ꠎꠛꠥꠞ ꠡꠞꠤꠚ 9
9
ꠀꠟ-ꠎꠛꠥꠞ ৯
ꠄꠛꠣꠖꠔ-ꠛꠘ꠆ꠖꠦꠉꠤ ꠙꠞꠤꠌꠣꠟꠇꠞ ꠟꠣꠉꠤ: ꠡꠥꠞ ‘ꠝꠃꠔ-ꠟꠣꠛ꠆ꠛꠦꠘ’।
ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1ꠀꠝꠤ ꠙꠥꠞꠣꠙꠥꠞ ꠖꠤꠟꠦ-ꠎꠣꠘꠦ ꠝꠣꠛꠥꠖꠞ ꠉꠥꠘꠉꠣꠘ ꠉꠣꠁꠝꠥ,
ꠔꠥꠝꠣꠞ ꠇꠥꠖꠞꠔꠤ ꠇꠣꠝ-ꠇꠣꠎꠞ ꠇꠕꠣ ꠀꠝꠤ ꠔꠛꠟꠤꠉ ꠇꠞꠝꠥ।
2ꠀꠝꠤ ꠔꠥꠝꠣꠞꠦ ꠟꠁꠀꠃ ꠚꠥꠞ꠆ꠔꠤ-ꠀꠝꠥꠖ ꠇꠞꠝꠥ,
ꠅ ꠞꠣꠛ꠆ꠛꠥꠟ ꠀꠟꠣꠝꠤꠘ, ꠔꠥꠝꠣꠞ ꠘꠣꠝꠞ ꠔꠣꠞꠤꠚ ꠉꠤꠔ ꠉꠣꠁꠝꠥ।
3ꠖꠥꠡꠝꠘ ꠅꠇꠟ ꠎꠦꠛꠟꠣ ꠀꠝꠣꠞ ꠈꠞ ꠕꠣꠇꠤ ꠚꠤꠞꠤꠀ ꠎꠣꠄ,
ꠎꠣꠅꠀꠞ ꠇꠣꠟꠅ ꠃꠡ꠆ꠐꠣ ꠈꠣꠁꠀ ꠙꠠꠤꠀ ꠔꠣꠞꠣ ꠝꠞꠤꠎꠣꠄ।
4ꠘꠣꠟꠤꠡ ꠢꠥꠘꠤꠀ ꠔꠥꠝꠤ ꠀꠝꠣꠞ ꠙꠇ꠆ꠇꠦ ꠞꠣꠄ ꠖꠤꠍ,
ꠞꠣꠎ-ꠉꠖꠤꠔ ꠛꠁꠀ ꠔꠥꠝꠤ ꠔ ꠢꠇ ꠛꠤꠌꠣꠞ ꠇꠞꠍ।
5ꠔꠥꠝꠤ ꠜꠤꠘ ꠎꠣꠔꠤꠞꠦ ꠗꠣꠝꠇꠤ ꠖꠤꠀ ꠅꠃ ꠘꠣꠚꠞꠝꠣꠘ ꠛꠤꠘꠣꠡ ꠇꠞꠍ,
ꠔꠥꠝꠤ ꠌꠤꠞꠇꠣꠟꠞ ꠟꠣꠉꠤꠀ ꠁꠔꠣꠞ ꠘꠣꠝ ꠝꠤꠐꠣꠁꠟꠤꠍ।
6ꠁꠔꠣ ꠖꠥꠡꠝꠘ ꠅꠇꠟ ꠉꠦꠍꠦ ꠘꠤꠙꠣꠔ ꠅꠁꠀ,
ꠔꠣꠞꠣꠞ ꠛꠣꠠꠤ-ꠊꠞ ꠛꠤꠘꠣꠡ ꠌꠤꠞꠇꠣꠟꠞ ꠟꠣꠉꠤꠀ,
ꠔꠣꠞꠣꠞ ꠐꠣꠃꠘ ꠅꠇꠟ ꠔꠥꠝꠤ ꠚꠣꠟꠣꠁꠍ ꠔꠥꠟꠤꠀ,
ꠇꠥꠘꠥ ꠌꠤꠘ ꠘꠣꠝ-ꠘꠤꠡꠣꠘꠣ ꠘꠣ ꠞꠣꠈꠤꠀ।
