Jɔɔn 20
20
Yeesu siu biini izaa wia
(Mat 28:1-8; Maak 16:1-8; Luuk 24:1-12)
1Denii Alaadi hɔl n wa helle chɔɔzin pikke ni, di bɔr haa biroo, Magdala hinuu Mɛɛri la izi di la bɔr la baŋ hug Yeesu la, di bii la baŋ faa kpawɛɛ tɔ bɔɔ la nua la pillɔɔ. 2U chɔ kaali di ga ŋɔ Saimɔn Pitta ni Yeesu hiŋrinɔŋŋii la be, dí, “Ba lizi yaa Dɔɔri labuu bɔɔ la biini. Maa zum bɔr la baŋ kaa kpau ga dau.”
3Pitta ni a hiŋra izi ga lii bol biini bá la ŋmam la bɔr 4di ra chɔ. Yeesu hiŋrinɔŋŋii la feli Pitta hel de, 5di ga togni di binni bɔɔ la biini di na pɛɛŋhuŋŋunanaa la n chɔɔwɛ, ka waa zuuwɛ. 6Saimɔn Pitta ge jaa chɔ wa hel. Waabuu zuu, di ge na wɛjɛhuŋŋu la n chɔɔwɛ, 7di kaa na unla baŋ faa kpawɛɛ vɔɔ u nyuu la, di waa unla be duwɛɛ ka kpɛu chɔɔ u bɛŋ. 8Yeesu hiŋri la n faa felee hel de la ge jaa zuu di ga na a maa. Uŋ wa naa la, u jaa yardi. 9Ba faa haa waa Kɔraawiizi Hɔŋ bɔr la uŋ faa ŋɔwɛɛ lugɔ u daŋ siu mɔɔ ka haa izi u siu biini la zɛɛ zummɛ. 10Ba bir kaali ba diini.
Yeesu n kpa u hiŋ bagli Magdala hinuu Mɛɛri wia
(Mat 28:9-10; Maak 16:9-11)
11Ka Mɛɛri ge haa chi bɔɔ la baŋgia di ra wii. Unna wii la, u togni di binni bɔɔ la biini 12di mɛlikazi anɛɛbuu soge de. A wɛjɛzi huuhzi werge. Bɛl so Yeesu nyuu tɛɛri bɔr, bɛl ge so u naazi tɛɛri bɔr. 13Ba pɛɛzuu, “Bɛɛ wiarɛ i ra wii gunnɛi?” U ŋɔ, “Ba lizi n Dɔɔrii bɔnnaa. Maa kaa zum bɔr la baŋ kpau dau.”
14Uŋ wa ŋɔ guŋ tuŋ, u bir di Yeesuu chigɛ, ka waa zummɛ lugɔ Yeesuu. 15Yeesu ge pɛɛzuu, “Bɛɛ n baani i ra wii gunnɛi? Anɛɛ i ra nyiŋŋi bɔnnaanɛi?” Mɛɛri zumɔɔ lugɔ a bɔɔbinni labuu. U ŋɔ u be, “N Nabɔma, di hinuu kpau kaali, í bagliŋ bɔr la hiŋ kpau ga dau ń la ga lizuu.”
16Yeesu jaa bir yir u sɔmbii, “Mɛɛri.” U bir binnuu ka ŋɔ u be Hibru mɔɔri biini, “Oo! Raboni!” Ka ga lawuu. Raboni la zɛɛrɛ, N Nabɔma. 17Yeesu ŋɔ u be, “Gilɛɛ ra lawiŋ guŋ mɔɔ. N haa waa n Mɛɛ be laŋŋɛ. Ka í la ga ŋɔ n niuna be alugɔ n na la n Mɛɛ Kɔraawiizi benii. N ni baa maa mɛɛrɛ a Kɔraawiizi.” 18Magdala hinuu Mɛɛri la izi la u hiŋra la be di ga ŋɔ ba be, “N na yaa Dɔɔri labuu!” Ka bagli gunla Yeesu n ŋɔwɛɛ tɛu.
Yeesu n kpa u hiŋ bagli u hiŋra wia
(Mat 28:16-20; Maak 16:14-18; Luuk 24:36-49)
19Alaadi hiŋ hamuŋa ni Yeesu hiŋra chaali dia bɛl biini. Banna ɔm Jus hina wia ba kar a dia dominua ka du u biini. Ka Yeesu wer zuu a dia di wa chi ba baambaaŋ di duani baa di ŋɔ, “Kɔ́raawiizi tɛɛ ia bampirsɔna.”#Jɔɔn 16:20-22 20Uŋ wa ŋɔ guŋ, u kpa u nonee ni u loŋŋi la di bagli baa. U hiŋra la bɔra jaa sɔɔni baa werge maa baŋ na ba Dɔɔri la.
