔɔ wichɔgaa turgaa. Min niŋ turgi nɛra ba wichɔgaa kim.”
20“Ka di lɔzi waa kpu hiŋwaa dɔm bɛl,
nyiŋŋi diwee tɛu ú di.
Di niinyɔgzi lawuu,
ɛɛ nii tɛu ú nyɔɔ.
Di i wetto ɛɛ guŋ tɛu, hiihzi daŋ lawuu.”
21Ií gilɛɛ gil wichɔgaa ɛɛi kpegli ia. Ií kpa winanaa ɛɛi kpegli wichɔgaa.
Currently Selected:
Room 12: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 12
12
Miibɔɔ n du Kɔraawiizi humaa biini
1N na suŋŋi ia, yaabalaa, ií binni gunla Kɔraawiizi n suŋ ii ni werge la, ka kpa iihinaa tɛu alugɔ mbusu iin niŋ lizi tɛu, á ɛɛ mbusu lizaa la n ɛɛ naniinanii di du wer u be, ú wer lɛɛa. Jaamaa la n wessee guŋ. 2Ií gilɛɛ gil durnya naa wia ra fir ia, ii du a duula. Ií gil Kɔraawiizi birgi ii biine nfɛssi, ií duula ge birgi dufalaa ií ɔɔ wer zum wia la n ɛɛ Kɔraawiizi kipar wia, anla n wesse, anla n dɛkkɛ, anla n ɛɛ ananaa wa tuŋ la.
3Ií gil n ŋɔ ii be ani hiinaa la Kɔraawiizi n hiiniŋ n wer dɔɔ la. Ií bɛl maa gilɛɛ ra kpa u hiŋ zenni kaali gunla n wesse. Kɔraawiizi tɛɛ bɛl maanii yarda la un niŋ dɔɔ. Awia, ií ra pessi di zum wia la un tɛɛ ia yarda, ii wer ɛɛ la. 4Gunla yaa bɔrahɔŋ n ɛɛ kuŋkpaŋ ka dɔɔ yeŋa kpilakpila a huma kurgi la,#1Kɔr 12:12 5gunnɛ yaa gba du kpil, ka yaa ni Kristo n kpauwɛ la, yaa maa kpau ɛɛ bɔrahɔŋkpaŋ, bɛl maa ɛɛ u dɔŋahina yeŋ bɛl.
6Yaa maa dɔɔ wiɛɛlaa fɔŋŋazii a kurgi gunla Kɔraawiizi n suŋ yaa ni, di hiini yaa, yaa wer ra ɛɛa la. Di u gillɔɔ i ɛɛ u dɔgtɛɛ di ŋɔ wia ra tɛi, í wer ra bagli nɛra, a ɛɛ guŋ, di ra bagli gunla maa uŋ hiinii ni yarda í wer bagli.#1Kɔr 12:4-11 7Di u gillɔɔ i ɛɛ i dɔŋahina balii, a hum baa di ra hiini baa. Di i hor ɛɛ u wia baglaarɛ, a bagli. 8Di u gillɔɔ i wer bagli nɛra ŋmɛnizi gunla ban niŋ hiŋ, a hiini baa guŋ. Di u gillɔɔ i wer ra hiini nɛra ani kuna la baŋ waa dɔɔwɛ, a ɛɛ guŋ ani biinihuŋŋu. Di u gillɔɔ i wer ɛɛ i dɔŋahina sitɔɔri, a ɛɛ guŋ ani siaahmu. Di u gillɔɔ i wer ra na i dɔŋahina sinyɛna, a hiini baa ani bɔsɔna.
Nɔŋŋaa wia
9Ií nɔŋŋi dɔŋa biinihuŋŋu ni. Ií hah wichɔgaa ka lau winanaa kiŋkiŋ.#Emɔs 5:15 10Ií nɔŋŋi dɔŋa nɛnnɛ di ra feli dɔŋa tɔgzaa. 11Ií gilɛɛ dɔɔ bɔhuaih ka ra hiŋ ani siaahmu, di ra hum ii Dɔɔri ani bɔkpega, 12di ɔɔ gil ii bɔra sɔɔni ia ani tamii la iin dɔɔwɛ la. Ií ɔɔ ra di tɔɔrɔɔ ani kanyitti, di ɔɔ lau nfɛrkpaŋ ra suŋŋi wiizi saŋa maa. 13Ií ra hiini Kɔraawiizi biinanaa ani kuna la baŋ waa dɔɔwɛ, di sɛɛ lɛɛ hɔɔhra ra du ii biini.
14Ií ɔɔ suŋŋi wiizi di tɛɛ banla n na tɔɔri ia, di gilɛɛ see baa nua.#Mat 5:44 15Ií gil ii bɔra sɔɔni ia banla bɔra n sɔɔnɛɛ wia, di kaa gil ii biine chɔgi banla biine n chɔkkɛ wia. 16Ií gil ii maa dɔɔ nuukpaŋ dɔŋa ni, di gilɛɛ ra nyiŋŋi zenni, ka dɔɔ sisɔna, di ra sɛɛ hundumazi humaa. Ií gilɛɛ ra binni lugɔ ii zum wiimaanii.#2Kɔr 13:11
17Ií gilɛɛ waa kpa wichɔgaa ra turgi wichɔgaa kim. Ií ra ɛɛ wia la n wesse nɛr maa be. 18Di ii wetto, di a lii iawaa be, ií ɛɛ ania gil ii ni nɛr maa wia ɛɛ bɔɔiih. 19N biinɔŋŋaa, ií gilɛɛ waa ŋɔ ií turgi banla n ɛɛ ia wichɔgaa la. Kɔraawiizi baaŋ na fuuuh dikuu ba wia. Waabuu niŋ turgi baa. Ba faa sɛbɔɔrɛ, Kɔraawiizi ŋɔwɔɔrɛ, “Minuu dɔɔ wichɔgaa turgaa. Min niŋ turgi nɛra ba wichɔgaa kim.”
20“Ka di lɔzi waa kpu hiŋwaa dɔm bɛl,
nyiŋŋi diwee tɛu ú di.
Di niinyɔgzi lawuu,
ɛɛ nii tɛu ú nyɔɔ.
Di i wetto ɛɛ guŋ tɛu, hiihzi daŋ lawuu.”
21Ií gilɛɛ gil wichɔgaa ɛɛi kpegli ia. Ií kpa winanaa ɛɛi kpegli wichɔgaa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.