Jɔɔn 21
21
Yeesu n kpa u hiŋ bagli u hiŋra baniidaanɛɛ wia
1A hɔl bɛl Yeesu kaa ba u hiŋra be ba nau Tibɛrias muuzeŋ la nua. Kenne ba ɛɛ di nau. 2Saimɔn Pitta ni Tɔmas la n ɛɛ Biinɛɛri bɛl la ni Natanɛl la n lii Keena n du Galilii hɛri la, di kpa Zɛbɛdi biizi ani Yeesu hiŋra banɛɛ, ba maa faa chaali dɔŋa. 3Saimɔn Pitta faa ŋɔ ba be, “Miŋwaa ra lau ń gaa lauri nyinni.” Ba ŋɔ, “Too. Yaa gba daŋ hiŋii ra la.” Ba maa lii di ga zuu muugbera di ra ta ba asauzi guŋŋ, hɔɔ wa pizi. Ba waa kummaa nawɛɛ.#Luuk 5:4-7
4Hɔɔŋ wa pizɛɛ la, di Yeesu chigɔ baŋgia. Ka u hiŋra waa zummɛ lugɔ waabuu.
5U ŋɔ ba be, “N biizi, ii waa kummaa lauwɛ ií kpa ga di gɛɛ?”
Ba ŋɔ, “Ɛɛh, yaa waa kummaa lauwɛ.”
6U ŋɔ, “Amɔ, ií ta ii asau la du a muugbera nodig keŋkere naa. Ii daŋ na.” Ba tau de. Nyiŋkpila maa wa zuu. Ba waa fɔŋŋa dɔɔwɛ ban niŋ wer tɛrguu zuu ba muugbera la biini.
7Denii Yeesu hiŋrinɔŋŋii la ŋɔ Pitta be, “Yaa Dɔɔri labuu.” Saimɔn Pitta n wa nuu guŋ, u izi laali u laala uŋ faa lizɛɛ dau, ka zaah chol muu la biini di sɔŋŋi gi. 8Ka babalaa ge haa du muugbera la biini di tɛrgi asau la ni nyinni la di ra ba. Ba faa waa bɔɔnɛɛ duwɛɛ, ka saa ba muugbera la lugɔ nogumzi kalfaanɛɛ, ka haa wa lii. 9Baŋ wa liwɛɛ la, ba na Yeesu n kpa hɔla chem niŋ u ra lau, di kpa nyiŋ bɛl ɔɔzi u ni. Paanuu ge du de.
10Yeesu ŋɔ, “Ií ga lizi nyinni la iin lauwɛ la aŋhina ba.”
11Saimɔn Pitta kaa zuu muugbera di tɛrgi asau la lii baŋgia. Nyinzenaa su u maa. A faa du nyinni kalfa ni adunu ni ahoro. Aŋ kpillɛ gunla, ka ba asau la waa wette chaahzi. 12Yeesu ŋɔ, “Ií ba wa kpali nua.” U hiŋra maa ba. Ba bɛl maa faa waa bampirii dɔɔwɛ ú pɛɛzuu, “Anɛɛ hinnɛi?” Ba maa zummɔ lugɔ ba Dɔɔrii. 13Yeesu ga kpa paanuu la ni nyiŋ la di tɛɛ baa ba di. 14Yeesu n faa izi siu biini di kpa u hiŋ bagli u hiŋra la, u guŋ buhoro hinnɛ la.
Yeesu ni Pitta wia
15Baŋ wa diwee tuŋ, Yeesu pɛɛzi Saimɔn Pitta, “Jɔɔn bie Saimɔn, i nɔŋŋimbuu kaali bannii naa?”
Pitta ŋɔ, “N Dɔɔri, i zummɔ lugɔ n na nyiŋŋi i wiarɛ.”
Yeesu ŋɔ, “Nyiŋŋi diwee di ra tɛɛ n pebizi bá ra di.”#1Pit 5:2
16Denii u kaa kuari pɛɛzuu, “Jɔɔn bie, Saimɔn, i nɔŋŋimbuu naá?”
U ŋɔ, “Ɛɛh, n Dɔɔri. I zummɔ lugɔ n na nyiŋŋi i wiarɛ.”
Yeesu bir ŋɔ, “Too. Ɛɛ ra binni n peeza ni ra tɛŋ.”
17Denii u kaa kuari pɛɛzuu buhoro hiŋ la, “Jɔɔn bie, Saimɔn, i ra nyiŋŋi n wiarɛa?”