21Yeesu kaa ŋɔ, “Kɔ́raawiizi tɛɛ ia bampirsɔna. N na hum iabuu filaŋkeŋ gunla n Mɛɛ n faa humiŋ la.” 22Uŋ wa ŋɔ guŋ, u heezi du ba ni ka ŋɔ, “Ií lɛɛ Kɔraawiizi Dumnanii. 23Di ii wa ŋɔ Kɔ́raawiizi gil nɛr maa wichɔgaa tɛu, amɔ, u gillɔɔ tɛɛ a hiŋ. Di ii kaa wa ŋɔ lugɔ nɛ́r maa wichɔgaa haa du u ni, amɔ, a hiŋ wichɔgaa haa du u ninɛɛ la.”
Yeesu ni Tɔmas wia
24Yeesu hiŋra la n ɛɛ Biinɛɛri bɛl ba ra yiruu Tɔmas la faa waa hoo ba be saŋa la Yeesu n zuu ba be la. 25U dɔŋahina la maa faa ra ŋɔ u be dí ba na ba Dɔɔri. Ka waa sɛɛwɛ. U ŋɔ, “Di n wa na kpulozi bɔɔni u nonee di wer kpa n nonibee di suuzi a bɔɔni di wer kpa n nonii di suu u loŋŋi bɔr la baŋ yag kandaa la, amɔ, waabuu. Ka di guŋ lɛi, màá sɛɛ tɛɛ ia.”
26Hɔpizaa ŋmantannaazi n wa bɛrɛɛ, Yeesu hiŋra la kaa chaali du dia la. Tɔmas ge gba jaa du ba be. Gbessi la maa kar, ka Yeesu kaa wer zuu ba be di chi di duani baa ka ŋɔ, “Kɔ́raawiizi tɛɛ ia bampirsɔna.” 27Denii u ŋɔ Tɔmas la be, “Wa kpa i nonibee di suuzi n nonee bɔɔni naa, di kpa i nonii suu n loŋŋi naa, di gil aanaa ka yardiŋ.” 28Tɔmas ŋɔ, “Oo! N Dɔɔri! Kɔraawiizi!” 29Yeesu ŋɔ, “I siwee n naŋ wiarɛ i jaa yardinnɔu? Baŋhina wan nawɛɛ ka yardiŋ. Ba dɔɔ sɔnnɛ Kɔraawiizi be.”
30Yeesu wisɛɛlaa kannɔ werge uŋ ɛɛwɛ u hiŋra la be. A maa lɛi n sɛbi du ɛŋ. 31Ka annii naa miŋ sɛbɛɛ du naa, n sɛbaabuu du ií wer sɛɛ lugɔ Yeesu ɛɛ Kristoo di ɛɛ Kɔraawiizi Biibaal. Nɛr la maa n niŋ sɛɛ u wia guŋ, daŋ na miibɔɔ dikuu u wia.#1Jɔɔ 5:13
Currently Selected:
Jɔɔn 20: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Jɔɔn 20
20
Yeesu siu biini izaa wia
(Mat 28:1-8; Maak 16:1-8; Luuk 24:1-12)
1Denii Alaadi hɔl n wa helle chɔɔzin pikke ni, di bɔr haa biroo, Magdala hinuu Mɛɛri la izi di la bɔr la baŋ hug Yeesu la, di bii la baŋ faa kpawɛɛ tɔ bɔɔ la nua la pillɔɔ. 2U chɔ kaali di ga ŋɔ Saimɔn Pitta ni Yeesu hiŋrinɔŋŋii la be, dí, “Ba lizi yaa Dɔɔri labuu bɔɔ la biini. Maa zum bɔr la baŋ kaa kpau ga dau.”
3Pitta ni a hiŋra izi ga lii bol biini bá la ŋmam la bɔr 4di ra chɔ. Yeesu hiŋrinɔŋŋii la feli Pitta hel de, 5di ga togni di binni bɔɔ la biini di na pɛɛŋhuŋŋunanaa la n chɔɔwɛ, ka waa zuuwɛ. 6Saimɔn Pitta ge jaa chɔ wa hel. Waabuu zuu, di ge na wɛjɛhuŋŋu la n chɔɔwɛ, 7di kaa na unla baŋ faa kpawɛɛ vɔɔ u nyuu la, di waa unla be duwɛɛ ka kpɛu chɔɔ u bɛŋ. 8Yeesu hiŋri la n faa felee hel de la ge jaa zuu di ga na a maa. Uŋ wa naa la, u jaa yardi. 9Ba faa haa waa Kɔraawiizi Hɔŋ bɔr la uŋ faa ŋɔwɛɛ lugɔ u daŋ siu mɔɔ ka haa izi u siu biini la zɛɛ zummɛ. 10Ba bir kaali ba diini.
Yeesu n kpa u hiŋ bagli Magdala hinuu Mɛɛri wia
(Mat 28:9-10; Maak 16:9-11)
11Ka Mɛɛri ge haa chi bɔɔ la baŋgia di ra wii. Unna wii la, u togni di binni bɔɔ la biini 12di mɛlikazi anɛɛbuu soge de. A wɛjɛzi huuhzi werge. Bɛl so Yeesu nyuu tɛɛri bɔr, bɛl ge so u naazi tɛɛri bɔr. 13Ba pɛɛzuu, “Bɛɛ wiarɛ i ra wii gunnɛi?” U ŋɔ, “Ba lizi n Dɔɔrii bɔnnaa. Maa kaa zum bɔr la baŋ kpau dau.”
