Nta̱m A̱yaata̱m 15
15
A̱gba̱ndang A̱tung A̱yaakwak A̱son Á̱niet Khwi mi̱ Urusha̱lima
1Jen nang Bulut ma̱ng Ba̱nabat nshya̱ Antakiya mi̱ fam a̱byin Suriya hu a̱ni, á̱ghyang á̱niet si̱ neet mi̱ fam a̱byin Yahudiya á̱ bai. Ba̱ si̱ nwuo tyiet á̱niet khwi ba nyia̱, “Ka̱ nyi na shya̱ swuan sang sangba̱p ji, ku yet ta hwa á̱ tyei nyin mi̱ chen; ma̱nang á̱ ndyuut mi̱ doka Musa ji a̱ni!” 2Bulut ma̱ng Ba̱nabat si̱ shim mba ndyo bah. Ba̱ si̱ ya fwuang ba̱t ma̱ng á̱ghyang! Di̱ ngaan hu, sot á̱niet khwi ji si̱ shim ba̱ ta̱m Bulut ma̱ng Ba̱nabat mbeang á̱niet khwi á̱ghyang, ba̱ nat Urusha̱lima da̱nian ba̱ ka lyiat ma̱ng a̱yaata̱m ba ma̱ng á̱khwukhwop a̱yaakwak a̱son á̱ghyang ba tazwa a̱lyiat tyei Nnwap na̱ nwai yet A̱yahudawa a̱ni mi̱ chen.
3Á̱niet khwi Antakiya ba si̱ ta̱m a̱yaata̱m bani mi̱ Urusha̱lima. Nang a̱yaata̱m ba ni̱ nshya̱ di̱ naat hu a̱ni, ba̱ si̱ yong mi̱ nfam bibyin Fi̱ni̱siya ma̱ng Sa̱mariya, ba̱ ka byiat á̱niet khwi ba̱ shya̱ a̱ja a̱ni. A̱wot ba̱ si̱ tak ma̱ng a̱mba si̱sak nang Nnwap na̱ nwai yet A̱yahudawa a̱ni na meang nghwon a̱ka̱tuk nyia̱ mba wu, ba̱ si̱ nwuo khwi Yesu a̱ni. A̱mgba̱m á̱niet khwi ba si̱ fa̱k a̱lyia̱ sai ba̱t!
4Jen nang Ba̱nabat ma̱ng Bulut si̱ nnwuo ma̱ a̱keang Urusha̱lima ka a̱ni, a̱mgba̱m sot á̱niet khwi ji, a̱yaata̱m ba, mbeang a̱yaakwak a̱son á̱niet khwi ba, si̱ san mba mbwak nfeang. A̱wot Bulut ma̱ng Ba̱nabat si̱ tak ma̱ng a̱mba kuzang kyang nang A̱gwaza tyia̱ ba̱ si̱ nyia̱ a̱ni.
5A̱jawa á̱niet khwi á̱ghyang, ba̱ ku shya̱ mi̱ sot A̱fa̱risawa ji a̱ni, ba̱ si̱ ba̱ng a̱lyiat na mi̱ chet, nyia̱, “Ku yet ta hwa, á̱ tyei á̱niet khwi ba̱ nwai yet A̱yahudawa a̱ni mi̱ chen, a̱wot á̱ tyia̱ mba ba̱ khwi doka Musa ji!”
6A̱jawa a̱yaata̱m ba ma̱ng a̱yaakwak a̱son á̱niet khwi ba, si̱ tung da̱nian ba̱ ka jhyi a̱lyiat nani. 7Nang á̱ nkyiak a̱junjung jen nang á̱ lyiat a̱jojoot á̱lyiat ma̱ a̱tung ka a̱ni, Bitut si̱ doot a̱ yong. A̱ si̱ nyia̱ ma̱ng a̱mba,
“Nyin á̱na̱nyiuk nung mba, neet gbangbang nyi lyen nang A̱gwaza ku nkhai nung mami nyin, mat n ka shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni; ba̱ ka fa̱k, ba̱ bu nwuak fwuo di̱ Yesu.