7ꠅꠁꠟꠦ ꠝꠣꠛꠥꠖ ꠔ ꠞꠂꠘ ꠌꠤꠞꠇꠣꠟ,
ꠔꠣꠁꠘ ꠇꠞꠍꠂꠘ ꠛꠤꠌꠣꠞꠞ ꠉꠖꠤ ꠛꠅꠀꠁꠟ,
8ꠢꠇ-ꠁꠘꠍꠣꠚꠦ ꠎꠉꠔꠞ ꠛꠤꠌꠣꠞ-ꠚꠄꠍꠣꠟꠣ ꠇꠞꠛꠣ,
ꠢꠇ-ꠢꠣꠟꠣꠟꠤꠄ ꠔꠣꠝꠣꠝ ꠎꠣꠔꠤꠞ ꠛꠤꠌꠣꠞ ꠇꠞꠛꠣ।
9ꠎꠥꠟꠥꠝꠅ ꠙꠠꠣ ꠎꠘꠞ ꠟꠣꠉꠤ ꠝꠣꠛꠥꠖꠃ ꠔꠣꠞ ꠀꠡꠞꠄ,
ꠝꠍꠤꠛꠔꠞ ꠇꠣꠟꠅ ꠔꠣꠁꠘ ꠘꠤꠞꠣꠙꠖ ꠑꠤꠇꠣꠘꠣ ꠅꠄ।
10ꠔꠥꠝꠣꠞꠦ ꠌꠤꠘꠦ ꠎꠣꠞꠣ, ꠔꠥꠝꠣꠞ ꠃꠙꠞꠦ ꠜꠞꠡꠣ ꠇꠞꠦ ꠔꠣꠞꠣ,
ꠝꠣꠛꠥꠖ ꠉ, ꠔꠥꠝꠣꠞ ꠔꠣꠟ꠆ꠟꠣꠡ ꠇꠞꠞꠣ ꠀꠡꠤꠇꠞ ꠟꠉ ꠔꠥꠝꠤ ꠍꠣꠠꠍ ꠘꠣ।
11ꠍꠤꠅꠘ ꠘꠉꠞꠅ ꠛꠡꠔ ꠇꠣꠞꠤ ꠝꠣꠛꠥꠖꠞ ꠔꠣꠞꠤꠚ-ꠉꠎꠟ ꠉꠣꠅ,
ꠔꠣꠘ ꠇꠥꠖꠞꠔꠤ ꠟꠤꠟꠣ-ꠈꠦꠟꠣꠞ ꠛꠄꠀꠘ ꠢꠇ꠆ꠇꠟ ꠎꠣꠔꠤꠞꠦ ꠎꠣꠘꠣꠅ।
12ꠈꠥꠘ-ꠈꠣꠞꠣꠙꠤꠞ ꠛꠖꠟꠣ ꠖꠦꠅꠞꠣꠄ ꠝꠘꠅ ꠞꠣꠈꠂꠘ ꠢꠇꠟꠔꠣ,
ꠖꠥꠈꠤ-ꠇꠣꠋꠉꠣꠟꠞ ꠇꠣꠘ꠆ꠖꠘ ꠔꠣꠁꠘ ꠇꠥꠘꠥꠖꠤꠘ ꠚꠣꠃꠞꠂꠘ ꠘꠣ।
13ꠖꠥꠡꠝꠘꠞ ꠀꠔꠅ ꠖꠥꠞ꠆ꠖꠡꠣ ꠖꠦꠈꠤꠀ ꠞꠢꠝ ꠇꠞꠅ ꠝꠣꠛꠥꠖ ꠉ,
ꠝꠃꠔꠞ ꠖꠥꠀꠞ ꠕꠣꠇꠤ ꠔꠥꠝꠤ ꠀꠝꠣꠞꠦ ꠔꠥꠟꠤꠀ ꠘꠦꠅ ꠉ,
14ꠎꠣꠔꠦ ꠔꠥꠝꠣꠞ ꠡꠥꠇꠞꠤꠀ-ꠔꠣꠞꠤꠚ ꠀꠝꠤ ꠉꠣꠁꠔꠣꠝ ꠙꠣꠞꠤ,
ꠔꠥꠝꠤ ꠀꠝꠣꠞ ꠎꠣꠘ ꠛꠣꠌꠣꠘꠤꠄ ꠀꠝꠤ ꠇꠞꠝꠥ ꠈꠥꠡꠤ-ꠛꠣꠡꠤ,