Pitta biini jaa chɔgi dikuu Yeesu n pɛɛzuu nua buhoro maa wia lugɔ u ra nyiŋŋi u wiarɛ la. U ŋɔ, “N Dɔɔri, hinuu zum wiimaa. Hinuu niŋ zum lugɔ n na nyiŋŋi i wiarɛ.” Yeesu ŋɔ, “Too. Ɛɛ nyiŋŋi diwee ra tɛɛ n peeza á ra di. 18Gil ń ŋɔ wibii maa tɛi. Hiŋ faa ɛɛ biipɔllii, ɛɛ faa ra kirsi i hinnɛ di ra gaagi i kipar bɔra. Ama di i waa zɛŋ, i daŋ tɛr i nonee, nɛbɛl wa vɔɔzii kaali bɔr la hiŋ waa nyiŋŋi laŋaa.” 19U ŋɔ gunnɛ ú bagli siu la dee un niŋ wa siu dikuu unna hiŋ Kɔraawiizi wia, Kɔ́raawiizi na girme. Awia, uŋ wa ŋɔ guŋ tuŋ, u ŋɔ Pitta be, “Ɛɛ ra hiŋiŋ.”
Yeesu ni u hiŋra la n kawɛɛ wia
20Denii Pitta kɛɛ binni di na Yeesu hiŋrinɔŋŋii la n na hiŋ. Waabuu faa soge Yeesu be saŋa la baŋ faa ra di la, u faa pɛɛzuu nɛr la n niŋ ɛɛu sɔsɔgɔ la.#Jɔɔn 13:23-25 21Pitta n wa nau unna hiŋ la, u pɛɛzi Yeesu, “N Dɔɔri, ka unnii geu?”
22Yeesu ŋɔ u be, “Di a pariŋ ú du de ka ń wa ba, ka i wia lɛi. Híŋwaa ra hiŋiŋ.” 23Yeesu wiŋɔzi naa wiarɛ babalaa la ɔɔ ra ŋɔ hunehune lugɔ Yeesu hiŋra la wàá siu la. Ka guŋ lɛi Yeesu faa ŋɔ. U faa ŋɔwɔɔrɛ lugɔ di a paruu, u daŋ du de ka ú wa ba, ka waabuu Pitta wia lɛi.
24A hiŋra labuu bagli wia naa di sɛbi a maa dau la. Yaa zummɔ lugɔ u wiŋɔzi ɛɛ wibiire.
25Too. Wikpilakpila maanii haa du de Yeesu n ɛɛwɛ, ba waa aawaa sɛbɛɛ. Di ba faa wetto sɛbi a maa maa wa tuŋ, a maa faa wàá wer na bɔr du durnya naa biini gba.
Currently Selected:
Jɔɔn 21: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Jɔɔn 21
21
Yeesu n kpa u hiŋ bagli u hiŋra baniidaanɛɛ wia
1A hɔl bɛl Yeesu kaa ba u hiŋra be ba nau Tibɛrias muuzeŋ la nua. Kenne ba ɛɛ di nau. 2Saimɔn Pitta ni Tɔmas la n ɛɛ Biinɛɛri bɛl la ni Natanɛl la n lii Keena n du Galilii hɛri la, di kpa Zɛbɛdi biizi ani Yeesu hiŋra banɛɛ, ba maa faa chaali dɔŋa. 3Saimɔn Pitta faa ŋɔ ba be, “Miŋwaa ra lau ń gaa lauri nyinni.” Ba ŋɔ, “Too. Yaa gba daŋ hiŋii ra la.” Ba maa lii di ga zuu muugbera di ra ta ba asauzi guŋŋ, hɔɔ wa pizi. Ba waa kummaa nawɛɛ.#Luuk 5:4-7
4Hɔɔŋ wa pizɛɛ la, di Yeesu chigɔ baŋgia. Ka u hiŋra waa zummɛ lugɔ waabuu.
5U ŋɔ ba be, “N biizi, ii waa kummaa lauwɛ ií kpa ga di gɛɛ?”
Ba ŋɔ, “Ɛɛh, yaa waa kummaa lauwɛ.”
6U ŋɔ, “Amɔ, ií ta ii asau la du a muugbera nodig keŋkere naa. Ii daŋ na.” Ba tau de. Nyiŋkpila maa wa zuu. Ba waa fɔŋŋa dɔɔwɛ ban niŋ wer tɛrguu zuu ba muugbera la biini.
7Denii Yeesu hiŋrinɔŋŋii la ŋɔ Pitta be, “Yaa Dɔɔri labuu.” Saimɔn Pitta n wa nuu guŋ, u izi laali u laala uŋ faa lizɛɛ dau, ka zaah chol muu la biini di sɔŋŋi gi. 8Ka babalaa ge haa du muugbera la biini di tɛrgi asau la ni nyinni la di ra ba. Ba faa waa bɔɔnɛɛ duwɛɛ, ka saa ba muugbera la lugɔ nogumzi kalfaanɛɛ, ka haa wa lii. 9Baŋ wa liwɛɛ la, ba na Yeesu n kpa hɔla chem niŋ u ra lau, di kpa nyiŋ bɛl ɔɔzi u ni. Paanuu ge du de.
