Room 11
11
Izrɛl hina la n kawɛɛ wia
1Amɔ, Kɔraawiizi jaa vɛɛ u nɛra haɔ? Akai. N gba ɛɛ Izrɛl hinuurɛ, di ɛɛ Abraham naana bɛl lii Bɛnjamin dee biini. 2Wàá sɛɛ vɛɛ banla uŋ felee nɔŋŋi la. Ii waa liizi gunla baŋ faa sɛbi Ɛlija wia laa? U faa suŋŋi Kɔraawiizii di ra bagli Izrɛl hina wichɔgaa wia keŋ.#1Koo 19:10, 18 3“N Dɔɔri, i dɔgtɛɛzii ba kpuuzi la, di kaa lau i mbusu lizibɔra purgi ta. N bɛnnɛ kawɛɛ. Ba kaa ra nyiŋŋi bá kpu n ge.” 4Ka ɛrɛɛ Kɔraawiizi faa ŋɔ u be lai? U faa ŋɔwɔɔrɛ, “Nɛra kagboŋa aniidaanɛɛrɛ n dɔɔ. Ba waa giŋŋee jaami ba vug Baal la.”
5Awia, gunnɛ a du filaŋkeŋ. Izrɛl hina tamaa du de, Kɔraawiizi n suŋ ba ni di lizi baa tɛɛ u hiŋ.
6Too. Di u lizi baa dikuu un suŋ ba ni la wia, a waa kaa ɛɛ lugɔ ba hunnanaa wiarɛ u lizi baa la. Di u nɛsunaa faa lii hunnanaa biini, u vii wàá ka ɛɛ nɛsunaa.
7Ɛrɛɛ jaa naanɛi? Wii la Izrɛl hina n faa ra nyiŋŋi la, ba wɔɔ nawɛɛ. Ka banla Kɔraawiizi n lizɛɛ tɛɛ u hiŋ, baabuu nau. Ka banla n wɔɔ nawɛɛ, Kɔraawiizi gillɔɔ ba bampiree bir du tɔg. 8Ba faa sɛbɔɔrɛ di ŋɔ,
“Kɔraawiizi gillɔɔ ba nfɛrɛ du tɔg werge,
di kaa tɛɛ baa siwee la
n waa na
ani digna la ge
n waa nuu,
haali di wa lii zinaa.”#Aiza 6:9-10; 29:10
9Yaa naabaal Deevid faa ŋɔwɔɔrɛ,
“Di ba wa chaalɔɔ, ba bɔra sɔɔni ba ra di,
gil a birgi wia tɛɛ baa
alugɔ sidɛɛ di lau baa bá kɛŋli,
bá wichɔgaa kim
wa turgi ba ni.
10Gil ba siwee biri bá na bɔr huhzi.
Gil ba ɔɔ haŋ bugmi,
di hanna la.”
Nɛra la n waa Jus hina ɛɛwɛ lɛɛi wia
11N daŋ kaa pɛɛzi ia wii bɛl. Baŋ kɛŋlɛɛ naa, ba cholloo bá wia tuŋ kɔrai gɛɛ? Akai. Ban cholle naa, banla n waa Jus hina ɛɛwɛ daŋ jaa wer na bɔr, Kɔ́raawiizi lɛɛ baa, á ɛɛ Jus hina bɔwii. 12Too. Durnya n wette na suma ba wichɔgaa bɔr la, banla n waa Jus hina ɛɛwɛ n wette nuu suma ba cholli bɔnnaa, di a Jus hina kaa wa na lɛɛi Kɔraawiizi be, a wàá ka ɛɛ suma werge maa?
