আছমানি কিতাব: সুলাইমানি ছিল্লেখ 30
30
ইয়াকর পুয়া আগুরর বুলি
1ই বুলি ইয়াকর পুয়া আগুরে ইথিয়েলর গেছে কইছে, ইথিয়েল আর উকালর গেছে কইছে:
2সব মানষর মাজে আমিউ, মুর্খ-সুর্খ বেআখল,
আমার মাজে না আছে, আদম জাতির গুন-আখল।
3বিবি গিয়ানর তালিম আমি, কুনুতাউ হিকছি না,
আল্লাই কুনু পাক ইলিম, কামাই আমি করছি না॥
4বেহেস্তো হামাইয়া হারি কে, লামাত লামি আইছে?
নিজর আতর মুটির ভিতরে, বাতাসরে কে হারাইছে?
দরিয়ার পানি বান্দিছে কে, নিজর চাদ্দর দিয়া?
কুন জনে বওয়াল করছে, জগতর হেশ সীমানা?
তান আর তান পুয়ার নাম কিতা, জানো নি পরিচয়?
তারার নাম জানিয়া থাকলে, আমারে কও নিচ্চয়!
5আল্লার পরতেক কালাম হাছা, পরমান অইছে নিখুত,
তাইনউ তারার আশ্রয়-মুকাম, যারা রয় তান ছায়াত।
6দুছরা কুন্তা বাড়াইও না, তান কালামর লগে,
বাড়াইলেউ খাইবায় ধামকি, মিছাখুর হিসাবে॥
7চাইয়ার আমি দুইটা জিনিস, আল্লা তুমার গেছে,
দিলাও তুমি ইতা মোরে, আমার মউতর আগে:
8ছল-চতুরি আর মিছা মাত, মোর থাকি দুরই রাখো,
হকির-ধনি করিও না মোরে, দরকারি খানি দিও;
9আরনায় ধনি অইয়া হারি, ফাউরিলিমু তুমারে,
পেট ভরিয়া খানি খাইয়া, কই “মাবুদ কেগুরে?”
মোর হকিরি হালতর দায়, আমি যুদি করি চুরি,
আমার আল্লার নামরে তো, করিলিমু বেইজ্জতি॥
10মালিকর গেছে তান চাকরর, বদনাম করিও না,
করিলে হে বদদোয়া দিবো, তুমি পাইবায় সাজা।
11সমাজো ইলা মানুষ আছে, গালি দেয় বাফরে,
নিজর মাʼরও চায় না ভালাই, ইজ্জত দেয় না মাʼরে।
12সমাজো ইলা মানুষ আছে, নিজর চখুত খাটি,
পাক-ছাফ তো অয় না তারা, নাপাকিত রয় ডুবি।
13ইলা আরো মানুষ আছে, গরিমায় চউখ ভরা,
তারার চউখর পাতার মাজে, অহংকারও অলা।
14ইলা আরো বউত আছে, যেতার দাত তলোয়ার,
গালর আড্ডি চাক্কুর লাখান, গরিব তারার শিকার,
গরিব-দুখিরে দুনিয়া থাকি, চায় গিলিলিতো,
অভাবি জনরে জগত থাকি, চায় মিটাইলিতো॥
15জুকর দুই মুখে চিল্লাইয়া কয়, “আরো দেও, আরো দেও!”
তিন জিনিসর পেট ভরে না, চাইরটায় কয় না “যথেষ্ট!”—
16কয়বর আর বাইঞ্জির পেটে, “যথেষ্ট অইছে,” কয় না,
মিটে না জমিনর পিয়াছ, আগুইনও কয় না অলা॥
17এলামির চউখে বাফর বায়, দুর-দুর করে যেরা,
বুড়া মাʼর বুলি মানতেও, এলা করে তারা,
অতার চউখ পাহাড়র কাউয়ায়, ঠুকরাইয়া বার করবো,
হকুনর বাইচ্চায় অতার চউখ, বার করিয়া খাইবো॥
18তিনটা জিনিস তাইজ্জুব লাগে, আমার নিজর গেছে,
চাইরটা জিনিস আজব বেয়াপার, আমি বুজি না রে:
19বড় চিল আছমানো উড়ে, কিতাত ভর দিয়া?
পাথরর উপরেদি হাফ যায়, কুন শক্তি পাইয়া?
গইন দরিয়াত জাজ চলে, তার পথ চিনে কেমনে?
বেটা-বেটির মিলা-মিশাত, কিজাতর পথ আছে?
