Ka̱la̱tiyam 1
1
Di̱siir Bulusi̱n
1Mi̱n n fandu Bulus, m mi̱n nang wu mang mwal lwangi̱n di̱de. A ne ni̱bu ka wuka niye a yo mi̱n we nangang ki̱kangu. Aya ni a yaliye n Yesu Masiya n ti Kwama Te wu a kukku Ki̱n we bwange. 2Kebu i kwang bi̱bu a fi ware n ti mi̱ni̱mu ki̱siite ni̱bu bunti̱ki̱mi n ti bi̱bu a Ka̱latiyamu. 3Li̱me n ti li̱mang ki̱ku ki̱bedu a di̱Kwama Techire n ti Tewuduwe Yesu Masiyangu a swe ware n ti chi̱n. 4N Yesu a ni dur ki̱nu di̱ne ki̱leti chireye ke a yuni we ki̱dang ki̱kwang kiku, di̱ne ki̱ke Kwama Techire. 5Dwiyentu a di̱Kwama ki̱diya kwadu. Amin.
A ne bi̱kam ya̱m bi̱li̱m bi̱bu be ka lakadu n ti bi̱bi̱mu we
6Chitu ki̱ya̱ri yii, di̱ne a baki̱swi bayim ti̱badu ta du Kwama, wu a yale chi̱ni di̱ne li̱me Masiya, ti̱bunti̱ wuka ware wu a bi̱kam ya̱mme. 7A ne bi̱kam ya̱m bi̱li̱m we dang, aya n fwa ying di̱ne bi̱kam ni̱bu we bi̱bu ki̱mute chimi̱n ni̱tu chinti̱mu, n chi ki̱funti̱bwi ti̱nti̱n ka sute yam bi̱li̱m Masiyamu.
8Ko no ni̱n ni̱n fwan ka wuka naba di̱tumbi̱re Kwama wu a diye a ne kadi yiko, beka fwa chimi̱n bi̱kam ya̱m bi̱li̱mi̱m dang n ti bi̱bu nang fwamu, n Kwama ka kai ni wuko. 9Yinangu nang wi nang fwa chimi̱n ferediyangu, mi̱n fwa chimi̱n ti̱du ki̱da kikangu, ka nang wuwule niye wu a ma chimi̱n di̱kan di̱mwar yam bi̱li̱mu dang n ti di̱du nang mwa chimi̱ni̱ne, n Kwama ka kai nii wuko.
10Ka ki̱swi min fwaan ya̱me ki̱kangu a yung mi̱n funti̱ bwiyu mi ni̱bu a ke ki̱ni mi̱na? A newe yiko. chi mi̱n badditu nang ti̱tu. N Kwama a ke ki̱ni chi mi̱n fwaditu. Ti̱kamadu mi̱n funti̱ bwiyu mang li̱ma ni̱bu mi̱n ni̱ta? A newe yiko, ka no mi̱n we min li̱ma ni̱bu mi̱n ni̱te, a no mang kabu naba nanga Masiya.
Yinangu m Bulus a kau fanduwangu
11Kebu mi̱m, mi̱n baddu mang fwa chimi̱nu mi ya̱m bi̱li̱mu mi̱n mwa chini̱mu, a chirebu a ni̱bu. 12Di̱ne mang yuwebu a wuka nii, ti̱nti̱ne a ne nii a miya miye we. Aya n Yesu Masiya n ki̱fwan a wudumi.
13Nangki̱n a ta nwe duum damu mang ma ki̱dangu a ya mi̱n bunti̱ wa̱ri ni̱bu Yafudamu. Ti̱nwe yinangu mang ni ni̱bu bunti̱ki̱m Kwamamu riyengu yinang yinangangu, yinangu mi̱n funti̱ bwi mi mang chi̱be chidangu. 14Ti̱nti̱ne n la ni̱bu nang kun ware we da bunti̱ku wa̱re ni̱bu Yafudamu, n ti ni̱r bunti̱ku dati tukebu chim bi̱bu a ni̱bu Yafudamu yinang. 15Aya n Kwama we li̱me ko, a sutu mi̱n yo ni̱bu a tibu bi̱u mi̱ne, a yali, a nwe ta̱ma̱ng, 16a wudu nui miyu we bweko n Yesu, ke n mwa ya̱m bi̱li̱m ki̱mu we yikayu kuuti.
