1 Timoti 6

1Ni̱bu bi̱bu ki̱ma ka̱bimu a dakan ka ni ni̱bu chi dwiyentu ki̱ni kwang, di̱ne ke di̱n Kwamanu n ti miyaki̱ku a kaiyu di̱n Kwamanu we. 2Ka naba lomo ki̱ma bunti̱ke, swa̱ba̱di̱ ki̱n we di̱ne n ki̱n ke chire naba bunti̱ke, n ti ki̱ki yikongu, n chi a ma nangangi bobu di̱ne ti̱maka naba bunti̱ke. Chi a yo n ti̱n kanodi bobe di̱ne tebi̱lom chimu ki̱bunti̱ Kwama. Di̱ne yiko, makaku chiyangu a yung ki̱maka bi̱bu n chi a kem. Ti̱miya ya̱m bi̱bu ti̱yo ni̱bu a ma nangangi ki̱n.

Miyaku ti̱kwaniyang n ti kuli ti̱yili

3Ka wuka nii ki̱yung wa̱re ti̱kwaniye, wu a kekabu ti yungku ki̱yilang ka a di̱n Yesu Masiya n ti tai Kwamaye. 4N ki̱n ki̱kukku dur ki̱n a swaanbu chi. N ki̱n ki̱bau bi̱ngai n ti di̱kulan yiin wu ki̱bedu ki̱ni kati̱n, di̱kulan, ya̱m muli̱n, ti̱kuran ti̱bwilai wu ki̱bedu ki̱ni kayaku we ni̱bu ni̱ti̱tu a kayankayanemu, bi̱bu a kwalan bi̱yili̱mi̱mu n ti bi̱bu ki̱kamadu ko taiyu wa̱re yake. 5N chi ki̱swanadi di̱kulan. Ni̱bu yungku ti̱kwanim bi̱bu a mebu a swaanbu bi̱yili̱mu n ti bi̱bu a lebi̱mu. Kasi no nang bi̱yili̱mu n ti ti̱kwanitu n chi a swaanbu. N chi ki̱ma miyaku chiyangu ko ke chi kau kuli̱m.

6Aya da wa taiyi Kwamaye ki̱ni nabwe yake. 7Aya niyan bebu ti̱ti̱nitu ki̱ni chi yinu ne ni yikadu ki̱ni ti̱kan chin. 8Aya ka nii a ya chabti̱tu n ti kuli̱n di̱dori̱ne, ni ma bwa̱nu ki̱n.

9Ni̱bu ki̱badu ka ma kulimu ki̱le ki̱sweku n ti la̱n yinu n ti nabwe di̱te n ti ti̱kuran ti̱kusi ti̱tu ki̱mar ni̱bu a riye n ti kayaku. 10Di̱ne mi̱laku ka̱mbi̱rangu nan ti̱le ka bi̱bi̱le duum bwilame. Bi̱kamu ni̱bu a yo baku ka̱mbi̱rangu a kakku a twa̱ng we keku bi̱yili̱mangu yinu a kure yichiyu ki̱ni kayan ni̱re nabwen.

Ki̱kure m Bulus a swan mi̱ne

11Aya m mun naba Kwama kusuku we ti̱ti kwang, yinu betuwe tungku yile, taiyi Kwamayu, keku bi̱yili̱mangu, mi̱laku, muku ni̱rang n ti da wu buke. 12Ma di̱kulan di̱yili̱n di̱du a keku bi̱yili̱mange. Kwar ti̱kuritu ki̱diya kwaditu wu mwan ya yalku yo mwan wo ki̱ti̱m bi̱yili̱me we kakku ni̱bu nabwenangu.

13We kakku Kwamangu, wu ki̱ni ka nan ti̱ti̱le chi ti̱kuriye n ti Masiya Yesu wu ki̱dangu a ti̱ya kakku Buntu Bilatu wa fwa bi̱yili̱mi siine, mi̱n ya̱nu ki̱ni dukan, siine. 14Bunti̱ yilang ki̱ku yi der ka lami̱nti̱ ki̱swi ki̱laku Tewuduwe chire n Yesu Masiya, 15wu n Kwama ka ki̱ladu ki̱n a ki̱swi ko, n Kwama delaku wu n ki̱kun nan tikake n ki̱n mai mati̱me n ti Kwama Tewuduwe tebu bi̱duume. 16wu ki̱kun a bwabubwa yinu wu a ne sweda yiiki̱ki̱ku niyan kwati̱buwe, wu wuka nii a kuun bu we, ka ka kude. N ti̱u ki̱n dwiyetu n ti dukanu ki̱diya kwadu. Amin.

17Yi bi̱bu ki̱ni kuli we ti̱ti̱nitu ki̱kangu mwi a kukki̱du duru we ka ka yo ni̱ru we kulitu, wu ka yarade, aya a yo ni̱ru a di̱Kwama, wu ka ni nii ka nan ti̱ti̱le chiye di̱ne nwe ta̱me chire. 18Ni chi yilang a ma chi a lenge ke a kul we nangi̱n ti̱yili̱tu yinu a kabi butur n ti ni̱r niki̱n. 19We ye, n chi ka mur dutu chin mi̱n kulitu yinang tame wu yi ki̱ri̱nge we di̱ti̱nu ki̱bedi̱nu ke n chi kwar ti̱kuri ti̱yili.

20Timoti, so chi a ni̱n ko nang da̱ngde. Dan yimwiyu we ti̱fwaran ti̱tu a ne taiyi Kwama wengitu, we chi a newe yiko ki̱yalu ko yingku. 21Wu bi̱kamu ki̱fwaradu ki̱n yinu we yiko n chi a twa̱ng we keku bi̱yili̱mangu. Li̱me a swe ti chin.

Currently Selected:

1 Timoti 6: Tula

Highlight

Copy

Compare