13N ŋɔ wia naabuu ra tɛɛ ii banla n waa Jus hina ɛɛwɛ. Kɔraawiizi gillɔɔ n ɛɛ u huŋhunni, di ra bagli banla n waa Jus hina ɛɛwɛ u wia. N na kpa huma labuu tɔgzi werge maa. 14Aŋhinabe, n daŋ wer gil n himmaa nɛra la bɔra ra wii, dikuu minna hum n huma naa wia, ka wer na baŋhina tɛɛ Kɔraawiizi. 15Durnya n wette chi ba vɛɛri bɔr la di na ba ni Kɔraawiizi nuukpaŋ dɔɔi la, di Kɔraawiizi bittɔ wa lɛɛ baa, u guŋ wàá birgi suma werge maa di wa bɛri alugɔ siu biini izaa gba tɛɛ durnyaa? 16Di ba kpa sau yeŋ tɛɛ Kɔraawiizi a ɛɛ kunnanaa, a sau maanii ɛɛ kunnanaa la. Di daa lunne ɛɛ kunnanaa, u kela gba ɛɛ kunnanaarɛ.
17Too. Jus hina ɛɛwɔɔ lugɔ ɔlivi daa Kɔraawiizi n gillɛ u ɛɛ kunnanii. Denii u teŋri u kela aŋhina ha ka kpa pir hor kel pɛli u ni. Ii banla n waa Jus hina ɛɛwɛ, ɛɛwɔɔ lugɔ pir hor la, di wer ra di suma n lii u lunne be. 18Di u ɛɛ guŋ tɛi, gilɛɛ kpa i nyuu ra lɔ kela la. Hìŋ́ gillɛ lunne la du de gɛɛ aabuu gillɛ i du denei? 19I daŋ ŋɔ, “Kɔraawiizi teŋri u kela labuu ha, ka ú wer kpaŋ pɛli de.” 20Mhmm. Jus hina n wɔɔ yardɛɛ wiarɛ u teŋ baa ha la. Hiŋwaa n yarduu wiarɛ i du de la. Awia, gilɛɛ ra kpa i hiŋ zenni. A ɔm. 21Di Kɔraawiizi waa daa la kela n ɛɛ u himmaa kela la ni sunne, ka teŋraa ha, a dazi. Di guŋ lɛi, u daŋ teŋ i ge ha.
22Awia, ií na gunla Kɔraawiizi hiinaa ni u baaŋ n duwɛɛ. Banla n cholle la na u baannɛ. I ge na u hiinaa. Di i haa du gunla hiŋ faa duwɛɛ u hiinii la, u daŋ haa ra hiinii. Di guŋ lɛi, u daŋ teŋ i ge gba ha. 23Banla ge, di ba bittɔ wa yardi Kɔraawiizi, u daŋ kaa kpa baa pɛli daa la ni. Kɔraawiizi dɔɔ fɔŋŋaa ú wer gil bá kaa du u daa la ni. 24Di u faa wetto kpa hinla n faa ɛɛ u tɛɛ bɛl kel un lawii teŋ wa pɛli daa bɛl n waa i himmaa lau ɛɛwɛ i wer du de, amɔ, a wàá ka du kpol u be lugɔ ú kpa a daa himmaa kela kaa wa pɛli a himmaa lau ni.
Kɔraawiizi daŋ lɛɛ Izrɛl hina maa
25Yaabalaa, n na nyiŋŋi ii zum Kɔraawiizi wisuahlii naa um pillɛɛ tɛɛ yaa naa wiarɛ, ií gilɛɛ nyiŋŋi sɔŋ ra tɛɛ iihinaa dikuu ii nunzuma wia. U wolo hinnɛ keŋ. U gillɔɔ Izrɛl hina bampiree du kpeg tama mɔɔ ka bánla n waa Izrɛl hina ɛɛwɛ Kɔraawiizi n niŋ lɛɛ la maga wa su. 26Di u wa suwoo, Kɔraawiizi daŋ jaa bir lɛɛ Izrɛl hina la maa gunla baŋ faa sɛbɛɛ di ŋɔ,
“Izrɛl hina Lɛɛri daŋ ŋmɛnɛ wa lii Ziɔn
di duŋŋi wichɔgaa
Jekɔb biizi la be.#Aiza 59:20
27N ni baa nuukpaŋ dɔɔi labuu.
Saŋa la min niŋ lizi
ba wichɔgaa ha
ba ni labuu.”
