A̱romawa 11
11
A̱gwaza Fa̱k Shok Á̱niet Isi̱rela
1N nyia̱ a̱ni oo! A̱gwaza ka̱n dak á̱niet nggu ba ba̱ yet nwap Isi̱rela hu a̱ni a? Kaai, ku ma̱ chunchwiit! Nung ma̱ a̱pyia̱ nung n gyet a̱tyu Isi̱rela wa. N si̱ ngyet a̱ka̱mbwon Ibrahim. N neet mi̱ kwai Benyamin ja.#11:1 Fil 3:5. 2Kaai, A̱gwaza ka̱n dak á̱niet nggu ba nang gu khai neet gbangbang a̱ni bah. Nyi fi̱k kyang hu nang á̱ lyuut ma̱ A̱lyiat A̱gwaza na tazwa si̱ huni a̱ni a? Iliya a̱ta̱m a̱kwonu A̱gwaza si̱ kwop a̱dyii̱ng da̱ a̱vwuo A̱gwaza tazwa á̱niet Isi̱rela. A̱wot a̱ si̱ nyia̱,
3“A̱gwaza, á̱niet Isi̱rela ba hyaai a̱yaata̱m a̱kwonu ang ba! Ba̱ si̱ bi̱ri̱m a̱yaatyii nwuat za̱nang ang ba! Ma̱ nung gwa ma̱nyin nung bwat! A̱wot ma̱ninika, nung gwa meang, nang ba̱ kwan ba̱ hyat!”#11:3 1Á̱gw 19:10-14.
4A̱wot A̱gwaza si̱ nwuak Iliya shim nyia̱, “Kaai, n byia̱ sot á̱niet chyikwop a̱natat, da̱ ba̱ ka̱n mak kpaat a̱khwukhwut ba̱ si̱ kyuak ntong a̱zaghyi nghwughwu Baal a̱ni bah.”#11:4 1Á̱gw 19:18.
5Ma a̱nia wa ku ndi a̱fwun. A̱gwaza ku khai a̱bada̱dei sot á̱niet Isi̱rela, ba̱ ni̱ yet á̱tsotswat á̱niet, mat nang A̱gwaza nfa̱k shok mba gba̱mgbam a̱ni. A̱gwaza khai mba a̱nia, ku nang ba̱ mmaai a̱ni bah.#11:5 Lyuut cha̱chaat: “Ma a̱nia wa ma̱ninika, á̱ si̱ ntsa sot á̱tsotswat á̱niet ji, ma̱nang fa̱k shok A̱gwaza hu nkhai a̱ni.” 6A̱wot mat shok A̱gwaza ja nang gu nkhai mbaa. Si̱ a̱hwa yet si̱ a̱tan nta̱m wa nang ba̱ nyia̱ a̱ni bah. Ka̱ A̱gwaza khai á̱niet mat a̱tan nta̱m mba wu wa, si̱ a̱hwa na yet a̱tsatsak fa̱k shok wa bah.
7A̱ni wa nang a̱lyiat na ndi; á̱niet Isi̱rela ma̱ a̱di̱di̱t ba̱ shya̱ shok A̱gwaza ji nang ba̱ tyia̱ a̱lyia̱ á̱ chat a̱ni bah. A̱wot a̱bada̱dei sot á̱niet kya ma̱ mba si̱ shya̱, á̱si̱ ba nang A̱gwaza khai a̱ni. A̱wot á̱kum á̱niet Isi̱rela ka, A̱gwaza si̱ tyia̱ mba gba̱p a̱pyia̱. 8Ma̱nang á̱ ndyuut ma̱ A̱lyiat A̱gwaza na a̱ni, nyia̱,
“A̱gwaza tyia̱ ba̱ si̱ kai nda bubwut.
Ba̱ng ba̱ tat a̱fwun,
a̱ si̱ nyim mba á̱ghyi ba,
da̱nian ba̱ ka nwai nwuan á̱vwuo.
A̱wot a̱ si̱ nyim mba a̱fufwuo ba,
da̱nian ba̱ ka nwai fwuong á̱vwuo.”#11:8 KDok 29:4; Ish 29:10.
9Ma a̱nia wa, a̱gwam Da̱wuda ku nhyia̱ nyia̱,
“Yok a̱di̱di̱t nkyayak mba wu
a̱ yet mba a̱tsi̱ntsat,
ma̱ng a̱kwi ntswam na̱ laai mba
ba̱ dam nyia̱ kuzang kyang yet.
Yok a̱li̱ba̱rka mba wu
a̱ tyia̱ mba ba̱ ga̱u.
A̱wot yok ba̱ swuo a̱bung
cha̱chaat ma̱ng a̱bun mba wu.
10Yok á̱ghyi mba ba ba̱ kwa a̱fi̱fan,
ki̱ di̱ ba̱ du nwuan á̱vwuo.