10Yeesu ŋɔ, “Ií ga lizi nyinni la iin lauwɛ la aŋhina ba.”
11Saimɔn Pitta kaa zuu muugbera di tɛrgi asau la lii baŋgia. Nyinzenaa su u maa. A faa du nyinni kalfa ni adunu ni ahoro. Aŋ kpillɛ gunla, ka ba asau la waa wette chaahzi. 12Yeesu ŋɔ, “Ií ba wa kpali nua.” U hiŋra maa ba. Ba bɛl maa faa waa bampirii dɔɔwɛ ú pɛɛzuu, “Anɛɛ hinnɛi?” Ba maa zummɔ lugɔ ba Dɔɔrii. 13Yeesu ga kpa paanuu la ni nyiŋ la di tɛɛ baa ba di. 14Yeesu n faa izi siu biini di kpa u hiŋ bagli u hiŋra la, u guŋ buhoro hinnɛ la.
Yeesu ni Pitta wia
15Baŋ wa diwee tuŋ, Yeesu pɛɛzi Saimɔn Pitta, “Jɔɔn bie Saimɔn, i nɔŋŋimbuu kaali bannii naa?”
Pitta ŋɔ, “N Dɔɔri, i zummɔ lugɔ n na nyiŋŋi i wiarɛ.”
Yeesu ŋɔ, “Nyiŋŋi diwee di ra tɛɛ n pebizi bá ra di.”#1Pit 5:2
16Denii u kaa kuari pɛɛzuu, “Jɔɔn bie, Saimɔn, i nɔŋŋimbuu naá?”
U ŋɔ, “Ɛɛh, n Dɔɔri. I zummɔ lugɔ n na nyiŋŋi i wiarɛ.”
Yeesu bir ŋɔ, “Too. Ɛɛ ra binni n peeza ni ra tɛŋ.”
17Denii u kaa kuari pɛɛzuu buhoro hiŋ la, “Jɔɔn bie, Saimɔn, i ra nyiŋŋi n wiarɛa?”
Pitta biini jaa chɔgi dikuu Yeesu n pɛɛzuu nua buhoro maa wia lugɔ u ra nyiŋŋi u wiarɛ la. U ŋɔ, “N Dɔɔri, hinuu zum wiimaa. Hinuu niŋ zum lugɔ n na nyiŋŋi i wiarɛ.” Yeesu ŋɔ, “Too. Ɛɛ nyiŋŋi diwee ra tɛɛ n peeza á ra di. 18Gil ń ŋɔ wibii maa tɛi. Hiŋ faa ɛɛ biipɔllii, ɛɛ faa ra kirsi i hinnɛ di ra gaagi i kipar bɔra. Ama di i waa zɛŋ, i daŋ tɛr i nonee, nɛbɛl wa vɔɔzii kaali bɔr la hiŋ waa nyiŋŋi laŋaa.” 19U ŋɔ gunnɛ ú bagli siu la dee un niŋ wa siu dikuu unna hiŋ Kɔraawiizi wia, Kɔ́raawiizi na girme. Awia, uŋ wa ŋɔ guŋ tuŋ, u ŋɔ Pitta be, “Ɛɛ ra hiŋiŋ.”
Yeesu ni u hiŋra la n kawɛɛ wia
20Denii Pitta kɛɛ binni di na Yeesu hiŋrinɔŋŋii la n na hiŋ. Waabuu faa soge Yeesu be saŋa la baŋ faa ra di la, u faa pɛɛzuu nɛr la n niŋ ɛɛu sɔsɔgɔ la.#Jɔɔn 13:23-25 21Pitta n wa nau unna hiŋ la, u pɛɛzi Yeesu, “N Dɔɔri, ka unnii geu?”
22Yeesu ŋɔ u be, “Di a pariŋ ú du de ka ń wa ba, ka i wia lɛi. Híŋwaa ra hiŋiŋ.” 23Yeesu wiŋɔzi naa wiarɛ babalaa la ɔɔ ra ŋɔ hunehune lugɔ Yeesu hiŋra la wàá siu la. Ka guŋ lɛi Yeesu faa ŋɔ. U faa ŋɔwɔɔrɛ lugɔ di a paruu, u daŋ du de ka ú wa ba, ka waabuu Pitta wia lɛi.
24A hiŋra labuu bagli wia naa di sɛbi a maa dau la. Yaa zummɔ lugɔ u wiŋɔzi ɛɛ wibiire.
25Too. Wikpilakpila maanii haa du de Yeesu n ɛɛwɛ, ba waa aawaa sɛbɛɛ. Di ba faa wetto sɛbi a maa maa wa tuŋ, a maa faa wàá wer na bɔr du durnya naa biini gba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.