Nta̱m A̱yaata̱m 14
14
Bulut ma̱ng Ba̱nabat Shei A̱sham Nkhang A̱keang Ikoniya
1Jen nang Bulut ma̱ng Ba̱nabat nnat Ikoniya a̱ni, ba̱ si̱si̱ nwuo mi̱ tutu a̱tung A̱yahudawa hu ma̱nang ba̱ mmeang a̱ni. Ba̱ si̱ shei á̱lyiat A̱gwaza na ma̱ng chet. Ku si̱ tyia̱ A̱yahudawa ma̱ng Nnwap na̱ nwai yet A̱yahudawa a̱ni si̱ nwuak fwuo da̱ A̱tyoli Yesu! 2Ma̱ng a̱nia, A̱yahudawa á̱ghyang si̱ lak nwuak fwuo hu di̱ Yesu. Ba̱ si̱ fuut á̱kum Nnwap na̱ nwai yet A̱yahudawa a̱ni, ba̱ lak san á̱lyiat A̱gwaza na, a̱wot ba̱ bu lak li Bulut ma̱ng Ba̱nabat. 3A̱mgba̱m ma̱ng a̱nia, a̱yaata̱m ba si̱ kyiak a̱junjung njen nang ba̱ swan Ikoniya. A̱wot ba̱ si̱ shei A̱sham Nkhang ka ma̱ng gbang a̱lyia̱ tazwa shok A̱gwaza ji. A̱wot A̱gwaza si̱ tak kpa̱sai nang á̱lyiat nggu na ba̱ shei a̱ni, na̱ yet a̱tsak a̱lyiat wa; mat si̱sak ji nang ba̱ ku nnyia̱ nkyang a̱ga̱de ma̱ng a̱ri̱bi̱di a̱ni.
4A̱wot á̱niet a̱keang ba si̱ ghai di̱ susot sweang ma̱ a̱di̱dam mba wu tazwa Bulut ma̱ng Ba̱nabat. Sot jhyung si̱ shya̱ dundung ma̱ng A̱yahudawa ba. A̱wot sot jhyung ji meang si̱ shya̱ ndung ma̱ng Bulut ma̱ng Ba̱nabat. 5A̱jawa á̱ghyang á̱niet mi̱ Nnwap na̱ nwai yet A̱yahudawa a̱ni ma̱ng A̱yahudawa ba, mbeang a̱yaakwak a̱son mba ba, si̱ doot jhya̱. Ba̱ si̱ la̱p a̱nu ba̱ mang Bulut ma̱ng Ba̱nabat ma̱ng nfang á̱ hyaai. 6Nang a̱yaata̱m ba ndi a̱nia a̱ni, ba̱ si̱ tyong á̱ nat mi̱ fam a̱byin Likoniya ma̱ a̱ka̱keang Listra ma̱ng Da̱rba, ma̱ng a̱ka̱keang na̱ shya̱ kpa̱mkpaan a̱ja a̱ni. 7A̱wot ba̱ si̱ ya a̱son ma̱ng shei A̱sham Nkhang Yesu ka a̱ja.
Bulut ma̱ng Ba̱nabat Shei A̱sham Nkhang ma̱ A̱ka̱keang Listra ma̱ng Da̱rba
8Jen nang Bulut ma̱ng Ba̱nabat nshya̱ ma̱ a̱keang Listra ka a̱ni, ba̱ si̱ myim ma̱ng a̱yin nang gu swan a̱byin. A̱ si̱ mi̱n chong bah. Mat a̱ti̱tak ba ta̱luk neet di̱ mbyin. 9A̱ si̱ myiai a̱fufwuo a̱ fwuong á̱lyiat A̱gwaza na nang Bulut shei a̱ni. Bulut si̱ sak á̱ghyi da̱ nggu. A̱ si̱ fi̱k nang gu mbyia̱ nwuak a̱chuchuk ku na choot nggu a̱ni. 10Huhwa, Bulut si̱ kaat ma̱ng a̱gba̱ndang a̱nwuat nyia̱, “Doot yong a̱ka̱tsak!” A̱wot a̱tyu a̱wa nang a̱ti̱tak ba ta̱luk a̱ni, a̱ si̱ kin fi̱p a̱ doot a̱ yong ma̱ng a̱ti̱tak nggu ba! A̱ si̱ nwuo a̱chyet!