28Amaniyesuma naawaa biini, ba ɛɛ Kɔraawiizi dɔmaa dikuu ii wia. Ka u nɛra lizaa la biini, ba ɛɛ u biinɔŋŋaarɛ dikuu ba naabaala la wia, 29dikuubɛɛwiai, wia la maa Kɔraawiizi n tɛɛ baa la ani gunla uŋ yir baa ba ba wa ɛɛ u nɛra la, wàá wer vɛɛ guŋ. 30Ii faa waa Kɔraawiizi nua ra hiŋ, ka u wa suŋ ii ni filaŋkennaa, dikuu Izrɛl hina n waa u nua ra hiŋ la wia. 31Gunnɛ Izrɛl hina naa n waa u nua ra hiŋ filaŋkennaa, Kɔraawiizi daŋ wa suŋ ba ge ni ani sunaa la uŋ faa suŋ ii ge ni la. 32Nɛra la n na vɛɛ Kɔraawiizi nuuzi la, ba wichɔgaa la vɔɔzi ba maanii dau, ka ú wer suŋ ba maa ni.
Kɔraawiizi chɔlaa wia
33Kɔraawiizi nunzuma ni u sichaana kannɔ.
A waa maga dɔɔwɛ gba.
Newee daŋ wer zum u widaulaa biini,
di kaa wer bagli gunla
u ŋmɛnizi n chɔɔwɛɛ?#Yira 139:6
34“Newee daŋ wer zum u nfɛrɛ biiniaa?
Bɛl daŋ faa wer
bagluu wiimaa?”#Aiza 40:13
35“Anɛɛ n du de Kɔraawiizi faa lɛɛ kuŋ u be ka u kaa wa bir kpa tɛuwɛi?
A hiŋ dee waa hoo,”
36dikuubɛɛwiai, kummaa, kummaa lii u fɔŋŋa biini
di kaa du de u fɔŋŋa wia
ú wer na sɔŋ.
Ií gil u sɔŋ na girme
saŋaa saŋa maa. Ami.#1Kɔr 8:6
Currently Selected:
Room 11: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Room 11
11
Izrɛl hina la n kawɛɛ wia
1Amɔ, Kɔraawiizi jaa vɛɛ u nɛra haɔ? Akai. N gba ɛɛ Izrɛl hinuurɛ, di ɛɛ Abraham naana bɛl lii Bɛnjamin dee biini. 2Wàá sɛɛ vɛɛ banla uŋ felee nɔŋŋi la. Ii waa liizi gunla baŋ faa sɛbi Ɛlija wia laa? U faa suŋŋi Kɔraawiizii di ra bagli Izrɛl hina wichɔgaa wia keŋ.#1Koo 19:10, 18 3“N Dɔɔri, i dɔgtɛɛzii ba kpuuzi la, di kaa lau i mbusu lizibɔra purgi ta. N bɛnnɛ kawɛɛ. Ba kaa ra nyiŋŋi bá kpu n ge.” 4Ka ɛrɛɛ Kɔraawiizi faa ŋɔ u be lai? U faa ŋɔwɔɔrɛ, “Nɛra kagboŋa aniidaanɛɛrɛ n dɔɔ. Ba waa giŋŋee jaami ba vug Baal la.”
5Awia, gunnɛ a du filaŋkeŋ. Izrɛl hina tamaa du de, Kɔraawiizi n suŋ ba ni di lizi baa tɛɛ u hiŋ.
6Too. Di u lizi baa dikuu un suŋ ba ni la wia, a waa kaa ɛɛ lugɔ ba hunnanaa wiarɛ u lizi baa la. Di u nɛsunaa faa lii hunnanaa biini, u vii wàá ka ɛɛ nɛsunaa.
