Asmani kitab: Sulaimani misal 16
16
1Rong-berongor sinta hazae manshor mone,
itar uttor mile Mabudor torof tone.
2Nizor fot nikut nizor gese,
dilor niot mafoin Mabude.
3Zeta-u ḳoro Mabudor ato saṛo,
teugi tumar niot furon oibo.
4Mabude shobta banaila alog alog munshae,
naformanre-o banaila mosibotor dinor dae.
5Boṛai-gorimar dilre Mabude ginnain,
ola dilre nichchit shaza diba tain.
6Oforador kofora oy hok-halali, doya-mayae,
Mabudor ḍor-ḳofe to ḳaraf ḳam taki basae.
7Manshor fotre zebla Mabude ḳobul ḳoroin,
dushmonor loge-o tare tain shantie raḳoin.
8Haram ḳamai beshi takia,
halal ḳamai tuṛa-u bala.
9Manshe mone mone shofno hazain,
Mabude-u tar faore salain.
10Bashshar ṭuṭo Allai ohi ae,
tan mukor rae na-hok oito nae.
11Ḳaṭi falla-nikti to Mabudor,
tanor toiari mafibar fattor.
12Bashshae naformani kam ginnae,
forezgarie to godire ṭikae.
13Bashsha kushi forezgaror ṭuṭe,
bala fain tain hok matrare.
14Razar gusa Azrailor laḳan,
gianie tamae gusare tan.
15Razar mukor kushie zan base,
tan doya Katti maia mege.
16Gian ḳamai shuna taki koto bala!
Aḳol-buddi kamani rufa taki-o bala!
17Mondo taki horia roa dindaror ḳam,
hok fote ṭikia roile base nizor zan.
18Ohonkare binash ane,
gorimae foton ane.
19Ohonkarir loge luṭor mal neoa takia,
norom dile goribor loge roa-u bala.
20Zoton ḳorle roton mile,
Mabudor boroshat shuk ase.
21Giane bora mon zar aḳoldar ḳoin tare,
mukor mat miṭa oile hoḳlor mon joy ḳore.
22Aḳoldaror aḳol-u zindegir zorna,
be-aḳolor be-aḳoli-u tar lagi shaza.
23Gianir dile muko aḳol zugae,
tar ṭuṭe forar mon joy ḳorilae.
24Doyalu mat-ḳota mousaḳor mour moto,
shoril ḳore shifa miṭa lage dilo.
25Manshor sokut eḳṭa fot ṭik ase,
ou fote ney tare moronor gese.
26Feṭor lagi-u manshe ḳam ḳore,
feṭor buke-u tare hobae ṭane.
27Ḳobise ḳore ḳetir danda,
tar muko zalail angra.
28Bojjate mair-ḳaijja lagae,
gibot gaorae dusti bangae.
29Zalime ari-forire fando falae,
ḳaraf foramish dia ku-fote salae.
30Ku-motlobi zone souḳ ṭifa mare,
bojjatir niote ṭuṭ beḳa ḳore.
31Faḳna sul to shundoror taz,
forezgarit ase ou shaz.
32Foyluan oa taki bala rag-gusae ṭanḍa taḳa,
ṭaun joy ḳora taki bala nizore domai raḳa.
33Manshe baiggore zasai kore,
itar foysala dein Mabude.
Currently Selected:
Asmani kitab: Sulaimani misal 16: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