11Jen nang á̱kpa á̱niet ka ndi kyang hu nang Bulut nyia̱ a̱ni, ba̱ si̱ koot a̱gugwong da̱ a̱lyem Likoniya ka, nyia̱, “A̱tsatsak a̱lyiat, á̱niet bani yet a̱yaagwaza bya, ba̱ byia̱ vam á̱nietbishyi!” 12Á̱niet Likoniya ba si̱ tyia̱ Ba̱nabat a̱lyoot a̱gwaza sang swuan nang A̱helenawa ba ni̱ kwok gu ntong a̱ni. Á̱ si̱ ngyei gu “Za̱fsa.” A̱wot Bulut, ba̱ si̱ tyia̱ nggu a̱lyoot a̱gwaza sang swuan “Ha̱rmit,” mat nang Bulut wa ku ngyet a̱gwak a̱lyiat wu a̱ni.
13Di̱n jen a̱ja, tutu dyep Za̱fsa hu, ku shya̱ di̱ gak a̱keang hu. Mat a̱nia, pris Za̱fsa wu ma̱ng á̱kpa á̱niet ka, si̱ bai ma̱ng a̱yaaba nyak, mbeang nkywat a̱ka̱kwon, a̱zanunwuai a̱keang ka. A̱wot ba̱ si̱ chat ba̱ neap za̱náng da̱nian Bulut ma̱ng Ba̱nabat.
14A̱wot nang Ba̱nabat ma̱ng Bulut, nfa̱k a̱nia a̱ni, ba̱ si̱ sam a̱yaatoot mba ba di̱ byian nfwuo! A̱wot ba̱ si̱ tyong á̱ si̱ nwuo ma̱ a̱ka̱wa̱tyia̱ á̱kpa á̱niet ka. Ba̱ yei mi̱ chet nyia̱, 15“Á̱niet bani, yihwa mbyia̱ nang nyi nyia̱ a̱nia? Nzi̱t, zi̱ yet á̱nietbishyi bya ma̱nang a̱nyin a̱ni! Zi̱ bai zi̱ shei nyin A̱sham Nkhang Yesu kya. A̱wot zi̱ tyia̱ nyi ghwon khwi nghwughwu a̱yaagwaza sang swuan#14:15 Lyuut cha̱chaat: “Á̱bubuk nkyang.”; nyi khwi A̱gwaza a̱ byia̱ swuan a̱ni! A̱gwaza wuni wa nyia̱ kyai tswazwa hu ma̱ng a̱byin ka, mbeang kyai a̱sa̱khwot ma̱ng kuzang kyang ku shya̱ ma̱ na a̱ni.
16“Mi̱ jen gbangbang ji, A̱gwaza ku ghwon a̱mgba̱m á̱niet ba, konyan si̱ nyia̱ kyang nang fwuo nggu chat a̱ni. 17A̱wot A̱gwaza ka̱n mak ghwon á̱niet mi̱ swanta ba di̱ mi̱n sheda tazwa a̱pyia̱ nggu, ma̱ng a̱tan nkyang nang gu nyia̱ a̱ni bah. Kidee, a̱ nwuat nyin za. A̱ ni̱ tyia̱ yak hu ku yet, nyi ka shya̱ kyayak gba̱mgbam ma̱ng a̱lyia̱ sai.”
18A̱mgba̱m ma̱ng á̱lyiat nang Bulut ma̱ng Ba̱nabat ku lyiat a̱ni, ba̱ ku van ba̱ sii nvwong á̱niet Ikoniya ba neap za̱nang ji da̱nian mbaa.