7Ɛrɛɛ jaa naanɛi? Wii la Izrɛl hina n faa ra nyiŋŋi la, ba wɔɔ nawɛɛ. Ka banla Kɔraawiizi n lizɛɛ tɛɛ u hiŋ, baabuu nau. Ka banla n wɔɔ nawɛɛ, Kɔraawiizi gillɔɔ ba bampiree bir du tɔg. 8Ba faa sɛbɔɔrɛ di ŋɔ,
“Kɔraawiizi gillɔɔ ba nfɛrɛ du tɔg werge,
di kaa tɛɛ baa siwee la
n waa na
ani digna la ge
n waa nuu,
haali di wa lii zinaa.”#Aiza 6:9-10; 29:10
9Yaa naabaal Deevid faa ŋɔwɔɔrɛ,
“Di ba wa chaalɔɔ, ba bɔra sɔɔni ba ra di,
gil a birgi wia tɛɛ baa
alugɔ sidɛɛ di lau baa bá kɛŋli,
bá wichɔgaa kim
wa turgi ba ni.
10Gil ba siwee biri bá na bɔr huhzi.
Gil ba ɔɔ haŋ bugmi,
di hanna la.”
Nɛra la n waa Jus hina ɛɛwɛ lɛɛi wia
11N daŋ kaa pɛɛzi ia wii bɛl. Baŋ kɛŋlɛɛ naa, ba cholloo bá wia tuŋ kɔrai gɛɛ? Akai. Ban cholle naa, banla n waa Jus hina ɛɛwɛ daŋ jaa wer na bɔr, Kɔ́raawiizi lɛɛ baa, á ɛɛ Jus hina bɔwii. 12Too. Durnya n wette na suma ba wichɔgaa bɔr la, banla n waa Jus hina ɛɛwɛ n wette nuu suma ba cholli bɔnnaa, di a Jus hina kaa wa na lɛɛi Kɔraawiizi be, a wàá ka ɛɛ suma werge maa?
13N ŋɔ wia naabuu ra tɛɛ ii banla n waa Jus hina ɛɛwɛ. Kɔraawiizi gillɔɔ n ɛɛ u huŋhunni, di ra bagli banla n waa Jus hina ɛɛwɛ u wia. N na kpa huma labuu tɔgzi werge maa. 14Aŋhinabe, n daŋ wer gil n himmaa nɛra la bɔra ra wii, dikuu minna hum n huma naa wia, ka wer na baŋhina tɛɛ Kɔraawiizi. 15Durnya n wette chi ba vɛɛri bɔr la di na ba ni Kɔraawiizi nuukpaŋ dɔɔi la, di Kɔraawiizi bittɔ wa lɛɛ baa, u guŋ wàá birgi suma werge maa di wa bɛri alugɔ siu biini izaa gba tɛɛ durnyaa? 16Di ba kpa sau yeŋ tɛɛ Kɔraawiizi a ɛɛ kunnanaa, a sau maanii ɛɛ kunnanaa la. Di daa lunne ɛɛ kunnanaa, u kela gba ɛɛ kunnanaarɛ.
17Too. Jus hina ɛɛwɔɔ lugɔ ɔlivi daa Kɔraawiizi n gillɛ u ɛɛ kunnanii. Denii u teŋri u kela aŋhina ha ka kpa pir hor kel pɛli u ni. Ii banla n waa Jus hina ɛɛwɛ, ɛɛwɔɔ lugɔ pir hor la, di wer ra di suma n lii u lunne be. 18Di u ɛɛ guŋ tɛi, gilɛɛ kpa i nyuu ra lɔ kela la. Hìŋ́ gillɛ lunne la du de gɛɛ aabuu gillɛ i du denei? 19I daŋ ŋɔ, “Kɔraawiizi teŋri u kela labuu ha, ka ú wer kpaŋ pɛli de.” 20Mhmm. Jus hina n wɔɔ yardɛɛ wiarɛ u teŋ baa ha la. Hiŋwaa n yarduu wiarɛ i du de la. Awia, gilɛɛ ra kpa i hiŋ zenni. A ɔm. 21Di Kɔraawiizi waa daa la kela n ɛɛ u himmaa kela la ni sunne, ka teŋraa ha, a dazi. Di guŋ lɛi, u daŋ teŋ i ge ha.
