Wiɛɛlaa 28
28
Pɔɔlwaa n giwɛɛ chi Mɔlta hɛri wia
1Yaa n wa lii nii la biini, yaa jaa zum lugɔ hɛrjiga la banna yir Mɔlta labuu. 2Nɛra la n du a hɛri suŋ yaa ni, di hiini yaa werge. Dooŋ n na ɛɛ la, waari ra kpu yaa, ba chem niŋ tɛɛ yaa, di lau yaa ba a niŋ zɛɛ.
3Pɔɔl ga paa daazi di wa du a niŋ biini. Duŋkpola bɛl faa du a daazi biinii. Aŋ wa wenzee, u lii di dum Pɔɔl nonii.#Maak 16:18 4A hɛri hina n wa na a duŋkpola n dum u nonii di kpogli la, ba ŋɔ dɔŋa be, “Baal naa nii ɛɛ nɛkpuurii. U wettoo lɛɛ u hiŋ muu la biini, ka Kɔraawiizi waa nyiŋŋi u du de.” 5Pɔɔl zigli a duŋkpola ha niŋ la biini, ka wiimaa wɔɔ ɛɛwɛ. 6A nɛra tami lugɔ u nonii hiŋ daŋ ɔr u chol siu filaŋkeŋ maa. Ka baŋ wa binnuu guŋŋ, wiimaa wɔɔ ra ɛɛ la, ba bir ra binni lugɔ u nii ɛɛ Kɔraawiizi dee bɛllɛ.
7A hɛri koori sɔnnɛ faa Publiɔs. U hɛssi dugli de. Ba kpa yaa la u be. U lɛɛ yaa dau di hɔɔhri yaa hɔpizaa ahoro. 8A koori mɛɛ faa chɔɔ diarɛ di ra wii. U bɔra maa wenzi. Binchiiraarɛ faa lawuu. Pɔɔl zuu u be di suŋŋi wiizi tɛu, ka kpa u nonee sag u ni. U nyaagi. 9Uŋ wa chaa baal la, banla maa n du a hɛri biini di ra wii la, ba ba yaa be. Yaa chaa ba maa. 10Ba ra hɔɔhri yaa werge. Saŋa la yaa n kaa waa nyiŋŋi ya zuu muugbera kaali la, ba tɛɛ yaa kuna la maa yaa n faa waa dɔɔwɛ la, yaa kpa zuu ra la.
Pɔɔl n hel Room wia
11Yaa du a hɛri baaguzi ahoro, ka zuu Alɛgzandria muugbera bɛl baŋ faa vɔɔwɛ chiŋŋi a hɛri biini, ka pezeŋ la saŋa wa bɛri. A muugbera sɔnnɛ Vugbiinɛɛri. 12Yaa n wa hel Sirakus, yaa di hɔpizaa ahoro de, 13ka kaa izi de di ra la ga hel Rɛgim. Hɔpizi, peu lii wiifurii nodig wiikakag di ra ta. Yaa jaa wer di ra la. Hɔɔ kaa pizi, yaa ga hel Putioli. 14Yeesu hiŋra baŋhina du de. Yaa n wa huuzi baa, ba suŋŋi yaa ŋɔ ya so ba be hɔpizaa aniidaanɛɛ mɔɔ. Yaa so de. Ba kpogli yaa hɔpizaa aniidaanɛɛ la, ka yaa jaa kpa ra la Room. 15Yeesu hiŋra la n du Room la nuu yaa wia, di lii ra chem yaa ni, di wa hel bɔr la banna yir Apius Yawa ni Diini Ahoro la. Pɔɔl n wa na baa, u jaami Kɔraawiizi werge, di jaa wer dɔɔ bampirii. 16Yaa n wa zuu Room biini, ba lau Pɔɔl di du u bɛŋ dia, di gil soojakpaŋ du u be, di ŋɔ ú ra du u tau.#Ɛfɛs 4:1
17Uŋ wa du de hɔpizaa ahoro, u yir Jus hina nabɔnzi la n du de la, ba ba. U ŋɔ ba be, “Yaabalaa, maa yaa Jus hina ɛɛwɛ wiimaa. Maa yaa naabaala naana wii bɛl maa chɔkkɛ, ka ba lawiŋ vɔɔ Jɛrusalɛm, di kpaŋ du Room hina nonee biini. 18Room hina nabɔnzi ge n wa di n seriya, ba waa wiimaa nawɛɛ bá chugiŋ lugɔ n dɛg kpuirɛ, ka ra nyiŋŋi ba pilliŋ ń lii. 19Ka Jus hina waa sɛɛwɛ. Awiarɛ n suŋŋi Koorizeŋ Siiza seriya diiribɔr laŋaa la. Maa wiimaa dɔɔwɛ ń kpa chug baa, ka ba firiŋ n ɛɛ guŋ. 20Awiarɛ n suŋŋi ia ŋɔ ií ba ɛŋ wa naŋ, ya ŋɔ wia tɛɛ dɔŋa. N na nyiŋŋuu ii zum lugɔ nɛr la Jus hina n ɔɔ ra binni u ŋmɛnɛɛ la wiarɛ ba kuu vɔɔŋ yɔlɔzi naa.”