A̱wot yok mi̱ma mba hu
ku ghwap di̱ nyia̱ khwo
si̱ nat sang sangba̱p.”#11:10 Za̱b 69:22-23.
A̱gwaza na San Nnwap na̱ nwai yet A̱yahudawa a̱ni Ndung ma̱ng Á̱niet Isi̱rela ba
11N bu na ndyip, nang á̱niet Isi̱rela ba ntuk tak ba̱ si̱ kwa a̱ni, ba̱ bu na doot wa ba kee? A̱tsak a̱lyiat, ba̱ bu na doot. Mat a̱kwa mba ka di̱ lak khwi Yesu,#11:11 Lyuut cha̱chaat: “Mat lak khwi mba hu.” kikya mbyia̱ A̱gwaza si̱ nwuak Nnwap na̱ nwai yet A̱yahudawa a̱ni a̱wat ba̱ shya̱ san hu; da̱nian á̱niet Isi̱rela ba̱ ka kwi swam san Nnwap na̱ nwai yet A̱yahudawa a̱ni, a̱wot mba á̱niet Isi̱rela ba meang, ba̱ ka shya̱ san hu.
12Ka̱nang á̱niet Isi̱rela ba lak A̱gwaza a̱ san mbaa, ku tyia̱ A̱gwaza si̱ nang Nnwap na̱ nwai yet A̱yahudawa a̱ni a̱li̱ba̱rka gba̱mgbam mi̱ swanta hu. Si̱ huni fa, jen ji nang a̱mgba̱m á̱niet Isi̱rela na nsan A̱sham Nkhang di̱ ngaan a̱ni, swanta hu na shya̱ a̱li̱ba̱rka a̱ swak.#11:12 Lyuut cha̱chaat: “Ka̱nang lak khwi mba wu fa nang swanta hu na shya̱ zwá, a̱wot ka̱nang nwai nwuak a̱chuchuk mba hu fa nang Nnwap na̱ nwai yet A̱yahudawa a̱ni na shya̱ zwá, yet a̱jhyem mba hu, na li ni wa?”
13Ma̱ninika n dyiat ma̱ng a̱nyin Nnwap na̱ nwai yet A̱yahudawa a̱ni, mat nang A̱gwaza nkhai nung n gyet a̱ta̱m Yesu da̱ a̱vwuo nyin a̱ni. Huhwa n tam di̱ ta̱m nung hu. 14Mat n tyia̱ fwuo n na fuut nfwuo á̱niet nung na Isi̱rela ba̱ kwi swam san Nnwap na̱ nwai yet A̱yahudawa a̱ni, da̱nian á̱ghyang mba ba̱ ka shya̱ san. 15Jen nang A̱gwaza ku ndak á̱niet ma̱ a̱di̱di̱t mami á̱niet Isi̱rela ba a̱ni, ku fa nang A̱gwaza jhyi swat nggu hu di̱ yet á̱kpa̱ndang ma̱ng a̱mgba̱m Nnwap na̱ nwai yet A̱yahudawa a̱ni mi̱ swanta hu. Ka̱ a̱nia wa, jen ji A̱gwaza bu nsan á̱niet Isi̱rela ba a̱ni, ku na li ni wa? Ku na yet a̱sham a̱ swak za̱m! Ku na li á ngyei A̱gwaza ta̱ngam ba ma̱ng swuan ma̱ á̱niet ba̱ ka̱n kwi a̱ni!
A̱jhyem Sunsun ma̱ng Mbwak A̱kwon Za̱itun yet Kidee Á̱niet Isi̱rela
16Kidee, ka̱ á̱kum a̱sunsun ka yet a̱za̱za̱rak, mat nang á̱ nneap ka ka̱ yet a̱za̱za̱rak za̱nang a̱ni;#11:16 Fang 15:17-21. ku tak nang a̱jhyem a̱kwang a̱sunsun wu meang mun a̱ yet a̱za̱za̱rak. A̱wot ma a̱nia wa, ka̱ á̱ni̱nan a̱kwon ba yet a̱za̱za̱rak, mbwak a̱kwon na mun a̱ yet a̱za̱za̱rak.#11:16 Ku: “Ma a̱nia wa, ma̱nang Ibrahim ma̱ng á̱kum a̱yaatyia̱ a̱khwop Isi̱rela ba ngyet a̱za̱za̱rak a̱ni, ku tak nang á̱ka̱mbwon mba na meang na ngyet a̱za̱za̱rak.”
17Á̱ ku tyap bwak ghyang da̱ a̱tsatsak a̱kwon za̱itun#11:17a Wa̱i a̱lyiat: A̱kwon za̱itun yet kidee Ibrahim ma̱ng kwai nggu ji ba̱ yet á̱niet Isi̱rela ba a̱ni. nang á̱ chyui a̱ni. A̱wot nyin Nnwap na̱ nwai yet A̱yahudawa a̱ni, nyin bya yet kidee mbwak a̱kwon za̱itun a̱yit na, nang á̱ fwuop di̱ mbwak nkwon a̱tsatsak a̱kwon za̱itun wu a̱ni.