20জিনাকুর বেটির পথ অইলো, খাইয়া মুখ ফুছিয়া,
“খারাপ কুনু কাম করছি না,” তাই তো মাতে অলা।
21তিন জিনিসর ভারে কাপে, হারা জগত-দুনিয়া,
চাইরটা জিনিসর উজন তো, সইতো পারে না:
22গুলামর ভার সয় না জগত, হে যেবলা অয় রাজা,
আম্মক জনর ভার সয় না, খাইলে পেট ভরিয়া,
23সমাজে ঘিন্নায় ইলা বেটি, তাই যুদি পায় জামাই,
আরক অইলো ইলা বান্দি, যেবলা বিবি বনিযায়॥
24চাইরটা জানদার আছে দুনিয়াত, দেখতে হুরু তারা,
অইলে তারা গিয়ানে ভরা, আখলে পুরপুরা:
25পিপড়া অইলা এক জানদার, তারার শক্তি থুড়া,
সময়মত খানি যুগায়, কুনু অভাব অয় না;
26শাফন-উন্দুর আরক জানদার, বল কম তারারও,
অইলে তারা বসত করইন, পাথরর ফাটলো;
27পংগপালও একজাত জানদার, যারার রাজা নায়,
তা-ও তারা দল বান্দিয়া, সিপাইর লাখান যায়;
28আলি অইলো আরক জানদার, আতদি তারে ধরা যায়,
হক্কলর ঘরো রইন তারা, রাজার ঘরোও হামায়॥
29তিনটা জানদার আটে-চলে, দেখাইয়া নবাবি,
চাইরটা জানদার চলে অলা, ধরিয়া রাজার ভংগি:
30সিংহ অলা একজাত জানুয়ার, হকল পশুর রাজা,
কুনু পশুর ছামন থাকি, হে তো যায় না বাগিয়া;
31বুক ফুলাইয়া চলরা মুরগা, ছাগলর মাজে পাঠা,
সিপাই দলর ছামনে রইয়া, হুকুম দেইন যে রাজা॥
32বড়লোকি ভান ধরলেউ, করা অয় আম্মকি,
পরার লাগি গাত খুদা, হরাও ইতা দিল থাকি।
33নাকো মারলে লউ বার অয়, দুধরে জাল দিলে ঘি,
রাগ তুলাইলে কাইজ্জা বাড়ে, লাগবো মারামারি॥
Currently Selected:
আছমানি কিতাব: সুলাইমানি ছিল্লেখ 30: sylB
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.
আছমানি কিতাব: সুলাইমানি ছিল্লেখ 30
30
ইয়াকর পুয়া আগুরর বুলি
1ই বুলি ইয়াকর পুয়া আগুরে ইথিয়েলর গেছে কইছে, ইথিয়েল আর উকালর গেছে কইছে:
2সব মানষর মাজে আমিউ, মুর্খ-সুর্খ বেআখল,
আমার মাজে না আছে, আদম জাতির গুন-আখল।
3বিবি গিয়ানর তালিম আমি, কুনুতাউ হিকছি না,
আল্লাই কুনু পাক ইলিম, কামাই আমি করছি না॥
4বেহেস্তো হামাইয়া হারি কে, লামাত লামি আইছে?
নিজর আতর মুটির ভিতরে, বাতাসরে কে হারাইছে?
দরিয়ার পানি বান্দিছে কে, নিজর চাদ্দর দিয়া?
কুন জনে বওয়াল করছে, জগতর হেশ সীমানা?
তান আর তান পুয়ার নাম কিতা, জানো নি পরিচয়?
তারার নাম জানিয়া থাকলে, আমারে কও নিচ্চয়!
5আল্লার পরতেক কালাম হাছা, পরমান অইছে নিখুত,
তাইনউ তারার আশ্রয়-মুকাম, যারা রয় তান ছায়াত।
6দুছরা কুন্তা বাড়াইও না, তান কালামর লগে,
বাড়াইলেউ খাইবায় ধামকি, মিছাখুর হিসাবে॥
7চাইয়ার আমি দুইটা জিনিস, আল্লা তুমার গেছে,
দিলাও তুমি ইতা মোরে, আমার মউতর আগে:
8ছল-চতুরি আর মিছা মাত, মোর থাকি দুরই রাখো,
হকির-ধনি করিও না মোরে, দরকারি খানি দিও;
9আরনায় ধনি অইয়া হারি, ফাউরিলিমু তুমারে,
পেট ভরিয়া খানি খাইয়া, কই “মাবুদ কেগুরে?”
