A̱romawa 10
10
1Mat a̱nia, á̱na̱nyiuk nung ba ba̱ yet á̱niet khwi Yesu ba nang n chat a̱ni, kyang nyiung hwa nang n chat mi̱ fwuo nung. A̱wot n bu naai A̱gwaza da̱nian huu; huhwa yet á̱niet Isi̱rela ba, ba̱ yet kwai nung ji a̱ni, ba̱ shya̱ san. 2N nwuak sheda di̱ si̱sak nang á̱niet Isi̱rela ba mbyia̱ kwi swam ba̱t di̱ chat A̱gwaza a̱ni. A̱wot da̱ mba, ba̱ lyen a̱tsak nvak nang ba̱ na nkhwi nggu shansham a̱ni bah.
3A̱wot á̱niet Isi̱rela ba fi̱k vak hu nang A̱gwaza ni̱ ntak kpa̱sai nang gu nkyiak á̱niet ba̱ yet á̱tsotswat ma̱ng sang a̱bun a̱zaghyi nggu a̱ni bah.
Da̱ a̱kwonu a̱kya, ba̱ si̱ ta̱yuk di̱n vak á̱pyia̱ mba hwa nang ba̱ na ngyet á̱tsotswat á̱niet ma̱ng sang a̱bun a̱zaghyi A̱gwaza a̱ni. Vak mba hu hwa yet kwan khwi doka. A̱wot ba̱ si̱ lak san vak nang A̱gwaza ntyei á̱niet tsotswat ma̱ng sang a̱bun a̱zaghyi nggu a̱ni.
4Mat Kristi wa tyia̱ doka ji si̱ ntyak#10:4a Lyuut cha̱chaat: “Mat Kristi wa yet gak doka hu.” ta̱m tyei á̱niet tsotswat hu.#10:4b Ku: “Mat Kristi wa tyia̱ la̱p sak doka hu si̱ mbai da̱ a̱nu ka.” Mat a̱nia, konyan wa nwuak fwuo di̱ Kristi, A̱gwaza na tak kpa̱sai nang gu nkyiak gu a̱tsotswat ma̱ng sang a̱bun a̱zaghyi nggu.
Konyan wa Nwuak Fwuo di̱ Yesu a̱ na Shya̱ San
5A̱wot Musa ku lyuut nyia̱ vak khwi doka hwa ntyei a̱yin yet a̱tsotswat ma̱ng sang a̱bun a̱zaghyi A̱gwaza. A̱wot mi̱ vak a̱hwa, ku yet ta hwa a̱nyuu a̱ khwi a̱mgba̱m doká ji cha̱chaat#10:5 Li̱v 18:5..
6A̱wot a̱tyu a̱ khwi vak nwuak fwuo da̱ A̱gwaza a̱ ka yet a̱tsotswat ma̱ng sang a̱bun a̱zaghyi nggu a̱ni, na nyia̱, “Yok nyia̱ mi̱ fwuo ang hu ‘A̱nyan wa na nyeak a̱ nat Ma A̱gwaza tswazwa ka?’ Da̱nian a̱ ka si̱ chyok ma̱ng Kristi a̱ bai ndyo mi̱ swanta.#10:6 KDok 30:12-14.
7“Ma a̱nia wa, yok nyia̱, ‘A̱nyan wa na chyok a̱ nwuo a̱byin da̱ a̱vwuo á̱niet ba̱ ka̱n kwi a̱ni?’ ” (Da̱nian gu ka ta̱ngam Kristi ma̱ng swuan ma̱ á̱niet ba̱ ka̱n kwi a̱ni).#10:7 Wa̱i a̱lyiat: Shimba, si̱ huni fa, a̱ nat Ma A̱gwaza tswazwa ma̱ng a̱vwuo á̱niet ba̱ ka̱n kwi a̱ni, da̱nian a̱ ka shya̱ a̱wat a̱ bai ma̱ng ta̱m A̱sham Nkhang ji ma̱ a̱ka̱vwuo nani. 8A̱tsak a̱lyiat, ka̱ doot tangka̱i a̱tyu a̱ khwi vak nwuak fwuo da̱ A̱gwaza a̱ nyia̱#10:8 Lyuut cha̱chaat: “Vak nwuak fwuo hyia̱ nyia̱.”,
“A̱lyiat A̱gwaza na shya̱
kpa̱mkpaan ma̱ng a̱nwan,
na̱ shya̱ a̱bwonu ang ka,
ma̱ng mami fwuo ang ka.”#10:8 KDok 30:12-13.