Mat a̱nia, ma̱ninika, nyi na shya̱ a̱li̱ba̱rka Ibrahim wu ma̱nang mbwak a̱kwon nang á̱ fwuop da̱ a̱tsatsak za̱itun a̱ni, ni̱ nshya̱ a̱nwai neet da̱ á̱ni̱nan a̱tsatsak a̱kwon ba a̱ni.#11:17b Lyuut cha̱chaat: “Ba̱ na mun a̱ shya̱ a̱ni̱nan ma̱ng a̱swa ma̱ a̱kwon za̱itun ka.” 18A̱wot nyi yok tam bah. Nyi jhyung nang nyi ngyet mi̱ mbwak a̱kwon nia nang á̱ fwuop a̱ni. A̱wot nyin bya yet á̱tsatsak a̱ni̱nan wu bah.
19A̱wot shimba nyi na nyia̱, “Ii, á̱ ku tyap mbwak a̱tsatsak a̱kwon za̱itun na, da̱nian á̱ ka fwuop zi̱t da̱ a̱kwon kikya.”
20A̱wot, a̱nia wa za̱m. A̱mgba̱m ma̱ng a̱nia, nyi jhyung nang á̱ ku ntyap mbwak a̱tsatsak a̱kwon na mat nang ba̱ ndak nwuak fwuo di̱ Kristi a̱ni. A̱wot á̱ si̱ nfwuop nyin, mat nang nyi nnwuak fwuo da̱ nggu a̱ni. Mat a̱nia, nyi yok tam bah. Da̱ a̱kwonu a̱kya, nyi ta̱bam ma̱ng kyang huni: 21Da̱nang A̱gwaza nghwon a̱tsatsak mbwak a̱kwon na a̱ni bah, nyi fa a̱ na ghwon nyin mbwak a̱kwon nang á̱ nfwuop a̱ni a?
22A̱ji, zi̱ li si̱sak ji nang A̱gwaza wu ngyet a̱tyu fwuong kunak, a̱ si̱ bu yet a̱tyu a̱ ni̱ ba̱ng á̱niet mi̱ chet a̱ni#11:22a Ku: “A̱tyu a̱ ni̱ mwai lyen.”: A̱ ni̱ ba̱ng á̱niet ba̱ lak khwi nggu a̱ni#11:22b Wa̱i a̱lyiat: Á̱niet ba̱ lak khwi nggu a̱ni. Ku fa á̱niet Isi̱rela ba̱ lak khwi A̱sham nkhang ka a̱ni, ma̱ng konyan wa lak nwuak fwuo di̱ Yesu a̱ni. mi̱ chet. A̱wot a̱ ni̱ fwuong kunak nyin ka̱nang nyi ya a̱son di̱ nwuak fwuo di̱n shok nggu ji. Ka̱ nyi ma ngya a̱son bah, nyin mameang á̱ na tyam nyin á̱ weam.
23A̱wot mba á̱niet Isi̱rela ba, ka̱ ba̱ ghwon a̱ka̱tuk mba wu ba̱ si̱ nwuak fwuo di̱ Yesu, á̱ na bwuok ma̱ng a̱mba, á̱ fwuop baa da̱ a̱tyin a̱tsatsak a̱kwon nang ba̱ za nshya̱ a̱ni. Mat A̱gwaza byia̱ chet nang gu bu na nfwuop ba da̱ a̱tyin a̱tsatsak a̱kwon ka a̱ni.
24Nyin Nnwap na̱ nwai yet A̱yahudawa a̱ni, nyi li nang mbwak a̱kwon za̱itun a̱yit na a̱ni, nang á̱ fwuop nyin da̱ a̱tyin a̱tsatsak a̱kwon za̱itun nang á̱ chyui a̱ni. A̱wot fwuop a̱hwa vwuon ma̱ng za̱kwa swanta ji. Ka̱ A̱gwaza shim a̱ si̱ nyia̱ si̱ a̱hwa, ku fa nang gu mbyia̱ fwuo za̱m a̱ bu bwuok ma̱ng á̱niet Isi̱rela ba, a̱ nfwuop da̱ a̱tyin a̱tsatsak a̱kwon za̱itun ka.
A̱gwaza Fwuong Kunak a̱mgba̱m Á̱niet Swanta ba
25Á̱na̱nyiuk nung ba ba̱ yet á̱niet khwi Yesu ba nang n chat a̱ni, n chat nyi chyi kyang huni ku shya̱ di̱ niat a̱ni bah, kalak nyi na kyiak á̱pyia̱ nyin nang á̱niet mumwang a̱ni. Á̱niet Isi̱rela ma̱ a̱di̱di̱t na ya a̱son ma̱ng gba̱p á̱pyia̱ mba, si̱ nang á̱ shya̱ a̱jhyem sot Nnwap na̱ nwai yet A̱yahudawa nang A̱gwaza khai ba̱ nwuak fwuo di̱ Kristi a̱ni.