Yo ti̱tu a fwe, mang buwebi̱ ya̱m wuka ni. 17Ti̱nti̱ne, mang yabuwe bi̱bu a Wurchalimamu n chi bi̱bu a tu mi̱n we nangang fandu tangu. Aya n su bi̱nabi̱na n yika ti̱m Larabawam yinu m be n ki̱la Dimasku.
18A kutengu swa̱ti ti̱ttangu, n yika Wurchalima di̱ne ke n tekami̱n n ti Kefas#1:18 Kefas: Di̱n di̱ddu ka di̱dini̱n n ti Biti̱r.. M ma ditiyi kub chiri yunu n ti ki̱n. 19We kuteng ki̱ku mang kubu wuka we Fandubu ko wiin ka ke Yakubu, ke Tewuduwe. 20Mi̱n fwa chimi̱nu a kakku Kwamang, ya̱m bi̱bu mang mwal chimi̱nmu ke ti̱kwani. 21A kuteng ki̱ku, n yika ti̱m Suriyam n ti Ki̱likiyam.
22Ni̱bu bunti̱ki̱m Masiya a Yafudiya, a swanibu kabu n ti kabu. 23Aya chi a nwekanweku ko, “Nii wu a no ki̱fuma nide, nang wu a ki̱la ki̱ma di̱mwar keku bi̱yili̱mu n ki̱n a no ki̱baddu ka kaiyu ferediye.” 24N chi a ri̱ka Kwama we chi a ma di̱ne mi̱nitu.
Currently Selected:
Ka̱la̱tiyam 1: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Ka̱la̱tiyam 1
1
Di̱siir Bulusi̱n
1Mi̱n n fandu Bulus, m mi̱n nang wu mang mwal lwangi̱n di̱de. A ne ni̱bu ka wuka niye a yo mi̱n we nangang ki̱kangu. Aya ni a yaliye n Yesu Masiya n ti Kwama Te wu a kukku Ki̱n we bwange. 2Kebu i kwang bi̱bu a fi ware n ti mi̱ni̱mu ki̱siite ni̱bu bunti̱ki̱mi n ti bi̱bu a Ka̱latiyamu. 3Li̱me n ti li̱mang ki̱ku ki̱bedu a di̱Kwama Techire n ti Tewuduwe Yesu Masiyangu a swe ware n ti chi̱n. 4N Yesu a ni dur ki̱nu di̱ne ki̱leti chireye ke a yuni we ki̱dang ki̱kwang kiku, di̱ne ki̱ke Kwama Techire. 5Dwiyentu a di̱Kwama ki̱diya kwadu. Amin.
A ne bi̱kam ya̱m bi̱li̱m bi̱bu be ka lakadu n ti bi̱bi̱mu we
6Chitu ki̱ya̱ri yii, di̱ne a baki̱swi bayim ti̱badu ta du Kwama, wu a yale chi̱ni di̱ne li̱me Masiya, ti̱bunti̱ wuka ware wu a bi̱kam ya̱mme. 7A ne bi̱kam ya̱m bi̱li̱m we dang, aya n fwa ying di̱ne bi̱kam ni̱bu we bi̱bu ki̱mute chimi̱n ni̱tu chinti̱mu, n chi ki̱funti̱bwi ti̱nti̱n ka sute yam bi̱li̱m Masiyamu.
