Tourat 2: Hizrot 26
26
Allar goror milon tambu
1Mabude Musare ḳoila, “Tumi dosh ṭukra fesail sutar dami suti kafoṛdi amar goror fordain banaio. Ar lilua, baingoni, lal sutadi bala ustadredi er maze Karubi oḳlor sobi bain ḳoraio. 2Hoḳol ṭukrain eḳ mafor oibo, lambae aṭaish at ar faṛe sair at. 3I ṭukraintor fasḳan fasḳan ḳori ekḳano zuṛa dia, dukan boṛo gilaf banaite oibo. 4Boṛo gilafor foyla ṭukrar fashor ek kinaro lilua sutadi hukor fuṛ banaite oibo. Dusra ṭukrat-o oula ḳorte oibo. 5Foyla gilafor kinaro foinchashgu hukor fuṛ ar dusra gilafo oula foinchashgu fuṛ dite oibo. Duio boṛo gilafor hukor fuṛ egu aregur ulṭamuka taḳbo. 6Bade shunadi foinchashgu huk banaia hou fuṛor mazedi haraia, boṛo duio gilafre aṭḳai dio. Teu i duio ṭukradi ekḳan gor tiar oibo.
7“Amar goror ufor gurar lagi sagolor ruma dia gilafor laḳan egaroḳan ṭukra banani lagbo. 8Hoḳol ṭukrain eḳ mafor oibo, tish at lamba ar sair at faṛ. 9On taki fas ṭukra eḳloge zuṛa dia boṛo ek gilaf banaite oibo. Ar baki soy ṭukra zuṛa dia, boṛo arok gilaf banaia harle, ou dusra gilafor ze ṭukra baṛti roibo, oḳanre tambur samnor bae dui bainj ḳori dite oibo. 10Foyla boṛo gilafor fashor ek kinaro foinchashgu hukor fuṛ banaite oibo, ar dusra gilafo-o oula oibo. 11Bade fitol dia foinchashgu huk banaia hou hukor fuṛor maze haraia, ou boṛo duio gilaf ekḳano zuṛa dite oibo. Teu i duio gilaf milia ekḳan sani oibo. 12Sagolor rumar boṛo gilafor ze ada ṭukra baṛti oibo, ikan ḳoredi loṭḳail roibo. 13I gilaf ḳan tolor ḳafoṛ taki eḳ at boṛo oae ikan duio galabae loṭḳail roia hara gorre gurilibo. 14Er ufor gurar lagi lal rong kora meṛar samṛadi aroḳan gilaf banaia guri dite oibo. Bade er ufre doriar fuʼ masor samṛadi sani toiar ḳori guri dite oibo.”
Allar goror freim bananir laḳṛi-toḳta
15Mabude Musare ḳoila, “Amar goror lagi babla laḳṛidi koʼḳan freim banani lagbo. 16Forteḳ freim banaibae dosh at lamba ar deṛ at faṛ. 17Ou freimo dugu ḳori faya taḳbo. Hoḳol freim eḳlaḳan banaite oibo. 18Dokkin galar lagi bishḳan freim banani lagbo. 19I freimor fayar tole deoar lagi sallishgu rufar sungi banani lagbo, forteḳ freimor dui fayar lagi dugu sungi lagbo. 20Amar goror uttor galar lagia-o bishḳan freim lagbo, 21ar forteḳ freimor fayar tolor lagi dugu ḳori sallishgu rufar sungi banani lagbo. 22Foismor galar lagi, mani kor galar lagi soyḳan freim, 23ar ḳoror duio kunar lagi aro dukan freim lagbo. 24I dui freimre dui kunar duio freimor loge tole-ufre ekḳano zuṛa dite oibo. Fortek kunar dui freim daror freimor loge batti maria eḳloge zuṛa dite oibo. Duio kuna eḳlaḳan oibo. 25Teu ḳoredi aṭḳan freim oibo, ar forteḳ freimor tole deoar lagi dugu ḳori shullogu rufar sungi lagbo.
26“Tumi freimre zuṛa dibar lagi babla laḳṛidi koygu lamba batti banaio. 27Er maze fasgu batti goror ek galar lagi, ar baki fasgu arok galar lagi, ar fasgu lagbo ḳor gala, mani fosim galar freimor lagi. 28Freimor mazḳano lagail ou battidi hoḳol freimor eḳ mata taki aroḳ mata forzonto aṭḳaibae. 29Freim ḳanain shunadi lefte oibo, ar batti haranir lagi shunar ḳoṛa banaia freimo lagaite oibo. I batti oḳol-o shunadi lefte oibo. 30Amar goror ze noksha tumare ou Tur faṛor ufre deḳailam, tumi ekkere ou laḳan ḳori iṭa toiar ḳoraio.”
Allar goror lagi forda
31Mabude Musare ḳoila, “Tumi lilua, lal, baingoni suta ar fesail dami suti kafoṛdi ekḳan forda banaio. Bala kunu ustadredi er ufre Karubi oḳlor sobi bain ḳoraio. 32I fordaḳan babla laḳṛidi sairṭa kuṭir loge lagaia shunar ḳoṛadi loṭḳai dibae, kuṭir matat shunar ḳoṛa lagaibae. Ar kuṭiguin shunadi lefaibae, kuṭir tolat rufar sungi lagaibae. 33Fordar ufror suti kafoṛo lagail hukor loge fordaḳan loṭḳail roibo. I fordar ḳore shahadot shonduk toibae. Fordadi amar goror Herem Shorif, mani kas pak zaga ar pak zagar mazḳano beṛa dio. 34Ou Herem Shorifor bitre shahadot shondukor ufre er ḍaḳna lagaio. 35I fordar bare Herem Shorifor uttor galat fobitro ruṭi raḳar ṭebulḳan toio, ar er ulṭamuka dokkin galat toio serag dani.
36“Amar goror duaror lagi ekḳan forda banaio, ikan dami suti kafoṛdi banaia hari, lilua, baingoni, lal rongor sutadi noksha ḳorio. 37I fordar lagi shunar ḳoṛa ar babla laḳṛir fasṭa kuṭi banaio. Kuṭiguin shunadi lefaio, kuṭir tolat fitolor fasgu sungi lagaio.”
Currently Selected:
Tourat 2: Hizrot 26: sylL
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
