Asmani kitab: Sulaimani misal 8
8
Bibi Gianor dusra ḍak
1Bibi Giane ḍaker nae ni, sillaia sillaia?
Aḳol-bibeḳe hunar nae ni, zure aoaz dia?
2Usa zagar fotor muṛo, manshor biṛ zeḳano,
Bibi Giane gia ubae, ou muṛor mazḳano;
3ṭaunor geiṭor samne gia, Giane zure ḍaker,
ṭauno hamanir ou zagat, taiye ota mater:
4“Ore manush zati, tumatanre ḍaki,
mor aoaz ḍake hoḳolre.
5Haere shidar dol, hiko tumra aḳol,
buddiman o ammok zone.
6Huno to mor buli, za bout beshi dami,
mor ṭuṭe shoṭik mat mate.
7Amar muke ḳoibo, hok kota matibo,
ginnae naformani mor ṭuṭe.
8Mor mukor shob ḳota, forezgarie bora,
kunu kichchu nai beḳa-teṛa.
9Zar ase buzdari, ze faise aḳol-buddi,
tar gese shorol-shoṭik ita.
10Lo amar shikkare, loio na rufare,
ḳaṭi shunar bodla gian.
11Moni-mukta taki, gian to aro dami,
kunu kichchu nai tar homan..
Bibi Gianor forisoy
12Gian oilam ami, aḳole boshot ḳori,
ilim-bibeḳ-o ami fai.
13Mabudor ḍor oilo, ḳarafi ginnaibo,
boṛai-tez, ku-fot, ku-mat ginnai.
14Shu-salla, hok-bisar, ita oilo amar,
bol-shokti, buzdari-o ase.
15Amar-u dae razae, nizor raijjo salae,
hok adesh dey neta oḳole.
16Amar dae shashoke, desh-o shashon ḳore,
nobab ar hok joj-o ola.
17More bala fae ze, mui bala fai tare,
kuzile to more fae tara.
18Don ar ijjot ase, amar nizor gese,
stayi unnoti ar dindari-o.
19Ḳaṭi shuna taki-o, nikad rufa taki-o,
amar dan aro bala to.
20Forezgarir fote, amar faoe aṭe,
hok bisaror fote soli,
21bala faile more, don-doulot dei tare,
dei donor banḍar-o bori..
22More hokkol foyla, Mabude banaila,
kunuta bananir age.
23Hoḳoltar shurute, dunia foydar age,
boail aslam foyla tone.
24Amar zonom ḳalo, goin shagor na asilo,
asil na zorna ba fuḳoir.
25Faṛor age tone, ṭillar-o ag one,
hou zuge zonom oisil mor.
26Zebla tain zominor, maṭ-gaṭ ar moydanor,
kunuta-u na banaisoin,
foylakur duil-balu, duniar kunu kisu,
itar age more goṛisoin.
27Asman oḳol zebla, tain boail ḳorla,
ami to aslam hoḳano;
asman ar doria, zeḳano milaila,
otar age-o aslam hono.
28Tain zebla ḳalnire, boail ḳorla ufre,
zorna banaila maṭir tole,
29doriar kinara, zebla tain bandila,
fani zanu hukum na bange.
30Ami to ḳarigor, aslam tan logor,
forti din kush raḳtam tane;
kushi-bashi kortam, hamesha loge roitam,
furti kortam tan samne.
31Anonde faḳaitam, duniat guritam,
tan zogoto aslam kushi;
Boni Adomor loge, ami huagi mone,
manshor loge aslam shuki..
32Mor fuain huno te, mor fote sole ze,
nichchit he to oy rohomoti.
33Shikka-shashon huno, giani tumra bono,
itare ḳorio na elami.
34Hou zon-u ḳofali, ze mane mor buli,
amar duaro roy ubai.
Sokidari kore, dine-raite more,
hozag roia amar bar sae.
35Amare to fae ze, zindegire fae he,
doya fae Mabudor ges taki;
36more na faile to, nizor binash oibo,
moron bala fae more gin ḳori..”