21Denii ba ŋɔ Pɔɔl be, Yaa haa waa hɔŋ maa nawɛɛ Jus hina hɛri unna bagli i wia. Yaabalaa bɛl maa ge waa de liwɛɛ ba ɛŋ, di wa ŋɔ lugɔ i ra ɛɛ wichɔgaarɛ. 22Yaa ge ra nyiŋŋuu ya nuu i wiŋɔzi la, dikuubɛɛwiai, bɔr maanii ba ra gbɛlli ii hiŋfalii naa.
23Ba dau hɔpizii. A hɔpizii wa hel, ba chaali werge maa di ba bɔr la Pɔɔl n duwɛɛ la. U haŋ chi chɔɔzi maa di bagli baa Kɔraawiizi Kora wia guŋŋ bɔr wa duani, di liizi baa wia la maa Moosis ni Kɔraawiizi dɔgtɛɛzi n faa sɛbɛɛ Kɔraawiizi Hɔŋ biini, bá vii sɛɛ lugɔ Yeesu wiarɛ ba faa ra ŋɔ la.
24Baŋ wa nuu u wiŋɔzi la, baŋhina sɛɛ, baŋhina ge waa sɛɛwɛ. 25Ba waa nuukpaŋ dɔɔwɛ, ka jaa ra nyiŋŋi ba lii. Denii Pɔɔl ŋɔ ú keezi ŋɔ wikpaŋ tɛɛ baa ka bá kaali, di ŋɔ, “Kɔraawiizi Dumnanii faa ga u dɔgtɛɛ Aizaaya benii di ŋɔ wia tɛɛ ii naabaala.
26U faa ŋɔwɔɔrɛ,
‘La ga ŋɔ nɛra naa be
dí ba daŋ ŋɔ wia
á zuu ba digna,
ka ba wàá wer zum a zɛɛ.
Ba daŋ aah siwii bá na a wia ŋmɛnɛɛ,
ka ba wàá wer zum a zɛɛ,#Aiza 6:9-10
27dikuubɛɛwiai, nɛra naa gillɔɔ ba bampiree du tɔg werge,
di gil ba digna
ge du kpeg,
di kaa tɔ ba siwee ge.
Di guŋ lɛi, ba siwee daŋ vii na, ba digna ge nuu,
bá zum a zɛɛ
di bir ba bampiree
di ra hiŋiŋ, ń chaa baa.’
28Awia, ií ra nuu! Kɔraawiizi humimbuu ń ŋɔ u miibɔɔ lɛɛi wiŋɔzi tɛɛ banla n waa Jus hina ɛɛwɛ la. Baabuu daŋ nuu wiŋɔzi la di sɛɛa.” 29Uŋ wa ŋɔ guŋ tuŋ, ba lii ra kaali di ra di dɔŋa hɔɔzi werge.
30Denii Pɔɔl du Room binni anɛɛ biini, di du diihayii biini. Nɛra ɔɔ wer ba u be. 31U bagli Kɔraawiizi Kora wia ni yaa Dɔɔri Yeesu Kristo wia di ra tɛɛ baa. Wii la maa n du u biini, a maanii u wer ŋɔ tɛɛ baa, ka nɛr maa wɔɔ tɔwɛɛ ŋmɛnɛɛ.
