Zobur Shorif 11
11
al-Zobur 11
Gan-baznar forisaloḳor lagi: Hozrot Daudor mizmor.
1Ami to Mabudor gese-u asroy loisi,
te tumra ḳene amare ḳoirae,
“O faki, tumar asroy faṛedi bagia zao.
2Bojjator dole donukre furafur zuit ḳori dorse,
shorol manshore andarit marto ḳori tir lagaise.
3Bangia foṛi zae zudi shomazor mul filar,
ila oile kita ḳorbo zara forezgar?”
4Mabud to roin tan fobitro mukamo,
tan arosh-kursi boail ase asmano,
adom zatire raḳoin tan sokur nozoro.
5Bala-bura hoḳolre zasai koroin Mabude,
zalim oḳol tan dushmon, gin ḳoroin tarare.
6Bojjator ufre ḍaliba tain zalail gondoḳ ar angra,
gorom agunir gulla-u oibo tarar ḳani-fani hamesha.
7Mabud nize forezgar, fosond ḳoroin forezgarre,
hok-nikut bondae faiba tan mukor didarre.
Currently Selected:
Zobur Shorif 11: sylL
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