26A̱nia wa nang á̱ na nsan a̱mgba̱m á̱niet Isi̱rela ba#11:26 Wa̱i a̱lyiat: A̱mgba̱m á̱niet Isi̱rela ba. Á̱ghyang á̱niet kyiak nyia̱ kuzang a̱tyu Isi̱rela na shya̱ san, a̱wot á̱ghyang á̱niet si̱ kyiak nyia̱ a̱jhyem sot á̱niet Isi̱rela wu na shya̱ san.. Ma̱nang á̱ ndyuut a̱ni nyia̱,
“A̱tyusan wu na ghwut mi̱ Si̱hiyona#11:26 Wa̱i a̱lyiat: Si̱hiyona fa, Urusha̱lima.,
a̱ ba̱ ti̱n gba̱p a̱pyia̱ hu di̱n kwai Yakubu ji.#11:26 Ish 59:20-21.
27Si̱ huni hwa yet a̱li̱ka̱uli nung wu
nang n da̱p ma̱ng a̱mba a̱ni;
n na chi a̱ka̱tuk nyia̱ mba wu.”#11:27 Iri̱ 31:33-34.
28Nang á̱niet Isi̱rela ba ma̱ a̱di̱di̱t ndak san A̱sham Nkhang ka a̱ni, ba̱ si̱ tyia̱ á̱niet lak li A̱gwaza. A̱wot si̱ a̱hwa si̱ yet kpangti̱n da̱ a̱vwuo Nnwap na̱ nwai yet A̱yahudawa a̱ni. A̱mgba̱m ma̱ng a̱nia, mat nang A̱gwaza ku nkhai mba neet gbangbang a̱ni, a̱ ni̱ chat baa, mat a̱yaatyia̱ a̱khwop mba ba#11:28 Wa̱i a̱lyiat: A̱yaatyia̱ a̱khwop mba ba. Bibya yet Ibrahim, Ishaku ma̱ng Yakubu..
29Mat A̱gwaza ni̱ shai fwuo nggu hu da̱ á̱niet#11:29 Wa̱i a̱lyiat: Da̱ á̱niet fa, á̱niet Isi̱rela bya. nang gu nang mba a̱ka̱wat ma̱ng si̱sak ji nang gu nkhai mba ba̱ yet á̱niet nggu a̱ni bah. 30Gbangbang, nyin Nnwap na̱ nwai yet A̱yahudawa a̱ni, nyi ku yet á̱niet lak khwi A̱gwaza bya. A̱wot ma̱ninika, A̱gwaza fa̱k kunak nyin da̱ a̱kwonu á̱niet Isi̱rela ka, mat nang ba̱ ndak khwi nggu a̱ni.
31Ma a̱nia wa, mat nang á̱niet Isi̱rela ba ndak khwi A̱gwaza a̱ni, huhwa si̱ mbyia̱ gu si̱ nfa̱k kunak nyin, nyi yet Nwap na̱ nwai yet A̱yahudawa a̱ni; da̱nian A̱gwaza a̱ ka fa̱k kunak á̱niet Isi̱rela ba meang. 32A̱gwaza tyia̱ konyan mi̱ khwo, mat si̱sak ji nang ba̱ ndak khwi nggu a̱ni. A̱ ni̱ nyia̱ a̱nia da̱nian gu ka tak nang gu nfwuong kunak konyan.
Dyep A̱gwaza
33A̱tsak a̱lyiat! A̱kyenkyai shi A̱gwaza wu, mumwang nggu hu, ma̱ng lyen nggu hu swak zop ma̱ng fi̱k! A̱nyan wa si̱ mi̱n fi̱k a̱di̱dam nggu wu? Nvak nggu na swak lyen konyan!
34Ma̱nang á̱ nhyia̱ ma̱ A̱lyiat A̱gwaza na a̱ni nyia̱,
“A̱nyan wa lyen a̱di̱dam A̱gwaza wu?
A̱nyan wa si̱ mi̱n tak gu
kyang hu ku myim a̱ni?#11:34 Ish 40:13.
35A̱nyan wa ka̱n mak nwuak
A̱gwaza kyang gba̱mgbam,
nang ku ngyet ta hwa
A̱gwaza a̱ tan gu?”#11:35 Ayu 41:11.
36A̱tsak a̱lyiat, nggu wa nyia̱ kuzang kyang,
a̱wot a̱mgba̱m nkyang nani nshya̱ mat chet nggu hu,
da̱nian konyan a̱ ka nwuak gu shi.
Yok dyep ku yet si̱ A̱gwaza
si̱ nat sang sangba̱p! Samba̱rka!