A̱wot a̱lyiat a̱nia, ni̱nia yet a̱lyiat nwuak fwuo da̱ A̱gwaza nang zi̱ shei a̱ni nyia̱:
9Ka̱ a tak kpa̱sai ma̱ng a̱nu ang ka
nang Yesu wa ngyet A̱tyoli ang;
a̱wot a si̱ nwuak a̱chuchuk mi̱ fwuo ang hu,
nang A̱gwaza nta̱ngam gu
ma̱ng swuan ma̱ á̱niet ba̱ ka̱n kwi a̱ni,
a na shya̱ san.
10Mat nwuak fwuo ang hwa di̱ Yesu
yet vak nang A̱gwaza na ntak kpa̱sai nang gu nkyiak ang
a̱tsotswat ma̱ng sang a̱bun a̱zaghyi nggu.
A̱wot tak kpa̱sai ma̱ng a̱nu ang hwa
yet vak shya̱ san hu.
11Ma̱nang A̱lyiat A̱gwaza na nhyia̱ a̱ni,
“Kuzang a̱yin wa nwuak fwuo da̱ A̱gwaza,
a̱ si̱ mi̱n mak swuo nsum bah.”#10:11 Ish 28:16.
12A̱wot A̱yahudawa#10:12 Wa̱i a̱lyiat: A̱yahudawa. Bibya yet á̱niet Isi̱rela ba. ba ma̱ng Nnwap na̱ nwai yet A̱yahudawa a̱ni, ba̱ yet kyang nyiung di̱n vak huni. Ba̱ byia̱ A̱gwaza a̱nyiung wa. Nggu wa yet A̱tyoli konyan. Nggu wa bu ni̱ san a̱mgba̱m á̱niet ba mi̱ fwuo nyiung ba̱ yei a̱lyoot nggu ka, da̱nian gu ka san ba a̱ni.
13Ma̱nang á̱ ndyuut ma̱ A̱lyiat A̱gwaza na a̱ni nyia̱,
“Ka̱ a̱yin yei a̱lyoot A̱gwaza ka di̱ chat san,
A̱gwaza na san gu za̱m.”#10:13 Jow 2:32.
14A̱wot ba̱#10:14 Wa̱i a̱lyiat: Shimba, Ba̱ fa, á̱ tsa ma̱ng A̱yahudawa bya, a̱wot Nnwap na̱ nwai yet A̱yahudawa a̱ni na̱ sii ntung. Rom 10:18 na nyia̱ ni ba̱ ngyorong Kristi#10:14 Ku: “A̱gwaza.” a̱ san mbaa; da̱ mba, ba̱ ka̱n nwuak fwuo da̱ nggu bah? Ma a̱nia wa, ba̱ na nyia̱ ni wa ba̱ nnwuak fwuo di̱ Kristi; da̱ mba, ba̱ ka̱n fa̱k nkhang nggu na bah? A̱wot ba̱ na nyia̱ ni wa ba̱ nfa̱k nkhang nggu na; da̱ a̱yin, a̱ ka̱n tak ma̱ng a̱mba bah? 15A̱wot á̱ na nyia̱ ni wa a̱yin a̱ nat a̱ si̱ tak ma̱ng a̱mba; da̱ mba, á̱ ta̱m nggu da̱ a̱vwuo mba bah? Mat a̱nia, á̱ lyuut ma̱ A̱lyiat A̱gwaza na nyia̱,
“A̱ti̱tak a̱yaata̱m ba̱ na bai shei
A̱sham nkhang ka a̱ni,
ba̱ yet a̱sham ba̱t!”#10:15 Ish 52:7.
16A̱wot a̱mgba̱m á̱niet swanta bibya san A̱sham Nkhang ka mi̱ nfwuo mba na bah! Ma̱nang Ishaya a̱ta̱m a̱kwonu A̱gwaza wu nhyia̱ nyia̱,
“A̱gwaza, a̱nyan wa nwuak
a̱chuchuk da̱ a̱lyiat nzi̱t na?”#10:16 Ish 53:1.
17Mat a̱nia, si̱ huni fa, á̱ shyat nwuak fwuo di̱ Kristi di̱n vak fwuong a̱lyiat hwa. Huhwa yet; fwuong A̱sham Nkhang tazwa Kristi#10:17 Lyuut cha̱chaat: “Swang Kristi.”. 18A̱wot n si̱ ndyip, a̱tsak a̱lyiat á̱niet Isi̱rela#10:18 Ku: “A̱yahudawa.” ba ka̱n fa̱k a̱lyiat A̱gwaza ni̱nia bah kee? A̱tsak a̱lyiat, ba̱ ka̱n fa̱k na za̱m! Ma̱nang A̱lyiat A̱gwaza na nhyia̱ a̱ni, nyia̱,
“A̱mgba̱m á̱niet mi̱ swanta ba fwuong nwunwuat
a̱yaata̱m shei a̱lyiat A̱gwaza hu.
