ꠎꠛꠥꠞ ꠡꠞꠤꠚ 26
26
ꠀꠟ-ꠎꠛꠥꠞ ২৬
ꠢꠎꠞꠔ ꠖꠣꠃꠖꠞ ꠝꠤꠎꠝꠞ।
1ꠀꠝꠤ ꠎꠦꠘ ꠘꠤꠞ꠆ꠖꠥꠡꠤ ꠝꠣꠛꠥꠖ, ꠔꠥꠝꠤ ꠔꠣ ꠇꠞꠅ ꠉ ꠎꠣꠁꠞ,
ꠀꠝꠤ ꠔ ꠢꠇ ꠙꠕꠦꠃ ꠌꠟꠤꠀꠞ,
ꠝꠣꠛꠥꠖꠞ ꠃꠙꠞꠦꠃ ꠜꠞꠡꠣ ꠇꠞꠤꠀꠞ,
ꠛꠖꠟꠣꠁꠔꠣꠝ ꠘꠣꠄ ꠘꠤꠅꠔ ꠀꠝꠣꠞ।
2ꠝꠣꠛꠥꠖ ꠉ, ꠀꠝꠣꠞꠦ ꠀꠎꠝꠣꠁꠀ ꠖꠦꠈꠅ,
ꠀꠝꠣꠞ ꠖꠤꠟ ꠙꠞꠤꠇ꠆ꠇꠣ ꠇꠞꠤꠀ ꠎꠣꠌꠣꠁ ꠇꠞꠅ।
3ꠔꠥꠝꠣꠞ ꠖꠄꠀ-ꠝꠣꠄꠀ ꠔ ꠀꠝꠣꠞ ꠌꠈꠥꠞ ꠍꠣꠝꠘꠦ,
ꠀꠝꠤ ꠌꠟꠤ ꠔꠥꠝꠣꠞ ꠖꠦꠈꠣꠁꠟ ꠢꠇ ꠙꠕꠦ।
4ꠝꠤꠍꠣ ꠝꠣꠔꠞꠣꠞ ꠀꠒ꠆ꠒꠣꠔ ꠀꠝꠤ ꠛꠁ ꠘꠣ,
ꠛꠦꠁꠝꠣꠘ-ꠝꠥꠘꠣꠚꠤꠇꠞ ꠗꠣꠞꠅ ꠇꠣꠍꠦ ꠎꠣꠁ ꠘꠣ।
5ꠈꠛꠤꠍ-ꠘꠣꠚꠞꠝꠣꠘꠞ ꠡꠋ ꠕꠣꠇꠤ ꠢꠞꠤꠀ ꠞꠁ,
ꠛꠎ꠆ꠎꠣꠔ ꠅꠇꠟꠞ ꠀꠒ꠆ꠒꠣꠔ ꠀꠝꠤ ꠘꠣ ꠛꠁ।
6ꠈꠣꠟꠣꠍꠞ ꠞꠣꠄ ꠙꠣꠁꠀ ꠉ ꠝꠣꠛꠥꠖ, ꠀꠔ ꠗꠁꠍꠤ ꠀꠝꠤ,
ꠔꠥꠝꠣꠞ ꠊꠞ ꠔꠅꠀꠚ ꠇꠞꠤꠀ ꠀꠖꠣꠄ ꠇꠞꠤ ꠇꠥꠞꠛꠣꠘꠤ।
7ꠎꠥꠞꠦ ꠎꠥꠞꠦ ꠔꠥꠝꠣꠞ ꠡꠥꠇꠞꠤꠀ ꠎꠣꠘꠣꠁꠞꠣꠝ,
ꠔꠥꠝꠣꠞ ꠢꠇ꠆ꠇꠟ ꠇꠦꠞꠣꠝꠔꠤꠞ ꠇꠕꠣ ꠇꠁꠞꠣꠝ।
8ꠝꠣꠛꠥꠖ, ꠔꠥꠝꠣꠞ ꠛꠡꠔ ꠊꠞ ꠀꠝꠤ ꠜꠣꠟꠛꠣꠡꠤ,
ꠎꠦ ꠎꠣꠉꠣꠔ ꠔꠥꠝꠣꠞ ꠉꠃꠞꠛ-ꠝꠢꠤꠝꠣꠞ ꠛꠡꠔꠤ।
9ꠉꠥꠘꠣꠉꠣꠞꠞ ꠟꠉꠦ ꠀꠝꠣꠞ ꠎꠣꠘ ꠘꠣ ꠘꠤꠅ,
ꠈꠥꠘꠤ ꠅꠇꠟꠞ ꠟꠉꠦ ꠀꠝꠣꠞ ꠝꠞꠘ ꠘꠣ ꠖꠤꠅ।
10ꠔꠣꠞꠣꠞ ꠀꠔꠅ ꠀꠍꠦ ꠈꠣꠟꠤ ꠘꠣꠚꠞꠝꠣꠘꠤ,
ꠒꠣꠁꠘ ꠀꠔ ꠜꠞꠣ ꠔꠣꠞꠣꠞ ꠊꠥꠡꠞ ꠐꠦꠇꠣꠖꠤ।
11ꠀꠝꠤ ꠔ ꠌꠟꠤ ꠢꠇ-ꠢꠣꠟꠣꠟ ꠙꠕꠦ,
ꠖꠄꠀ-ꠝꠣꠄꠀ ꠇꠞꠤꠀ ꠈꠣꠟꠣꠍ ꠇꠞꠅ ꠝꠞꠦ।
12ꠢꠝꠣꠘ ꠎꠣꠉꠣꠔ ꠝꠎꠛꠥꠔ ꠀꠍꠦ ꠀꠝꠣꠞ ꠖꠥꠁꠅ ꠙꠣꠅ,
ꠝꠣꠛꠥꠖꠞ ꠔꠣꠞꠤꠚ ꠇꠞꠝꠥ ꠀꠝꠤ ꠝꠢꠣ ꠝꠎꠟꠤꠍꠅ॥
Currently Selected:
ꠎꠛꠥꠞ ꠡꠞꠤꠚ 26: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