Currently Selected:
A̱romawa 11: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
A̱romawa 11
11
A̱gwaza Fa̱k Shok Á̱niet Isi̱rela
1N nyia̱ a̱ni oo! A̱gwaza ka̱n dak á̱niet nggu ba ba̱ yet nwap Isi̱rela hu a̱ni a? Kaai, ku ma̱ chunchwiit! Nung ma̱ a̱pyia̱ nung n gyet a̱tyu Isi̱rela wa. N si̱ ngyet a̱ka̱mbwon Ibrahim. N neet mi̱ kwai Benyamin ja.#11:1 Fil 3:5. 2Kaai, A̱gwaza ka̱n dak á̱niet nggu ba nang gu khai neet gbangbang a̱ni bah. Nyi fi̱k kyang hu nang á̱ lyuut ma̱ A̱lyiat A̱gwaza na tazwa si̱ huni a̱ni a? Iliya a̱ta̱m a̱kwonu A̱gwaza si̱ kwop a̱dyii̱ng da̱ a̱vwuo A̱gwaza tazwa á̱niet Isi̱rela. A̱wot a̱ si̱ nyia̱,
3“A̱gwaza, á̱niet Isi̱rela ba hyaai a̱yaata̱m a̱kwonu ang ba! Ba̱ si̱ bi̱ri̱m a̱yaatyii nwuat za̱nang ang ba! Ma̱ nung gwa ma̱nyin nung bwat! A̱wot ma̱ninika, nung gwa meang, nang ba̱ kwan ba̱ hyat!”#11:3 1Á̱gw 19:10-14.
4A̱wot A̱gwaza si̱ nwuak Iliya shim nyia̱, “Kaai, n byia̱ sot á̱niet chyikwop a̱natat, da̱ ba̱ ka̱n mak kpaat a̱khwukhwut ba̱ si̱ kyuak ntong a̱zaghyi nghwughwu Baal a̱ni bah.”#11:4 1Á̱gw 19:18.
5Ma a̱nia wa ku ndi a̱fwun. A̱gwaza ku khai a̱bada̱dei sot á̱niet Isi̱rela, ba̱ ni̱ yet á̱tsotswat á̱niet, mat nang A̱gwaza nfa̱k shok mba gba̱mgbam a̱ni. A̱gwaza khai mba a̱nia, ku nang ba̱ mmaai a̱ni bah.#11:5 Lyuut cha̱chaat: “Ma a̱nia wa ma̱ninika, á̱ si̱ ntsa sot á̱tsotswat á̱niet ji, ma̱nang fa̱k shok A̱gwaza hu nkhai a̱ni.” 6A̱wot mat shok A̱gwaza ja nang gu nkhai mbaa. Si̱ a̱hwa yet si̱ a̱tan nta̱m wa nang ba̱ nyia̱ a̱ni bah. Ka̱ A̱gwaza khai á̱niet mat a̱tan nta̱m mba wu wa, si̱ a̱hwa na yet a̱tsatsak fa̱k shok wa bah.
7A̱ni wa nang a̱lyiat na ndi; á̱niet Isi̱rela ma̱ a̱di̱di̱t ba̱ shya̱ shok A̱gwaza ji nang ba̱ tyia̱ a̱lyia̱ á̱ chat a̱ni bah. A̱wot a̱bada̱dei sot á̱niet kya ma̱ mba si̱ shya̱, á̱si̱ ba nang A̱gwaza khai a̱ni. A̱wot á̱kum á̱niet Isi̱rela ka, A̱gwaza si̱ tyia̱ mba gba̱p a̱pyia̱. 8Ma̱nang á̱ ndyuut ma̱ A̱lyiat A̱gwaza na a̱ni, nyia̱,
“A̱gwaza tyia̱ ba̱ si̱ kai nda bubwut.
Ba̱ng ba̱ tat a̱fwun,
a̱ si̱ nyim mba á̱ghyi ba,
da̱nian ba̱ ka nwai nwuan á̱vwuo.
A̱wot a̱ si̱ nyim mba a̱fufwuo ba,
da̱nian ba̱ ka nwai fwuong á̱vwuo.”#11:8 KDok 29:4; Ish 29:10.
9Ma a̱nia wa, a̱gwam Da̱wuda ku nhyia̱ nyia̱,
“Yok a̱di̱di̱t nkyayak mba wu
a̱ yet mba a̱tsi̱ntsat,
ma̱ng a̱kwi ntswam na̱ laai mba
ba̱ dam nyia̱ kuzang kyang yet.
Yok a̱li̱ba̱rka mba wu
a̱ tyia̱ mba ba̱ ga̱u.
A̱wot yok ba̱ swuo a̱bung
cha̱chaat ma̱ng a̱bun mba wu.
10Yok á̱ghyi mba ba ba̱ kwa a̱fi̱fan,
ki̱ di̱ ba̱ du nwuan á̱vwuo.
