Asmani kitab: Sulaimani misal 29
29
1Hedayotor buli hunia-o ze roy fashan,
aḳta-u oibo surmar rehai nae tan.
2Forezgare ḳemota faile kushi hoḳole,
naformanor ḳemotae shobe hae hae ḳore.
3Gianre ze bala fae bafre he kushi kore,
silanor loge zegu roy nizor don kuae he.
4Hok bisari razae deshre tir raḳe,
gushkur razae to deshre binash ḳore.
5Ari-forire ze tel mare,
fand fate nizor faor tole.
6Naformane naformanir fando foṛe,
forezgare gozol gaia furti kore.
7Forezgare sae goribe fauk hok bisar,
naformane buze na ila kunu befar.
8Moshkora ḳorrae ṭauno aguin lagae,
giani oḳole manshor gusare tamae.
9Gianie mamla ḳorle ammokor bifokke,
ammoke to gusa-ṭaṭṭae miṭ-maṭ na ḳore.
10Kuni zone nirdushire ginnae,
hok zonre-o kun ḳorto sae.
11Ammoke rag-gusa zair ḳore,
gianie nizore domai raḳe.
12Razae misa mat ḳano loile,
uzir-nazire-o naformani kore.
13Gorib ar zalim homan eḳ befare,
sokur for dein Mabude ou duio zonre.
14Goribor hok bisar ḳoroin ze raza,
tan godi boail roy hor-hamesha.
15Hedayot ar singlae gian dan ḳore,
shashon saṛa fute maʼre beijjot ḳore.
16Naforman baṛile guna-o baṛe,
tarar foton deḳba forezgare.
17Tumar futre shashon ḳoro he dibo shanti,
tar lagi tumar dile ḳorbo kushi-furti.
18He-u shuki ze shoriot mane,
ohi saṛa manush shima saṛe.
19Gulam shuza oy na mukor zobane,
buzia-o he na buzar ban ḳore.
20Ola manush deḳso ni buzar age-u mate?
Ogu taki to borosha bala ammokor ufre.
21Huru taki-u matat tulle kunu saḳorre,
bade tare domail zae na be-adobi kore.
22Ragi manshe mair lagae,
gorom matae guna baṛae.
23Ohonkare foton goṭae,
norom mone ijjot baṛae.
24Suror shongi zone nizor ḳeti ane,
ḳosom ḳoraile-o shakki dey na he.
25Manshore ḍorani to fandor moto,
Mabudor boroshae raḳe nirafodo.
26Razare nizor fokke boute faito sae,
manshe ḳali Mabud taki hok bisar fae.
27Forezgaror gese na-hok zon noforoti,
naformanor gese hok-fotie noforoti.
Currently Selected:
Asmani kitab: Sulaimani misal 29: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
