Afisam 3
3
M Bulus a ma nangangu di̱ne yikayu kuuti
1Di̱ne yiko, m mi̱n m Bulus kasi ki̱ku mang le di̱bi̱nti̱l di̱ne mi̱n ma chimi̱n di̱mwar ya̱m bi̱li̱m Masiya Yesunu, mi̱n twa̱bba̱ chimi̱n bunitu a di̱Kwama ke a maka chi̱n yikayu kuuti. 2A ne kamaku we, n yim ti̱nwe kangu n Kwama di̱ne li̱me ko, a yo mi̱n tikake ke n maka chi̱n ki̱ni di̱mwar ya̱m bi̱li̱mi̱nu. 3N Kwama a wudumi ya̱m bi̱bu a wudu bi̱kamu mi̱nbi̱mu, yinangu mang mwali kwanti̱langu. 4Yinangu ti̱ki chitu mang mwalitangu, ta swaan chitu mang yim a do we dur Masiya ni̱tu. 5N Kwama a yungbu ti̱dangritu a sutu, aya ki̱ka̱ngu a yung fandubi̱bu n ti Fa̱kubu we Fi̱ki̱m Kwamam. 6Aya ti̱lairi kitu nang ti̱tu. Yikayu kuuti ki̱ni da ka fi̱radu we yaa Kwama we kulitu bwesi̱m Kwamam ka yaditu di̱ne bali̱ntu ki̱ni turako a ke bi̱yili̱mu we ya̱m bi̱li̱mu. Bali̱ntu ki̱ni turako ti̱n a ngaban a bwi wiin, ki̱nwe ta̱ma̱ng bwa̱ki̱ delaku Yesu Masiyangu di̱ne n chi bi̱ki̱n. 7We li̱me Kwama n ti dwiyen ki̱tu, n ya da mi̱n ma di̱mwar ya̱m bi̱li̱mi̱nu mi̱n madi̱nu.
8Kasi ki̱ku m mi̱n we bi̱ti̱ri̱m a lambu ti̱kan chi we ni̱bu Kwamamangu, a ni mi̱n li̱me wu ki̱ni ki̱siyange, ko n ya n fwa yikayu kuuti mi̱n ya̱m bi̱li̱mu n Yesu Masiya a ni chini̱mu.
9N Kwama wu a yo kanang ti̱ti̱le chiye, a ke ko n fwa ni̱bu mi̱n chi n ki̱n a do feredi aya a kwa̱su ni̱bu mi̱nbu we tile bi̱rketu.
10We ti̱kuran Kwamatu n ki̱n a ke ni̱bu bunti̱ki̱mu ki̱bunti̱ Masiya mu ka wudu mati̱mu ki̱ma mati̱n ne n ti bi̱bu ki̱ni dwiyen we ti̱ti̱ni dii twiyemu mi̱n chi n Kwama a do ferediye a da kasi no wuwule ki̱swiye. 11N Kwama a do ka ma ti̱tu feredi ki̱dangu a tibu yo ti̱ti̱nitangu, n ki̱n a be a ma ti̱tu we bwa bweko n m Masiya Yesu Tewuduwe chi̱re.
12Di̱ne Yesu Masiya n ti keku bi̱yili̱mang a di̱ki̱nengu, n chi̱ni ni ya kakku Kwamangu a ne tayi we, di̱ne ni yim ka yiu ni kani yurau. 13Di̱ne yiko, mi̱n wana chi̱nu, ti̱ki̱ladu kuteng we di̱ne riye ta ku mi̱n nwedu di̱ne chi̱n we di̱bi̱nle. Aya riye wu ka kaddu ki̱ni makaku we bi̱kamu, di̱ne yiko we di̱chine a kau ri̱kaku.
Ki̱ke Masiya
14Di̱ne n Kwama a ma chimi̱ni yiko, mi̱n sungdu mi̱n twa̱ba̱ chimi̱n bunitu, mi̱n wana ki̱nu. 15N ki̱n wu a yo kanang di̱di̱le di̱kur lone, we twiye n ti ti̱me. 16Mi̱n twa̱ba̱ chimi̱nu mi we dwiyen kitu a kwalabi̱ chitu, a ni chi̱n Fi̱ki̱m ki̱mu ke a a ru ni̱tu chi̱nu. 17Mi̱n twa̱ba̱du mi m Masiya a swe we ni̱r chi̱nu di̱ne ta ke bi̱yili̱mu we di̱ki̱ne. Yam tiku changu a ma ki̱ri̱ng yinang nabwe mi̱laki̱ kange. 18We yiko n Kwama a ni chi̱n dukan swaan ki̱nu yinangu a dakan naba bunti̱ke ka swaanangu, ka nang chikiye nabwe mi̱laki̱ kange we wule n ti nabwe swa̱n n ti nabwe kutane n ti suku kangu we di̱chi̱niye. 19Kasi ki̱ku a ma bwar ni ka yim ki̱ke m Masiya ma nimi̱nangu, mi̱n baddu ta ku dwiyen mi̱laki̱ kangitu. Ti̱nti̱ne mi̱n twa̱ba̱ bunitu mi Kwama a yo ti̱kau yinang ki̱n we datiyu.
20Ni dela Kwama wu we dukan ki̱nu ki̱ma nangangu we bwi chireyu a lati̱ chi ni bi̱dite. Da̱ng, n ki̱n ka ma ti̱tu di̱ne ki̱ma nangangu ki̱ni dukan we di̱chi̱niye. 21Dela ki̱n we ni̱bu bunti̱ki̱mu n ti di̱n Yesu Masiya, a lanta ka di̱di̱le di̱kalan ki̱diya kwadu. Amin.
