Dwakam 10

Naba di̱tumbi̱re Kwama ki̱ni be taki̱da daalke

1Yinu ki̱la n kuti̱ wuka nabwe ti naba di̱tumbi̱ri Kwama ki̱ni dukan ki̱suwedu a twiye. A yingen ki̱ni ti̱twini yinu ki̱yang a sal dur ki̱nu. Kabu ko yinang dii, yinu nani kiyu yinang ki̱bni ki̱rangi 2N ki̱n a tau be takida daalke wu a wudene we fa̱la̱ngu. N ki̱n a fi̱r nang ki̱yilang kangu a neti la, a fi̱r ki̱ku a kwatakwelangu a ti̱m. 3A yal chitu ki̱ni dukan, keru a chir yinang wii turume. A kutengu n ki̱n a yali̱n chiyangu, ki̱yalti yidibiin a nabi̱tu keru ki̱ni keme kuuu! 4Yo ki̱yalti yidibiin a ngau kere, n do bwiyu mang mwalu aya n ki̱la nwe ker a chire a bwadi ko, “Chi ki̱yaltiyu a fwaatu, mwaluwe, chi ti̱lairi!”

5Yinu naba di̱tumbi̱ri Kwama mang ku a ti a nabwe la a kuku kang ki̱yilang kangu a dii, 6A twa̱n chitu ki̱ni di̱n wukure ki̱diya kwadi̱nu, wu a yo ti̱ti̱nitu n ti chi a murete n ti ti̱mu n ti chi we muretu n ti mwetiyu n ti chi we muretu ko, “A ne kaang kaiku ki̱swiyang we! 7Aya yo naba di̱tumbi̱ri Kwama wu nibine ka ku sum ko, ti̱lairi Kwamatu ka tidi tas, yinangu a fwa ni̱bu ki̱mu fa̱kubu mi̱nangu.” 8Yinu fal n nwe keru no mang wi mang nwenu, di̱du a chire a twiyenu a fwa mi ya̱m ko, “Ya, yang yiu wu a wuden a kang naba di̱tumbi̱ri Kwama wu a ti a neti la n ti ti̱me.”#10:8-10 Ese 2:8–3:3. 9Yinu n ya bwa naba di̱tumbi̱ri Kwama n yi mi a niye be takida dalke. Yinu a ya̱i ko, “Ngang n chau, ka madi kadi we fur munu, aya we yii mo ka madi yili̱m yinang rwi.” 10N yiu be taki̱da daalke we fa̱la̱ng naba di̱tumbi̱ri n wu we yii mi a ma yili̱m yinang rwi. Aya yo mang miye, a ma kadi we fur mi̱nu. 11Yinu a ya̱i ti̱n ko, “A mwintuwe yan ma fa̱kuitu we ya̱m Kwamamu we kuuti nabwen n ti ka nang bi̱bi̱le ki̱dum ni̱bi me n ti yiiniyu n ti mati̱m mu.”

Currently Selected:

Dwakam 10: Tula

Highlight

Copy

Compare