8“A̱gwaza wu a̱ lyen nfwuo á̱nietbishyi na a̱ni, a̱ si̱ shim nang gu na nsan Nnwap na̱ nwai yet A̱yahudawa a̱ni, mat si̱sak nang gu nnang mba A̱za̱za̱rak Ntswa wu; ma̱nang gu ku nnang nzi̱t a̱ni. 9Nzi̱t A̱yahudawa ba ma̱ng Nnwap na̱ nwai yet A̱yahudawa a̱ni; A̱gwaza khai a̱yin bah. A̱ chi a̱ka̱tuk nyia̱ mba wu,#15:9 Lyuut cha̱chaat: “Jaat nfwuo mba na tyei á̱za̱za̱rak.” mat ba̱ nwuak fwuo da̱ nggu meang.
10“Mat a̱nia, yihwa mbyia̱ nang nyi nkwan nyi tyia̱ A̱gwaza a̱ mwai lyen, di̱ si̱sak nang nyi nchat tyia̱ á̱niet khwi ba#15:10 Lyuut cha̱chaat: “Mman nta̱m ba.” ba̱ yet Nnwap na̱ nwai yet A̱yahudawa a̱ni, ba̱ kpa̱t a̱kpi̱di̱dyi̱k nkpa̱t, da̱nang nzi̱t, ku a̱yaatyia̱ a̱khwop nzi̱t ba, si̱ mi̱n kpa̱t a̱ni bah?! 11A̱wot, zi̱ nwuak a̱chuchuk, a̱mgba̱m nzi̱t, mat shok A̱tyoli Yesu ja, nang zi̱ nshya̱ swuan sang sangba̱p ji; ma̱nang Nnwap na̱ nwai yet A̱yahudawa na nshya̱ a̱ni!”
12A̱mgba̱m á̱niet ba̱ shya̱ ma̱ a̱tung ka a̱ni, ba̱ si̱ tyia̱ nywang. Ba̱ si̱ myiai a̱fufwuo á̱ fwuong Ba̱nabat ma̱ng Bulut, nang ba̱ shei nkyang a̱ga̱de ma̱ng a̱ri̱bi̱di nang A̱gwaza tyia̱ ba̱ si̱ nyia̱ mi̱ Nnwap na̱ nwai yet A̱yahudawa a̱ni.
13Nang ba̱ ndyiat á̱ tyak a̱ni, a̱jawa Yakubu si̱ doot a̱ yong. A̱ si̱ nyia̱, “Á̱na̱nyiuk, nyi myiai a̱fufwuo nyi fa̱k nung. 14Siman#15:14 Wa̱i a̱lyiat: Siman ku fa Siman Bitut. ka̱n tak ma̱ng a̱nyin jen ji nang A̱gwaza ku ntsa tyai a̱pyia̱ nggu da̱ a̱vwuo Nnwap na̱ nwai yet A̱yahudawa a̱ni. Da̱nian gu ka khai á̱ghyang á̱niet mami mba, ba̱ yet á̱si̱ nggu a̱ni.
15“A̱wot ghwon a̱ka̱tuk nyia̱ Nnwap na̱ nwai yet A̱yahudawa a̱ni; si̱ huni ku bai cha̱chaat ma̱ng á̱lyiat nang a̱yaata̱m a̱kwonu A̱gwaza ba ku mi̱ nshei á̱zanson a̱ni. Ma̱nang á̱ ndyuut a̱ni,
16‘Á̱ na labeang bah,
n na mbwuok bai
n ba̱ nok a̱li Da̱wuda#15:16 Lyuut cha̱chaat: “Suswak Da̱wuda.” ka ka̱ kwa a̱ni.
N na nok a̱ta̱bat ba,
a̱wot a̱li ka ka̱ bwuok a̱ yong.
17Da̱nian á̱kum a̱niet ka ba̱ ka chat A̱gwaza wu,
mbeang Nnwap na̱ nwai yet A̱yahudawa a̱ni,
a̱mgba̱m á̱niet nang n gyorong
ba̱ yet si̱ nung ba a̱ni.
Nung, A̱gwaza wa hyia̱ a̱nia,
18Nung A̱gwaza, nung gwa nyia̱ a̱li̱ka̱uli wuni neet gbangbang.’