19A̱wot, A̱yahudawa á̱ghyang si̱ neet ma̱ a̱keang Antakiya mi̱ fam a̱byin Bisidiya, ma̱ng a̱keang Ikoniya; ba̱ si̱ bai. Ba̱ si̱ khwat nfwuo á̱niet ma̱ a̱di̱di̱t á̱ tyia̱ da̱ a̱vwuo mba. Ba̱ si̱ mang Bulut ma̱ng nfang. Ba̱ si̱ kwak gu á̱ ghwut ndyo a̱ma̱nta a̱keang ka. Ba̱ si̱ dam, nyia̱ a̱ khwu. 20A̱wot nang á̱niet khwi ba#14:20 Lyuut cha̱chaat: “Mman nta̱m na.” ntung ba̱ si̱ tyong Bulut á̱ keang a̱ni, a̱ si̱ doot a̱ si̱ bwuok a̱ nat mami a̱keang ka. A̱tuk mam feang ka, nggu ma̱ng Ba̱nabat ba̱ si̱ swak á̱ nat Da̱rba.
Bulut ma̱ng Ba̱nabat Bwuok á̱ Nat Antakiya ma̱ A̱byin Suriya
21Bulut ma̱ng Ba̱nabat ku shei A̱sham Nkhang Yesu ka ma̱ a̱keang Da̱rba. Ba̱ si̱ tyiet á̱niet khwi ma̱ a̱di̱di̱t. A̱wot ba̱ si̱ bwuok á̱ nat a̱ka̱keang Listra, Ikoniya, ma̱ng Antakiya mi̱ fam a̱byin Bisidiya. 22Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”
23Bulut ma̱ng Ba̱nabat si̱ khai a̱yaakwak a̱son mi̱ kuzang sot á̱niet khwi. A̱wot ba̱ si̱ ya a̱son ma̱ng naai A̱gwaza a̱fa a̱khwot. Ba̱ si̱ tyia̱ a̱yaakwak a̱son ba mbwak A̱gwaza, nang ba̱ nwuak fwuo da̱ a̱nggu a̱ni, gu ka chok mba.
24Bulut ma̱ng Ba̱nabat si̱ bwuok, ba̱ si̱ chong mami fam a̱byin Bisidiya, ba̱ si̱ nat fam a̱byin Ba̱mfiliya. 25Nang ba̱ ntyak shei A̱sham Nkhang Yesu ka ma̱ a̱keang Pa̱rga ka a̱ni, ba̱ si̱ swak á̱ nat a̱keang ka̱ hyia̱k kyai a̱sa̱khwot hu nang á̱ ngyei A̱taliya a̱ni.
26Di̱ ngaan hu, ba̱ si̱ nwuo kukwon a̱wak. Ba̱ si̱ wak, ba̱ si̱ bwuok á̱ nat a̱keang Antakiya mi̱ fam a̱byin Suriya; a̱keang kani kya nang ba̱ ku ntsa a̱chyet shei A̱sham Nkhang Yesu ka. A̱ja wa nang á̱niet khwi ba ku naai shok A̱gwaza ji, ji̱ shya̱ dundung ma̱ng a̱mba, da̱nian ta̱m nang ba̱ tyak a̱ni.
27Nang ba̱ nnwuo ma̱ a̱keang Antakiya ka a̱ni, ba̱ si̱ yorong á̱niet khwi ba dundung. Ba̱ si̱ tak ma̱ a̱mba a̱mgba̱m nkyang nang A̱gwaza tyia̱ ba̱ si̱ nyia̱ a̱ni; ma̱ng si̱sak ji nang A̱gwaza ku nkhwuk Nnwap na̱ nwai yet A̱yahudawa na vak meang, ba̱ si̱ nwuak fwuo di̱ Yesu meang a̱ni. 28A̱wot Bulut ma̱ng Ba̱na̱bat si̱ kyiak a̱junjung jen nang ba̱ swan a̱ja dundung ma̱ng á̱niet khwi Yesu ba.