Swáng á̱lyiat nang ba̱ shei mi̱ chet mi̱ nunu mba hu a̱ni,
kai a̱mgba̱m swanta hu.”#10:18 Za̱b 19:4.
19A̱wot n si̱ bu ndyip, a̱tsak a̱lyiat, á̱niet Isi̱rela ba fi̱k a̱lyiat A̱gwaza naa? A̱tsak a̱lyiat ba̱ fi̱k na za̱m, mat ku mi̱ njen Musa ji, A̱gwaza ku nyia̱,
“N na fuut nyin nyi kwi swam
da̱ á̱niet ba̱ yet Nnwap na̱ nwai yet A̱yahudawa
na̱ swan ma̱ a̱tai a̱ni!
N na shwaat nyin, nyi mwai lyen
ma̱ng Nnwap na̱ chyi A̱gwaza
nang nyi kyiak na̱ sang mumwang a̱ni.”#10:19 KDok 32:21.
20A̱wot Ishaya a̱ta̱m a̱kwonu A̱gwaza, si̱ bu gbang a̱lyia̱, a̱ si̱ hyia̱ kyang nang A̱gwaza hyia̱ ma̱ a̱pyia̱ nggu, nyia̱,
“Á̱niet ba di̱ ba̱ ku
chat nung á̱ shya̱ a̱ni bah,
bibya si̱ wa shya̱ nung.
N ku tyai a̱pyia̱ nung kpa̱sai
da̱ a̱vwuo á̱niet da̱ ba̱ lyip nung a̱ni bah.”#10:20 Ish 65:1.
21A̱wot tazwa á̱niet Isi̱rela ba, A̱gwaza si̱ bu nyia̱,
“N ni̱ kwa mam nang n chat
n san mba mbwak nfeang.
A̱wot ba̱ ni̱ lak khwi nung hu,
ba̱ tyia̱ zat.”#10:21 Ish 65:2.
Currently Selected:
A̱romawa 10: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
A̱romawa 10
10
1Mat a̱nia, á̱na̱nyiuk nung ba ba̱ yet á̱niet khwi Yesu ba nang n chat a̱ni, kyang nyiung hwa nang n chat mi̱ fwuo nung. A̱wot n bu naai A̱gwaza da̱nian huu; huhwa yet á̱niet Isi̱rela ba, ba̱ yet kwai nung ji a̱ni, ba̱ shya̱ san. 2N nwuak sheda di̱ si̱sak nang á̱niet Isi̱rela ba mbyia̱ kwi swam ba̱t di̱ chat A̱gwaza a̱ni. A̱wot da̱ mba, ba̱ lyen a̱tsak nvak nang ba̱ na nkhwi nggu shansham a̱ni bah.
3A̱wot á̱niet Isi̱rela ba fi̱k vak hu nang A̱gwaza ni̱ ntak kpa̱sai nang gu nkyiak á̱niet ba̱ yet á̱tsotswat ma̱ng sang a̱bun a̱zaghyi nggu a̱ni bah.
Da̱ a̱kwonu a̱kya, ba̱ si̱ ta̱yuk di̱n vak á̱pyia̱ mba hwa nang ba̱ na ngyet á̱tsotswat á̱niet ma̱ng sang a̱bun a̱zaghyi A̱gwaza a̱ni. Vak mba hu hwa yet kwan khwi doka. A̱wot ba̱ si̱ lak san vak nang A̱gwaza ntyei á̱niet tsotswat ma̱ng sang a̱bun a̱zaghyi nggu a̱ni.
4Mat Kristi wa tyia̱ doka ji si̱ ntyak#10:4a Lyuut cha̱chaat: “Mat Kristi wa yet gak doka hu.” ta̱m tyei á̱niet tsotswat hu.#10:4b Ku: “Mat Kristi wa tyia̱ la̱p sak doka hu si̱ mbai da̱ a̱nu ka.” Mat a̱nia, konyan wa nwuak fwuo di̱ Kristi, A̱gwaza na tak kpa̱sai nang gu nkyiak gu a̱tsotswat ma̱ng sang a̱bun a̱zaghyi nggu.