ꠍꠤꠅꠘ ꠘꠉꠞꠤꠞ ꠙꠣꠠꠣꠄ ꠙꠣꠠꠣꠄ ꠇꠞꠝꠥ ꠘꠣꠌꠣ-ꠘꠣꠌꠤ।
15ꠘꠤꠎꠞ ꠈꠥꠠꠣ ꠉꠣꠔꠅ ꠙꠠꠤꠀ ꠜꠤꠘ ꠎꠣꠔꠤ ꠛꠥꠠꠤꠉꠦꠍꠦ,
ꠔꠣꠞꠣꠞ ꠙꠣꠔꠣꠁꠟ ꠟꠥꠇꠣꠁꠟ ꠚꠣꠘ꠆ꠖꠅ ꠔꠣꠞꠣꠞꠃ ꠙꠣꠅ ꠢꠣꠝꠣꠁꠍꠦ।
16ꠝꠣꠛꠥꠖꠦ ꠘꠤꠎꠞꠦ ꠎꠣꠁꠞ ꠇꠞꠤꠀ ꠢꠇ ꠛꠤꠌꠣꠞ ꠇꠞꠍꠂꠘ,
ꠘꠣꠚꠞꠝꠣꠘ ꠖꠟꠞ ꠛꠣꠘꠣꠁꠟ ꠚꠣꠘ꠆ꠖꠅ ꠔꠣꠞꠣꠃ ꠀꠐꠇꠤꠍꠂꠘ।(ꠢꠤꠉ꠆ꠉꠣꠄꠅꠘ-ꠍꠦꠟꠣ)
17ꠘꠣꠚꠞꠝꠣꠘ ꠅꠇꠟ ꠢꠣꠝꠣꠃꠇ ꠉꠤꠀ ꠉꠁꠘ ꠙꠣꠔꠣꠟꠦ,
ꠅꠔꠣꠞ ꠟꠉꠦ ꠜꠤꠘ ꠎꠣꠔꠤꠅ ꠜꠥꠟꠤ ꠎꠣꠁꠘ ꠎꠦꠔꠣꠄ ꠀꠟ꠆ꠟꠣꠞꠦ।
18ꠘꠤꠞꠣꠡ꠆ꠞꠄꠞꠦ ꠚꠣꠃꠞꠂꠘ ꠘꠣ ꠔꠣꠁꠘ ꠌꠤꠞꠇꠣꠟꠞ ꠖꠣꠄ,
ꠖꠥꠈꠤ-ꠇꠣꠋꠉꠣꠟꠞ ꠀꠡꠣꠅ ꠇꠥꠘꠥꠖꠤꠘ ꠛꠤꠚꠟꠦ ꠎꠣꠁꠔ ꠘꠣꠄ।
19ꠎꠟꠖꠤ ꠀꠅ ꠉ ꠝꠣꠛꠥꠖ!
ꠝꠣꠘꠡꠦ ꠎꠣꠘꠥ ꠘꠣ ꠖꠦꠈꠣꠄ ꠛꠣꠠꠔꠤ ꠛꠣꠢꠣꠖꠥꠞꠤ,
ꠔꠥꠝꠣꠞ ꠍꠣꠝꠘꠦ ꠛꠤꠌꠣꠞ ꠅꠃꠇ ꠢꠇꠟ ꠜꠤꠘ ꠎꠣꠔꠤ।
20ꠒꠞ-ꠜꠄ ꠖꠦꠈꠣꠅ ꠝꠣꠛꠥꠖ ꠔꠥꠝꠤ ꠔꠣꠞꠣꠞꠦ,
ꠔꠣꠞꠣ ꠈꠣꠟꠤ ꠝꠣꠐꠤꠞ ꠝꠣꠘꠥꠡ ꠎꠣꠘꠃꠇ ꠜꠤꠘ ꠎꠣꠔꠤꠄ। (ꠍꠦꠟꠣ)॥
Currently Selected:
ꠎꠛꠥꠞ ꠡꠞꠤꠚ 9: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