A̱wot yok mi̱ma mba hu
ku ghwap di̱ nyia̱ khwo
si̱ nat sang sangba̱p.”#11:10 Za̱b 69:22-23.
A̱gwaza na San Nnwap na̱ nwai yet A̱yahudawa a̱ni Ndung ma̱ng Á̱niet Isi̱rela ba
11N bu na ndyip, nang á̱niet Isi̱rela ba ntuk tak ba̱ si̱ kwa a̱ni, ba̱ bu na doot wa ba kee? A̱tsak a̱lyiat, ba̱ bu na doot. Mat a̱kwa mba ka di̱ lak khwi Yesu,#11:11 Lyuut cha̱chaat: “Mat lak khwi mba hu.” kikya mbyia̱ A̱gwaza si̱ nwuak Nnwap na̱ nwai yet A̱yahudawa a̱ni a̱wat ba̱ shya̱ san hu; da̱nian á̱niet Isi̱rela ba̱ ka kwi swam san Nnwap na̱ nwai yet A̱yahudawa a̱ni, a̱wot mba á̱niet Isi̱rela ba meang, ba̱ ka shya̱ san hu.
12Ka̱nang á̱niet Isi̱rela ba lak A̱gwaza a̱ san mbaa, ku tyia̱ A̱gwaza si̱ nang Nnwap na̱ nwai yet A̱yahudawa a̱ni a̱li̱ba̱rka gba̱mgbam mi̱ swanta hu. Si̱ huni fa, jen ji nang a̱mgba̱m á̱niet Isi̱rela na nsan A̱sham Nkhang di̱ ngaan a̱ni, swanta hu na shya̱ a̱li̱ba̱rka a̱ swak.#11:12 Lyuut cha̱chaat: “Ka̱nang lak khwi mba wu fa nang swanta hu na shya̱ zwá, a̱wot ka̱nang nwai nwuak a̱chuchuk mba hu fa nang Nnwap na̱ nwai yet A̱yahudawa a̱ni na shya̱ zwá, yet a̱jhyem mba hu, na li ni wa?”
13Ma̱ninika n dyiat ma̱ng a̱nyin Nnwap na̱ nwai yet A̱yahudawa a̱ni, mat nang A̱gwaza nkhai nung n gyet a̱ta̱m Yesu da̱ a̱vwuo nyin a̱ni. Huhwa n tam di̱ ta̱m nung hu. 14Mat n tyia̱ fwuo n na fuut nfwuo á̱niet nung na Isi̱rela ba̱ kwi swam san Nnwap na̱ nwai yet A̱yahudawa a̱ni, da̱nian á̱ghyang mba ba̱ ka shya̱ san. 15Jen nang A̱gwaza ku ndak á̱niet ma̱ a̱di̱di̱t mami á̱niet Isi̱rela ba a̱ni, ku fa nang A̱gwaza jhyi swat nggu hu di̱ yet á̱kpa̱ndang ma̱ng a̱mgba̱m Nnwap na̱ nwai yet A̱yahudawa a̱ni mi̱ swanta hu. Ka̱ a̱nia wa, jen ji A̱gwaza bu nsan á̱niet Isi̱rela ba a̱ni, ku na li ni wa? Ku na yet a̱sham a̱ swak za̱m! Ku na li á ngyei A̱gwaza ta̱ngam ba ma̱ng swuan ma̱ á̱niet ba̱ ka̱n kwi a̱ni!
A̱jhyem Sunsun ma̱ng Mbwak A̱kwon Za̱itun yet Kidee Á̱niet Isi̱rela
16Kidee, ka̱ á̱kum a̱sunsun ka yet a̱za̱za̱rak, mat nang á̱ nneap ka ka̱ yet a̱za̱za̱rak za̱nang a̱ni;#11:16 Fang 15:17-21. ku tak nang a̱jhyem a̱kwang a̱sunsun wu meang mun a̱ yet a̱za̱za̱rak. A̱wot ma a̱nia wa, ka̱ á̱ni̱nan a̱kwon ba yet a̱za̱za̱rak, mbwak a̱kwon na mun a̱ yet a̱za̱za̱rak.#11:16 Ku: “Ma a̱nia wa, ma̱nang Ibrahim ma̱ng á̱kum a̱yaatyia̱ a̱khwop Isi̱rela ba ngyet a̱za̱za̱rak a̱ni, ku tak nang á̱ka̱mbwon mba na meang na ngyet a̱za̱za̱rak.”
17Á̱ ku tyap bwak ghyang da̱ a̱tsatsak a̱kwon za̱itun#11:17a Wa̱i a̱lyiat: A̱kwon za̱itun yet kidee Ibrahim ma̱ng kwai nggu ji ba̱ yet á̱niet Isi̱rela ba a̱ni. nang á̱ chyui a̱ni. A̱wot nyin Nnwap na̱ nwai yet A̱yahudawa a̱ni, nyin bya yet kidee mbwak a̱kwon za̱itun a̱yit na, nang á̱ fwuop di̱ mbwak nkwon a̱tsatsak a̱kwon za̱itun wu a̱ni.
