আছমানি কিতাব: সুলাইমানি ছিল্লেখ 31
31
লেমুয়েল রাজার বুলি
1লেমুয়েল রাজার বুলি, মুলত তান মাʼয় তানরে অউ বুলি হিকাইছলা:
2ওরে আমার সোনা পুত, আমার পেটর পুয়া,
ও আমার মান্নতর পুত, তুমারে কইতাম কিতা?
3তুমার জুয়ানকির বল-শক্তি, দিও না বেটিন্তরে,
রাজারেও বিনাশ করে, বল দিও না ইতারে।
4রাজা অকলে শরাব খাওয়া, ঠিক নায়রে লেমুয়েল,
শাসনকারির মদর নিশা, ভালা নায়রে লেমুয়েল;
5মদ খাইলে তো ভুলিযিবো, আইন-কানুনর কথা,
দুখির কথা ফাউরিলিবো, বিচার করাত গিয়া।
6মরন পথে আছে যারা, তারারে মদ গিলাও,
মনর কষ্টত আছে যারা, এরারে শরাব দিলাও।
7শরাব খাইয়া নিজর অভাব, তারা ফাউরিলাউক,
নিজর মনর দুখ-কষ্ট তো, দিলো না থাকউক।
8মজলুমর পক্ষে মুখ খুলো, তারার লাগি মাতো,
নিজর কথা কইতে যারার, কুনু উপায় নায় তো।
9গরিব, দুখি, মজলুমর দায়, তুমার মুখ খুলো,
অভাবি আর দুখির লাগি, হক বিচার করো॥
গুনআলা বউ
10গুনআলা ভালা বউ, জুটে কার কপালো?
মনি-মুক্তা থাকি তাইন দামি।
11তাইনর উপরে ভরসা, জামাইয়ে করইন আশা,
জামাইর লাভর অয় না কমতি।
12নিজর জামাইর লাগি, হারা জিন্দেগি ভরি,
বুরাই ছাড়া করইন ভালা।
13সুতা-পশম যুগাইন, আতদি কাপড় বানাইন,
খুশিয়ে কাম করইন হামেশা।
14ইলা বউ অইলা তো, বেপারির জাজর মত,
বিদেশ থাকি খানি আনাইন।
15জুইত করইন পতাবালা, পরিবারর খানা-পিনা,
কামলা বেটিনরে খানি বিলাইন।
16লওয়ার আগে জমি, দেখইন যাচাই করি,
নিজর টেকাদি আংগুর ফলাইন।
17তাইন কমর বান্দিয়া, কাম করইন মন দিয়া,
আতর শক্তিদি কাম দেখাইন।
18দেখইন নিজর চউখদি, ব্যবসাত লাভ অইছে নি?
নিভে না বাত্তি রাইতর বালা।
19আতদি তুলা ধরিয়া, চরকিরে ঘুরাইয়া,
আংগুইলদি হাজাইতা সুতা।
20গরিবর বায় চাইয়া, দেইন আত বাড়াইয়া,
মায়া করইন তাইন কাংগালরে।
21পরিবারর মানষর দায়, শীতো কুনু চিন্তা নায়,
হক্কলর গরম কাপড় আছে।
22বিছানার চাদ্দর তাইন, নিজে নিজেউ বানাইন,
ফিন্দইন তাইন খান্দানি শাড়ি।
23টাউনর গেইটর ছামনে, দেশর মুরব্বির লগে,
জামাইয়ে বইয়া বনে ইজ্জতি।
24সুন্দর কাপড় বানাইন, বানাইয়া বেচিলাইন,
কমরর বেল্ট বেচইন পাইকারি।
25তান লেবাছ অইলোগি, ইজ্জত আর বল-শক্তি,
নিচিন্তায় রইন হারা জিন্দেগি।
26মুখ খুলিয়াউ তাইন, গিয়ানদি মাতিলাইন,
হুকুম দেইন করিয়া মায়া।
27খিয়াল করইন সবরে, ঘরর সব বিষয়রে,
মেনত করইন আলসি ছাড়া।
28তান হুরুতাইন্তে কয়, “তুমি সুখি নিচ্চয়,”
জামাইয়েও কইন তারিফ করি:
29“দুনিয়াত বউত কইনা, তারাও গুনআলা,
হকলর মাজে সেরা তুমি।”
30রুপর জিলকানিদি, করা অয় ধুকাবাজি,
শরিলর সুন্দর রয় নারে।
অইলে যে বেটিয়ে, মাবুদর ডরে চলে,
মানষে তাইনর তারিফ করে।
31নিজর আতর কামর, পাওনা ফল তাইনর,
তান পাওনা ইজ্জত দেওয়া অউক।
টাউনর গেইটর ছামনে, সমাজর মানষর মাজে,
তান কামেউ তান তারিফ করউক॥
খতম॥
Currently Selected:
আছমানি কিতাব: সুলাইমানি ছিল্লেখ 31: sylB
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
আছমানি কিতাব: সুলাইমানি ছিল্লেখ 31
31
লেমুয়েল রাজার বুলি
1লেমুয়েল রাজার বুলি, মুলত তান মাʼয় তানরে অউ বুলি হিকাইছলা:
2ওরে আমার সোনা পুত, আমার পেটর পুয়া,
ও আমার মান্নতর পুত, তুমারে কইতাম কিতা?
