Ka̱la̱tiyam 2
2
Fandubi̱bu a yiu Bulus
1A kutengu swa̱ti̱ti kub chiri taanangu, n ki̱la Wurchalima n ti Barnaba. We ki̱ku ki̱dang n tatti̱ Titus we. 2N ya di̱ne n Kwama a wudumi ko n yange. Yo m mi̱n we bwako, n ya tikaketi nibu bunti̱ki̱me, yinu n fwa chimi̱n ya̱m bi̱li̱mu mang tau mi̱n fwa yikayu kuuti mi̱ndi̱mu. M ma yiko di̱ne ke banang mangu mang ma a di̱mwar ya̱m bi̱li̱mi̱nu a kadu ti̱kusi we. 3N Titus wu ki̱bungadu n ti mi̱ne, a bibu laaru, di̱ne n ki̱n naba Yelena. Kasi ki̱ki yikongu, ni̱bu a yibu ki̱n ko a ke a kau naba Yafuda. 4Ya̱m biku laari̱mu a kun di̱ne ni̱bu bi̱bu a lewe ki̱ni ti̱kwanimu, n chi a lewe ke a kai da wu n chi ki̱n a di̱Yesuwe. N chi ki̱baddu ka yo chi̱ni yinang ka̱bi. 5Aya nang ki̱nta chibu ko bayim, di̱ne ni̱n baddu ta chakakku ki̱ni keku bi̱yili̱mang changu.
6Ki̱kumang, tikaketiyu a ni̱bu a ke ki̱ni chi we Wurchalimayu, a subu ti̱kan chi we miyaki̱ mangu (We da̱ngku mangu a ne lakaku we, di̱ne n Kwama a yungbu lakaku) 7Aya n chi a ku n Kwama a ni mi̱n da wu mang fwa yikayu kuuti mi̱n ya̱m bi̱li̱mu yinangu n ki̱n a ni Biti̱r da a ma ni̱bu Yafudam mi̱n di̱mwarangu we da biku laare. 8Nangking Kwama wu a yo Biti̱r a ma nangang Fandu we ni̱bu Yafudam ka wu wiine, nanti̱ wu ki̱ma nangang a ni̱r mi̱n ke m maka yikayu kuuti a bibu laari̱mu.
9Yinangu n Yakubu n ti Kefas#2:9 Kefas: Di̱n di̱ddu ka di̱dini̱n n ti Biti̱r. n ti Yowana a ku kangu mang ya li̱me Kwamangu, n chi a ke bi̱yili̱mu. N chi bi̱bu ni̱bu a ke ki̱ni chi ko tikaketimu a yiu mi̱n n ti Barnaba ki̱ni ni̱ri diin. Ni̱n kekan ko n ni̱n nang ya bwanu a yikayu kuuti bi̱bu a bibu laari̱mu, yinu n chi ka ya bwa a bi̱bu n chi ni̱bu Yafudame. 10N chi a kur ni̱mi̱n ko ni̱n tabi̱du babumbi̱bu a bale chimu we, ti̱tu nang chi a ya we ni̱r mi̱nu mi̱n baddu mang maditu.
M Bulus a kwabbu Biti̱r we Antakiya
11Aya yo n Biti̱r a be Antakiya, n kwabbu ki̱ni kwa̱kwa̱ri di̱ne n ki̱n a ma ki̱le. 12Yo n ki̱n a no ki̱chau chabti̱tu n ti ni̱bu bunti̱ki̱mu bi̱bu n ke kuu Yafudamu. Aya yo Yakubu a tum bi̱kam we Antakiya, m Biti̱r a woong bwi kiyu. N ki̱n a ma ying di̱ne ki̱nwe tayi bi̱bu ki̱yidu ko a mwintuwe nii ka bii laare. 13Bi̱kamu ni̱bu Yafudam a bunti̱ Biti̱r we di̱tu chi̱tu a ki̱lati̱ kuteng. N chi a buti̱ ti̱n Barnaba a yo n ki̱n a ke ti̱n.
14Yinangu mang ku n chi a bunti̱bu bi̱yili̱m ya̱m Kwamamu, n yi Biti̱r we kakku ni̱bangu kwang mi, “M mun naba Yafuda, aya mun bunti̱ dati ni̱bu bi̱bu n ke ni̱bu Yafudamu. Yoye ta yo yikayu kuuti mi̱nu tiko a mwintuwe ka bunti̱ daati ni̱bu Yafudama?”