Mat a̱nia, ma̱ninika, nyi na shya̱ a̱li̱ba̱rka Ibrahim wu ma̱nang mbwak a̱kwon nang á̱ fwuop da̱ a̱tsatsak za̱itun a̱ni, ni̱ nshya̱ a̱nwai neet da̱ á̱ni̱nan a̱tsatsak a̱kwon ba a̱ni.#11:17b Lyuut cha̱chaat: “Ba̱ na mun a̱ shya̱ a̱ni̱nan ma̱ng a̱swa ma̱ a̱kwon za̱itun ka.” 18A̱wot nyi yok tam bah. Nyi jhyung nang nyi ngyet mi̱ mbwak a̱kwon nia nang á̱ fwuop a̱ni. A̱wot nyin bya yet á̱tsatsak a̱ni̱nan wu bah.
19A̱wot shimba nyi na nyia̱, “Ii, á̱ ku tyap mbwak a̱tsatsak a̱kwon za̱itun na, da̱nian á̱ ka fwuop zi̱t da̱ a̱kwon kikya.”
20A̱wot, a̱nia wa za̱m. A̱mgba̱m ma̱ng a̱nia, nyi jhyung nang á̱ ku ntyap mbwak a̱tsatsak a̱kwon na mat nang ba̱ ndak nwuak fwuo di̱ Kristi a̱ni. A̱wot á̱ si̱ nfwuop nyin, mat nang nyi nnwuak fwuo da̱ nggu a̱ni. Mat a̱nia, nyi yok tam bah. Da̱ a̱kwonu a̱kya, nyi ta̱bam ma̱ng kyang huni: 21Da̱nang A̱gwaza nghwon a̱tsatsak mbwak a̱kwon na a̱ni bah, nyi fa a̱ na ghwon nyin mbwak a̱kwon nang á̱ nfwuop a̱ni a?
22A̱ji, zi̱ li si̱sak ji nang A̱gwaza wu ngyet a̱tyu fwuong kunak, a̱ si̱ bu yet a̱tyu a̱ ni̱ ba̱ng á̱niet mi̱ chet a̱ni#11:22a Ku: “A̱tyu a̱ ni̱ mwai lyen.”: A̱ ni̱ ba̱ng á̱niet ba̱ lak khwi nggu a̱ni#11:22b Wa̱i a̱lyiat: Á̱niet ba̱ lak khwi nggu a̱ni. Ku fa á̱niet Isi̱rela ba̱ lak khwi A̱sham nkhang ka a̱ni, ma̱ng konyan wa lak nwuak fwuo di̱ Yesu a̱ni. mi̱ chet. A̱wot a̱ ni̱ fwuong kunak nyin ka̱nang nyi ya a̱son di̱ nwuak fwuo di̱n shok nggu ji. Ka̱ nyi ma ngya a̱son bah, nyin mameang á̱ na tyam nyin á̱ weam.
23A̱wot mba á̱niet Isi̱rela ba, ka̱ ba̱ ghwon a̱ka̱tuk mba wu ba̱ si̱ nwuak fwuo di̱ Yesu, á̱ na bwuok ma̱ng a̱mba, á̱ fwuop baa da̱ a̱tyin a̱tsatsak a̱kwon nang ba̱ za nshya̱ a̱ni. Mat A̱gwaza byia̱ chet nang gu bu na nfwuop ba da̱ a̱tyin a̱tsatsak a̱kwon ka a̱ni.
24Nyin Nnwap na̱ nwai yet A̱yahudawa a̱ni, nyi li nang mbwak a̱kwon za̱itun a̱yit na a̱ni, nang á̱ fwuop nyin da̱ a̱tyin a̱tsatsak a̱kwon za̱itun nang á̱ chyui a̱ni. A̱wot fwuop a̱hwa vwuon ma̱ng za̱kwa swanta ji. Ka̱ A̱gwaza shim a̱ si̱ nyia̱ si̱ a̱hwa, ku fa nang gu mbyia̱ fwuo za̱m a̱ bu bwuok ma̱ng á̱niet Isi̱rela ba, a̱ nfwuop da̱ a̱tyin a̱tsatsak a̱kwon za̱itun ka.
A̱gwaza Fwuong Kunak a̱mgba̱m Á̱niet Swanta ba
25Á̱na̱nyiuk nung ba ba̱ yet á̱niet khwi Yesu ba nang n chat a̱ni, n chat nyi chyi kyang huni ku shya̱ di̱ niat a̱ni bah, kalak nyi na kyiak á̱pyia̱ nyin nang á̱niet mumwang a̱ni. Á̱niet Isi̱rela ma̱ a̱di̱di̱t na ya a̱son ma̱ng gba̱p á̱pyia̱ mba, si̱ nang á̱ shya̱ a̱jhyem sot Nnwap na̱ nwai yet A̱yahudawa nang A̱gwaza khai ba̱ nwuak fwuo di̱ Kristi a̱ni.