19“Mat a̱nia, di̱ li nung hu, ku myim zi̱ ta̱shuk Nnwap na̱ nwai yet A̱yahudawa na̱ bwuot chobai da̱ a̱vwuo A̱gwaza a̱ni bah. 20Da̱ a̱kwonu a̱kya, ku myim zi̱ lyuut mba wusika. Zi̱ tak ma̱ng a̱mba ba̱ yok ya nkyayak nang á̱ ka̱n neap nghwughwu a̱yaagwaza sang swuan a̱ni bah; ba̱ yok katnaan; ba̱ yok ya nam nyam nang á̱ chyip fwuo hu ji̱ si̱ khwu a̱ni bah; a̱wot ba̱ yok ya a̱sok bah.
21“Mat doká Musa jini á̱ ka̱ nshei nji ma̱ á̱tutu a̱tung A̱yahudawa ba, kuzang a̱tuk Mam Fwung, mi̱ kuzang a̱keang, si̱ nat nche ma̱ a̱di̱di̱t.”
Á̱ Lyuut Á̱niet Khwi ba̱ nwai yet A̱yahudawa a̱ni Wusika
22A̱jawa a̱yaata̱m Yesu ba ma̱ng a̱yaakwak a̱son ba, dundung ma̱ng a̱mgba̱m á̱niet khwi ba̱ shya̱ Urusha̱lima a̱ni, ba̱ si̱ khai á̱niet mami mba. Ba̱ si̱ ta̱m ba ba̱ nat Antakiya mi̱ fam a̱byin Suriya, dundung ma̱ng Bulut ma̱ng Ba̱nabat. Ba̱ si̱ tak kyang nang á̱ la̱p á̱ sak ma̱ a̱tung ka tazwa Nnwap na̱ nwai yet A̱yahudawa a̱ni. Á̱niet ba nang á̱ ku khai a̱ni, á̱ ku mbyia̱ a̱yaakwak a̱son á̱niet khwi a̱feang; Yahuda (nang á̱ ku ngyei Ba̱rsa̱bat a̱ni) ma̱ng Sila.
23Wusika nang á̱ ku ta̱m ndyo a̱ni jija ji:
Nzi̱t a̱yaata̱m Yesu ma̱ng a̱yaakwak a̱son á̱niet khwi ba, zi̱ yet á̱na̱nyiuk nyin mi̱ Urusha̱lima a̱ni. Zi̱ lyuut wusika jini naat ndyo da̱ a̱vwuo a̱mgba̱m nyin á̱niet khwi, nyi yet Nnwap na̱ nwai yet A̱yahudawa a̱ni; nyi shya̱ a̱keang Antakiya, ma̱ng nfam bibyin Suriya ma̱ng Kilikiya a̱ni. Zi̱ byiat nyin!
24Zi̱ fa̱k nkhang nang á̱ghyang á̱niet nghwut mami nzi̱t, ba̱ si̱ bai tyei nyin ndyem. Ba̱ chat ba̱ su nyin nfwuo na mat tyiet mba hu. A̱wot zi̱ ta̱m ba bah. 25Mat a̱nia, nang zi̱ ntung ndung a̱ni, a̱nu nzi̱t ka si̱ bai a̱nyiung. A̱mgba̱m nzi̱t, zi̱ shim zi̱ khai a̱niet mami nzi̱t, zi̱ ta̱m mba da̱ a̱vwuo nyin, mbeang á̱niet a̱feang nang zi̱ fa̱k da̱ mba a̱ni; bibya yet Ba̱nabat ma̱ng Bulut. 26Bibya ku nwuak swuan mba ji, da̱nian a̱lyoot A̱tyoli nzi̱t wu, Yesu Kristi.
27Huhwa mbyia̱, zi̱ nta̱m Yahuda ma̱ng Sila da̱ a̱vwuo nyin. Bibya na wa̱i nyin kuzang a̱lyiat nang zi̱ khai tazwa lyip nyin hu a̱ni. 28Ku myim A̱za̱za̱rak Ntswa ma̱ng a̱nzi̱t, zi̱ yok kpa̱t nyin a̱kpi̱di̱dyi̱k nkpa̱t a̱ swak nkyang nani nang zi̱ lyuut nyin dyo a̱ni bah. 29Ni̱nia yet:
Nyi yok ya kyayak nang á̱ neap nghwughwu a̱yaagwaza sang swuan a̱ni bah. Nyi yok ya a̱sok bah. Nyi yok ya nam nyam nang á̱ chyip fwuo hu á̱ sii hyat a̱ni bah. A̱wot nyi yok katnaan ma̱ng a̱shi̱shi̱k nyia̱.