Currently Selected:
Asmani kitab: Sulaimani misal 8: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
Asmani kitab: Sulaimani misal 8
8
Bibi Gianor dusra ḍak
1Bibi Giane ḍaker nae ni, sillaia sillaia?
Aḳol-bibeḳe hunar nae ni, zure aoaz dia?
2Usa zagar fotor muṛo, manshor biṛ zeḳano,
Bibi Giane gia ubae, ou muṛor mazḳano;
3ṭaunor geiṭor samne gia, Giane zure ḍaker,
ṭauno hamanir ou zagat, taiye ota mater:
4“Ore manush zati, tumatanre ḍaki,
mor aoaz ḍake hoḳolre.
5Haere shidar dol, hiko tumra aḳol,
buddiman o ammok zone.
6Huno to mor buli, za bout beshi dami,
mor ṭuṭe shoṭik mat mate.
7Amar muke ḳoibo, hok kota matibo,
ginnae naformani mor ṭuṭe.
8Mor mukor shob ḳota, forezgarie bora,
kunu kichchu nai beḳa-teṛa.
9Zar ase buzdari, ze faise aḳol-buddi,
tar gese shorol-shoṭik ita.
10Lo amar shikkare, loio na rufare,
ḳaṭi shunar bodla gian.
11Moni-mukta taki, gian to aro dami,
kunu kichchu nai tar homan..
Bibi Gianor forisoy
12Gian oilam ami, aḳole boshot ḳori,
ilim-bibeḳ-o ami fai.
13Mabudor ḍor oilo, ḳarafi ginnaibo,
boṛai-tez, ku-fot, ku-mat ginnai.
14Shu-salla, hok-bisar, ita oilo amar,
bol-shokti, buzdari-o ase.
15Amar-u dae razae, nizor raijjo salae,
hok adesh dey neta oḳole.
16Amar dae shashoke, desh-o shashon ḳore,
nobab ar hok joj-o ola.
17More bala fae ze, mui bala fai tare,
kuzile to more fae tara.
18Don ar ijjot ase, amar nizor gese,
stayi unnoti ar dindari-o.
19Ḳaṭi shuna taki-o, nikad rufa taki-o,
amar dan aro bala to.
20Forezgarir fote, amar faoe aṭe,
hok bisaror fote soli,
21bala faile more, don-doulot dei tare,
dei donor banḍar-o bori..
22More hokkol foyla, Mabude banaila,
kunuta bananir age.
23Hoḳoltar shurute, dunia foydar age,
boail aslam foyla tone.
24Amar zonom ḳalo, goin shagor na asilo,
asil na zorna ba fuḳoir.
25Faṛor age tone, ṭillar-o ag one,
hou zuge zonom oisil mor.
26Zebla tain zominor, maṭ-gaṭ ar moydanor,
kunuta-u na banaisoin,
foylakur duil-balu, duniar kunu kisu,
itar age more goṛisoin.
27Asman oḳol zebla, tain boail ḳorla,
ami to aslam hoḳano;
asman ar doria, zeḳano milaila,
otar age-o aslam hono.
28Tain zebla ḳalnire, boail ḳorla ufre,
zorna banaila maṭir tole,
29doriar kinara, zebla tain bandila,
fani zanu hukum na bange.
30Ami to ḳarigor, aslam tan logor,
forti din kush raḳtam tane;
kushi-bashi kortam, hamesha loge roitam,
furti kortam tan samne.
31Anonde faḳaitam, duniat guritam,
tan zogoto aslam kushi;
Boni Adomor loge, ami huagi mone,
manshor loge aslam shuki..
32Mor fuain huno te, mor fote sole ze,
nichchit he to oy rohomoti.
33Shikka-shashon huno, giani tumra bono,
itare ḳorio na elami.
34Hou zon-u ḳofali, ze mane mor buli,
amar duaro roy ubai.
Sokidari kore, dine-raite more,
hozag roia amar bar sae.
35Amare to fae ze, zindegire fae he,
doya fae Mabudor ges taki;
36more na faile to, nizor binash oibo,
moron bala fae more gin ḳori..”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.