14Uŋ wa ŋɔ guŋ tuŋ, u bir di Yeesuu chigɛ, ka waa zummɛ lugɔ Yeesuu. 15Yeesu ge pɛɛzuu, “Bɛɛ n baani i ra wii gunnɛi? Anɛɛ i ra nyiŋŋi bɔnnaanɛi?” Mɛɛri zumɔɔ lugɔ a bɔɔbinni labuu. U ŋɔ u be, “N Nabɔma, di hinuu kpau kaali, í bagliŋ bɔr la hiŋ kpau ga dau ń la ga lizuu.”
16Yeesu jaa bir yir u sɔmbii, “Mɛɛri.” U bir binnuu ka ŋɔ u be Hibru mɔɔri biini, “Oo! Raboni!” Ka ga lawuu. Raboni la zɛɛrɛ, N Nabɔma. 17Yeesu ŋɔ u be, “Gilɛɛ ra lawiŋ guŋ mɔɔ. N haa waa n Mɛɛ be laŋŋɛ. Ka í la ga ŋɔ n niuna be alugɔ n na la n Mɛɛ Kɔraawiizi benii. N ni baa maa mɛɛrɛ a Kɔraawiizi.” 18Magdala hinuu Mɛɛri la izi la u hiŋra la be di ga ŋɔ ba be, “N na yaa Dɔɔri labuu!” Ka bagli gunla Yeesu n ŋɔwɛɛ tɛu.
Yeesu n kpa u hiŋ bagli u hiŋra wia
(Mat 28:16-20; Maak 16:14-18; Luuk 24:36-49)
19Alaadi hiŋ hamuŋa ni Yeesu hiŋra chaali dia bɛl biini. Banna ɔm Jus hina wia ba kar a dia dominua ka du u biini. Ka Yeesu wer zuu a dia di wa chi ba baambaaŋ di duani baa di ŋɔ, “Kɔ́raawiizi tɛɛ ia bampirsɔna.”#Jɔɔn 16:20-22 20Uŋ wa ŋɔ guŋ, u kpa u nonee ni u loŋŋi la di bagli baa. U hiŋra la bɔra jaa sɔɔni baa werge maa baŋ na ba Dɔɔri la.
21Yeesu kaa ŋɔ, “Kɔ́raawiizi tɛɛ ia bampirsɔna. N na hum iabuu filaŋkeŋ gunla n Mɛɛ n faa humiŋ la.” 22Uŋ wa ŋɔ guŋ, u heezi du ba ni ka ŋɔ, “Ií lɛɛ Kɔraawiizi Dumnanii. 23Di ii wa ŋɔ Kɔ́raawiizi gil nɛr maa wichɔgaa tɛu, amɔ, u gillɔɔ tɛɛ a hiŋ. Di ii kaa wa ŋɔ lugɔ nɛ́r maa wichɔgaa haa du u ni, amɔ, a hiŋ wichɔgaa haa du u ninɛɛ la.”
Yeesu ni Tɔmas wia
24Yeesu hiŋra la n ɛɛ Biinɛɛri bɛl ba ra yiruu Tɔmas la faa waa hoo ba be saŋa la Yeesu n zuu ba be la. 25U dɔŋahina la maa faa ra ŋɔ u be dí ba na ba Dɔɔri. Ka waa sɛɛwɛ. U ŋɔ, “Di n wa na kpulozi bɔɔni u nonee di wer kpa n nonibee di suuzi a bɔɔni di wer kpa n nonii di suu u loŋŋi bɔr la baŋ yag kandaa la, amɔ, waabuu. Ka di guŋ lɛi, màá sɛɛ tɛɛ ia.”
26Hɔpizaa ŋmantannaazi n wa bɛrɛɛ, Yeesu hiŋra la kaa chaali du dia la. Tɔmas ge gba jaa du ba be. Gbessi la maa kar, ka Yeesu kaa wer zuu ba be di chi di duani baa ka ŋɔ, “Kɔ́raawiizi tɛɛ ia bampirsɔna.” 27Denii u ŋɔ Tɔmas la be, “Wa kpa i nonibee di suuzi n nonee bɔɔni naa, di kpa i nonii suu n loŋŋi naa, di gil aanaa ka yardiŋ.” 28Tɔmas ŋɔ, “Oo! N Dɔɔri! Kɔraawiizi!” 29Yeesu ŋɔ, “I siwee n naŋ wiarɛ i jaa yardinnɔu? Baŋhina wan nawɛɛ ka yardiŋ. Ba dɔɔ sɔnnɛ Kɔraawiizi be.”
30Yeesu wisɛɛlaa kannɔ werge uŋ ɛɛwɛ u hiŋra la be. A maa lɛi n sɛbi du ɛŋ. 31Ka annii naa miŋ sɛbɛɛ du naa, n sɛbaabuu du ií wer sɛɛ lugɔ Yeesu ɛɛ Kristoo di ɛɛ Kɔraawiizi Biibaal. Nɛr la maa n niŋ sɛɛ u wia guŋ, daŋ na miibɔɔ dikuu u wia.#1Jɔɔ 5:13
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.