Ka̱ nyi ghwon nkyang nani, nyi nyia̱ shansham.
Si̱ a̱ghyang a̱tuk!
30Mi̱ di̱ yong a̱hwa, a̱yaata̱m ba si̱ doot, ba̱ si̱ nat Antakiya mi̱ fam a̱byin Suriya. Ba̱ si̱si̱ tung a̱mgba̱m á̱niet khwi ba. Ba̱ si̱ nwuak ba wusika ji. 31Nang sot á̱niet khwi a̱keang Antakiya ji nfang wusika ji a̱ni, ba̱ si̱ gwai ba̱t. Mat wusika ji tyia̱ mba gba̱gbak!
32A̱wot Yahuda ma̱ng Sila ba̱ ku mun á̱ yet a̱yaata̱m a̱kwonu A̱gwaza ba a̱ni, ba̱ si̱ kyiak a̱junjung jen nang ba̱ shei á̱niet khwi ba a̱lyiat A̱gwaza na. Ba̱ si̱ tyia̱ mba gba̱gbak, ba̱ yong mi̱ chet di̱ nwuak a̱chuchuk mba hu.
33A̱yaata̱m ba si̱ bwuo mam Antakiya, jen nang á̱niet khwi ba nnang mba nda a̱ni, ba̱ si̱ ntyia̱ mba a̱ta̱lyen. A̱yaata̱m ba si̱ bwuok á̱ nat Urusha̱lima ma̱ng a̱li̱ba̱rka swat nyinyang. 34A̱wot Sila si̱ li ku myim gu ya nswan Antakiya wu. 35Ma a̱nia wa, Bulut ma̱ng Ba̱nabat, ba̱ si̱ labeang Antakiya. Mba ma̱ng á̱ghyang a̱niet ma̱ a̱di̱di̱t, ba̱ si̱ tyiet A̱sham Nkhang ka á̱ tsa á̱ nshei á̱lyiat A̱gwaza na a̱ja.
Bulut ma̱ng Ba̱nabat Ghai A̱chyet mat Yoona Ma̱rkut
36Á̱ si̱ bwuo mam ma̱ a̱da̱dei, Bulut si̱ nyia̱ ma̱ng Ba̱nabat, “Yok, zi̱ bwuok nat, zi̱ byiat á̱niet khwi ba ma̱ a̱ka̱keang nang zi̱ ku nshei á̱lyiat A̱gwaza na a̱ni. Zi̱ ka li si̱sak nang á̱niet khwi ba ngya a̱son a̱ni!” 37Ba̱nabat si̱ shim, a̱ si̱ chat ba̱ nat ndung ma̱ng Yoona Ma̱rkut. 38A̱wot Bulut si̱ lak mut! A̱ si̱ li ku myim ba̱ nat dundung ma̱ng Yoona Ma̱rkut bah; mat a̱ ku tyat ba a̱ ghwon Ba̱mfiliya! A̱ si̱ lak ya a̱son dundung ma̱ng a̱mba mi̱ nta̱m shei á̱lyiat A̱gwaza hu.
39Si̱ a̱hwa si̱ tyia̱ Bulut ma̱ng Ba̱nabat fwuang ji̱ byia̱ chet a̱ni. Ba̱ si̱ ghai a̱chyet ka. Ba̱nabat si̱ kyiak Yoona Ma̱rkut, ba̱ si̱ nwuo kukwon a̱wak. Ba̱ si̱ wak, ba̱ si̱ byia̱k á̱ nat Kuburut. 40Bulut mameang si̱ khai Sila nang a̱kpa̱ndang a̱chyet nggu wu a̱ni. A̱wot nang ba̱ na ndoot a̱ni, á̱niet khwi ba si̱ naai A̱gwaza gu nyia̱ mba shok, gu chok ba. 41Bulut ma̱ng Sila si̱ chong a̱byin á̱ nwuai á̱ sweap mi̱ nfam bibyin Suriya ma̱ng Kilikiya. Ba̱ si̱si̱ tyei á̱niet khwi ba gba̱gbak a̱ja.
