Sam 93
93
Tamasa sa Baṉara
1E Zihova si koa Baṉara,
meke tagoa Sa sa tinolava variva magasana meke sa ṉiniraṉira.
Ele tava turu va nabu sa pepeso,
meke lopu kaqu tava rizu si asa.
2Kei Zihova, sa Mua habohabotuana Baṉara si tava tana va ṉiṉira mae tu pa pinodalaena,
meke Agoi si ele koa tu, sipu ta evaṉa sa totoso.
3Kei Zihova, ṉiṉira sa ovaṉadi rina kolo lamana
pa totoso nakili na bogusu sa kolo.
4E Zihova si koa Baṉara panaulu pa Maṉauru,
meke ṉiṉira hola ni Sa sari na kolo ololobagea ṉiṉiradi,
meke na podaladi rina tovovo.
5Kei Zihova, sari na Mua tinarae si koa hola ninae rane,
meke sa Mua Zelepade si hopena ninae rane.
Currently Selected:
Sam 93: ROV
Highlight
Copy
Compare
Share
Want to have your highlights saved across all your devices? Sign up or sign in
© 2016, Wycliffe Bible Translators, Inc. All rights reserved.