Konyan wa Nwuak Fwuo di̱ Yesu a̱ na Shya̱ San
5A̱wot Musa ku lyuut nyia̱ vak khwi doka hwa ntyei a̱yin yet a̱tsotswat ma̱ng sang a̱bun a̱zaghyi A̱gwaza. A̱wot mi̱ vak a̱hwa, ku yet ta hwa a̱nyuu a̱ khwi a̱mgba̱m doká ji cha̱chaat#10:5 Li̱v 18:5..
6A̱wot a̱tyu a̱ khwi vak nwuak fwuo da̱ A̱gwaza a̱ ka yet a̱tsotswat ma̱ng sang a̱bun a̱zaghyi nggu a̱ni, na nyia̱, “Yok nyia̱ mi̱ fwuo ang hu ‘A̱nyan wa na nyeak a̱ nat Ma A̱gwaza tswazwa ka?’ Da̱nian a̱ ka si̱ chyok ma̱ng Kristi a̱ bai ndyo mi̱ swanta.#10:6 KDok 30:12-14.
7“Ma a̱nia wa, yok nyia̱, ‘A̱nyan wa na chyok a̱ nwuo a̱byin da̱ a̱vwuo á̱niet ba̱ ka̱n kwi a̱ni?’ ” (Da̱nian gu ka ta̱ngam Kristi ma̱ng swuan ma̱ á̱niet ba̱ ka̱n kwi a̱ni).#10:7 Wa̱i a̱lyiat: Shimba, si̱ huni fa, a̱ nat Ma A̱gwaza tswazwa ma̱ng a̱vwuo á̱niet ba̱ ka̱n kwi a̱ni, da̱nian a̱ ka shya̱ a̱wat a̱ bai ma̱ng ta̱m A̱sham Nkhang ji ma̱ a̱ka̱vwuo nani. 8A̱tsak a̱lyiat, ka̱ doot tangka̱i a̱tyu a̱ khwi vak nwuak fwuo da̱ A̱gwaza a̱ nyia̱#10:8 Lyuut cha̱chaat: “Vak nwuak fwuo hyia̱ nyia̱.”,
“A̱lyiat A̱gwaza na shya̱
kpa̱mkpaan ma̱ng a̱nwan,
na̱ shya̱ a̱bwonu ang ka,
ma̱ng mami fwuo ang ka.”#10:8 KDok 30:12-13.
A̱wot a̱lyiat a̱nia, ni̱nia yet a̱lyiat nwuak fwuo da̱ A̱gwaza nang zi̱ shei a̱ni nyia̱:
9Ka̱ a tak kpa̱sai ma̱ng a̱nu ang ka
nang Yesu wa ngyet A̱tyoli ang;
a̱wot a si̱ nwuak a̱chuchuk mi̱ fwuo ang hu,
nang A̱gwaza nta̱ngam gu
ma̱ng swuan ma̱ á̱niet ba̱ ka̱n kwi a̱ni,
a na shya̱ san.
10Mat nwuak fwuo ang hwa di̱ Yesu
yet vak nang A̱gwaza na ntak kpa̱sai nang gu nkyiak ang
a̱tsotswat ma̱ng sang a̱bun a̱zaghyi nggu.
A̱wot tak kpa̱sai ma̱ng a̱nu ang hwa
yet vak shya̱ san hu.
11Ma̱nang A̱lyiat A̱gwaza na nhyia̱ a̱ni,
“Kuzang a̱yin wa nwuak fwuo da̱ A̱gwaza,
a̱ si̱ mi̱n mak swuo nsum bah.”#10:11 Ish 28:16.
12A̱wot A̱yahudawa#10:12 Wa̱i a̱lyiat: A̱yahudawa. Bibya yet á̱niet Isi̱rela ba. ba ma̱ng Nnwap na̱ nwai yet A̱yahudawa a̱ni, ba̱ yet kyang nyiung di̱n vak huni. Ba̱ byia̱ A̱gwaza a̱nyiung wa. Nggu wa yet A̱tyoli konyan. Nggu wa bu ni̱ san a̱mgba̱m á̱niet ba mi̱ fwuo nyiung ba̱ yei a̱lyoot nggu ka, da̱nian gu ka san ba a̱ni.
13Ma̱nang á̱ ndyuut ma̱ A̱lyiat A̱gwaza na a̱ni nyia̱,
“Ka̱ a̱yin yei a̱lyoot A̱gwaza ka di̱ chat san,
A̱gwaza na san gu za̱m.”#10:13 Jow 2:32.