Currently Selected:
Nta̱m A̱yaata̱m 14: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Nta̱m A̱yaata̱m 14
14
Bulut ma̱ng Ba̱nabat Shei A̱sham Nkhang A̱keang Ikoniya
1Jen nang Bulut ma̱ng Ba̱nabat nnat Ikoniya a̱ni, ba̱ si̱si̱ nwuo mi̱ tutu a̱tung A̱yahudawa hu ma̱nang ba̱ mmeang a̱ni. Ba̱ si̱ shei á̱lyiat A̱gwaza na ma̱ng chet. Ku si̱ tyia̱ A̱yahudawa ma̱ng Nnwap na̱ nwai yet A̱yahudawa a̱ni si̱ nwuak fwuo da̱ A̱tyoli Yesu! 2Ma̱ng a̱nia, A̱yahudawa á̱ghyang si̱ lak nwuak fwuo hu di̱ Yesu. Ba̱ si̱ fuut á̱kum Nnwap na̱ nwai yet A̱yahudawa a̱ni, ba̱ lak san á̱lyiat A̱gwaza na, a̱wot ba̱ bu lak li Bulut ma̱ng Ba̱nabat. 3A̱mgba̱m ma̱ng a̱nia, a̱yaata̱m ba si̱ kyiak a̱junjung njen nang ba̱ swan Ikoniya. A̱wot ba̱ si̱ shei A̱sham Nkhang ka ma̱ng gbang a̱lyia̱ tazwa shok A̱gwaza ji. A̱wot A̱gwaza si̱ tak kpa̱sai nang á̱lyiat nggu na ba̱ shei a̱ni, na̱ yet a̱tsak a̱lyiat wa; mat si̱sak ji nang ba̱ ku nnyia̱ nkyang a̱ga̱de ma̱ng a̱ri̱bi̱di a̱ni.
4A̱wot á̱niet a̱keang ba si̱ ghai di̱ susot sweang ma̱ a̱di̱dam mba wu tazwa Bulut ma̱ng Ba̱nabat. Sot jhyung si̱ shya̱ dundung ma̱ng A̱yahudawa ba. A̱wot sot jhyung ji meang si̱ shya̱ ndung ma̱ng Bulut ma̱ng Ba̱nabat. 5A̱jawa á̱ghyang á̱niet mi̱ Nnwap na̱ nwai yet A̱yahudawa a̱ni ma̱ng A̱yahudawa ba, mbeang a̱yaakwak a̱son mba ba, si̱ doot jhya̱. Ba̱ si̱ la̱p a̱nu ba̱ mang Bulut ma̱ng Ba̱nabat ma̱ng nfang á̱ hyaai. 6Nang a̱yaata̱m ba ndi a̱nia a̱ni, ba̱ si̱ tyong á̱ nat mi̱ fam a̱byin Likoniya ma̱ a̱ka̱keang Listra ma̱ng Da̱rba, ma̱ng a̱ka̱keang na̱ shya̱ kpa̱mkpaan a̱ja a̱ni. 7A̱wot ba̱ si̱ ya a̱son ma̱ng shei A̱sham Nkhang Yesu ka a̱ja.
Bulut ma̱ng Ba̱nabat Shei A̱sham Nkhang ma̱ A̱ka̱keang Listra ma̱ng Da̱rba
8Jen nang Bulut ma̱ng Ba̱nabat nshya̱ ma̱ a̱keang Listra ka a̱ni, ba̱ si̱ myim ma̱ng a̱yin nang gu swan a̱byin. A̱ si̱ mi̱n chong bah. Mat a̱ti̱tak ba ta̱luk neet di̱ mbyin. 9A̱ si̱ myiai a̱fufwuo a̱ fwuong á̱lyiat A̱gwaza na nang Bulut shei a̱ni. Bulut si̱ sak á̱ghyi da̱ nggu. A̱ si̱ fi̱k nang gu mbyia̱ nwuak a̱chuchuk ku na choot nggu a̱ni. 10Huhwa, Bulut si̱ kaat ma̱ng a̱gba̱ndang a̱nwuat nyia̱, “Doot yong a̱ka̱tsak!” A̱wot a̱tyu a̱wa nang a̱ti̱tak ba ta̱luk a̱ni, a̱ si̱ kin fi̱p a̱ doot a̱ yong ma̱ng a̱ti̱tak nggu ba! A̱ si̱ nwuo a̱chyet!