26A̱nia wa nang á̱ na nsan a̱mgba̱m á̱niet Isi̱rela ba#11:26 Wa̱i a̱lyiat: A̱mgba̱m á̱niet Isi̱rela ba. Á̱ghyang á̱niet kyiak nyia̱ kuzang a̱tyu Isi̱rela na shya̱ san, a̱wot á̱ghyang á̱niet si̱ kyiak nyia̱ a̱jhyem sot á̱niet Isi̱rela wu na shya̱ san.. Ma̱nang á̱ ndyuut a̱ni nyia̱,
“A̱tyusan wu na ghwut mi̱ Si̱hiyona#11:26 Wa̱i a̱lyiat: Si̱hiyona fa, Urusha̱lima.,
a̱ ba̱ ti̱n gba̱p a̱pyia̱ hu di̱n kwai Yakubu ji.#11:26 Ish 59:20-21.
27Si̱ huni hwa yet a̱li̱ka̱uli nung wu
nang n da̱p ma̱ng a̱mba a̱ni;
n na chi a̱ka̱tuk nyia̱ mba wu.”#11:27 Iri̱ 31:33-34.
28Nang á̱niet Isi̱rela ba ma̱ a̱di̱di̱t ndak san A̱sham Nkhang ka a̱ni, ba̱ si̱ tyia̱ á̱niet lak li A̱gwaza. A̱wot si̱ a̱hwa si̱ yet kpangti̱n da̱ a̱vwuo Nnwap na̱ nwai yet A̱yahudawa a̱ni. A̱mgba̱m ma̱ng a̱nia, mat nang A̱gwaza ku nkhai mba neet gbangbang a̱ni, a̱ ni̱ chat baa, mat a̱yaatyia̱ a̱khwop mba ba#11:28 Wa̱i a̱lyiat: A̱yaatyia̱ a̱khwop mba ba. Bibya yet Ibrahim, Ishaku ma̱ng Yakubu..
29Mat A̱gwaza ni̱ shai fwuo nggu hu da̱ á̱niet#11:29 Wa̱i a̱lyiat: Da̱ á̱niet fa, á̱niet Isi̱rela bya. nang gu nang mba a̱ka̱wat ma̱ng si̱sak ji nang gu nkhai mba ba̱ yet á̱niet nggu a̱ni bah. 30Gbangbang, nyin Nnwap na̱ nwai yet A̱yahudawa a̱ni, nyi ku yet á̱niet lak khwi A̱gwaza bya. A̱wot ma̱ninika, A̱gwaza fa̱k kunak nyin da̱ a̱kwonu á̱niet Isi̱rela ka, mat nang ba̱ ndak khwi nggu a̱ni.
31Ma a̱nia wa, mat nang á̱niet Isi̱rela ba ndak khwi A̱gwaza a̱ni, huhwa si̱ mbyia̱ gu si̱ nfa̱k kunak nyin, nyi yet Nwap na̱ nwai yet A̱yahudawa a̱ni; da̱nian A̱gwaza a̱ ka fa̱k kunak á̱niet Isi̱rela ba meang. 32A̱gwaza tyia̱ konyan mi̱ khwo, mat si̱sak ji nang ba̱ ndak khwi nggu a̱ni. A̱ ni̱ nyia̱ a̱nia da̱nian gu ka tak nang gu nfwuong kunak konyan.
Dyep A̱gwaza
33A̱tsak a̱lyiat! A̱kyenkyai shi A̱gwaza wu, mumwang nggu hu, ma̱ng lyen nggu hu swak zop ma̱ng fi̱k! A̱nyan wa si̱ mi̱n fi̱k a̱di̱dam nggu wu? Nvak nggu na swak lyen konyan!
34Ma̱nang á̱ nhyia̱ ma̱ A̱lyiat A̱gwaza na a̱ni nyia̱,
“A̱nyan wa lyen a̱di̱dam A̱gwaza wu?
A̱nyan wa si̱ mi̱n tak gu
kyang hu ku myim a̱ni?#11:34 Ish 40:13.
35A̱nyan wa ka̱n mak nwuak
A̱gwaza kyang gba̱mgbam,
nang ku ngyet ta hwa
A̱gwaza a̱ tan gu?”#11:35 Ayu 41:11.
36A̱tsak a̱lyiat, nggu wa nyia̱ kuzang kyang,
a̱wot a̱mgba̱m nkyang nani nshya̱ mat chet nggu hu,
da̱nian konyan a̱ ka nwuak gu shi.
Yok dyep ku yet si̱ A̱gwaza
si̱ nat sang sangba̱p! Samba̱rka!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.