Currently Selected:
Wiɛɛlaa 28: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Wiɛɛlaa 28
28
Pɔɔlwaa n giwɛɛ chi Mɔlta hɛri wia
1Yaa n wa lii nii la biini, yaa jaa zum lugɔ hɛrjiga la banna yir Mɔlta labuu. 2Nɛra la n du a hɛri suŋ yaa ni, di hiini yaa werge. Dooŋ n na ɛɛ la, waari ra kpu yaa, ba chem niŋ tɛɛ yaa, di lau yaa ba a niŋ zɛɛ.
3Pɔɔl ga paa daazi di wa du a niŋ biini. Duŋkpola bɛl faa du a daazi biinii. Aŋ wa wenzee, u lii di dum Pɔɔl nonii.#Maak 16:18 4A hɛri hina n wa na a duŋkpola n dum u nonii di kpogli la, ba ŋɔ dɔŋa be, “Baal naa nii ɛɛ nɛkpuurii. U wettoo lɛɛ u hiŋ muu la biini, ka Kɔraawiizi waa nyiŋŋi u du de.” 5Pɔɔl zigli a duŋkpola ha niŋ la biini, ka wiimaa wɔɔ ɛɛwɛ. 6A nɛra tami lugɔ u nonii hiŋ daŋ ɔr u chol siu filaŋkeŋ maa. Ka baŋ wa binnuu guŋŋ, wiimaa wɔɔ ra ɛɛ la, ba bir ra binni lugɔ u nii ɛɛ Kɔraawiizi dee bɛllɛ.
7A hɛri koori sɔnnɛ faa Publiɔs. U hɛssi dugli de. Ba kpa yaa la u be. U lɛɛ yaa dau di hɔɔhri yaa hɔpizaa ahoro. 8A koori mɛɛ faa chɔɔ diarɛ di ra wii. U bɔra maa wenzi. Binchiiraarɛ faa lawuu. Pɔɔl zuu u be di suŋŋi wiizi tɛu, ka kpa u nonee sag u ni. U nyaagi. 9Uŋ wa chaa baal la, banla maa n du a hɛri biini di ra wii la, ba ba yaa be. Yaa chaa ba maa. 10Ba ra hɔɔhri yaa werge. Saŋa la yaa n kaa waa nyiŋŋi ya zuu muugbera kaali la, ba tɛɛ yaa kuna la maa yaa n faa waa dɔɔwɛ la, yaa kpa zuu ra la.
Pɔɔl n hel Room wia
11Yaa du a hɛri baaguzi ahoro, ka zuu Alɛgzandria muugbera bɛl baŋ faa vɔɔwɛ chiŋŋi a hɛri biini, ka pezeŋ la saŋa wa bɛri. A muugbera sɔnnɛ Vugbiinɛɛri. 12Yaa n wa hel Sirakus, yaa di hɔpizaa ahoro de, 13ka kaa izi de di ra la ga hel Rɛgim. Hɔpizi, peu lii wiifurii nodig wiikakag di ra ta. Yaa jaa wer di ra la. Hɔɔ kaa pizi, yaa ga hel Putioli. 14Yeesu hiŋra baŋhina du de. Yaa n wa huuzi baa, ba suŋŋi yaa ŋɔ ya so ba be hɔpizaa aniidaanɛɛ mɔɔ. Yaa so de. Ba kpogli yaa hɔpizaa aniidaanɛɛ la, ka yaa jaa kpa ra la Room. 15Yeesu hiŋra la n du Room la nuu yaa wia, di lii ra chem yaa ni, di wa hel bɔr la banna yir Apius Yawa ni Diini Ahoro la. Pɔɔl n wa na baa, u jaami Kɔraawiizi werge, di jaa wer dɔɔ bampirii. 16Yaa n wa zuu Room biini, ba lau Pɔɔl di du u bɛŋ dia, di gil soojakpaŋ du u be, di ŋɔ ú ra du u tau.#Ɛfɛs 4:1
17Uŋ wa du de hɔpizaa ahoro, u yir Jus hina nabɔnzi la n du de la, ba ba. U ŋɔ ba be, “Yaabalaa, maa yaa Jus hina ɛɛwɛ wiimaa. Maa yaa naabaala naana wii bɛl maa chɔkkɛ, ka ba lawiŋ vɔɔ Jɛrusalɛm, di kpaŋ du Room hina nonee biini. 18Room hina nabɔnzi ge n wa di n seriya, ba waa wiimaa nawɛɛ bá chugiŋ lugɔ n dɛg kpuirɛ, ka ra nyiŋŋi ba pilliŋ ń lii. 19Ka Jus hina waa sɛɛwɛ. Awiarɛ n suŋŋi Koorizeŋ Siiza seriya diiribɔr laŋaa la. Maa wiimaa dɔɔwɛ ń kpa chug baa, ka ba firiŋ n ɛɛ guŋ. 20Awiarɛ n suŋŋi ia ŋɔ ií ba ɛŋ wa naŋ, ya ŋɔ wia tɛɛ dɔŋa. N na nyiŋŋuu ii zum lugɔ nɛr la Jus hina n ɔɔ ra binni u ŋmɛnɛɛ la wiarɛ ba kuu vɔɔŋ yɔlɔzi naa.”