3তুমার জুয়ানকির বল-শক্তি, দিও না বেটিন্তরে,
রাজারেও বিনাশ করে, বল দিও না ইতারে।
4রাজা অকলে শরাব খাওয়া, ঠিক নায়রে লেমুয়েল,
শাসনকারির মদর নিশা, ভালা নায়রে লেমুয়েল;
5মদ খাইলে তো ভুলিযিবো, আইন-কানুনর কথা,
দুখির কথা ফাউরিলিবো, বিচার করাত গিয়া।
6মরন পথে আছে যারা, তারারে মদ গিলাও,
মনর কষ্টত আছে যারা, এরারে শরাব দিলাও।
7শরাব খাইয়া নিজর অভাব, তারা ফাউরিলাউক,
নিজর মনর দুখ-কষ্ট তো, দিলো না থাকউক।
8মজলুমর পক্ষে মুখ খুলো, তারার লাগি মাতো,
নিজর কথা কইতে যারার, কুনু উপায় নায় তো।
9গরিব, দুখি, মজলুমর দায়, তুমার মুখ খুলো,
অভাবি আর দুখির লাগি, হক বিচার করো॥
গুনআলা বউ
10গুনআলা ভালা বউ, জুটে কার কপালো?
মনি-মুক্তা থাকি তাইন দামি।
11তাইনর উপরে ভরসা, জামাইয়ে করইন আশা,
জামাইর লাভর অয় না কমতি।
12নিজর জামাইর লাগি, হারা জিন্দেগি ভরি,
বুরাই ছাড়া করইন ভালা।
13সুতা-পশম যুগাইন, আতদি কাপড় বানাইন,
খুশিয়ে কাম করইন হামেশা।
14ইলা বউ অইলা তো, বেপারির জাজর মত,
বিদেশ থাকি খানি আনাইন।
15জুইত করইন পতাবালা, পরিবারর খানা-পিনা,
কামলা বেটিনরে খানি বিলাইন।
16লওয়ার আগে জমি, দেখইন যাচাই করি,
নিজর টেকাদি আংগুর ফলাইন।
17তাইন কমর বান্দিয়া, কাম করইন মন দিয়া,
আতর শক্তিদি কাম দেখাইন।
18দেখইন নিজর চউখদি, ব্যবসাত লাভ অইছে নি?
নিভে না বাত্তি রাইতর বালা।
19আতদি তুলা ধরিয়া, চরকিরে ঘুরাইয়া,
আংগুইলদি হাজাইতা সুতা।
20গরিবর বায় চাইয়া, দেইন আত বাড়াইয়া,
মায়া করইন তাইন কাংগালরে।
21পরিবারর মানষর দায়, শীতো কুনু চিন্তা নায়,
হক্কলর গরম কাপড় আছে।
22বিছানার চাদ্দর তাইন, নিজে নিজেউ বানাইন,
ফিন্দইন তাইন খান্দানি শাড়ি।
23টাউনর গেইটর ছামনে, দেশর মুরব্বির লগে,
জামাইয়ে বইয়া বনে ইজ্জতি।
24সুন্দর কাপড় বানাইন, বানাইয়া বেচিলাইন,
কমরর বেল্ট বেচইন পাইকারি।
25তান লেবাছ অইলোগি, ইজ্জত আর বল-শক্তি,
নিচিন্তায় রইন হারা জিন্দেগি।
26মুখ খুলিয়াউ তাইন, গিয়ানদি মাতিলাইন,
হুকুম দেইন করিয়া মায়া।
27খিয়াল করইন সবরে, ঘরর সব বিষয়রে,
মেনত করইন আলসি ছাড়া।
28তান হুরুতাইন্তে কয়, “তুমি সুখি নিচ্চয়,”
জামাইয়েও কইন তারিফ করি:
29“দুনিয়াত বউত কইনা, তারাও গুনআলা,
হকলর মাজে সেরা তুমি।”
30রুপর জিলকানিদি, করা অয় ধুকাবাজি,
শরিলর সুন্দর রয় নারে।
অইলে যে বেটিয়ে, মাবুদর ডরে চলে,
মানষে তাইনর তারিফ করে।
31নিজর আতর কামর, পাওনা ফল তাইনর,
তান পাওনা ইজ্জত দেওয়া অউক।
টাউনর গেইটর ছামনে, সমাজর মানষর মাজে,
তান কামেউ তান তারিফ করউক॥
খতম॥
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.