11Jen nang á̱kpa á̱niet ka ndi kyang hu nang Bulut nyia̱ a̱ni, ba̱ si̱ koot a̱gugwong da̱ a̱lyem Likoniya ka, nyia̱, “A̱tsatsak a̱lyiat, á̱niet bani yet a̱yaagwaza bya, ba̱ byia̱ vam á̱nietbishyi!” 12Á̱niet Likoniya ba si̱ tyia̱ Ba̱nabat a̱lyoot a̱gwaza sang swuan nang A̱helenawa ba ni̱ kwok gu ntong a̱ni. Á̱ si̱ ngyei gu “Za̱fsa.” A̱wot Bulut, ba̱ si̱ tyia̱ nggu a̱lyoot a̱gwaza sang swuan “Ha̱rmit,” mat nang Bulut wa ku ngyet a̱gwak a̱lyiat wu a̱ni.
13Di̱n jen a̱ja, tutu dyep Za̱fsa hu, ku shya̱ di̱ gak a̱keang hu. Mat a̱nia, pris Za̱fsa wu ma̱ng á̱kpa á̱niet ka, si̱ bai ma̱ng a̱yaaba nyak, mbeang nkywat a̱ka̱kwon, a̱zanunwuai a̱keang ka. A̱wot ba̱ si̱ chat ba̱ neap za̱náng da̱nian Bulut ma̱ng Ba̱nabat.
14A̱wot nang Ba̱nabat ma̱ng Bulut, nfa̱k a̱nia a̱ni, ba̱ si̱ sam a̱yaatoot mba ba di̱ byian nfwuo! A̱wot ba̱ si̱ tyong á̱ si̱ nwuo ma̱ a̱ka̱wa̱tyia̱ á̱kpa á̱niet ka. Ba̱ yei mi̱ chet nyia̱, 15“Á̱niet bani, yihwa mbyia̱ nang nyi nyia̱ a̱nia? Nzi̱t, zi̱ yet á̱nietbishyi bya ma̱nang a̱nyin a̱ni! Zi̱ bai zi̱ shei nyin A̱sham Nkhang Yesu kya. A̱wot zi̱ tyia̱ nyi ghwon khwi nghwughwu a̱yaagwaza sang swuan#14:15 Lyuut cha̱chaat: “Á̱bubuk nkyang.”; nyi khwi A̱gwaza a̱ byia̱ swuan a̱ni! A̱gwaza wuni wa nyia̱ kyai tswazwa hu ma̱ng a̱byin ka, mbeang kyai a̱sa̱khwot ma̱ng kuzang kyang ku shya̱ ma̱ na a̱ni.
16“Mi̱ jen gbangbang ji, A̱gwaza ku ghwon a̱mgba̱m á̱niet ba, konyan si̱ nyia̱ kyang nang fwuo nggu chat a̱ni. 17A̱wot A̱gwaza ka̱n mak ghwon á̱niet mi̱ swanta ba di̱ mi̱n sheda tazwa a̱pyia̱ nggu, ma̱ng a̱tan nkyang nang gu nyia̱ a̱ni bah. Kidee, a̱ nwuat nyin za. A̱ ni̱ tyia̱ yak hu ku yet, nyi ka shya̱ kyayak gba̱mgbam ma̱ng a̱lyia̱ sai.”
18A̱mgba̱m ma̱ng á̱lyiat nang Bulut ma̱ng Ba̱nabat ku lyiat a̱ni, ba̱ ku van ba̱ sii nvwong á̱niet Ikoniya ba neap za̱nang ji da̱nian mbaa.