21Denii ba ŋɔ Pɔɔl be, Yaa haa waa hɔŋ maa nawɛɛ Jus hina hɛri unna bagli i wia. Yaabalaa bɛl maa ge waa de liwɛɛ ba ɛŋ, di wa ŋɔ lugɔ i ra ɛɛ wichɔgaarɛ. 22Yaa ge ra nyiŋŋuu ya nuu i wiŋɔzi la, dikuubɛɛwiai, bɔr maanii ba ra gbɛlli ii hiŋfalii naa.
23Ba dau hɔpizii. A hɔpizii wa hel, ba chaali werge maa di ba bɔr la Pɔɔl n duwɛɛ la. U haŋ chi chɔɔzi maa di bagli baa Kɔraawiizi Kora wia guŋŋ bɔr wa duani, di liizi baa wia la maa Moosis ni Kɔraawiizi dɔgtɛɛzi n faa sɛbɛɛ Kɔraawiizi Hɔŋ biini, bá vii sɛɛ lugɔ Yeesu wiarɛ ba faa ra ŋɔ la.
24Baŋ wa nuu u wiŋɔzi la, baŋhina sɛɛ, baŋhina ge waa sɛɛwɛ. 25Ba waa nuukpaŋ dɔɔwɛ, ka jaa ra nyiŋŋi ba lii. Denii Pɔɔl ŋɔ ú keezi ŋɔ wikpaŋ tɛɛ baa ka bá kaali, di ŋɔ, “Kɔraawiizi Dumnanii faa ga u dɔgtɛɛ Aizaaya benii di ŋɔ wia tɛɛ ii naabaala.
26U faa ŋɔwɔɔrɛ,
‘La ga ŋɔ nɛra naa be
dí ba daŋ ŋɔ wia
á zuu ba digna,
ka ba wàá wer zum a zɛɛ.
Ba daŋ aah siwii bá na a wia ŋmɛnɛɛ,
ka ba wàá wer zum a zɛɛ,#Aiza 6:9-10
27dikuubɛɛwiai, nɛra naa gillɔɔ ba bampiree du tɔg werge,
di gil ba digna
ge du kpeg,
di kaa tɔ ba siwee ge.
Di guŋ lɛi, ba siwee daŋ vii na, ba digna ge nuu,
bá zum a zɛɛ
di bir ba bampiree
di ra hiŋiŋ, ń chaa baa.’
28Awia, ií ra nuu! Kɔraawiizi humimbuu ń ŋɔ u miibɔɔ lɛɛi wiŋɔzi tɛɛ banla n waa Jus hina ɛɛwɛ la. Baabuu daŋ nuu wiŋɔzi la di sɛɛa.” 29Uŋ wa ŋɔ guŋ tuŋ, ba lii ra kaali di ra di dɔŋa hɔɔzi werge.
30Denii Pɔɔl du Room binni anɛɛ biini, di du diihayii biini. Nɛra ɔɔ wer ba u be. 31U bagli Kɔraawiizi Kora wia ni yaa Dɔɔri Yeesu Kristo wia di ra tɛɛ baa. Wii la maa n du u biini, a maanii u wer ŋɔ tɛɛ baa, ka nɛr maa wɔɔ tɔwɛɛ ŋmɛnɛɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.