8Ko no ni̱n ni̱n fwan ka wuka naba di̱tumbi̱re Kwama wu a diye a ne kadi yiko, beka fwa chimi̱n bi̱kam ya̱m bi̱li̱mi̱m dang n ti bi̱bu nang fwamu, n Kwama ka kai ni wuko. 9Yinangu nang wi nang fwa chimi̱n ferediyangu, mi̱n fwa chimi̱n ti̱du ki̱da kikangu, ka nang wuwule niye wu a ma chimi̱n di̱kan di̱mwar yam bi̱li̱mu dang n ti di̱du nang mwa chimi̱ni̱ne, n Kwama ka kai nii wuko.
10Ka ki̱swi min fwaan ya̱me ki̱kangu a yung mi̱n funti̱ bwiyu mi ni̱bu a ke ki̱ni mi̱na? A newe yiko. chi mi̱n badditu nang ti̱tu. N Kwama a ke ki̱ni chi mi̱n fwaditu. Ti̱kamadu mi̱n funti̱ bwiyu mang li̱ma ni̱bu mi̱n ni̱ta? A newe yiko, ka no mi̱n we min li̱ma ni̱bu mi̱n ni̱te, a no mang kabu naba nanga Masiya.
Yinangu m Bulus a kau fanduwangu
11Kebu mi̱m, mi̱n baddu mang fwa chimi̱nu mi ya̱m bi̱li̱mu mi̱n mwa chini̱mu, a chirebu a ni̱bu. 12Di̱ne mang yuwebu a wuka nii, ti̱nti̱ne a ne nii a miya miye we. Aya n Yesu Masiya n ki̱fwan a wudumi.
13Nangki̱n a ta nwe duum damu mang ma ki̱dangu a ya mi̱n bunti̱ wa̱ri ni̱bu Yafudamu. Ti̱nwe yinangu mang ni ni̱bu bunti̱ki̱m Kwamamu riyengu yinang yinangangu, yinangu mi̱n funti̱ bwi mi mang chi̱be chidangu. 14Ti̱nti̱ne n la ni̱bu nang kun ware we da bunti̱ku wa̱re ni̱bu Yafudamu, n ti ni̱r bunti̱ku dati tukebu chim bi̱bu a ni̱bu Yafudamu yinang. 15Aya n Kwama we li̱me ko, a sutu mi̱n yo ni̱bu a tibu bi̱u mi̱ne, a yali, a nwe ta̱ma̱ng, 16a wudu nui miyu we bweko n Yesu, ke n mwa ya̱m bi̱li̱m ki̱mu we yikayu kuuti.
Yo ti̱tu a fwe, mang buwebi̱ ya̱m wuka ni. 17Ti̱nti̱ne, mang yabuwe bi̱bu a Wurchalimamu n chi bi̱bu a tu mi̱n we nangang fandu tangu. Aya n su bi̱nabi̱na n yika ti̱m Larabawam yinu m be n ki̱la Dimasku.
18A kutengu swa̱ti ti̱ttangu, n yika Wurchalima di̱ne ke n tekami̱n n ti Kefas#1:18 Kefas: Di̱n di̱ddu ka di̱dini̱n n ti Biti̱r.. M ma ditiyi kub chiri yunu n ti ki̱n. 19We kuteng ki̱ku mang kubu wuka we Fandubu ko wiin ka ke Yakubu, ke Tewuduwe. 20Mi̱n fwa chimi̱nu a kakku Kwamang, ya̱m bi̱bu mang mwal chimi̱nmu ke ti̱kwani. 21A kuteng ki̱ku, n yika ti̱m Suriyam n ti Ki̱likiyam.
22Ni̱bu bunti̱ki̱m Masiya a Yafudiya, a swanibu kabu n ti kabu. 23Aya chi a nwekanweku ko, “Nii wu a no ki̱fuma nide, nang wu a ki̱la ki̱ma di̱mwar keku bi̱yili̱mu n ki̱n a no ki̱baddu ka kaiyu ferediye.” 24N chi a ri̱ka Kwama we chi a ma di̱ne mi̱nitu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.