মোর হকিরি হালতর দায়, আমি যুদি করি চুরি,
আমার আল্লার নামরে তো, করিলিমু বেইজ্জতি॥
10মালিকর গেছে তান চাকরর, বদনাম করিও না,
করিলে হে বদদোয়া দিবো, তুমি পাইবায় সাজা।
11সমাজো ইলা মানুষ আছে, গালি দেয় বাফরে,
নিজর মাʼরও চায় না ভালাই, ইজ্জত দেয় না মাʼরে।
12সমাজো ইলা মানুষ আছে, নিজর চখুত খাটি,
পাক-ছাফ তো অয় না তারা, নাপাকিত রয় ডুবি।
13ইলা আরো মানুষ আছে, গরিমায় চউখ ভরা,
তারার চউখর পাতার মাজে, অহংকারও অলা।
14ইলা আরো বউত আছে, যেতার দাত তলোয়ার,
গালর আড্ডি চাক্কুর লাখান, গরিব তারার শিকার,
গরিব-দুখিরে দুনিয়া থাকি, চায় গিলিলিতো,
অভাবি জনরে জগত থাকি, চায় মিটাইলিতো॥
15জুকর দুই মুখে চিল্লাইয়া কয়, “আরো দেও, আরো দেও!”
তিন জিনিসর পেট ভরে না, চাইরটায় কয় না “যথেষ্ট!”—
16কয়বর আর বাইঞ্জির পেটে, “যথেষ্ট অইছে,” কয় না,
মিটে না জমিনর পিয়াছ, আগুইনও কয় না অলা॥
17এলামির চউখে বাফর বায়, দুর-দুর করে যেরা,
বুড়া মাʼর বুলি মানতেও, এলা করে তারা,
অতার চউখ পাহাড়র কাউয়ায়, ঠুকরাইয়া বার করবো,
হকুনর বাইচ্চায় অতার চউখ, বার করিয়া খাইবো॥
18তিনটা জিনিস তাইজ্জুব লাগে, আমার নিজর গেছে,
চাইরটা জিনিস আজব বেয়াপার, আমি বুজি না রে:
19বড় চিল আছমানো উড়ে, কিতাত ভর দিয়া?
পাথরর উপরেদি হাফ যায়, কুন শক্তি পাইয়া?
গইন দরিয়াত জাজ চলে, তার পথ চিনে কেমনে?
বেটা-বেটির মিলা-মিশাত, কিজাতর পথ আছে?
20জিনাকুর বেটির পথ অইলো, খাইয়া মুখ ফুছিয়া,
“খারাপ কুনু কাম করছি না,” তাই তো মাতে অলা।
21তিন জিনিসর ভারে কাপে, হারা জগত-দুনিয়া,
চাইরটা জিনিসর উজন তো, সইতো পারে না:
22গুলামর ভার সয় না জগত, হে যেবলা অয় রাজা,
আম্মক জনর ভার সয় না, খাইলে পেট ভরিয়া,
23সমাজে ঘিন্নায় ইলা বেটি, তাই যুদি পায় জামাই,
আরক অইলো ইলা বান্দি, যেবলা বিবি বনিযায়॥
24চাইরটা জানদার আছে দুনিয়াত, দেখতে হুরু তারা,
অইলে তারা গিয়ানে ভরা, আখলে পুরপুরা:
25পিপড়া অইলা এক জানদার, তারার শক্তি থুড়া,
সময়মত খানি যুগায়, কুনু অভাব অয় না;
26শাফন-উন্দুর আরক জানদার, বল কম তারারও,
অইলে তারা বসত করইন, পাথরর ফাটলো;
27পংগপালও একজাত জানদার, যারার রাজা নায়,
তা-ও তারা দল বান্দিয়া, সিপাইর লাখান যায়;
28আলি অইলো আরক জানদার, আতদি তারে ধরা যায়,
হক্কলর ঘরো রইন তারা, রাজার ঘরোও হামায়॥
29তিনটা জানদার আটে-চলে, দেখাইয়া নবাবি,
চাইরটা জানদার চলে অলা, ধরিয়া রাজার ভংগি:
30সিংহ অলা একজাত জানুয়ার, হকল পশুর রাজা,
কুনু পশুর ছামন থাকি, হে তো যায় না বাগিয়া;
31বুক ফুলাইয়া চলরা মুরগা, ছাগলর মাজে পাঠা,
সিপাই দলর ছামনে রইয়া, হুকুম দেইন যে রাজা॥
32বড়লোকি ভান ধরলেউ, করা অয় আম্মকি,
পরার লাগি গাত খুদা, হরাও ইতা দিল থাকি।
33নাকো মারলে লউ বার অয়, দুধরে জাল দিলে ঘি,
রাগ তুলাইলে কাইজ্জা বাড়ে, লাগবো মারামারি॥
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Ahle Kitab Society. All rights reserved.