14A̱wot ba̱#10:14 Wa̱i a̱lyiat: Shimba, Ba̱ fa, á̱ tsa ma̱ng A̱yahudawa bya, a̱wot Nnwap na̱ nwai yet A̱yahudawa a̱ni na̱ sii ntung. Rom 10:18 na nyia̱ ni ba̱ ngyorong Kristi#10:14 Ku: “A̱gwaza.” a̱ san mbaa; da̱ mba, ba̱ ka̱n nwuak fwuo da̱ nggu bah? Ma a̱nia wa, ba̱ na nyia̱ ni wa ba̱ nnwuak fwuo di̱ Kristi; da̱ mba, ba̱ ka̱n fa̱k nkhang nggu na bah? A̱wot ba̱ na nyia̱ ni wa ba̱ nfa̱k nkhang nggu na; da̱ a̱yin, a̱ ka̱n tak ma̱ng a̱mba bah? 15A̱wot á̱ na nyia̱ ni wa a̱yin a̱ nat a̱ si̱ tak ma̱ng a̱mba; da̱ mba, á̱ ta̱m nggu da̱ a̱vwuo mba bah? Mat a̱nia, á̱ lyuut ma̱ A̱lyiat A̱gwaza na nyia̱,
“A̱ti̱tak a̱yaata̱m ba̱ na bai shei
A̱sham nkhang ka a̱ni,
ba̱ yet a̱sham ba̱t!”#10:15 Ish 52:7.
16A̱wot a̱mgba̱m á̱niet swanta bibya san A̱sham Nkhang ka mi̱ nfwuo mba na bah! Ma̱nang Ishaya a̱ta̱m a̱kwonu A̱gwaza wu nhyia̱ nyia̱,
“A̱gwaza, a̱nyan wa nwuak
a̱chuchuk da̱ a̱lyiat nzi̱t na?”#10:16 Ish 53:1.
17Mat a̱nia, si̱ huni fa, á̱ shyat nwuak fwuo di̱ Kristi di̱n vak fwuong a̱lyiat hwa. Huhwa yet; fwuong A̱sham Nkhang tazwa Kristi#10:17 Lyuut cha̱chaat: “Swang Kristi.”. 18A̱wot n si̱ ndyip, a̱tsak a̱lyiat á̱niet Isi̱rela#10:18 Ku: “A̱yahudawa.” ba ka̱n fa̱k a̱lyiat A̱gwaza ni̱nia bah kee? A̱tsak a̱lyiat, ba̱ ka̱n fa̱k na za̱m! Ma̱nang A̱lyiat A̱gwaza na nhyia̱ a̱ni, nyia̱,
“A̱mgba̱m á̱niet mi̱ swanta ba fwuong nwunwuat
a̱yaata̱m shei a̱lyiat A̱gwaza hu.
Swáng á̱lyiat nang ba̱ shei mi̱ chet mi̱ nunu mba hu a̱ni,
kai a̱mgba̱m swanta hu.”#10:18 Za̱b 19:4.
19A̱wot n si̱ bu ndyip, a̱tsak a̱lyiat, á̱niet Isi̱rela ba fi̱k a̱lyiat A̱gwaza naa? A̱tsak a̱lyiat ba̱ fi̱k na za̱m, mat ku mi̱ njen Musa ji, A̱gwaza ku nyia̱,
“N na fuut nyin nyi kwi swam
da̱ á̱niet ba̱ yet Nnwap na̱ nwai yet A̱yahudawa
na̱ swan ma̱ a̱tai a̱ni!
N na shwaat nyin, nyi mwai lyen
ma̱ng Nnwap na̱ chyi A̱gwaza
nang nyi kyiak na̱ sang mumwang a̱ni.”#10:19 KDok 32:21.
20A̱wot Ishaya a̱ta̱m a̱kwonu A̱gwaza, si̱ bu gbang a̱lyia̱, a̱ si̱ hyia̱ kyang nang A̱gwaza hyia̱ ma̱ a̱pyia̱ nggu, nyia̱,
“Á̱niet ba di̱ ba̱ ku
chat nung á̱ shya̱ a̱ni bah,
bibya si̱ wa shya̱ nung.
N ku tyai a̱pyia̱ nung kpa̱sai
da̱ a̱vwuo á̱niet da̱ ba̱ lyip nung a̱ni bah.”#10:20 Ish 65:1.
21A̱wot tazwa á̱niet Isi̱rela ba, A̱gwaza si̱ bu nyia̱,
“N ni̱ kwa mam nang n chat
n san mba mbwak nfeang.
A̱wot ba̱ ni̱ lak khwi nung hu,
ba̱ tyia̱ zat.”#10:21 Ish 65:2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.