Currently Selected:
Nta̱m A̱yaata̱m 15: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Nta̱m A̱yaata̱m 15
15
A̱gba̱ndang A̱tung A̱yaakwak A̱son Á̱niet Khwi mi̱ Urusha̱lima
1Jen nang Bulut ma̱ng Ba̱nabat nshya̱ Antakiya mi̱ fam a̱byin Suriya hu a̱ni, á̱ghyang á̱niet si̱ neet mi̱ fam a̱byin Yahudiya á̱ bai. Ba̱ si̱ nwuo tyiet á̱niet khwi ba nyia̱, “Ka̱ nyi na shya̱ swuan sang sangba̱p ji, ku yet ta hwa á̱ tyei nyin mi̱ chen; ma̱nang á̱ ndyuut mi̱ doka Musa ji a̱ni!” 2Bulut ma̱ng Ba̱nabat si̱ shim mba ndyo bah. Ba̱ si̱ ya fwuang ba̱t ma̱ng á̱ghyang! Di̱ ngaan hu, sot á̱niet khwi ji si̱ shim ba̱ ta̱m Bulut ma̱ng Ba̱nabat mbeang á̱niet khwi á̱ghyang, ba̱ nat Urusha̱lima da̱nian ba̱ ka lyiat ma̱ng a̱yaata̱m ba ma̱ng á̱khwukhwop a̱yaakwak a̱son á̱ghyang ba tazwa a̱lyiat tyei Nnwap na̱ nwai yet A̱yahudawa a̱ni mi̱ chen.
3Á̱niet khwi Antakiya ba si̱ ta̱m a̱yaata̱m bani mi̱ Urusha̱lima. Nang a̱yaata̱m ba ni̱ nshya̱ di̱ naat hu a̱ni, ba̱ si̱ yong mi̱ nfam bibyin Fi̱ni̱siya ma̱ng Sa̱mariya, ba̱ ka byiat á̱niet khwi ba̱ shya̱ a̱ja a̱ni. A̱wot ba̱ si̱ tak ma̱ng a̱mba si̱sak nang Nnwap na̱ nwai yet A̱yahudawa a̱ni na meang nghwon a̱ka̱tuk nyia̱ mba wu, ba̱ si̱ nwuo khwi Yesu a̱ni. A̱mgba̱m á̱niet khwi ba si̱ fa̱k a̱lyia̱ sai ba̱t!
4Jen nang Ba̱nabat ma̱ng Bulut si̱ nnwuo ma̱ a̱keang Urusha̱lima ka a̱ni, a̱mgba̱m sot á̱niet khwi ji, a̱yaata̱m ba, mbeang a̱yaakwak a̱son á̱niet khwi ba, si̱ san mba mbwak nfeang. A̱wot Bulut ma̱ng Ba̱nabat si̱ tak ma̱ng a̱mba kuzang kyang nang A̱gwaza tyia̱ ba̱ si̱ nyia̱ a̱ni.
5A̱jawa á̱niet khwi á̱ghyang, ba̱ ku shya̱ mi̱ sot A̱fa̱risawa ji a̱ni, ba̱ si̱ ba̱ng a̱lyiat na mi̱ chet, nyia̱, “Ku yet ta hwa, á̱ tyei á̱niet khwi ba̱ nwai yet A̱yahudawa a̱ni mi̱ chen, a̱wot á̱ tyia̱ mba ba̱ khwi doka Musa ji!”
6A̱jawa a̱yaata̱m ba ma̱ng a̱yaakwak a̱son á̱niet khwi ba, si̱ tung da̱nian ba̱ ka jhyi a̱lyiat nani. 7Nang á̱ nkyiak a̱junjung jen nang á̱ lyiat a̱jojoot á̱lyiat ma̱ a̱tung ka a̱ni, Bitut si̱ doot a̱ yong. A̱ si̱ nyia̱ ma̱ng a̱mba,
“Nyin á̱na̱nyiuk nung mba, neet gbangbang nyi lyen nang A̱gwaza ku nkhai nung mami nyin, mat n ka shei A̱sham Nkhang Yesu ka da̱ a̱vwuo Nnwap na̱ nwai yet A̱yahudawa a̱ni; ba̱ ka fa̱k, ba̱ bu nwuak fwuo di̱ Yesu.