Ni̱bu Yafudam n ti yikayu kuuti a ya yuku a wa̱re wiin
15Ni̱bu a bi̱u ni̱n ni̱bu Yafudam n ke ni̱bu ki̱leti̱m yinang yikayu kuuti, 16Aya ni yim n Kwama ki̱mar chi̱ni ni̱bu yilem di̱ne keku bi̱yili̱mangu a di̱n Yesu Masiyane n ke bunti̱ku yilang. Ka n ke ni a ni bi̱yili̱mu a di̱Yesu Masiyange. Di̱ne yiko ni̱n ni̱n ni dutu ni̱ntu we di̱Yesu Masiya. Ni̱n ma yiko di̱ne ke ni̱n kadu ni̱bu ki̱leti we kakku Kwamangu, a kuteng yilang. 17A kabi yire ka ni yo ni̱ru ko ni ya yile di̱ne keku bi̱yili̱mang a di̱n Masiyane, yinu ki̱la ni yadu n chi̱ni ni̱bu ki̱letimi chike? Yoye ti̱tu ki̱yungdu n Yesu a mi̱la ki̱letiya? A newe yiko, ko bayim!
18Aya ka n kukki̱ti̱ yili̱n ti̱ka̱ritu a no a twiyanitu wenge, a yung n kau ni wu ki̱ki yilange. 19Nangki̱n, n ke mi mang bwadu we yilangu, di̱ne ke n dwiyen we di̱ Kwama. 20M mi̱n m mi̱fwan, n mi̱n n ke wukure, aya m Masiya ki̱dwiyedu we bwi miyu. Dami we ti̱ti̱nitu mi̱n ma wu a yo ni̱re we Bwe Kwama. Wu a mi̱la mi̱n a ni ti̱kuri kitu di̱ne mi̱ne. 21Mi̱n ne mang ko li̱me Kwama. Aya ka ni ka medu ka kau wu a ne ki̱lewe kakku Kwamangu di̱ne ki̱bunti̱ yili̱ne, ti̱tu a yung bwa Masiya a kau wukuse.
Currently Selected:
Ka̱la̱tiyam 2: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Ka̱la̱tiyam 2
2
Fandubi̱bu a yiu Bulus
1A kutengu swa̱ti̱ti kub chiri taanangu, n ki̱la Wurchalima n ti Barnaba. We ki̱ku ki̱dang n tatti̱ Titus we. 2N ya di̱ne n Kwama a wudumi ko n yange. Yo m mi̱n we bwako, n ya tikaketi nibu bunti̱ki̱me, yinu n fwa chimi̱n ya̱m bi̱li̱mu mang tau mi̱n fwa yikayu kuuti mi̱ndi̱mu. M ma yiko di̱ne ke banang mangu mang ma a di̱mwar ya̱m bi̱li̱mi̱nu a kadu ti̱kusi we. 3N Titus wu ki̱bungadu n ti mi̱ne, a bibu laaru, di̱ne n ki̱n naba Yelena. Kasi ki̱ki yikongu, ni̱bu a yibu ki̱n ko a ke a kau naba Yafuda. 4Ya̱m biku laari̱mu a kun di̱ne ni̱bu bi̱bu a lewe ki̱ni ti̱kwanimu, n chi a lewe ke a kai da wu n chi ki̱n a di̱Yesuwe. N chi ki̱baddu ka yo chi̱ni yinang ka̱bi. 5Aya nang ki̱nta chibu ko bayim, di̱ne ni̱n baddu ta chakakku ki̱ni keku bi̱yili̱mang changu.
6Ki̱kumang, tikaketiyu a ni̱bu a ke ki̱ni chi we Wurchalimayu, a subu ti̱kan chi we miyaki̱ mangu (We da̱ngku mangu a ne lakaku we, di̱ne n Kwama a yungbu lakaku) 7Aya n chi a ku n Kwama a ni mi̱n da wu mang fwa yikayu kuuti mi̱n ya̱m bi̱li̱mu yinangu n ki̱n a ni Biti̱r da a ma ni̱bu Yafudam mi̱n di̱mwarangu we da biku laare. 8Nangking Kwama wu a yo Biti̱r a ma nangang Fandu we ni̱bu Yafudam ka wu wiine, nanti̱ wu ki̱ma nangang a ni̱r mi̱n ke m maka yikayu kuuti a bibu laari̱mu.
