Sam 99
99
E Tamasa sa Baṉara Lavata
1E Zihova si koa Baṉara,#Ekd 25:22
madi tarazuzu sari na tinoni!
Habotu si Asa pa Nana habohabotuana Baṉara pa varikorapadi rina mateana serubimi,
ke niniu sa popoa pepeso.
2Nomana lavata se Zihova sapu koana pa Zaione;
Asa si koa na ṉati Baṉara koari doduru butubutu.
3Madi vahesia sa Pozana e Zihova, sapu marilaena hola!
Variva matagutuna meke Hopena si Asa!
4Baṉara heheda, qetu nia Goi gua sapu toṉoto;
ele va tana va toṉotia Goi gua sapu garo koari na tie Izireli.
Ele evaṉia Goi sa tinoṉoto meke sa lineana koarini.
5Vahesia se Zihova sa nada Tamasa;
mi hoqa vahesia pa kenuna Sa Nana habohabotuana baṉara!
Na hopena si Asa.
6Ari Mosese, e Eroni, meke sari tudia si na hiama te Tamasa,
meke e Samuela si na tie pu varavara la koa Sa;
sari kasa hire si hoke tepatepa la koa Sa, meke avosi Sa si arini.
7Zama la koa rini sa Tamasa pa korapana sa lei sapu turu sage guana dedegere lavata,#Ekd 33:9
va tabei rini sari na tinarae na ginarunu pu poni ni na tozi ni Sa.
8Kei Zihova mami Tamasa, ele olaṉi Goi sari na dia tinepatepa;
na Tamasa taleosae si Goi koa rini,
ba va kilasi tu Goi sarini koari na dia sinea.
9Mada va lavatia se Zihova sa nada Tamasa,
mada vahesia si Asa pa Nana toqere hopena.
Ura na hopena na viana se Zihova sa nada Tamasa.
Currently Selected:
Sam 99: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