8“A̱gwaza wu a̱ lyen nfwuo á̱nietbishyi na a̱ni, a̱ si̱ shim nang gu na nsan Nnwap na̱ nwai yet A̱yahudawa a̱ni, mat si̱sak nang gu nnang mba A̱za̱za̱rak Ntswa wu; ma̱nang gu ku nnang nzi̱t a̱ni. 9Nzi̱t A̱yahudawa ba ma̱ng Nnwap na̱ nwai yet A̱yahudawa a̱ni; A̱gwaza khai a̱yin bah. A̱ chi a̱ka̱tuk nyia̱ mba wu,#15:9 Lyuut cha̱chaat: “Jaat nfwuo mba na tyei á̱za̱za̱rak.” mat ba̱ nwuak fwuo da̱ nggu meang.
10“Mat a̱nia, yihwa mbyia̱ nang nyi nkwan nyi tyia̱ A̱gwaza a̱ mwai lyen, di̱ si̱sak nang nyi nchat tyia̱ á̱niet khwi ba#15:10 Lyuut cha̱chaat: “Mman nta̱m ba.” ba̱ yet Nnwap na̱ nwai yet A̱yahudawa a̱ni, ba̱ kpa̱t a̱kpi̱di̱dyi̱k nkpa̱t, da̱nang nzi̱t, ku a̱yaatyia̱ a̱khwop nzi̱t ba, si̱ mi̱n kpa̱t a̱ni bah?! 11A̱wot, zi̱ nwuak a̱chuchuk, a̱mgba̱m nzi̱t, mat shok A̱tyoli Yesu ja, nang zi̱ nshya̱ swuan sang sangba̱p ji; ma̱nang Nnwap na̱ nwai yet A̱yahudawa na nshya̱ a̱ni!”
12A̱mgba̱m á̱niet ba̱ shya̱ ma̱ a̱tung ka a̱ni, ba̱ si̱ tyia̱ nywang. Ba̱ si̱ myiai a̱fufwuo á̱ fwuong Ba̱nabat ma̱ng Bulut, nang ba̱ shei nkyang a̱ga̱de ma̱ng a̱ri̱bi̱di nang A̱gwaza tyia̱ ba̱ si̱ nyia̱ mi̱ Nnwap na̱ nwai yet A̱yahudawa a̱ni.
13Nang ba̱ ndyiat á̱ tyak a̱ni, a̱jawa Yakubu si̱ doot a̱ yong. A̱ si̱ nyia̱, “Á̱na̱nyiuk, nyi myiai a̱fufwuo nyi fa̱k nung. 14Siman#15:14 Wa̱i a̱lyiat: Siman ku fa Siman Bitut. ka̱n tak ma̱ng a̱nyin jen ji nang A̱gwaza ku ntsa tyai a̱pyia̱ nggu da̱ a̱vwuo Nnwap na̱ nwai yet A̱yahudawa a̱ni. Da̱nian gu ka khai á̱ghyang á̱niet mami mba, ba̱ yet á̱si̱ nggu a̱ni.
15“A̱wot ghwon a̱ka̱tuk nyia̱ Nnwap na̱ nwai yet A̱yahudawa a̱ni; si̱ huni ku bai cha̱chaat ma̱ng á̱lyiat nang a̱yaata̱m a̱kwonu A̱gwaza ba ku mi̱ nshei á̱zanson a̱ni. Ma̱nang á̱ ndyuut a̱ni,
16‘Á̱ na labeang bah,
n na mbwuok bai
n ba̱ nok a̱li Da̱wuda#15:16 Lyuut cha̱chaat: “Suswak Da̱wuda.” ka ka̱ kwa a̱ni.
N na nok a̱ta̱bat ba,
a̱wot a̱li ka ka̱ bwuok a̱ yong.
17Da̱nian á̱kum a̱niet ka ba̱ ka chat A̱gwaza wu,
mbeang Nnwap na̱ nwai yet A̱yahudawa a̱ni,
a̱mgba̱m á̱niet nang n gyorong
ba̱ yet si̱ nung ba a̱ni.
Nung, A̱gwaza wa hyia̱ a̱nia,
18Nung A̱gwaza, nung gwa nyia̱ a̱li̱ka̱uli wuni neet gbangbang.’