9Yinangu n Yakubu n ti Kefas#2:9 Kefas: Di̱n di̱ddu ka di̱dini̱n n ti Biti̱r. n ti Yowana a ku kangu mang ya li̱me Kwamangu, n chi a ke bi̱yili̱mu. N chi bi̱bu ni̱bu a ke ki̱ni chi ko tikaketimu a yiu mi̱n n ti Barnaba ki̱ni ni̱ri diin. Ni̱n kekan ko n ni̱n nang ya bwanu a yikayu kuuti bi̱bu a bibu laari̱mu, yinu n chi ka ya bwa a bi̱bu n chi ni̱bu Yafudame. 10N chi a kur ni̱mi̱n ko ni̱n tabi̱du babumbi̱bu a bale chimu we, ti̱tu nang chi a ya we ni̱r mi̱nu mi̱n baddu mang maditu.
M Bulus a kwabbu Biti̱r we Antakiya
11Aya yo n Biti̱r a be Antakiya, n kwabbu ki̱ni kwa̱kwa̱ri di̱ne n ki̱n a ma ki̱le. 12Yo n ki̱n a no ki̱chau chabti̱tu n ti ni̱bu bunti̱ki̱mu bi̱bu n ke kuu Yafudamu. Aya yo Yakubu a tum bi̱kam we Antakiya, m Biti̱r a woong bwi kiyu. N ki̱n a ma ying di̱ne ki̱nwe tayi bi̱bu ki̱yidu ko a mwintuwe nii ka bii laare. 13Bi̱kamu ni̱bu Yafudam a bunti̱ Biti̱r we di̱tu chi̱tu a ki̱lati̱ kuteng. N chi a buti̱ ti̱n Barnaba a yo n ki̱n a ke ti̱n.
14Yinangu mang ku n chi a bunti̱bu bi̱yili̱m ya̱m Kwamamu, n yi Biti̱r we kakku ni̱bangu kwang mi, “M mun naba Yafuda, aya mun bunti̱ dati ni̱bu bi̱bu n ke ni̱bu Yafudamu. Yoye ta yo yikayu kuuti mi̱nu tiko a mwintuwe ka bunti̱ daati ni̱bu Yafudama?”
Ni̱bu Yafudam n ti yikayu kuuti a ya yuku a wa̱re wiin
15Ni̱bu a bi̱u ni̱n ni̱bu Yafudam n ke ni̱bu ki̱leti̱m yinang yikayu kuuti, 16Aya ni yim n Kwama ki̱mar chi̱ni ni̱bu yilem di̱ne keku bi̱yili̱mangu a di̱n Yesu Masiyane n ke bunti̱ku yilang. Ka n ke ni a ni bi̱yili̱mu a di̱Yesu Masiyange. Di̱ne yiko ni̱n ni̱n ni dutu ni̱ntu we di̱Yesu Masiya. Ni̱n ma yiko di̱ne ke ni̱n kadu ni̱bu ki̱leti we kakku Kwamangu, a kuteng yilang. 17A kabi yire ka ni yo ni̱ru ko ni ya yile di̱ne keku bi̱yili̱mang a di̱n Masiyane, yinu ki̱la ni yadu n chi̱ni ni̱bu ki̱letimi chike? Yoye ti̱tu ki̱yungdu n Yesu a mi̱la ki̱letiya? A newe yiko, ko bayim!
18Aya ka n kukki̱ti̱ yili̱n ti̱ka̱ritu a no a twiyanitu wenge, a yung n kau ni wu ki̱ki yilange. 19Nangki̱n, n ke mi mang bwadu we yilangu, di̱ne ke n dwiyen we di̱ Kwama. 20M mi̱n m mi̱fwan, n mi̱n n ke wukure, aya m Masiya ki̱dwiyedu we bwi miyu. Dami we ti̱ti̱nitu mi̱n ma wu a yo ni̱re we Bwe Kwama. Wu a mi̱la mi̱n a ni ti̱kuri kitu di̱ne mi̱ne. 21Mi̱n ne mang ko li̱me Kwama. Aya ka ni ka medu ka kau wu a ne ki̱lewe kakku Kwamangu di̱ne ki̱bunti̱ yili̱ne, ti̱tu a yung bwa Masiya a kau wukuse.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.