Currently Selected:
Afisam 3: Tula
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Afisam 3
3
M Bulus a ma nangangu di̱ne yikayu kuuti
1Di̱ne yiko, m mi̱n m Bulus kasi ki̱ku mang le di̱bi̱nti̱l di̱ne mi̱n ma chimi̱n di̱mwar ya̱m bi̱li̱m Masiya Yesunu, mi̱n twa̱bba̱ chimi̱n bunitu a di̱Kwama ke a maka chi̱n yikayu kuuti. 2A ne kamaku we, n yim ti̱nwe kangu n Kwama di̱ne li̱me ko, a yo mi̱n tikake ke n maka chi̱n ki̱ni di̱mwar ya̱m bi̱li̱mi̱nu. 3N Kwama a wudumi ya̱m bi̱bu a wudu bi̱kamu mi̱nbi̱mu, yinangu mang mwali kwanti̱langu. 4Yinangu ti̱ki chitu mang mwalitangu, ta swaan chitu mang yim a do we dur Masiya ni̱tu. 5N Kwama a yungbu ti̱dangritu a sutu, aya ki̱ka̱ngu a yung fandubi̱bu n ti Fa̱kubu we Fi̱ki̱m Kwamam. 6Aya ti̱lairi kitu nang ti̱tu. Yikayu kuuti ki̱ni da ka fi̱radu we yaa Kwama we kulitu bwesi̱m Kwamam ka yaditu di̱ne bali̱ntu ki̱ni turako a ke bi̱yili̱mu we ya̱m bi̱li̱mu. Bali̱ntu ki̱ni turako ti̱n a ngaban a bwi wiin, ki̱nwe ta̱ma̱ng bwa̱ki̱ delaku Yesu Masiyangu di̱ne n chi bi̱ki̱n. 7We li̱me Kwama n ti dwiyen ki̱tu, n ya da mi̱n ma di̱mwar ya̱m bi̱li̱mi̱nu mi̱n madi̱nu.
8Kasi ki̱ku m mi̱n we bi̱ti̱ri̱m a lambu ti̱kan chi we ni̱bu Kwamamangu, a ni mi̱n li̱me wu ki̱ni ki̱siyange, ko n ya n fwa yikayu kuuti mi̱n ya̱m bi̱li̱mu n Yesu Masiya a ni chini̱mu.
9N Kwama wu a yo kanang ti̱ti̱le chiye, a ke ko n fwa ni̱bu mi̱n chi n ki̱n a do feredi aya a kwa̱su ni̱bu mi̱nbu we tile bi̱rketu.
10We ti̱kuran Kwamatu n ki̱n a ke ni̱bu bunti̱ki̱mu ki̱bunti̱ Masiya mu ka wudu mati̱mu ki̱ma mati̱n ne n ti bi̱bu ki̱ni dwiyen we ti̱ti̱ni dii twiyemu mi̱n chi n Kwama a do ferediye a da kasi no wuwule ki̱swiye. 11N Kwama a do ka ma ti̱tu feredi ki̱dangu a tibu yo ti̱ti̱nitangu, n ki̱n a be a ma ti̱tu we bwa bweko n m Masiya Yesu Tewuduwe chi̱re.
12Di̱ne Yesu Masiya n ti keku bi̱yili̱mang a di̱ki̱nengu, n chi̱ni ni ya kakku Kwamangu a ne tayi we, di̱ne ni yim ka yiu ni kani yurau. 13Di̱ne yiko, mi̱n wana chi̱nu, ti̱ki̱ladu kuteng we di̱ne riye ta ku mi̱n nwedu di̱ne chi̱n we di̱bi̱nle. Aya riye wu ka kaddu ki̱ni makaku we bi̱kamu, di̱ne yiko we di̱chine a kau ri̱kaku.
Ki̱ke Masiya
14Di̱ne n Kwama a ma chimi̱ni yiko, mi̱n sungdu mi̱n twa̱ba̱ chimi̱n bunitu, mi̱n wana ki̱nu. 15N ki̱n wu a yo kanang di̱di̱le di̱kur lone, we twiye n ti ti̱me. 16Mi̱n twa̱ba̱ chimi̱nu mi we dwiyen kitu a kwalabi̱ chitu, a ni chi̱n Fi̱ki̱m ki̱mu ke a a ru ni̱tu chi̱nu. 17Mi̱n twa̱ba̱du mi m Masiya a swe we ni̱r chi̱nu di̱ne ta ke bi̱yili̱mu we di̱ki̱ne. Yam tiku changu a ma ki̱ri̱ng yinang nabwe mi̱laki̱ kange. 18We yiko n Kwama a ni chi̱n dukan swaan ki̱nu yinangu a dakan naba bunti̱ke ka swaanangu, ka nang chikiye nabwe mi̱laki̱ kange we wule n ti nabwe swa̱n n ti nabwe kutane n ti suku kangu we di̱chi̱niye. 19Kasi ki̱ku a ma bwar ni ka yim ki̱ke m Masiya ma nimi̱nangu, mi̱n baddu ta ku dwiyen mi̱laki̱ kangitu. Ti̱nti̱ne mi̱n twa̱ba̱ bunitu mi Kwama a yo ti̱kau yinang ki̱n we datiyu.
20Ni dela Kwama wu we dukan ki̱nu ki̱ma nangangu we bwi chireyu a lati̱ chi ni bi̱dite. Da̱ng, n ki̱n ka ma ti̱tu di̱ne ki̱ma nangangu ki̱ni dukan we di̱chi̱niye. 21Dela ki̱n we ni̱bu bunti̱ki̱mu n ti di̱n Yesu Masiya, a lanta ka di̱di̱le di̱kalan ki̱diya kwadu. Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.