19“Mat a̱nia, di̱ li nung hu, ku myim zi̱ ta̱shuk Nnwap na̱ nwai yet A̱yahudawa na̱ bwuot chobai da̱ a̱vwuo A̱gwaza a̱ni bah. 20Da̱ a̱kwonu a̱kya, ku myim zi̱ lyuut mba wusika. Zi̱ tak ma̱ng a̱mba ba̱ yok ya nkyayak nang á̱ ka̱n neap nghwughwu a̱yaagwaza sang swuan a̱ni bah; ba̱ yok katnaan; ba̱ yok ya nam nyam nang á̱ chyip fwuo hu ji̱ si̱ khwu a̱ni bah; a̱wot ba̱ yok ya a̱sok bah.
21“Mat doká Musa jini á̱ ka̱ nshei nji ma̱ á̱tutu a̱tung A̱yahudawa ba, kuzang a̱tuk Mam Fwung, mi̱ kuzang a̱keang, si̱ nat nche ma̱ a̱di̱di̱t.”
Á̱ Lyuut Á̱niet Khwi ba̱ nwai yet A̱yahudawa a̱ni Wusika
22A̱jawa a̱yaata̱m Yesu ba ma̱ng a̱yaakwak a̱son ba, dundung ma̱ng a̱mgba̱m á̱niet khwi ba̱ shya̱ Urusha̱lima a̱ni, ba̱ si̱ khai á̱niet mami mba. Ba̱ si̱ ta̱m ba ba̱ nat Antakiya mi̱ fam a̱byin Suriya, dundung ma̱ng Bulut ma̱ng Ba̱nabat. Ba̱ si̱ tak kyang nang á̱ la̱p á̱ sak ma̱ a̱tung ka tazwa Nnwap na̱ nwai yet A̱yahudawa a̱ni. Á̱niet ba nang á̱ ku khai a̱ni, á̱ ku mbyia̱ a̱yaakwak a̱son á̱niet khwi a̱feang; Yahuda (nang á̱ ku ngyei Ba̱rsa̱bat a̱ni) ma̱ng Sila.
23Wusika nang á̱ ku ta̱m ndyo a̱ni jija ji:
Nzi̱t a̱yaata̱m Yesu ma̱ng a̱yaakwak a̱son á̱niet khwi ba, zi̱ yet á̱na̱nyiuk nyin mi̱ Urusha̱lima a̱ni. Zi̱ lyuut wusika jini naat ndyo da̱ a̱vwuo a̱mgba̱m nyin á̱niet khwi, nyi yet Nnwap na̱ nwai yet A̱yahudawa a̱ni; nyi shya̱ a̱keang Antakiya, ma̱ng nfam bibyin Suriya ma̱ng Kilikiya a̱ni. Zi̱ byiat nyin!
24Zi̱ fa̱k nkhang nang á̱ghyang á̱niet nghwut mami nzi̱t, ba̱ si̱ bai tyei nyin ndyem. Ba̱ chat ba̱ su nyin nfwuo na mat tyiet mba hu. A̱wot zi̱ ta̱m ba bah. 25Mat a̱nia, nang zi̱ ntung ndung a̱ni, a̱nu nzi̱t ka si̱ bai a̱nyiung. A̱mgba̱m nzi̱t, zi̱ shim zi̱ khai a̱niet mami nzi̱t, zi̱ ta̱m mba da̱ a̱vwuo nyin, mbeang á̱niet a̱feang nang zi̱ fa̱k da̱ mba a̱ni; bibya yet Ba̱nabat ma̱ng Bulut. 26Bibya ku nwuak swuan mba ji, da̱nian a̱lyoot A̱tyoli nzi̱t wu, Yesu Kristi.
27Huhwa mbyia̱, zi̱ nta̱m Yahuda ma̱ng Sila da̱ a̱vwuo nyin. Bibya na wa̱i nyin kuzang a̱lyiat nang zi̱ khai tazwa lyip nyin hu a̱ni. 28Ku myim A̱za̱za̱rak Ntswa ma̱ng a̱nzi̱t, zi̱ yok kpa̱t nyin a̱kpi̱di̱dyi̱k nkpa̱t a̱ swak nkyang nani nang zi̱ lyuut nyin dyo a̱ni bah. 29Ni̱nia yet:
Nyi yok ya kyayak nang á̱ neap nghwughwu a̱yaagwaza sang swuan a̱ni bah. Nyi yok ya a̱sok bah. Nyi yok ya nam nyam nang á̱ chyip fwuo hu á̱ sii hyat a̱ni bah. A̱wot nyi yok katnaan ma̱ng a̱shi̱shi̱k nyia̱.