22Awia, ií na gunla Kɔraawiizi hiinaa ni u baaŋ n duwɛɛ. Banla n cholle la na u baannɛ. I ge na u hiinaa. Di i haa du gunla hiŋ faa duwɛɛ u hiinii la, u daŋ haa ra hiinii. Di guŋ lɛi, u daŋ teŋ i ge gba ha. 23Banla ge, di ba bittɔ wa yardi Kɔraawiizi, u daŋ kaa kpa baa pɛli daa la ni. Kɔraawiizi dɔɔ fɔŋŋaa ú wer gil bá kaa du u daa la ni. 24Di u faa wetto kpa hinla n faa ɛɛ u tɛɛ bɛl kel un lawii teŋ wa pɛli daa bɛl n waa i himmaa lau ɛɛwɛ i wer du de, amɔ, a wàá ka du kpol u be lugɔ ú kpa a daa himmaa kela kaa wa pɛli a himmaa lau ni.
Kɔraawiizi daŋ lɛɛ Izrɛl hina maa
25Yaabalaa, n na nyiŋŋi ii zum Kɔraawiizi wisuahlii naa um pillɛɛ tɛɛ yaa naa wiarɛ, ií gilɛɛ nyiŋŋi sɔŋ ra tɛɛ iihinaa dikuu ii nunzuma wia. U wolo hinnɛ keŋ. U gillɔɔ Izrɛl hina bampiree du kpeg tama mɔɔ ka bánla n waa Izrɛl hina ɛɛwɛ Kɔraawiizi n niŋ lɛɛ la maga wa su. 26Di u wa suwoo, Kɔraawiizi daŋ jaa bir lɛɛ Izrɛl hina la maa gunla baŋ faa sɛbɛɛ di ŋɔ,
“Izrɛl hina Lɛɛri daŋ ŋmɛnɛ wa lii Ziɔn
di duŋŋi wichɔgaa
Jekɔb biizi la be.#Aiza 59:20
27N ni baa nuukpaŋ dɔɔi labuu.
Saŋa la min niŋ lizi
ba wichɔgaa ha
ba ni labuu.”
28Amaniyesuma naawaa biini, ba ɛɛ Kɔraawiizi dɔmaa dikuu ii wia. Ka u nɛra lizaa la biini, ba ɛɛ u biinɔŋŋaarɛ dikuu ba naabaala la wia, 29dikuubɛɛwiai, wia la maa Kɔraawiizi n tɛɛ baa la ani gunla uŋ yir baa ba ba wa ɛɛ u nɛra la, wàá wer vɛɛ guŋ. 30Ii faa waa Kɔraawiizi nua ra hiŋ, ka u wa suŋ ii ni filaŋkennaa, dikuu Izrɛl hina n waa u nua ra hiŋ la wia. 31Gunnɛ Izrɛl hina naa n waa u nua ra hiŋ filaŋkennaa, Kɔraawiizi daŋ wa suŋ ba ge ni ani sunaa la uŋ faa suŋ ii ge ni la. 32Nɛra la n na vɛɛ Kɔraawiizi nuuzi la, ba wichɔgaa la vɔɔzi ba maanii dau, ka ú wer suŋ ba maa ni.
Kɔraawiizi chɔlaa wia
33Kɔraawiizi nunzuma ni u sichaana kannɔ.
A waa maga dɔɔwɛ gba.
Newee daŋ wer zum u widaulaa biini,
di kaa wer bagli gunla
u ŋmɛnizi n chɔɔwɛɛ?#Yira 139:6
34“Newee daŋ wer zum u nfɛrɛ biiniaa?
Bɛl daŋ faa wer
bagluu wiimaa?”#Aiza 40:13
35“Anɛɛ n du de Kɔraawiizi faa lɛɛ kuŋ u be ka u kaa wa bir kpa tɛuwɛi?
A hiŋ dee waa hoo,”
36dikuubɛɛwiai, kummaa, kummaa lii u fɔŋŋa biini
di kaa du de u fɔŋŋa wia
ú wer na sɔŋ.
Ií gil u sɔŋ na girme
saŋaa saŋa maa. Ami.#1Kɔr 8:6
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.