Asmani kitab: Sulaimani misal 11
11
1Fallat ṭogile Mabude ginnain,
usit maf mafile kushi tain.
2Gorimae bodnam baṛae,
nomrotae gian milae.
3Hok zonre salae hok-halalie,
beimanor oy binash beimanie.
4Gozobor at taki basae na done,
forezgarie basae moron tone.
5Nikut zonor fot shuza ḳore forezgarie,
naforman foṛi zae nizor naformanie.
6Forezgarie hok manshore basae,
beiman lubor fando dora ḳae.
7Naforman morle tar asha-o more,
ḳemotadi kora ashar binash goṭe.
8Forezgar mosibot taki rehai fae,
naformanor ufre ou gordish bortae.
9Bedinor muke gaure naṭae,
forezgar base ilimor dae.
10Forezgaror balaiye oy ṭauno kushi,
naformanor fotone oy anondo-furti.
11Ṭaunor unnoti oy hok manshor duae,
ṭaun binash oy naformanor mukor dae.
12Beakkole hey ḳore gaure,
aḳoldaror muk nirai taḳe.
13Gibot gaorae gufon ḳota fash ḳore,
hok-halal zone raḳe ita ontore.
14A-raḳali zatir foton oy,
buddi deora baṛile oy joy.
15Forar zamindar oile nichchit ḳoshṭo ae,
zamindar na bonle nirafode roa zae.
16Doyalu beṭie ijjot ḳamae,
fashan manshe doulot zomae.
17Doyalu manshe nizor balai kore,
nisṭur manshe nizor ḳeti kore.
18Naformanor ḳamail doulot beḳama zae,
forezgarir bis lagaorae shoṭik fol fae.
19Ḳaṭi dindarit ase zindegi,
ḳobise douṛae moronor fotedi.
20Gumra dil Mabudor noforoti,
nikut zindegie tain kushi.
21Bod-ḳobis manshe nichchit shaza faibo,
forezgaror aolador rehai milbo.
22Shuoror naḳo shunar ful zela,
bibeḳ saṛa shundori beṭi-o ola.
23Forezgaror ichchar fol bala,
naformanor ashar fol shaza.
24Kula ator dane don aro baṛe,
aṛ-kifṭa ḳonjush obabo foṛe.
25Kula ator dane ae-unnoti ane,
forar asha miṭaile nizor asha fole.
26Foshol lukaile manshe dey lannot,
bazaro besile mile rohom-borkot.
27Balai kuzile balai fae,
ḳarafi kuzile ḳarafi ae.
28Donor ufre boroshae zan zaegi hukaia,
forezgar roy ḳesma fatar moto tortaza.
29Goror ḳoshṭo ane ze tar baṭo ḳali batash fae,
ammok zon to nichchit giani zonor saḳor oy.
30Forezgarir fol zindegi gasor laḳan,
gianie joy ḳorilae manshor mon-foran.
31Forezgare ou zogoto faona fae zoto,
naforman-gunagare faibo aro ḳoto?
Currently Selected:
Asmani kitab: Sulaimani misal 11: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