19A̱wot, A̱yahudawa á̱ghyang si̱ neet ma̱ a̱keang Antakiya mi̱ fam a̱byin Bisidiya, ma̱ng a̱keang Ikoniya; ba̱ si̱ bai. Ba̱ si̱ khwat nfwuo á̱niet ma̱ a̱di̱di̱t á̱ tyia̱ da̱ a̱vwuo mba. Ba̱ si̱ mang Bulut ma̱ng nfang. Ba̱ si̱ kwak gu á̱ ghwut ndyo a̱ma̱nta a̱keang ka. Ba̱ si̱ dam, nyia̱ a̱ khwu. 20A̱wot nang á̱niet khwi ba#14:20 Lyuut cha̱chaat: “Mman nta̱m na.” ntung ba̱ si̱ tyong Bulut á̱ keang a̱ni, a̱ si̱ doot a̱ si̱ bwuok a̱ nat mami a̱keang ka. A̱tuk mam feang ka, nggu ma̱ng Ba̱nabat ba̱ si̱ swak á̱ nat Da̱rba.
Bulut ma̱ng Ba̱nabat Bwuok á̱ Nat Antakiya ma̱ A̱byin Suriya
21Bulut ma̱ng Ba̱nabat ku shei A̱sham Nkhang Yesu ka ma̱ a̱keang Da̱rba. Ba̱ si̱ tyiet á̱niet khwi ma̱ a̱di̱di̱t. A̱wot ba̱ si̱ bwuok á̱ nat a̱ka̱keang Listra, Ikoniya, ma̱ng Antakiya mi̱ fam a̱byin Bisidiya. 22Ba̱ si̱ tyia̱ á̱niet khwi ba gba̱gbak, ba̱ yong mi̱ chet di̱ nwuak fwuo mba hu da̱ Yesu. Ba̱ si̱ nyia̱ ma̱ng a̱mba ba̱ yok bwung bah; nyia̱, “Ku yet ta hwa zi̱ swuo a̱bung di̱ nvak ma̱ a̱di̱di̱t, zi̱ sii nnwuo Tyok A̱gwaza hu!”
23Bulut ma̱ng Ba̱nabat si̱ khai a̱yaakwak a̱son mi̱ kuzang sot á̱niet khwi. A̱wot ba̱ si̱ ya a̱son ma̱ng naai A̱gwaza a̱fa a̱khwot. Ba̱ si̱ tyia̱ a̱yaakwak a̱son ba mbwak A̱gwaza, nang ba̱ nwuak fwuo da̱ a̱nggu a̱ni, gu ka chok mba.
24Bulut ma̱ng Ba̱nabat si̱ bwuok, ba̱ si̱ chong mami fam a̱byin Bisidiya, ba̱ si̱ nat fam a̱byin Ba̱mfiliya. 25Nang ba̱ ntyak shei A̱sham Nkhang Yesu ka ma̱ a̱keang Pa̱rga ka a̱ni, ba̱ si̱ swak á̱ nat a̱keang ka̱ hyia̱k kyai a̱sa̱khwot hu nang á̱ ngyei A̱taliya a̱ni.
26Di̱ ngaan hu, ba̱ si̱ nwuo kukwon a̱wak. Ba̱ si̱ wak, ba̱ si̱ bwuok á̱ nat a̱keang Antakiya mi̱ fam a̱byin Suriya; a̱keang kani kya nang ba̱ ku ntsa a̱chyet shei A̱sham Nkhang Yesu ka. A̱ja wa nang á̱niet khwi ba ku naai shok A̱gwaza ji, ji̱ shya̱ dundung ma̱ng a̱mba, da̱nian ta̱m nang ba̱ tyak a̱ni.
27Nang ba̱ nnwuo ma̱ a̱keang Antakiya ka a̱ni, ba̱ si̱ yorong á̱niet khwi ba dundung. Ba̱ si̱ tak ma̱ a̱mba a̱mgba̱m nkyang nang A̱gwaza tyia̱ ba̱ si̱ nyia̱ a̱ni; ma̱ng si̱sak ji nang A̱gwaza ku nkhwuk Nnwap na̱ nwai yet A̱yahudawa na vak meang, ba̱ si̱ nwuak fwuo di̱ Yesu meang a̱ni. 28A̱wot Bulut ma̱ng Ba̱na̱bat si̱ kyiak a̱junjung jen nang ba̱ swan a̱ja dundung ma̱ng á̱niet khwi Yesu ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.