Ka̱ nyi ghwon nkyang nani, nyi nyia̱ shansham.
Si̱ a̱ghyang a̱tuk!
30Mi̱ di̱ yong a̱hwa, a̱yaata̱m ba si̱ doot, ba̱ si̱ nat Antakiya mi̱ fam a̱byin Suriya. Ba̱ si̱si̱ tung a̱mgba̱m á̱niet khwi ba. Ba̱ si̱ nwuak ba wusika ji. 31Nang sot á̱niet khwi a̱keang Antakiya ji nfang wusika ji a̱ni, ba̱ si̱ gwai ba̱t. Mat wusika ji tyia̱ mba gba̱gbak!
32A̱wot Yahuda ma̱ng Sila ba̱ ku mun á̱ yet a̱yaata̱m a̱kwonu A̱gwaza ba a̱ni, ba̱ si̱ kyiak a̱junjung jen nang ba̱ shei á̱niet khwi ba a̱lyiat A̱gwaza na. Ba̱ si̱ tyia̱ mba gba̱gbak, ba̱ yong mi̱ chet di̱ nwuak a̱chuchuk mba hu.
33A̱yaata̱m ba si̱ bwuo mam Antakiya, jen nang á̱niet khwi ba nnang mba nda a̱ni, ba̱ si̱ ntyia̱ mba a̱ta̱lyen. A̱yaata̱m ba si̱ bwuok á̱ nat Urusha̱lima ma̱ng a̱li̱ba̱rka swat nyinyang. 34A̱wot Sila si̱ li ku myim gu ya nswan Antakiya wu. 35Ma a̱nia wa, Bulut ma̱ng Ba̱nabat, ba̱ si̱ labeang Antakiya. Mba ma̱ng á̱ghyang a̱niet ma̱ a̱di̱di̱t, ba̱ si̱ tyiet A̱sham Nkhang ka á̱ tsa á̱ nshei á̱lyiat A̱gwaza na a̱ja.
Bulut ma̱ng Ba̱nabat Ghai A̱chyet mat Yoona Ma̱rkut
36Á̱ si̱ bwuo mam ma̱ a̱da̱dei, Bulut si̱ nyia̱ ma̱ng Ba̱nabat, “Yok, zi̱ bwuok nat, zi̱ byiat á̱niet khwi ba ma̱ a̱ka̱keang nang zi̱ ku nshei á̱lyiat A̱gwaza na a̱ni. Zi̱ ka li si̱sak nang á̱niet khwi ba ngya a̱son a̱ni!” 37Ba̱nabat si̱ shim, a̱ si̱ chat ba̱ nat ndung ma̱ng Yoona Ma̱rkut. 38A̱wot Bulut si̱ lak mut! A̱ si̱ li ku myim ba̱ nat dundung ma̱ng Yoona Ma̱rkut bah; mat a̱ ku tyat ba a̱ ghwon Ba̱mfiliya! A̱ si̱ lak ya a̱son dundung ma̱ng a̱mba mi̱ nta̱m shei á̱lyiat A̱gwaza hu.
39Si̱ a̱hwa si̱ tyia̱ Bulut ma̱ng Ba̱nabat fwuang ji̱ byia̱ chet a̱ni. Ba̱ si̱ ghai a̱chyet ka. Ba̱nabat si̱ kyiak Yoona Ma̱rkut, ba̱ si̱ nwuo kukwon a̱wak. Ba̱ si̱ wak, ba̱ si̱ byia̱k á̱ nat Kuburut. 40Bulut mameang si̱ khai Sila nang a̱kpa̱ndang a̱chyet nggu wu a̱ni. A̱wot nang ba̱ na ndoot a̱ni, á̱niet khwi ba si̱ naai A̱gwaza gu nyia̱ mba shok, gu chok ba. 41Bulut ma̱ng Sila si̱ chong a̱byin á̱ nwuai á̱ sweap mi̱ nfam bibyin Suriya ma̱ng Kilikiya. Ba̱ si̱si̱ tyei á̱niet khwi ba gba̱gbak a̱ja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.